🌹.

🔸في عادة سيئة ألا وهي الهروب من الواقع
لأن هو مازال موجود حتي لو هربت
سواء أجلته أو حليته الوقتي فكده كده هتواجه الشئ ده فالوقت مش هيفرق

🔸الهروب ده له أسباب طبية ونفسية:
الواقع المؤلم بيتفسّر في المخ كـ“تهديد”
الأميجدالا تشتغل ←قلق وكورتيزول يعلى ← تميل للهروب بدل المواجهة.

🛡 العقل بيدافع عن نفسه
فيطلعلك: تأجيل، إنكار، نوم كتير، سوشيال ميديا…
علشان يحميك من ألم أو فشل أو حزن.

⚡ المواجهة محتاجة طاقة عالية
الـ prefrontal cortex عايز تركيز ومجهود، فالمخ يختار الأسهل:
تهرّب دلوقتي وارتاح لحظة.

🎯 الدوبامين السريع
الموبايل، الأكل، المسلسلات = مكافأة سريعة
الواقع = مجهود طويل
فطبيعي تميل للّسريع.

الهروب شوية طبيعي… اللي مش طبيعي إنك تعيش فيه على طول.

@Know_It_Now19

لو عايز تتوقع الإمتحان كله صح
ذاكر المنهج ع السريع وجمع كل اللي قلت عليهم مش جايين ع جمب وانت ماشي

وبعدين ذاكر اللي قولت عليهم مش جايين بس وسيب الباقي 🥸

وسط الفتن والصفحات اللي بتشكك الناس في دينهم طبيعي تتلخبط…

لأن كل فريق بيستخدم عقله ويفكر.
التفكير مش غلط، بس الخطر إنك تفكر لوحدك من غير علم ولا هداية.

زي طالب داخل امتحان فيزيا مثلا من غير ما يذاكر، أكيد هيغلط حتى لو حاول يجتهد.

وبرضه حتى لو ذاكرت ممكن تغلط،
عشان كده الحل مش إنك تمشي ورا دماغك وأهواءك بس…

الحل إنك تمشي ورا نموذج الإجابة الحقيقي ومعاه اللي يشرحه صح.

نموذج الإجابة ده هو: القرآن والسنة
واللي يشرح: العلماء اللي على هديهم وفهمهم

بس خلي بالك علشان توصل للصح
تشوف نموذج الإجابه بيقول ايه وتفكر عليه

مش تفكر الأول وبعدين تمشي نموذج الإجابه
علي دماغك ومزاجك اللي أنت مش متقن بيها المادة أصلا🫵🏼
والأهم أنك تحترم اللي حل صح واللي حل غلط وتحاول تاخد بإيد اللي حل غلط مش تشتمه!!
أو تعرض عنه لو مفيش فايدة من غير شتيمة وسبّ
@Know_It_Now19

لو مريض جايلك بينهج
سمعت ال chest لقيته free
وعملت رسم قلب لقيته كويس
قبل ماتقول الحاله psychic
لازم تستبعد ال metabolic causes
أشهرهم...
1. DKA
2. AKI
3. Sever anemia

✍Dr hossam Ibrahim
#ع_السريع
#Know_it_Now
@know_itNow19

نكمل من حيث توقفنا ⚡

Type 2 DM Management

في النوع الثاني، المشكلة الأساسية هي Insulin Resistance (الجسم مش حاسس بالأنسولين) + تدريجياً Beta-cell failure علشان كدا العلاج هنا بيكون علي حسب المرحلة اللي العيان فيها.

خلينا نتكلم سوا عن الطرق الرئيسية في علاج السكر من النوع الثاني:

1️⃣ Lifestyle Modifications 🥗🏃‍♂️

قاعدة ثابتة: مفيش دواء هيشتغل بكفاءة من غير تغيير وتعديل لعادات الأكل والنشاط لازم Weight Loss وتقليل الكربوهيدرات ده الأساس قبل وأثناء العلاج.

2️⃣ First Line TTT (Metformin) 👑

ده العلاج الرئيسي لأي مريض سكر نوع تاني (ما لم يكن عنده مانع زي Kidney Failure) لازم يبدأ بيه.

طيب الـ Metformin بيشتغل ازاي؟
بيقلل تصنيع السكر في الكبد (↓ Hepatic Glucose Production) وبيحسّن حساسية الجسم للأنسولين وبيمتاز انه مش بيعمل هبوط (No Hypoglycemia) ولا زيادة وزن.

موجود في السوق بأسماء زي:

- Glucophage.
- Cidophage.
- Amophage.

» من اعراضه الجانبية انه ممكن يسبب مغص وإسهال في الأول (GIT Upset)، عشان كدة بنقول للعيان ياخده "وسط الأكل".

3️⃣ Second Line TTT:

دا بينقسم الي طريقين حسب حالة المريض الصحية وحالته المادية:

🅰️ الطريق الحديث (The Elite Choice) - غالي بس بيحمي القلب والكلى:

لو العيان عنده مشاكل قلب (HF / Atherosclerosis) أو كلى (CKD) الـ Guidelines الجديدة بتجبرنا نكتب العائلات دي بغض النظر عن الـ HbA1c (سواء كان طبيعي او غير طبيعي):

» Sodium-Glucose Co-Transporter-2 (SGLT2) Inhibitors (Flozins):

فكرته انه بيخلي الكلية "تتخلص" من السكر الزيادة في البول ومن مميزاته انه بيحمي القلب والكلى وبيخسس..(مريض سكر النوع التاني مش بيموت بسبب السكر قد مبيموت بسبب فشل في القلب او الكلي)

» ال Flozins موجودة في السوق بأسماء زي:

- Forxiga (Dapagliflozin).
- Jardiance (Empagliflozin).

» عيبه انه ممكن يعمل urinary track & genital infections.

» (Glucagon-Like Peptide-1) GLP-1 Agonists (Injections):

دا بيكون حقن (مش أنسولين) بتزود الشبع وبتحرق السكر بأكتر من طريقة (نتكلم عنها بالتفصيل في بوست منفصل 👀).

موجود في السوق بأسماء:

- Ozempic (Semaglutide).
- Trulicity.
- Victoza.

» من مميزاته انه بيعمل Weight Loss رهيب.

🅱️ الطريق التقليدي (Classic & Cost-effective):

لو العيان معندوش مشاكل قلب/كلى، أو الميزانية محدودة هنستخدم واحد من الأدوية دي:

» Sulfonylureas (SUs):

فكرته انه بيعصر البنكرياس وبيحفز الخلايا تفرز أنسولين غصب عنها.

موجود في السوق بأسماء زي:

- Amaryl (Glimepiride).
- Diamicron (Gliclazide).
- Daonil.

» عيبه انه بيعمل Weight Gain وخطر الـ Hypoglycemia عالي جداً.

=====================

طيب ايه الجرعات الخاصة بالأدوية دي وامتي نجمع بين اكتر من علاج وامتي نشفت العيان علي انسولين؟! (هنعرف كل دا في البوستات الجاية بإذن الله..انتظرونا👀)

=====================
وبس كدا خلصنا 🍂
متنساش تشير البوست لزمايلك وللافادة العامة

#Know_It_Now
@Know_It_Now19

#بإختصار

ابدأ صح بـ metformin،
لو القلب متضرر… اختار flozins،
لو الجيب تعبان… روح لـ amaryl (sulfonylureas).”💉😁

( إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا )

بص يا غالي 👇🏻
الأسبرين مش دواء عادي يتاخد كده وخلاص، في 3 حالات ممنوع فيها تمامًا:
1️⃣ مريض القرحة الهضمية
الأسبرين حمضي وتقيل على المعدة، فلو عندك قرحة هيزوّد الألم، يفتح القرحة أكتر، ويبوّظ موضوع الالتئام خالص.
2️⃣ مرضى السيولة والهيموفيليا
الأسبرين بيعمل سيولة للدم، فلو واحد أصلًا عنده مشكلة نزيف أو سيولة زيادة، الدوا ده ممكن يعرّضه لنزيف خطر جدًا.
3️⃣ الأطفال تحت 12 سنة
ودي خطيرة بقى 👀
الأسبرين للأطفال ممكن يسبب متلازمة راي، خصوصًا لو الطفل عنده عدوى فيروسية، ودي حاجة مش هزار وممكن تبقى مميتة.
#صلاح_محسم
@Know_It_Now19

علامات أنك مش بتشرب كويس

المفروض تشرب لترين ع الأقل فاليوم
و ع حسب حالتك لو في رياضة هتشرب نصهم في ساعة🥸

بتذاكر طول الترم ومبتذاكرش في الإمتحانات صح!

تخيل شوفت حد بينزف وبيقولك أنه محتاج يشرب 🥸

طبيعي جداً إن المريض يحس بعطش لما بينزف، لأنه
فقد سوائل كتير.

بس لو ادّيته مياه دلوقتي، ده ممكن يسبب توقف قلبه.

لما يحصل نزيف، القلب على طول بيحاول يعوّض الدم اللي فقده، وده بيخليه ينقبض أسرع من الطبيعي ويبذل مجهود جامد.

لو المريض شرب مياه، المجهود ده هيزيد مليون مرة على القلب، وساعتها ممكن القلب يوقف عن ضخ الدم خالص.
#أبو_باريس
@Know_It_Now19

انت مع الفولية في أوضتك
بعد مامسكت في 50 واحد عالفيس أن مفيش دليل أن الإسراء والمعراج كانت في شهر رجب :

تشتت الذهن 🤨

من النعم اللي أنت مش واخد بالك منها
هو دفع الأذي عنك أنك ليك ملائكة حافظين
بيحفظوك مخصوص بإذن الله

يعني مش يمكن لا قدر الله كنت ممكن تكون مكانه
بس ربنا أنعم عليك وأعطاك الصحة ؟

فأنت في نعمة فعلا يعني متزعلش أن ربنا مستجابش لدعائك في الشئ الفلاني
مش بقولك يمكن الحاجة دي مش خير فربنا دفعها عنك
يعمي افرض هي خير وربنا مش كاتبهالك
ايه المشكلة أنت مازلت في نعم لا تحصي برضو

قال ابن بطال رحمه الله
" لا يكون أحد على حالة سيئة من الدنيا إلا يجد من أهلها ما هو أسوأ حالا منه ، فإذا تأمل ذلك علم أن نعمة الله وصلت إليه دون كثير ممن فضل عليه بذلك من غير إبراز حبه فيعظم اغتباطه بذلك "
@Know_It_Now19

حمدالله ع السلامة بالغوالي🫵🏼
أغرب عملية شوفتها🥸
ممكن علشان مشوفتش كتير

Rotationplasty :
عملية بتتعمل غالبًا لعيال أو شباب عندهم ورم حوالين الركبة (زي osteosarcoma)
بنشيل الجزء المصاب
نلف الجزء اللي تحت 180°
الكاحل يشتغل مكان الركبة
نركّب طرف صناعي
ليه؟
علشان يمشي أحسن من البتر الكامل وبمجهود أقل.

مميزاتها:
✔ حركة وتحكم أحسن
✔ طاقة أقل في المشي
✔ تنفع مع الأطفال

عيوبها:
✖ شكلها غريب
✖ محتاجة تقبّل نفسي

@Know_It_Now19

"صَلَّتْ عليك بُيُوتُ اللهِ والْحَرمُ
وأحرفُ الشعرِ والأوزانُ والقلمُ

مَازَالَ ذِكْرُكَ فواحُ الشذى عبقاً
تسْمُو به الأرضُ والأيامُ والأممُ

يا سَيّدَ الرسْلِ والأبرارِ كلِهمُ
وخيرُ ما عَرَفَتْهُ العُرْبُ والعَجَمُ ".ﷺ 🤍

الراتب القليل مش مبرر لإهمال المريض

بسمع كلام كتير على السوشيال ومن بعض الأطباء كمان
عن إنهم مش عايزين يقوموا بواجبهم كامل في مستشفيات التكليف في مصر،
والسبب دايمًا: المرتبات.

طيب خلّينا نفهم العلاقة.
هو المريض ده…
هو اللي بيدفعلك المرتب؟
علشان تتحاسب معاه وتقصّر في علاجه؟

المريض مالوش أي ذنب.
هو داخل المستشفى مش طالب غير يتعالج زي أي بني آدم في أي بلد محترمة.

ومسؤوليته تجاهك؟
بس أخلاقه واحترامه،
زيه زي أي إنسان بيتعامل مع إنسان.

أما حكاية المرتبات
فقدامك حلّين

الحل الأول:
إنت وافقت على الشغل ده،
وعارف المقابل قبل ما تبدأ،
يبقى تؤدي شغلك بأكمل وجه

الحل التاني:
شايف إن المقابل مش مناسب تعبك ومجهودك؟
حقك.
بس ساعتها متوافقش من الأول،
وسافر، ودوّر على مكان يقدّر مجهودك ويعوضك كويس.

إنما إنك تقبل الشغل وتاخد المقابل
وبعدين تفرّغ غضبك في مريض ضعيف
ده لا مبرر له
ولا يتقال عليه غير حاجة واحدة:
خلل أخلاقي قبل ما يكون مشكلة نظام.
@Know_It_Now19

العين الصفرا: غالبًا صفراء بسبب تراكم البيليروبين → مشاكل كبد/انسداد مراري/تكسير دم.

العين الحمرا/البينك: أشهرها الرمد (فيروسي، بكتيري، تحسسي)، وممكن نزيف بسيط يعمل بقعة حمرا فاقعة.

العين الزرقا: Blue sclera بسبب ضعف الكولاجين زي Osteogenesis imperfecta.

العين الشاحبة قوي: أنيميا → شحوب الملتحمة.

عتامة في العين: Cataract → عدسة معتمة شكلها أبيض أو رمادي.

بقعة بني: Pinguecula أو Pterygium بسبب الشمس والتراب (شائعة عندنا).

إفرازات خضرا: غالبًا رمد بكتيري.

@Know_It_Now19