Эртең 9-ноябрда Кемпир-Абад боюнча камалган активист жана саясатчылардын бөгөт чарасы карала баштайт. Графиги:

Гүлнара Журабаева — саат 09:00;
Кеңешбек Дүйшөбаев — 09:00;
Али Шабдан — 10:00;
Атай Бейшенбек — 10:30;
Таалай Мадеминов — 11:20;
Айбек Бузурманкулов — 15:30;
Клара Сооронкулова — 16:00;
Кубанычбек Кадыров — 16:00;
Нурлан Асанбеков — 16:40;
Перизат Суранова — 17:00.

Глобалдык жылуулук быйыл Кыргызстанга кандай таасирин тийгизди?

Метеобайкоонун тарыхында соңку сегиз жыл өтө жылуу болгону байкалууда. Бул тууралуу Бүткүл дүйнөлүк метеорологиялык уюмдун* глобалдык климаттын 2022-жылга карата абалы боюнча докладында айтылат. Авторлор климат парник газдарынан улам өзгөрүп жатканын белгилешет.

Кыргызстанда да мөңүлөр эрип жатат. КМУнун экология жана туризм кафедрасынын профессору Кайрат Молдошев буга бир гана парник газдары эмес, күндүн активдүүлүгүнүн циклдик жогорулоосу да себеп болуп жатат деп эсептейт.

https://bit.ly/3hrP1Rd

«Чарчаган арстандар». Президенттер жана аларды коргогон күч кызматкерлеринин абалы

ИИМ менен УКМКнын башчылары күч түзүмдөрү саясаттан алыс деп айтканды жактырышат.Ошентсе да Кыргызстанда күч органдары ар бир президенттин тушунда саясаттын казанында кайнап келди. Алардын тагдыры өздөрү коргогон өлкө башчылардын тагдырынан кескин айырмаланат.

Күч органдарынын башчылары куугунтукталып, токмок жеп же түрмөгө түшсө — бийлигинен кол жууган президенттер, Атамбаевден башкасы, дени сак, капчыгы калың жана да эркиндикте.

https://bit.ly/3hjQUzv

Cүлүктү: Жергиликтүү ишкерлер көмүрдү автотранспорт менен сыртка ташууга тыюу салган токтомго нааразы

Баткен облусунун Сүлүктү шаарындагы ишкерлер көмүрдү автотранспорт менен сыртка ташууга коюлган убактылуу чектөөнү алып салууну суранышууда.

Алар «Клоопко» берген маегинде көмүрдү чет өлкөгө сатып үй-бүлө багып келгенин айтышып, чектөөлөрдөн улам анын баасы түшүп кеткенин белгилешти. Ал эми бийлик элди арзандатылган көмүр менен камсыздоо үчүн мындай чектөө киргенин белгилейт.

https://bit.ly/3Ul6d9A

Адвокат Бакыт Автандил уулу Журабаеванын кармалышы мыйзамсыз экенин жана анын үйүн тинтүү мыйзамсыз өткөнүн айтты.

Адвокат Журабаева тергөө учурунда камакка алынбашы керек экенин билдирди. Анткени Журабаеванын ата-жөнү такталып, анын туруктуу жашаган жери бар, ал тергөөдөн качууну жана сот процессине тоскоолдук кылууну көздөбөйт.

«Камоого эч кандай негиз болгон эмес. Мыйзамсыз тинтүү учурунда да эч кандай мыйзамсыз буюмдар табылган эмес. Ал 63 жашта. Ал мурда соттолгон эмес. Айыпталуучунун күнөөсү боюнча түз далил жок», — деди Автандил уулу.

Судьялар чечим чыгаруу үчүн сот залынан чыгып кетишти. Ал арада Журабаеванын тарапташтары залда: «Боштондук!» — деп кыйкырып жатышат.

Бишкек шаардык соту Биринчи май райондук сотунун чечимин өзгөртүүсүз калтырды. БШКнын мурдагы мүчөсү Гүлнара Журабаева 20-декабрга чейин камакка алынды.

Судья чечимди окуп жатканда сот залындагы Журабаеванын тарапташтары: «Позор!» (Уят) — деп кыйкырып жатышты.

Кемпир-Абад суу сактагычы боюнча кармалган дагы бир активист Чынарбек Шабдан уулу (Али Шабдан) бөгөт чарасын кароо үчүн сот залына алынып келди.

Ага да «Массалык башаламандык уюштурууга даярданган» деген айып тагылган.

Видео: Арча Медиа

Активист Перизаткан Суранова сот залына алынып келинди.

Ал дагы «массалык башаламандык уюштурууга даярданган» деп айыпталып жатат.

Бишкек шаардык сотунда Суранованын кармалышы боюнча отурум өтүп жатат

Адвокат Жаныш Бараков Суранованын ишин караган тергөөчүнү сот залына чакырууну өтүндү.

«Тергөөчүнүн корутундусу мыйзамсыз жана негизсиз. Тергөөчү сөзсүз бул жерде болушу керек. Ал келсе калыс болор эле. Суроо узатат элек», — деди жактоочу.

Ал эми судьялар тергөөчүнүн катышуусунун кереги жок деп чечишти. Жактоочулар судьяга ишенбөөчүлүк көрсөтүштү. Бирок сот аны четке какты.

Кемпир-Абад чуусу: Активист Али Шабдан камакта калтырылды

Бишкек шаардык соту активист Чынарбек Шабдан уулунун (Али Шабдандын) кармалышын мыйзамдуу деп таап, аны камакта калтыруу чечимин чыгарды.

Ал эми активист бул боюнча комментарий берип, «баарын өзүңөр көрүп жатасыңар го», — деди.

Видео: Арча Медиа