Bu hikoyani har yili kamida 1 marotaba o'qiyman. Ammo bu safar audioda eshitdim va ... boshqacha maza qildim.
Nargiza Mirzayeva juda professional tarzda ovozlashtirganki men o'zim uchun qadrdon qahramonlarni qayta kashf etgandek bo'ldim. Ushbu audiohikoya "Mutolaa" loyihasi doirasida ovozlashtirilgan.

Hikoyani eng ta'sirli qismi men uchun 30:16 mana shu joyi. Vatan haqida men o'qigan va eshitgan eng zo'r ta'rif.

@kitob_ombori

Tajribalarimdan shuni bildimki, agar odamlar sizga qarshi biror narsa qilsalar, bu oxir-oqibat sizga foyda keltiradi.

Indira Gandi

@kitob_ombori

Kuz - o‘lim to‘shagida yotgan bemorga o‘xshaydi. Oyoq ostida  kasalmand hazonlar ingraydi. Erta bahordan bo‘tana bo‘lib shosha-pisha qirg‘og‘iga sig‘may oqqan ariqlar tiniqlashadi. Shuncha urinishlari zoe ketganini tushunib, olamga ma'yus boqadi... Yer-u ko‘kni oppoq kafandek tuman chulg‘aydi. Erta-indin osmonga motam libosini kiygan bulutlar chiqadi. Yer ustida uzoq charx uradi-da, achchiq-achchiq ko‘z yosh to‘kadi... Sim-sim yomg‘ir yog‘adi. To‘rt kunlik umrida dunyoga sig‘magan, oxir-oqibat jon taslim etgan tabiatga aza ochib, unsiz yig‘laydi.

O‘.Hoshimov "Tushda kechgan umrlar"

@kitob_ombori

Gul deganing nima sening?
Uch-to‘rt tikon, biroz yaproq,
Nedur sen sevgan bu hayot?
Uch-to‘rt nafas, so‘ngra tuproq.

Mavlono Jaloliddin Rumiy

@kitob_ombori

​Ish haqqingizni ololmayapsizmi?
Uni undirishni Mayakovskiydan oʻrganing!

Vladimir Mayakovskiy nafaqat buyuk shoir, balki favqulotda muammoli vaziyatlarni ham noodatiy ravishda hal qilishni biladigan odam edi.

Bunday holatlardan biri Gosizdateda sodir bo‘lgan.

Mayakovskiy oʻzi ishlaydigan muassasa bosh buxgalterining oldiga bir necha bor kelib, qilgan ishi uchun maoshini berishlarini talab qiladi. Ammo har safar buxgalterning "keyingi juma kuni olasiz" degan vaʼdasini olib qaytib ketar, lekin ha deganda to'lov kechikaverardi.
Tabiatan qiziqqon Mayakovskiy bunday vaziyatga ortiq chiday olmadi va vaziyatga boshqacha yondashishga ahd qildi.

U buxgalterning oldiga yana ish haqini soʻrab keldi, javob ham doimgidek "kelasi juma" boʻldi. Ammo shoir bu safar shunchaki ketmadi. U avval xotirjamlik bilan kurtkasini yechdi, yenglarini shimardi va oʻzining pullarini olmaguncha bosh buxgalterning kabinetida raqsga tushishini aytdi.

Tabiiyki bosh buxgalter uni gapini jiddiy qabul qilmadi, lekin Mayakovskiy parket pol ustida raqsga tusha boshlaganini koʻrgandan soʻng vaziyat jiddiyligini tushuna boshladi.

Mayakovskiy shu darajada berilib raqsga tushar ediki, uning harakatlaridan pollar gʻichirlar, lampalar likillar va butun xona silkinardi. Shoirning yuzidagi qatʼiy ifodadan koʻrinib turardiki, u bu ishni ancha vaqt davom ettirishga tayyor.

Bir necha daqiqalik "maosh raqsi"dan so‘ng bosh hisobchi taslim bo‘ldi. U ofisga yangi bir dasta pul bilan qaytib keldi va uni darhol Mayakovskiyga berdi.

Bu postni oyligini ola olmayotgan doʻstlaringizga joʻnatib qoʻying😉

#qiziqarli

@kitob_ombori

Gʻaflatda qolmaylik

*   *   *
Kuzak xonamgacha bostirib keldi.
Tashqariga chiqdim.
Xazondan qochib.
Umrim tugayapti.
Kelgin.
Kel endi.
Yov yenggan shaharday yuragim ochiq.

Kuz bog‘lar boshiga ne ish solmadi,
Ana, daraxtlarning so‘ngaklari - cho‘p…
Senga aytadigan so‘zim qolmadi,
Senga aytadigan jimliklarim ko‘p…

Usmon  Azim

@kitob_ombori

Misrlik 10 yoshli Maryam yoshlar o‘rtasida yugurish marafoni haqida eshitib, unda ishtrok etishga qaror qiladi. Biroq ishtirokchi marafongga qatnashishi uchun 200 funt to‘lashi shart edi. Buncha miqdordagi pul esa Maryamda yo'q. Tashkilotchilar o‘n yoshli qiz nima ham qila olardi deb uni marafonda ishtirok etishiga ruhsat beradilar.

Shundan so'ng yana muammo tug‘iladi.
Maryamning yugurishi uchun oyoq kiyimi ham yo'q edi. Tashkilotchilar uning yalangoyoq yugurishiga ham ruhsat berishdi. Xullas qizcha marafonda qatnashdi. U yalangoyoq holda har kuni salfetka sotib yuradigan masofani yarimini ham bosib o‘tmadi. Lekin marra chizig‘ini birinchi bo‘lib bosib o‘tdi.

@kitob_ombori

Kuzni nima kitobni o'qish bilan boshladinglar?

Kir yuvish bilan shug'ullangan "Dahshatlar qiroli"

Yoshligida Stiven King xotini va uch farzandini boqish uchun kir yuvish fabrikasida ishlagan. Vaqt o‘tishi bilan mashhur bo‘lib ketgan kitoblarining bir qismini u, ishdagi tanaffuslarda yozgan.

P.S: Yana qaysi yozuvchi kirxonada ishlagan desam osonlik bilan topsangiz kerak a Martin Idenchilar? 🤓

@kitob_ombori

Niyatingizni to‘g‘rilab oling

Oldinlari bir kishining ko‘zidan (xushu’, Allohning zikri tufayli) yosh chiqsa, yonidagilar ko‘rmasligi uchun bosh kiyimini quyiroq tushirib olar edi. Hozir esa kameralar oldida turib yig‘lashadi...

Oldinlari bir kishi umraga borib, qaytib kelar, lekin bundan hech kimning xabari bo‘lmas edi. Hozir esa Ka’baning atrofida tavof qilayotganini hammaga ko‘z-ko‘z qilishadi...

Oldinlari bir kishi tunlari namoz o‘qib, to‘shagiga qaytib yotib olar, ba’zida bu holni yonida yotgan ayoli ham bilmay qolar edi. Hozir esa tunning oxirgi uchdan bir qismida uyg‘oq ekanliklarini bildirish uchun ijtimoiy tarmoqlarda duolar qilishadi...

Oldinlari bir talaba dars asnosida professordan tahorat olishga ruxsat so‘rab, tashqariga chiqib ketar, aslida esa bu vaqtda zuho namozini o‘qib olar edi. Hozir Tvitter va Feysbukda Zuho namozini o‘qimoqchiligi haqida jar solishadi...

Diqqat qiling! Riyo ba’zida boshqalarga eslatma qilish bilan ham paydo bo‘ladi.

Oldinlari Ramazon oyi kirishi bilan kishi ibodatlarini ko‘paytirish uchun do‘stlaridan o‘zini chetga tortar, lekin buni o‘zgalarga sezdirmas edi. Hozir esa "Ramazonda ibodat bilan mashg‘ul bo‘lish uchun ijtimoiy tarmoqlarni tark etmoqchiman", deb e’lon berishadi. Indamasdan ketish mumkin emasmi?!

Avvallari kishi niyatini xolis qilar, biron ibodati oshkor bo‘lib qolsa, o‘z nafsini malomat qilar edi. Hozir esa bir kishi nima qilayotganini qolganlar bilib turadi...

Salaflar tunda nimanidir ko‘rganlari haqida gapirib qolishsa, ortidan "Men namoz o‘qimayotgandim. Shunchaki, bir hasharot chaqib olganidan uxlay olmadim", deb qo‘yishardi...

Ayyub Saxtiyoniy: "Banda mashhurlikni yaxshi ko‘rar ekan, hech ham rostgo‘y bo‘la olmaydi", degan.

Hammod ibn Zayd aytadi: "Ayyub (Saxtiyoniy) bir majlisda o‘tirganida ibratli gap eshitsa, (ko‘zyoshini bildirmaslik uchun) burnini qayta-qayta tortib, "Shamollash buncha ham qattiq bo‘lmasa", der edi.

Imom Ahmadga "Hadislarni Alloh uchun jamladingiz-da", deyishdi. Imom: "Alloh uchun", desak, U bundan behojat. Aksincha, shu ishni yaxshi ko‘rganimiz uchun qildik", deb javob berardi.

@kitob_ombori