🛠Հայաստանի կոմունիստական կուսակցությունը նշեց Խորհրդային Հայաստանի կազմավորման 105-րդ տարեդարձը

На русском здесь.

🇷🇺🇷🇺🇷🇺

🇦🇲 Նախ, մասնակիցները քայլերթով այցելեցին ականավոր խորհրդային գործիչներ Ալեքսանդր Մյասնիկյանի, Ստեփան Շահումյանի, ինչպես նաև խորհրդային կարգերի հաստատման համար իրենց կյանքը նվիրած կարմիրբանակայինների հուշարձանին և Սովետական իշխանության հաստատման 50-ամյակին նվիրված հուշակոթողին։ Հայտարարված հարգանքի տուրքի շրջանակում խոնարհվեցին ծաղիկներ և ծաղկեպսակներ։

‼️Այնուհետև մասնակիցները քայլերթով շարժվեցին դեպի ՀՀ գլխավոր դատախազություն, որտեղ հնչեց պահանջ՝ ազատ արձակել բոլոր քաղբանտարկյալներին։ Այստեղ ելույթ ունեցավ ՀԿԿ Կենտկոմի առաջին քարտուղար Երջանիկ Ղազարյանը։

⭐️Ակցիայի ավարտից հետո մասնակիցները շարունակեցին երթը և այցելեցին վետերանների միավորում, որտեղ տեղի ունեցավ հանդիսավոր նիստ՝ նվիրված Հայկական Խորհրդային Սոցիալիստական Հանրապետության կազմավորման 105-ամյակին։

⚙️ՀԿԿ Կենտկոմի առաջին քարտուղար Երջանիկ Ղազարյանի ելույթը գլխավոր դատախազության դիմաց։

🪶ՀԿԿ Կենտկոմի առաջին քարտուղար Երջանիկ Ղազարյանի ելույթը, նվիրված ՀԽՍՀ կազմավորման 105 ամյակին։

🛠35 տարին ՀԽՍՀ-ի և 35 տարին ՀՀ-ի․ զարգացման երկու տարբեր տրամաբանություններ

На русском здесь 🇷🇺🇷🇺🇷🇺

🪶արդեն լրացել է Հայաստանի խորհրդայինացման 105-րդ տարեդարձը, և այդ կապակցությամբ մենք պատրաստել ենք այս համեմատությունը։

Երբ համեմատում ենք Հայկական Խորհրդային Սոցիալիստական Հանրապետության 35 տարիները (մոտավորապես 1920–1955) և Հայաստանի Հանրապետության 35 տարիները (1991–2026), ակնհայտ է դառնում․ խոսքը ոչ թե երկու ժամանակաշրջանների, այլ ապագայի երկու արմատապես տարբեր մոդելների մասին է։ Եվ առավել կարևորն այն է, որ մեկնարկային պայմանները լիովին տարբեր էին ոչ ի օգուտ ՀԽՍՀ-ի։

🇦🇲 ՀԽՍՀ․
մեկնարկ՝ զրոյից
1920 թ․։ Քայքայում, համաճարակներ, աղքատություն, արդյունաբերության բացակայություն, գրե թե բացարձակ անգրագիտություն, ավերված ենթակառուցվածք, փախստականներ, ցեղասպանության հետևանքներ։
☄️Բոլոր կանխատեսումներով երկիրը դատապարտված էր։
Բայց ընդամենը 35 տարում Հայաստանը դարձավ լիարժեք արդյունաբերա-մշակութային հանրապետություն։ Ինչո՞ւ։ Որովհետև գործարկվեց մի մեխանիզմ, որը ժամանակակից Հայաստանը երբեք չի ունեցել՝ գիտական կառավարմամբ և հստակ զարգացման նպատակներով պլանային տնտեսություն։
⚒Պլանային տնտեսությունն էր այն տարիների գլխավոր շարժիչը։
Հնգամյակները որոշում էին՝ ինչ կառուցել, որտեղ և ինչ նպատակով։
🥖Ռեսուրսները ուղղվում էին ոչ թե այնտեղ, որտեղ կարելի է արագ հարստանալ, այլ այնտեղ, որտեղ դա անհրաժեշտ էր երկրի զարգացման համար․ ՀԷԿ-եր, գործարաններ, ճանապարհներ, դպրոցներ, հիվանդանոցներ, ջրամբարներ, գիտահետազոտական ինստիտուտներ, տեխնիկական ուսումնարաններ, մշակույթի կենտրոններ։ Ինդուստրացումը ընթանում էր առանց քաոսի և կոռուպցիոն «տենդերների»։ Բնակարանաշինությունը՝ զանգվածային և մատչելի, ենթակառուցվածքները՝ համալիր, իսկ ժողովուրդը նետված չէր շուկայի քմահաճույքին։

🇦🇲Կոմկուսի ղեկավարող դերը
Կոմունիստական կուսակցությունը կատարում էր ոչ թե դեկորատիվ, այլ ռազմավարական ֆունկցիա․ այն պետության միտքն ու նյարդային համակարգն էր, զարգացման կազմակերպիչն ու վերահսկողը, երաշխավորը, որ յուրաքանչյուր ծրագիր և շինարարություն իրականություն էր դառնում, այլ ոչ թե մնում թղթի վրա։
Այդ համակարգում անձնական հավակնությունները ենթարկվում էին հանրային շահին, կարիերա կառուցել կարելի էր գիտելիքի ու աշխատանքի շնորհիվ, ոչ թե կոռուպցիայի, կապերի կամ օլիգարխիկ «կռիշի» միջոցով։
Այստեղից էլ՝ Հայաստանը ագրարային երկրից վերածվեց արդյունաբերական գիգանտի, ստեղծեց գիտական կենտրոններ, որոնք աշխատում էին ամբողջ Միության համար, ապահովեց սոցիալական վերելք, մատչելի, անվճար և ժամանակակից բուժօգնություն, կրթություն և մշակույթ, ունեցավ բնակչության ահռելի աճ։

🇦🇲ՀՀ․ մեկնարկ՝ պատրաստ հիմքից և դրա կորուստ։

☄️Հիմա՝ ՀՀ-ի մասին։ 1991-ին Հայաստանը ստացավ ամեն ինչ․ գործարաններ, դպրոցներ, գիտական ինստիտուտներ, էներգետիկ համակարգ, մասնագետներ, ենթակառուցվածք։
Այն ամենն ինչ ՀԽՍՀ-ն տասնամյակներով ստեղծել էր՝ արդեն կանգնած էր և աշխատող էր։
Սակայն առանց պլանային տնտեսության և առանց այնպիսի կուսակցության, որը կարող էր պահել ռազմավարական կուրսը, երկիրը նետվեց շուկայի քաոսի մեջ։

💵35 տարվա ՀՀ-ի արդյունքը դարձավ կործանարար․ գործարանները փակվեցին, վերածվեցին մետաղի ջարդոնի կամ պահեստների, գիտական կադրերը հեռացան, արտադրությունը փոխարինվեց ներմուծմամբ, սոցիալական վերելքը վերացավ, կրթությունն ու բժշկությունը դարձան վճարովի, բնակչությունն անկում է ապրում, իսկ քաղաքականության գլխավոր նպատակը դարձավ անձնական հարստացումը, ոչ թե երկրի զարգացումը։
Սա ոչ պատահականություն է և ոչ էլ «սխալ մասնավորեցում»․ սա տրամաբանական հետևանքն է այն բանի, որ չկար պլանային, կենտրոնացված քաղաքականություն, չկար Կոմկուսի նման ուժ, որը պետությանը պահեր ռազմավարական ուղղության մեջ, ոչ թե օլիգարխական շահերի։

🫂Տարբերությունն էականորեն պարզ է․

🇦🇲ՀԽՍՀ-ն երկիր էր կառուցում համակարգված, ծրագրված՝ ապագան աչքի առաջ։

🇦🇲ՀՀ-ն ապրում է շուկայի տրամաբանությամբ, որտեղ ապագան ոչ ոք չի ծրագրում, իսկ ներկան գտնվում է մի քանի կապիտալիստների ձեռքերում։

☄️Եզրակացություն
35 տարին ՀԽՍՀ-ի պատմություն է ստեղծման, իսկ 35 տարին ՀՀ-ի՝ ստեղծվածի սպառման։
Եվ այս համեմատությունն ապացուցում է մի բան․ երկիրը պետք ունի ոչ թե դատարկ լոզունգներ, այլ ըմբռնում, որ զարգացումը հնարավոր է միայն այն դեպքում, երբ կա պլան և այն իրագործելու կարող քաղաքական ուժ։ Ինչպես այն ժամանակ էր, և ինչպես այսօր այդքան պակասում է։

🛠Հայաստանի կոմունիստական կուսակցության հայտարարությունը

🇷🇺🇷🇺🇷🇺 На русском здесь.

🇻🇪🇦🇲 Հայաստանի կոմունիստական կուսակցությունը խստորեն դատապարտում է Միացյալ Նահանգների կողմից Վենեսուելայի դեմ իրականացված ռազմական գործողությունները, որոնք 2026 թվականի հունվարի 3-ին վերածվեցին բացահայտ զինված հարձակման ինքնիշխան պետության վրա։

🇫🇷ԱՄՆ ռազմաօդային ուժերի հարվածները Կարակասին և երկրի այլ ռազմավարական կենտրոններին ուղեկցվել են խաղաղ բնակչության շրջանում զոհերով։ Թիրախավորվել են պետական կառավարման և քաղաքացիական ենթակառուցվածքների օբյեկտներ, ինչը վկայում է գործողությունների իրական նպատակի մասին՝ վախի մթնոլորտ ստեղծել, ապակայունացնել երկիրը և բռնությամբ պարտադրել արտաքին քաղաքական կամքը։

🇺🇳Տեղի ունեցածը միջազգային իրավունքի և ՄԱԿ-ի կանոնադրության կոպիտ խախտում է։ Սա ոչ թե առանձին ռազմական միջադեպ է, այլ նպատակաուղղված քաղաքական գործողություն՝ ուղղված օրինական ընտրված իշխանության տապալմանը և Վենեսուելայում կախյալ վարչակարգի հաստատմանը։

🏴‍☠️Վենեսուելայի դեմ այս հարձակումը շարունակությունն է Միացյալ Նահանգների երկարամյա միջամտողական քաղաքականության, որի հետևանքով տասնամյակների ընթացքում տարբեր տարածաշրջաններում խաթարվել են պետությունների ինքնիշխանությունը, քայքայվել հասարակություններ և զոհվել միլիոնավոր մարդիկ։ «Անվտանգության» և «ժողովրդավարության» կարգախոսների ներքո իրականացված պատերազմները իրականում ծառայել են գլոբալ կապիտալի և ռազմարդյունաբերական համալիրի շահերին։

🇻🇪Վենեսուելան քառորդ դար շարունակ դիմակայել է տնտեսական ճնշումներին, պատժամիջոցներին և արտաքին քաղաքական շանտաժին՝ պաշտպանելով ինքնուրույն զարգացման իր ընտրությունը։ Այդ դիմադրությունը դարձել է ոչ միայն ազգային ինքնապաշտպանություն, այլև օրինակ այն ժողովուրդների համար, որոնք չեն ցանկանում հաշտվել արտաքին թելադրանքի հետ։

🇦🇲Խորին մտահոգություն է առաջացնում Վենեսուելայի օրինական ընտրված նախագահի և նրա ընտանիքի նկատմամբ կիրառված բռնությունը։ Սա վտանգավոր նախադեպ է, որը խարխլում է միջազգային հարաբերությունների հիմնարար սկզբունքները և բացում ճանապարհ նոր, առավել վտանգավոր էսկալացիաների համար։

🇦🇲Հայաստանի կոմունիստական կուսակցությունը իր լիակատար համերաշխությունն է հայտնում Վենեսուելայի ժողովրդին և դատապարտում է ցանկացած փորձ՝ ուժի միջոցով խախտելու պետությունների ինքնիշխանությունն ու ժողովուրդների կամարտահայտությունը։

⚜️Մենք կոչ ենք անում միջազգային հանրությանը, մասնավորապես՝ այն երկրներին և քաղաքական ուժերին, որոնք հանդես են գալիս բազմաբևեռ աշխարհի և միջազգային իրավունքի պաշտպանության օգտին, հանդես գալ համատեղ և հետևողական դիրքորոշմամբ՝ ընդդեմ ռազմական ագրեսիայի և միջամտության քաղաքականության։

🚩 Այսօր առավել քան ակնհայտ է, որ իմպերիալիզմը շարունակում է մնալ համաշխարհային անկայունության և պատերազմի հիմնական աղբյուրը։ Միայն ժողովուրդների համախմբված պայքարը՝ հանուն սոցիալական արդարության, խաղաղության և իրական ժողովրդավարության, կարող է հակազդել այդ վտանգավոր միտումներին։

Հայաստանի կոմունիստական կուսակցություն

🛠 От лица пресс службы Партии сердечно поздравляем первого секретаря ЦК компартии Армении Товарища Казаряна и желаем ему всяческих успехов!

🛠 Председатель ЦК Коммунистической Партии Российской Федерации Генадий Андреевич Зюганов. Выступил с заявлением.

Коммунистическая Партия Армении полностью солидарна с этой позицией и поддерживает это заявление.

🇦🇲 Հայաստանի Կոմունիստական կուսակցության կենտրոնական կոմիտեի հայտարարությունը Իրանի դեմ իրականացված ագրեսիայի կապակցությամբ

Русская версия тут

ՀԿԿ Կենտրոնական կոմիտեն հայտնում է իր խորը վիշտ Իրանում տեղի ունեցած իրադարձությունների կապակցությամբ, որոնք բազմաթիվ քաղաքացիական զոհերի պատճառ են դարձել։

Մեծ ցավով տեղեկացանք իրանցի աշակերտուհիների մահվան մասին։ Երեխաների սպանությունից առավել հանցավոր բան չի կարող լինել։ Մենք խստորեն դատապարտում ենք անմեղ երեխաների մահվան հանգեցնող ցանկացած գործողություն։ ՀԿԿ-ն իր ցավակցությունն է հայտնում զոհվածների ընտանիքներին, սիրելիներին և ողջ եղբայրական Իրանի ժողովրդին։ Մենք աջակցում ենք այս ողբերգական միջադեպերի արդար հետաքննության պահանջին։

Հետևելով Իրանում տեղի ունեցող զարգացումներին՝ մենք ստիպված ենք ևս մեկ անգամ ընդունել Ամերիկայի Միացյալ Նահանգների և նրա արբանյակների ապակառուցողական դերը։ Իրանում տեղի ունեցող ողբերգական իրադարձությունները տեղի են ունենում արտաքին ճնշման աճի և երկիրը անկայունացնելու փորձերի ֆոնին։ Մենք վերահաստատում ենք մեր կատեգորիկ անվստահությունը Միացյալ Նահանգների և նրա հանցակիցների նկատմամբ։ Ակնհայտ է, որ Վաշինգտոնը և նրա դաշնակիցները, մարդու իրավունքների քողի տակ, հետապնդում են զուտ եսասիրական աշխարհաքաղաքական նպատակներ՝ թուլացնել Իրանը որպես տարածաշրջանային տերություն և իրականացնել «գունավոր հեղափոխություն» ։ Ինչպես նախկինում զգուշացրել էինք, Հայաստանի իշխանությունների և Միացյալ Նահանգների միջև ստորագրված փաստաթուղթը բացահայտ հակաիրանական է։ Մենք տեսնում ենք, թե ինչպես են արևմտյան ուժերը փորձում շահագործել ցանկացած ողբերգություն՝ անհամաձայնություն և քաոս հրահրելու համար։

Իրանի Իսլամական Հանրապետությունը Հայաստանի համար բարեկամ երկրիր է և մեր ռազմավարական գործընկերը։ Մենք ունենք ընդհանուր սահման և բարիդրացիության դարավոր պատմություն։ Իրանում անկայունությունը անմիջական սպառնալիք է ներկայացնում Հայաստանի անվտանգության և տնտեսության համար։ Մենք կոչ ենք անում Հայաստանի իշխանություններին չտրվել արտաքին սադրանքներին և զերծ մնալ ցանկացած քայլից, որը կարող է մեկնաբանվել որպես հակաիրանական արշավին մասնակցություն։ Այս դժվարին ժամանակներում մենք պետք է համերաշխություն ցուցաբերենք Իրանի ժողովրդի հետ։

ՀԿԿ-ն կոչ է անում միջազգային հանրությանը օբյեկտիվ գնահատական ​​տալ ստեղծված իրավիճակին, կանխել Իրանի ներքին գործերին միջամտությունը և դադարեցնել քաղաքացիական անձանց կորուստները։ Մենք բարձրաձայն և միանշանակ հայտարարում ենք. պատերազմը պետք է ավարտվի։ Ցանկացած ռազմական հակամարտություն բերում է միայն մահ, ավերածություններ և հետագա տառապանքներ։ Անընդունելի է, որ արտաքին խաղացողները տարածաշրջանը մղեն մեծ պատերազմի շեմին։ Իրանի ժողովրդի արյունը չպետք է թափվի որևէ մեկի պահանջով։ Մենք կոչ ենք անում բոլոր կողմերին զերծ մնալ իրավիճակի սրացումից և բոլոր վեճերը լուծել բացառապես խաղաղ, դիվանագիտական ​​միջոցներով։ Իրանին Հայաստանին և տարածաշրջանի բոլոր ժողովուրդներին խաղաղություն է պետք։

Ո՛չ պատերազմին: Ո՛չ իմպերիալիզմին։

ՀԿԿ Կենտրոնական կոմիտե