«Медиа Полиси Институту» Кемпир-Абад ишинин фигуранттарын бошотууну суранды

«Медиа Полиси институту» Кемпир-Абад иши боюнча кармалган Конституциялык соттун мурдагы судьясы Калара Сооронкулованы, БШКнын мурдагы мүчөсү Гүлнара Журабаеваны, ошондой эле укук коргочулар Асия Сасыкбаева менен Рита Карасартованы абактан бошотууну суранды.

Уюм аялдар кооптуу кылмышкер, террорист же экстремист эместигин белгиледи.

https://bit.ly/3Zw1tk9

Бир кадр менен: Гүлдөн көрө эркиндик жана тынчтык тартуулагыла

Сүрөтчү Татьяна Зеленская Фейсбук барагында 8-мартка жана саясий туткундарга арналган иллюстрациясын жарыялады.

Иллюстрацияда тикендүү кызыл розалардын артындагы чачы кыска аялдын образы түшүрүлгөн. Аялдын артынан башка аялдардын дагы көлөкөсүн көрүүгө болот. Иллюстрацияда: «Гүлдүн ордуна эркиндик» деп жазылган.

https://bit.ly/3ZMdAJM

Мамлекет аялдар өзүн коопсуз сезиши үчүн дагы көп иш жасашы керек — Бекешев

Депутат Дастан Бекешев аялдарды эл аралык күнү менен куттуктап, бул күн бир эле гүл, таттуу-тарапа жана башкаларды тартуулоо эле эмес, эркектер менен аялдардын ортосундагы теңдик үчүн күрөшүү күнү экенин дагы эске салды.

Бекешевдин айтымында, бийлик аялдар 8-мартты жана башка күндөрдү коопсуз жана кубанычтуу сезимдер менен тосушу үчүн дагы көптөгөн иштерди жасашы керек.

https://bit.ly/3F9oq4v

👮 Биринчи май РИИБдин полковниги марштын катышуучуларына коомдук тартипти бузууга жол берилбеши керектигин айтып, аялдарды майрамы менен куттуктады.

Видео: Kloop

Марштын катышуучулары революциянын каармандарынын эстелигине жетишти. Алар «Эркин кыз, эркин Кыргызстан!» жана «Зомбулукка жол жок!» деп учакырык таштап жатышат.

Сүрөт: Айдай Эркебаева / Kloop.

Бүгүн маршты аял милиционерлер коштоп жүрүштү.

Сүрөт: Ольга Труханованын Фейсбук барагынан алынды

«Патриархат кандуу дагы болот. Ошондуктан патриархат кетсин, бийликке аялдар келсин», — ушундай чакырык менен марштын катшуучулары кызыл түстө «Патриархат» деп жазылган плакатты айрышты.

Видео: Айдай Эркебаева / Kloop.

Бишкек: Аялдардын укугу үчүн маршта ЛГБТнын символикасы менен жүргөн киши кармалды

8-мартта Бишкекте аялдардын укугу үчүн жөө жүрүштө милиция ЛГБТ символикасы менен жүргөн кишини кармап кетишти. Ал эмне себептен кармалганы азырынча белгисиз.

Мындан тышкары, «Клооптун» маршты чагылдырып жүргөн кабарчылары милиция украин тилинде плакаттарды же ЛГБТнын символикасы менен жүргөн жарандарга тандап келип жолугуп жатышканын айтышууда.

https://bit.ly/3ZLGh9B

Бир кадр менен: Ош шаарындагы эски көпүрөгө аялдарга карата зомбулукка каршы плакат илинди

Ошто 8-март күнү калаанын борборундагы эски көпүрөгө «Зомбулукту токтот!» деп жазылган ураан илинди. Аялдарга карата зомбулукка каршы плакатты жергиликтүү активисттер Мадина Салайдинова менен Инобат Султанова чаптаган.

https://bit.ly/3SW5DiG

Ак элечек апалар жана министр баштаган топ Ала-Тоо аянтында жүрүшкө чыгышты

Бишкекте 8-мартта Аялдардын укуктары үчүн күрөшүүнүн эл аралык күнүндө баатыр энелердин салттык баалуулуктар үчүн жөө жүрүшү өттү.

Ак элечек апалар жана эмгек министри Кудайберген Базарбаев баштаган колонна бордук аянтта митинг жана тынч чогулуштарга тыюу салынганына карабастан Ала-Тоо аянтынан басып өтүштү.

https://bit.ly/3IT58S2

Шашылыш билдирүү❗❗

Бишкек жана Чүй өрөөнүндө катуу шамал болушу күтүлүүдө

ӨКМдин маалыматына ылайык, саат 16-17 чамасында Бишкек жана Чүй өрөөнүндө түндүк-батыштан соккон ылдамдыгы секундасына 15-20 метрге жетиши мүмкүн.

Сүрөт: иллюстративдүү

Ак-Ордо конушундагы үйү сүрдүрүлгөн аялга кайрадан там салына баштады

Төрт баласы менен жашаган үйү сот аткаруучулардын чечими менен сүрдүрүлгөн Ак-Ордо конушунун тургуну Марал Шаболотовага ошол эле жерге там салына баштады.

Шаболотованын айтымында, жер тилкесин мыйзамдуу алганы жана талашып жаткан кошунасы Толкун Самудинованын кызыл китеби жараксыз экени тастыкталган.

https://bit.ly/3SZ2qin