Kitob tumanidagi mavjud korxona-tashkilotlar xodimlari ishtirokida "Husnixat" tanlovi o`tkazildi

Kitob tumanidagi axborot-kutubxona markazida o‘zbek tiliga davlat tili maqomi berilganining 34 yilligi hamda O‘zbek tili bayrami kuni munosabati bilan tashkilot va muassasalar xodimlari o‘rtasida “Husnixat” diktant tanlovi bo‘lib o‘tdi. Tanlovda tashkilot va muassasalardan 20 ga yaqin xodimlar ishtirok etishdi. Shartga ko‘ra chiroyli husnixat bilan imlo xatolarsiz yozishga muvaffaq bo‘lgan ishtirokchilar e’tirof etilishi belgilab qo‘yildi.

Diktantlarni ona tili va adabiyot fani o‘qituvchilaridan iborat hakamlar tekshirib chiqishdi. G‘oliblik ikki ishtirokchiga – ftiziatriya shifoxonasi xodimi Go‘zal Xolboboyeva hamda 3-kasb-hunarn maktabi xodimi Maxfuza Ernazarovalarga nasib etdi. 2-o‘rinni 19-maktabgacha ta’lim tashkiloti tarbiyachisi Shahnoza Xidirovaga, 3-o‘rinni axborot-kutubxona markazi kutubxonachisi Zilola Qodirovalar qo‘lga kiritishdi. Shuningdek, “Qalandartepa” buyum bozori ish yurituvchisi Kamola Jo‘rayeva ham rag‘batlantirildi. G‘oliblarga tashkilotchilarning esdalik sovg‘alari, kitoblar taqdim etildi.

Shu kuni tadbir ishtirokchilari bilan “O‘zbek tili – milliy o‘zligimiz va mustaqil davlatchiligimiz asosi” shiori ostida davra suhbati ham o‘tkazildi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt| ✅Telegram | ✅Twitter | 📹YouTube