Бишкек шаардык сотунда Суранованын кармалышы боюнча отурум өтүп жатат

Адвокат Жаныш Бараков Суранованын ишин караган тергөөчүнү сот залына чакырууну өтүндү.

«Тергөөчүнүн корутундусу мыйзамсыз жана негизсиз. Тергөөчү сөзсүз бул жерде болушу керек. Ал келсе калыс болор эле. Суроо узатат элек», — деди жактоочу.

Ал эми судьялар тергөөчүнүн катышуусунун кереги жок деп чечишти. Жактоочулар судьяга ишенбөөчүлүк көрсөтүштү. Бирок сот аны четке какты.

Кемпир-Абад чуусу: Активист Али Шабдан камакта калтырылды

Бишкек шаардык соту активист Чынарбек Шабдан уулунун (Али Шабдандын) кармалышын мыйзамдуу деп таап, аны камакта калтыруу чечимин чыгарды.

Ал эми активист бул боюнча комментарий берип, «баарын өзүңөр көрүп жатасыңар го», — деди.

Видео: Арча Медиа

Бишкек шаардык соту Суранованын кармалышын мыйзамдуу деп тапты

Бишкек шаардык соту активист Перизаткан Суранованын кармалышын мыйзамдуу деп тапкан Биринчи май райондук сотунун токтомун күчүндө калтырды.

«Мен эгемендүү, эркин Кыргызстанда жашагым келет жана бул үчүн күрөшөм», — деп белгиледи активист.

Судья чечимди окуп жатканда сот залындагы Суранованын тарапташтары: «Позор!» (Уят), «Боштондук!» — деп кыйкырып жатышты.

Ал эми Суранованын баш коргоо чарасы бүгүн 17:00дө каралат.

Бишкек шаардык сотунда Кеңешбек Дүйшөбаевдин кармалышы боюнча сот отуруму өтүп жатат.

Адвокат Акын Абазбеков тергөөчүнү сот залына чакырууну суранды. Бирок сот анын өтүнүчүн четке какты.

«Кылмыш ишин козгоо боюнча токтом менен таанышкан жокпуз. Кайсыл негизде кылмыш иши козголгону бизге белгисиз», — деп, жактоочу сотко ишенбөөчүлүк көрөттү.

Ал эми Дүйшөбаев соттун бул кылганына нааразы болуп, аларга «адам тагдырын чечип жатасыңар» деп кайрылды.

«Биринчи инстанциядагы сотто тергөөчү бар дагы суроого жооп бере алган эмес. Эмнеге аны бул жакка чакырууга болбойт?» — деп суроо салды ал.

Бишкек шаардык соту Кеңешбек Дүйшөбаевдин кармалышын мыйзамдуу деп тапты

Бишкек шаардык соту Улуттук коопсуздук мамлекеттик комитетинин мурдагы төрагасы Кеңешбек Дүйшөбаевдин кармалышын мыйзамдуу деп тапты.

Ал эми Дүйшөбаев «өзүнүн керт башы үчүн эмес, Кыргызстандын жери, суусу үчүн күрөшкөнүн» билдирди. Ал «азыркы соттор менен тергөөчүлөр убагы келгенде биздин ордубузга келишет» деп нааразы болду.

«Эч кандай кылмыш жок. Наадандык. Наадандык менен кетип бара жатышат. Мыйзамды, Конституцияны “уруп ойнобой” кетип бара жатышат. Биз сынбайбыз. Коркуп, үркүп калган жокпуз. Акырында чындык жеңет», — деди ал.

Шаардык сот Атай Бейшенбек уулунун кармалышын мыйзамдуу деп тапты

Бишкек шаардык соту активист Атай Бейшенбек уулунун кармалышын мыйзамдуу деп тапты. Шаардык сот биринчи инстанциядагы соттун чечимин күчүндө калтырды. Активист 20-декабрга чейин камакта болот.

«Достор, бардык жүйөлөрдү көрдүңүздөр. Тилекке каршы бушталган мыйзамсыз аракеттер дагы деле уланып жатат. Бир учур келип буга укуктук да, саясий да баа берилет», — деп белгиледи активист.

Акын Болот Назаровду тоноочулукка шектеп кармашты

Төкмө акын Болот Назаров милиция тарабынан тоноочулукка шектелип кармалды.

Милициянын айтымында, ал «14 жаштагы өспүрүмдүн атын күч колдонуп алып, из жашырып кеткен». Буга чейин анын дайынсыз экени айтылган.

https://bit.ly/3EjbSrs

Камчыбек Ташиев Таш-Көмүр шаарына УКМКнын кезектеги жаңы имаратын ачты

Улуттук коопсуздук мамлекеттик комитетинин Жалал-Абад облусунун Таш-Көмүр шаарындагы бөлүмү жаңы имаратка көчүрүлдү. Бул тууралуу 9-ноябрда УКМКнын басма сөз кызматы билдирди.

Атайын кызматтын маалыматына ылайык, имараттын ачылышына Камчыбек Ташиев, УКМКнын ардагерлери, өздүк курамы жана облустук бийлик өкүлдөрү катышты.
https://bit.ly/3hsVYBN

Бузурманкуловдун жубайы Толгонай жолдошунун жана башка «саясий туткундардын» бошотулушун талап кылууда.

«Мыйзамсыз, эч кандай экспертизасыз, алардын күнөөсүнө далили жок [камашкан]», — деди айым.

Сот активист Айбек Бузурманкуловду камакта калтырды

Бишкек шаардык соту Айбек Бузурманкуловдун баш коргоо чарасын карады. Шаардык сот Биринчи май райондук сотунун чечимин күчүндө калтырып, активистти 20-декабрга чейин камакта калтырды.

Ага «массалык башаламандык уюштурууга даярданган» деген айып тагылууда.

Бирок Бузурманкуловдун жактоочусу Акынбек Ногоев активистке карата иш мыйзамсыз козголгон деп эсептейт.

«Бирок тергөө учурунда бир дагы далил алынган эмес. Бир дагы курал жарак табылган эмес. Массалык башаламандык уюштурууга эч кандай аракет болгон эмес», - деди ал.

Активист Кемпир-Абадды коргоо комитетине мүчө болуп кирип, анын Өзбекстанга берилишине каршы болгон.

Активист Айбек Бузурманкуловдун тарапташтары шаардык соттун чечимине нааразы болуп жатышат.

Клара Сооронкулованын жактоочулары соттук коллегияга ишенбөөчүлүк көрсөттү

Бишкек шаардык соту Клара Сооронкулованын баш коргоо чарасын карап жатат. Сооронкулованын жактоочулары алгач судьялардын бирине, кийин соттук коллегияга ишенбөөчүлүк көрсөттү.

Соттук коллегия жактоочулардын өтүнүчүн четке какты.

Сооронкуловага «массалык башаламандык уюштурууга даярданган» деген айып тагылууда.

Камчыбек Ташиев Жалал-Абаддагы төрт көчөгө өз чөнтөгүнөн асфальт төшөп берди

УКМКнын төрагасы Камчыбек Ташиевдин жана үй-бүлөсүнүн эсебинен Жалал-Абаддагы төрт көчөгө асфальт төшөлүп, пайдаланууга берилди.

Ал эми Жалал-Абад шаардык мэриядан «Клоопко» аталган иш-чаралардан жергиликтүү бийлик кабардар экенин жана алдын ала макулдашылганын билдиришти.

https://bit.ly/3TofpbY

Жапаров менен Ташиевдин туулуп өскөн айылдары гана эмес, башка жерлер да өнүгүп жатат — Султанбаев

Президенттин басма сөз катчысы Эрбол Султанбаев «акыркы убакта Садыр Жапаров менен Камчыбек Ташиевдин туулуп өскөн айылдары гана өнүгүп жатат» деген сынга жооп берди. Буга чейин Темиров Live каналына Жапаров менен Ташиев бийликке келгенден кийин алардын кичи мекендерине социалдык объектилер курула баштаганы тууралуу видео чыккан.
https://bit.ly/3fR8mLs

Бишкек шаардык соту Клара Сооронкулованын кармалышын мыйзамдуу деп тапты

Бишкек шаардык соту укук коргоочу Клара Сооронкулованын кармалышын мыйзамдуу деп тапты. Шаардык сот биринчи инстанциядагы соттун чечимин күчүндө калтырды.

«Бүгүнкү отурум соттун көз каранды эмес экенин дагы бир жолу далилдеди», — деп белгиледи ал.

Сооронкуловага «массалык башаламандык уюштурууга даярданган» деген айып тагылууда.

Ал Кемпир-Абадды коргоо комитетине мүчө болуп кирип, анын Өзбекстанга берилишине каршы болгон.

Сот Рита Карасартованын кармалышын мыйзамдуу деп тапты

Бишкек шаардык соту Рита Карасартованын кармалышынын мыйзамдуулугун карады. Шаардык сот биринчи инстанциядагы соттун чечимин күчүндө калтырып, укук коргоочуну 20-декабрга чейин камакта калтырды.

Ага «массалык башаламандык уюштурууга даярданган» деген айып тагылууда.

Видео: Арча Медиа

Каракол: Соода борборунда эркек киши мурдагы аялын бычактап өлтүрдү

Ысык-Көл облусунун Каракол шаарында 35 жаштагы киши мурдагы аялын бычактап өлтүрүп, андан соң өз өмүрүн кыюуга аракет кылды. Бул тууралуу облустук милициянын басма сөз кызматы «Клоопко» билдирди.
https://bit.ly/3UsR0n6

‼️Төкмө акын Болот Назаров жылкы уурдоого шектелип бир айга ТИЗОго киргизилди

Чүй облусунун Москва райондук соту төкмө акын Болот Назаровду жылкы уурдоо иши боюнча бир айга Бишкектеги ТИЗО-1ге камакка алды.

«Болот Назаров [буга чейин] оор кылмыш кылууга айыпталганы негиз болуп жатат. Бирок, камакка киргизүү үчүн мыйзамдуу негиз болгон жок», — деди анын жактоочусу Бакыт Автандил.

https://bit.ly/3huoVxb

«1 млн сомдон ашык зыян». ИИМдин Ички аскерлеринин жооптуу кызматкерлерине үч кылмыш иши козголду

Ички иштер министрлигинин Ички аскерлеринин жооптуу кызматкерлери мамлекетке бир миллион сомдон ашык зыян келтирүүгө шектелүүдө.

Маалыматка ылайык, шектүүлөр атайын тактикалык машыгууга бөлүнгөн бюджеттик каражаттарын кымырып алган.
https://bit.ly/3DVmH1h