Саясатчы Акыл Айтбаевдин тарапташтары Бишкек шаардык сотунун чечимине нааразы болушууда.

«Жашыруун». Канат Исаевдин туугандары жана журналисттер сот залына киргизилген жок

Бишкек шаардык сотунда Жогорку Кеңештин мурдагы депутаты Канат Исаевдин баш коргоо чарасын өзгөртүү боюнча аппеляциялык арызы каралып жатат.

Ал арада «Клооптун» кабарчысы сот залына экс-депутаттын тарапташтары жана журналисттер киргизилбегенин айтып берди. Буга «материалдар жашыруун» деген себеп айтышты.

https://bit.ly/3UFyg45

Бишкек шаардык соту «Чындык» саясий партиясынын лидери Кубанычбек Кадыровдун баш коргоо чарасын карап жатат.

Кадыров өзүнө карата козголгон кылмыш ишти «саясий буйрук» деп баалады.

Ал эми анын жактоочусу саясатчы «мыйзамсыз кармалган» деп эсептейт.

Бишкек: Авариялык кырдаалдан улам бир катар мектеп жана бала бакчаларда жылуулук берүү токтотулду

Бишкекте авариялык кырдаалдан улам 10-ноябрда бир катар мектептерде жана бала бакчаларда жылуулук берүү токтотулду.

Мэриянын билим берүү башкармалыгынан «Клоопко» жылуулук көйгөйлөрү жаралган мекемелерде окутуу онлайн режимде жүргүзүлөрүн белгилешти.

https://bit.ly/3TqmgSz

«Бүтүн Кыргызстан» партиясынын лидери, депутат Адахан Мадумаров Кемпир-Абад маселеси боюнча саясатчыларга козголгон кылмыш ишин «жомок» деп атады.

«Бийликтин жасап аткан иштеринин баары мыйзамдан жана адамгерчиликтен сырткары. Кыргыздын тарыхында кыз-балдарды үйүнөн сүйрөп келип, торго ыргытуу деген болгон эмес. Бул айбанчылык. Бирок бул күндөр дагы өтөт», – деди ал.

Мындан сырткары, ал партиялашы Акыл Айтбаевдин өлкөдө башаламандык уюштурууга эч кандай оюу болбогонун жана ал көп жылдан бери жер менен иштеген адис экенин белгиледи.

«Маданияттуулугу, сабаттуулугу аябай бекем инсан. Айрымдарынан айырмаланып, бул өмүр боюу жер менен иштеген жер адиси. Булар өздөрү бийликке ушундай жол менен келген, башкаларды дагы өздөрүнө салыштырып жатышат», – деди Мадумаров.

Сот Кубанычбек Кадыровду камакта калтырды

Бишкек шаардык соту «Чындык» саясий партиясынын лидери Кубанычбек Кадыровду 20-декабрга чейин камакта калтырды.

Кадыров өзүнө карата козголгон кылмыш ишти «саясий буйрук» деп атады.

Бишкек шаардык соту «Демократиялык кыймылынын» мүчөсү Кеңешбек Дүйшөбаевдин бөгөт чарасын карап жатат.

Жактоочу Дүйшөбаевдин ишин тергеген тергөөчүнү сот отурумуна алып келүүнү өтүндү. Соттук коллегия аны четке какты.

Андан соң адвокат соттук коллегияга ишенбөөчүлүк көрсөттү. Соттук коллегия судьяларды иштен четтетүүгө эч кандай негиз жок деп тапты.

«Ур-токмокко алышкан». Баткенде 18 жаштагы чек арачы жоокер каза болду

9-ноябрда Айдаркен шаарынын аскер бөлүгүндө кызмат өтөп жаткан 18 жаштагы Айжигит Таалайбек уулу каза тапты. Жоокердин жакындары аны «ур-токмокко алышкан» деп эсептейт.

https://bit.ly/3huuwU6

Сот Перизаткан Суранованы камакта калтырды

Бишкек шаардык соту активист Перизаткан Суранованы 20-декабрга чейин камакта калтырды.

Суранова сот отурумунда карыган ата-энесин жана жашы дете элек үч баласын багышы керек экенин айтты.

Кеңешбек Дүйшөбаев 20-декабрга чейин камакта калтырылды

Бишкек шаардык соту «Демократиялык кыймылынын» мүчөсү Кеңешбек Дүйшөбаевди 20-декабрга чейин абакта калтырды.

Кыргызстанда бир суткага электр энергиясын колдонууга чектөө киргизилди

10-11-ноябрда электр жарыгын керектөөгө жана кубатына чектөө киргизилет. «Электр станциялар» компаниясынын башкы директору Айбек Айдаралиевдин айтымында, бул Токтогул ГЭСдеги № 2 гидроагрегатты оңдоо иши менен байланыштуу.

https://bit.ly/3UHXE8S

Баткендик жаш програмисттер республикалык сынакта биринчи орунду ээледи

4-ноябрда Бишкекте мектеп окуучулары арасында биринчи жолу республикалык хакатон өткөрүлүп, анда Баткен облусунан келген команда биринчи орунду алды.

Уюштуруучулар иш-чаранын максаты «балдардын IT багыты боюнча маалыматтык сабаттуулугун арттыруу» экенин белгилешти.

https://bit.ly/3A3xNQV

Бишкек шаардык соту активист Эрлан Бекчоро уулунун бөгөт чарасын карап жатат.

Активисттин жактоочусу Бекчоро уулуна карата иш «мыйзамсыз козголгон» деп эсептейт. Ал Бекчоро уулу Кемпир-Абадды коргоо комитетинин жыйынына эркин журналист катары барганын белгиледи.

Сот Эрлан Бекчоро уулун камакта калтырды

Бишкек шаардык соту эркин журналист, активист Эрлан Бекчоро уулун 20-декабрга чейин камакта калтырды.

Бекчоро уулу соцтүйүндөгү бир да постунда бийликти басып алууга эч кандай чакырык кылбаганын айтты.

Бишкек шаардык соту Айданбек Акматовдун баш коргоо чарасын карап жатат.

Анын тарапташтары сот залынын ичинде «Акматовго боштондук!», «Акыйкат чечим!» деген чакырыктарды жасап жатат.

Сот Айданбек Акматовду камакта калтырды

Бишкек шаардык соту журналист Айданбек Акматовду 20-декабрга чейин камакта калтырды.

Ага «массалык башаламандык уюштурууга даярданган» деген айып тагылууда.

Судья чечимди окуп жатканда сот залындагы Акматовдун тарапташтары: «Акматовго боштондук!», «Уят!» — деп кыйкырып жатышты.

Ал Кемпир-Абадды коргоо Комитетинин жолугушууларына журналист жана кайдыгер эмес жаран катары катышканын айткан.

Видео: Kloop

Ырчы Бекжан Темирхан жол кырсыгынан каза болду

Чүй облусуна караштуу Кемин районунун Бишкек — Торугарт унаа жолунда жол кырсыгынан бир адам каза болуп, дагы бирөө ооруканага жеткирилди.

«Спутник» маалымат агентиги көз жумган жаран ырчы Бекжан Темирхан экенин жазды. Маалыматка караганда, унаа 100 метр бийиктиктен Чүй суусуна кулап түшкөн.
https://bit.ly/3Exmhjr

Бишкек шаардык соту укук коргоочу Рита Карасартованын бөгөт чарасын карап жатат.

Карасартова активист, саясатчыларга козголгон иш өлкөнүн тарыхта калат деп белгиледи.

«Биздин кыймыл аракетибизде эч кандай мыйзам бузуу жок. Биз Конституцияда каралган укугубузду пайдаланып, жыйын уюштурганбыз. Бардыгы чечилет», - деди ал.

Карасартованын жактоочулары эки судьяга ишенбөөчүлүк көрсөттү. Соттук коллегия судьяларды иштен четтетүүгө эч кандай негиз жок деп тапты.

Бишкек шаардык соту Кемпир-Абад боюнча кармалган Нурлан Асанбековдун бөгөт чарасын карап жатат.

Анын жактоочусу Асанбеков 1-ноябрдан бери ачкачылык жарыялап, ага операция жасалганын айтты. Учурда Асанбековдун абалы оор экенин белгиледи.

«Эч кандай комитетке мүчө эмес. Кармалгандардын арасынан Равшан Жээнбековдон башкасын тааныбайт. Анын үйүндө оңдоо иштерин жүргүзүп жаткан. Бул иш боюнча 37 тергөөчү алектенип жаткан экен. Алардын бирөө да тергөө иштерин жүргүзүшкөн жок. Асанбековдун кандайдыр бир талкууга катышканы тууралуу бир да далил жок», - деди ал.

Рита Карасартова камакта калтырылды

Бишкек шаардык соту укук коргоочу Рита Карасартованы 20-декабрга чейин камакта калтырды.

Ага «массалык башаламандык уюштурууга даярданган» деген айып тагылууда.

Карасартова ага карата иш мыйзамсыз козголгонун айтты.

Нурлан Асанбеков 10 күндөн бери ачкачылык кармап жатат.

Ал Кемпир-Абадды коргоо комитетине эч кандай тиешеси жок экенин айтты. Ошондой эле ал кызын жана апасын жалгыз багып келгенин белгиледи.

«Азыркы учурда акыркы акчабыздан өйдө алып коюшту. Кызым жеке мектепте окучу, анын эсебин дагы бөгөттөшүптүр. Эки банкта кредитим бар, алар да төлөнбөй калды»,- деди ал.