‼️Честовані жителї Коцок! Сервером ся шырит нова неясна болячка, робоча назва Черленяк-89. ‼️

Симптомы — чудні черлені грибы нароставут на обшарю. Раз за болячку дуже мало чого знаєме, айбо сокотїт ся, носїт маску, не токміт ся из силянами без рукавиць. Не пудходьте до мобӯв ближе як на два блокы.

Репортаж веде авантурішта Мигаль прямо из спавна.

Нись рада Вассерова приняла рішеня про закрываня штрекы на пути в село тай пошкозеня 2-х мосту, дов часу кой епідемія віруса не спадне гет. В плану є ищи ставленя преград про розшырованя інфекції.

✨Честовані жителї світу Коцок, маву парадну новину!✨

У надїї побороти вірус 🍄Черленяк-89🍄 перепробовав им много всього. Кой научні методы вжек не лишили надїй, та ударив им ся у алтернатівну медицину и старі вірованя... 🙏

Три дны тай три ночи говів им, тай носив им пожертву пуд Дуб Мудрости, котрый зростили наші предкы на сюв земли (я знаву ож тото я го посадив, не пишіт ми за сесе коментарї).

И через три дны, вдяку грудї смараґду, котру убвили могучі корїня, Дуб Мудрости ЗАМИРОТОЧИВ! 🐳🍀

Моментално Дуб изливат премоцну силу здоровля тай крїпости! Чим ближе я до Дуба, тым бӯлше моци у ногах, тым май ковтат ми серце! Вірус Черленяка сесе не забило, айбо... Айбо дає ми силу жити не з ним, а ПРЕКЫ ньому!

🌳Дуб Мудрости🌳 даровав ми новый живӯт, живӯт у котрому на вірусы ся бӯлше мож не творити.

Пуд Дубом найдете и шкоробыньку на пожертвы, кобы сьте нагоду хотїли ся дӯкласти до доброго дїла. 💸