بكل صراحة ، رسالتي لطلاب الامتحانات

- هل دنيا كُـلش صعبة وما نگدر نعيشها بدون أمل ، صحيح كلنا فقدنا اشخاص نحبهم بحياتنا وفراقهم كان صعـب علينا وبسببهم نگدر ندمر حياتنا وبنفس الوقت نگدر نطنش ونعيش حياتنا مو صحيح 💛؟ كلنا عندنا ساعات مصخمة ملطمة سودة وكلنا فقدنا شخص مو شرط حبيب يجوز شخص مات او سافر وصار فراق شخص قريب لقلبك ومتاكد صرتوا تحبون الحزن وما صرتوا تشوفون الفرح الا بـ قلّة بس كل الي اريدة اكولة الك " مستقبلك اهم من كلشي ، اكو مقولة تگول الماضي لو بيه خير لـ كان حاضرنا الان لذلك طنش الماضي وخلي حلمك كدامك وخلي هدفك بالطريق الصحيح وانطلق بككل قوة صدكني صدكني هي كلها اسبوعين من حياتك ممكن تتحدد مصيرك ، وعوف شغلة الواهس اترجاك ( اضغط على نفسك واترك كل وسائل الترفيه ".. فترة وتخلص الامتحانات واكرر لا تنسى صلاتك ، واهم اهم اهم ششي رضا الوالدين 💙 . "
ابدي من هل لحظة وغير ححياتك للافضل لان العمر يركض ركض انجح واخلص هي كلها اسبوعين وتخلص شدلهاا عادد !! ، الفرص بعدها مفتوحة گدام عيونك الحلوة ..

#الامتحانات_قربت #حقق_حلمك

🌀 @ooooss188

• كم ساعة لازم ادرس علمود اطلع معدل عالي؟؟

راح #نوكف_شوية يم كم ساعة لازم تدرس علمود تطلع المعدل الي تحلم بي !!

• خل انطيكم مثال يوضح القضية .

اكو 3 اشخاص حطوهم يم متاهة
وكالولهم لازم تعبروها 💜!

• واحد من ذولة الاشخاص فات للمتاهة مشي وظل يفتر منا لمن لكة مكان الخروج وطبعا استغرق وقت كلششش طويل

• الثاني كال همة ماحددوا شروط شلون اعبر المتاهة جاب سيارة وكسر جدران المتاهة وما اضطر يدور على الطريق مباشر لكا وطلع

• اما الثالث كال شعندي مفتر بيها لو مكسر ومتعب روحي اجيب طيارة واعبر المتاهة وافضهة

اذا لاحظت كلهم عبروا ووصلوا للنهاية بس كل واحد شكل 🧠


• انت هم متكدر تقيس وقت دراستك ويا طالب اخر اكو طالب بطيء الحفظ او قدرتة على الفهم قليلة شوية او ماعندة طرق دراسة حديثة ((نفس ابو المتاهة الاول الظل يفتر منا لمن لكة الطريق))

• واكو الطالب العندة قدرة حفظ سريعة هذا مياخذ وقت هواي ((مثل الكسر الجدران وصل))

• واكو الطالب الذكي والمتوفرتلة ظروف دراسية ممتازة ((مثل ابو الطيارة العبر اسرع شخص))

يعني اكيد متكدر تقيس نفسك على طالب ثاني لازم تراعي وجود 🤚🏽😠
- مقدار استيعاب مختلف ، وسرعة الحفظ ، وطرق الدراسة والاجواء الدراسية الموفرة كلها تختلف بين فرد واخر
📔

فمتكدر تقيس معدلك على عدد ساعات الدراسة #انما على مقدار سيطرتك على المادة بغض النظر عن الوقت الي استغرقتة بفهمها ✊🏼
📒

• اتمنى تكون وصلت الصورة بشكل اوضح
المهم تفهم وتسيطر على المادة ومعليك بالي يكولك كلش قليل دراستك او كلش هواي


#ما_اتنازل_عن_حلمي 💞✋🏼
#لاتستسلم 👎🏼
#حقق_حلمك ✊🏼📒