ግድ የለሽ አትሁን‼️

ጎርፍ ሲወስድህ እያሳሳቀ ነው፤ ስንፍና በአንድ ቀን ከሰው በታች አያደርግህም፤ በየቀኑ የምታደርጋቸው ትናንሽ የስንፍና ውሳኔዎች ግን ተጠራቅመው ነገ ዋጋ ያስከፍሉሀል።

ከዛ ገቢህን ስታየው ያንስብሀል ይሄ አይገባኝም ትላለህ፣ ስራህን ስታየው ውጤት አልባ ልፋት ነው፣ በምድር ለመደሰት አልታደልኩም ማለት ነው እስክትል ድረስ ህይወት አድካሚ ትሆናለች።

ህይወትህን እንዲህ አርጎ የሚያበላሸው ለነገ የምታሳድረው ስራ፣ ምንም ችግር የለውም ብለህ የተውከው የቀን ግዴታህና የማይረቡ ትንንሽ ውሳኔዎችህ ናቸው። ግድየለሽ አትሁን ትንሹ ጥረትህ ነው ትልቁን ውጤት የሚያመጣው!

መልካም ምሽት🙏
https://t.me/kingnan

🚷 ሌቦቹ .....
♟♟♟♟♟♟♟♟♟♟♟♟♟♟

የታጠቁ ዘራፊዎች ናቸው፡፡ ወደ ባንክ ገብተው “አንድም ሰው እንዳይንቀሳቀስ! ገንዘቡ የመንግሥት ነው፤ ህይወታችሁ ግን የእናንተ ናት፡፡” ሲሉ ድምጻቸውን ከፍ 
አድርገው ተናገሩ፡፡ ሁሉም ሰው ነብሱን ለማዳን ሲል ወለሉ ላይ በደረቱ ተኛ፡፡ ይኼ “Mind Changing 
Concept” ይባላል፤ ከተለመደው ወጣ ባለ መልኩ የሰዎችን አስተሳሰብ መቀየር ነው፡፡ 

ጠረጴዛ ላይ ተደፍታ የነበረች አንዲት ሴት የማጉረምረም ድምጽ ስታሰማ፣ ከዘራፊዎች አንዱ 
ቆጣ ብሎ፣ “እመቤት እንደሰለጠነ ሰው አስቢ እንጂ ይህ እኮ ዘረፋ እንጂ አስገድዶ መድፈር 
አይደለም” አላት፡፡ ፀጥ አለች፡፡ ይሄ ደግሞ “Being Professional” ነው፤ በሰለጠንክበት 
ጉዳይ ላይ ብቻ ትኩረት ታደርጋለህና፡፡ 

ከዛ ዘራፊዎቹ ጉዳያቸውን ጨርሰው ያለምንም ችግር ወደ ቤታቸው ገቡ፡፡ ከዘራፊዎቹ መካከል ልጅ እግሩ እና የMaster of Business Administration 
ተመራቂው የተዘረፈው ገንዘብ እንዲቆጠር ሃሳብ አቀረበ፡፡ ነገር ግን በዕድሜ ታላቅ የሆነውና 
እስከ ስድስተኛ ክፍል ብቻ የተማረው ዘራፊ፣ በቁጣ “አንተ የማትረባ ደደብ! ይህን ሁሉ ገንዘብ ማን ይቆጥራል? ምናለፋህ ዛሬ ማታ በቴሌቪዥን ዜና ላይ ስንት እንደዘረፍን ይነግሩናል፡፡” ይኼ “Experience” ይባላል፡፡ ዛሬ ዛሬ በትምህርት ከሚገኝ 
ዕውቀት ይልቅ 'ልምድ' የበለጠ ዋጋ አለው፡፡ 


ዘረፋው ከተፈፀመ በኋላ፣ የባንኩ ማናጀር የባንኩን ሱፐርቫይዘር ጠርቶ በአስቸኳይ ፖሊስ እንዲጠራ ነገረው፡፡ ሱፐርቫይዘሩ ግን፣ “ቆይ ተረጋጋ! 
እየውልህ፣ መጀመሪያ ከካዝና 10 ሚሊየን አንስተን ለራሳችን እንውሰድ፡፡ ከዚያም ባለፉት ወራት የወሰድነውን 70 ሚሊየን እንጨምርበት፡፡ 
ለፖሊስ ሪፖርት ማድረግ ያለብን ይህን ገንዘብ ዛሬ ከተዘረፈው ጋር ደምረን ነው” አለው፡፡ 
ይኼ “Swim with the tide” ይባላል፡፡ የተፈጠረን አስቸጋሪ ሁኔታ ለራስ ጥቅም ማዋል እንደማለት ነው፡፡ ሱፐርቫይዘሩም እንዲህ ሲል ተመኘ “በየወሩ ዘረፋ 
ቢካሄድብን እንዴት መልካም ነበር!” 

በሚቀጥለው ቀን፡፡ ከባንኩ የተዘረፈው ገንዘብ 100 ሚሊየን እንደሆነ በቴሌቪዥን ዜና ተነገረ፡፡ ዘራፊዎች ደነገጡ፤ የዘረፉትንም መቁጠር ጀመሩ፤ ማመን 
አቃታቸው። ደግመው ቆጠሩ፤ ያው ነው፡፡ ትንሽ ቆይተው እንደገና መቁጠር ጀመሩ፤ ተመሳሳይ መጠን -20 ሚሊየን ብር ብቻ። በጣም ተናደዱ፣ “እኛ ህይወታችንን 
ለአደጋ አጋልጠን 20 ሚሊየን ብቻ ስናገኝ፣ የባንክ ማናጀሩ ቁጭ ብሎ 80 ሚሊየን እንዴት ያገኛል?” 
ከንፈራቸውን ነከሱ፣ ጠረጴዛውን በቡጢ ነረቱ፡፡ 

ታድያ ሌባ ከመሆን ብልጥና መማር ይሻላል ማለት ይህም አይደል? 

የማናጀሩ ፊት በፈገግታ እንደ ማለዳ ፀሐይ አብረቅርቋል፤ የደስታ ግምጃ አድምቆታል፡፡ በሽርክና ገበያው የተፈጠረበት ጉድለት ተሞልቶለታልና፡፡ 
ይኼንንም “Seizing the opportunity” ይሉታል፡፡

https://t.me/kingnan

ማን ያውቃል ?

🛑 አንድ እድሜው የገፋ ገበሬ፡ እርሻውን የሚያርስበት አንድ ያረጀ ፈረስ ነበረው አንድ

ቀን ፈረሱ ከታሰረበት አምልጦ ወደ ጫካ ሸሸ። የገበሬው ጎረቤቶች በገጠመው መጥፎ እድል አዝነው ሲያጽናኑት

“መጥፎ አጋጣሚ ይሁን ጥሩ ማን ያውቃል?” ብሎ መለሰላቸው።

ከሳምንት በኋላም የጠፋው ፈረስ ብዙ የዱር ፈረሶችን አስከትሎ ከጫካው ተመለሰ። ይሄን ግዜ ደግሞ ጎረቤቶቹ በገጠመው ጥሩ እድል ደስታቸውን ገለጹለት።

“ጥሩ አጋጣሚ ይሁን መጥፎ ማን ያውቃል?” ነበር የገበሬው መልስ።

ከዚያ ደግሞ የገበሬው ልጅ፡ ከዱር ፈረሶቹ አንዱን ለማላመድ ሲሞክር፡ ከፈረሱ ጀርባ ወድቆ እግሩ ተሰበረ። የደረሰውን ክፉ አጋጣሚ ሁሉም ሲያማርር ገበሬው ግን

የተለመደ አስተያየቱን ደገመ፦

“መጥፎ አጋጣሚ ይሁን ጥሩ ማን ያውቃል?”
ከጥቂት ሳምንታት በኋላም የጦር ሰራዊቱ ወደ መንደሩ ዘልቆ፡ ጥሩ አቋም ያለውን ወጣት በሙሉ መለመሉ። የገበሬውን ልጅ ግን እግሩ በመሰበሩ ጥለውት ሄዱ።

🛑 ታዲያ ይሄ አጋጣሚ ጥሩ ነው ወይንስ መጥፎ? ማን ያውቃል?

https://t.me/kingnan

🎯 የሕይወት ትምህርት

አራት ልጆች የነበሩት አንድ ሰው ነበር፡ እናም ልጆቹ በነገሮች ችኩል እንዳይሆኑና ቀድመው ማደማደምን (#quick judgment) እንዳይለምዱ የሕይወት ትምህርት ያስተምራቸው ዘንድ ወደደ፡፡ ስለሆነም ከአካባቢያቸው በብዙ ርቀት የሚገኝ ዛፍን አይተው ያዩትን ነገር ይዘው እንዲመጡ ተልዕኮ ሰጥቶ አሰማራቸው፡የመጀመሪው ልጅ፡ በበጋ ሁለተኛው በበልግ ሦስተኛው በክረምት አራተኛውና የመጨሻውን በመከር ደርሰው ያዩትን ይዘው እንዲመለሱ አደረገ፡፡የመጀመሪያው ያየውን ሲያቀርብዛፉ በጣም አስጠሊታ ነው፡፡ ተጣጥፏል፣ ተሰባብሯልም አለ፡፡ ሁለተኛው ቀጠለ በአረንጓዴ ልምላሜ የተሞላ ቅርንጫፍ አውጥቷል ለወደፊትም የማፍራት ተስፍ ይታይበታል ሲል ያየውን አብራራ፡፡ ሦስተኛው በዚህ አባባል አልተስማማም እሱ ያየውን ለአባቱ ሲያቀርብም ዛፉ በአበባ ተጨናንቋል ያበቦቹ መዓዛም እጅግ ያውዳል እናም በጣም ቆንጆ ነው፡ እንደዛ አስደሳች ነገር ከዚህ በፊት በሕይዎቴ አላየሁም ሲል ባግራሞት ተናገረ፡፡የመጨረሻው ልጅ ቀዳሚዎቹ ሦስቱ ወንድሞቹ ባቀረቡት አልተስማማም፡፡ እናም እንዲህ አለ ዛፉ በበሰሉና እጅግ ባማሩ ፍሬዎች ተጨናንቋል ሕይወትንም በደስታ ይሞላል፡፡አባት የሁሉንም እይታ ካዳመጠ በኋላ ሀላችሁም ትክክል ናችሁ ምክንያቱም ያያችሁት አንድ ዛፍ ቢሆንም ያያችሁበት ወቅት ግን ለዛፉ ሕይዎት የተለያየ ትርጉም ባላበት ወቅት ነው፡፡ አስከትሎም እንዲህ አላቸው ሰውንም ሆነ ዛፍን በአንድ ወቅት ገጽታ ብቻ እንዲህ ነው ብሎ መናገር አይቻልም፡፡ሕይዎትን በችግራችን ወቀት ብቻ ከተረጎምናት፤ በበጋው ዛፉ ደርቆ እንደታየው ካየናት እንጠላታልን የበልጉን ተስፋና የክረምቱን ውበትም አናየውም፡፡ የሕይዎት ጥፍጥና የሚመዘነው በሁሉም ወቅቶች ድምር እንጅ አንደኛው ወቅት በፈጠረው ገጽታ ብቻ አይደለም ፡፡

🎯 የሕይወት ትምህርት፡

ያንድ ወቅት ችግር የቀሪ ሕይወትህን ደስታ እንዲያበላሸው አትፍቀድለት፤ሕይዎትንም ባስቸጋሪው ወቅት በነበረህ መነጸር አትያት፣ ሕይወትን በአንድ ክፉ አጋጣሚ ወክለን አንያት፣ይልቁንም በአስቸጋሪ ጊዜ ነገም ሌላ ቀን ነው ብለህ ጽና እናም የተሻለው ጊዜ እንደሚመጣ እርግጠኛ ሁን፡፡

https://t.me/kingnan

🛑 ከነባሩ የመውጣት ፈተና

ነገር በምሳሌ ጠጅ በብርሌ ይሰምራልና ለውጥን በመተግበርና በማስተግበር አንድ ጥሩ ማሳያ ሊሆን የሚችል ምሳሌ ልጠቁማችሁ በተለይ አሁን እየኖርንበት ያለው ሁናቴ ባንወደውም እንዴት ከዚህ መውጣት እንደማንሻ ያመላክተናል፡

ከዓመታት በፊት ሳይቲስቶች አንድ ኤክስፐርምንት አደረጉ፡፡ እሱም ምንድን ነው በአንድ ብረት ድስት መሰል ሳህን ላይ ውሃ በመጨመር በከፍተኛ ሙቀት እንዲፈላ ካደረጉ በኋላ አንዲት እንቁራሪት በማምጣት በፈላው ውሃ ላይ ጨመሯት፡፡ እንቁራሪቷ ሙሉ ኃይኋን ተጠቅማ ከመቅጽበት ተስፈንጥራ ወጣች፡ ሳይንቲስቶች በመቀጠል ያደረኩት እንቁራሪቷን ቀዝቃዛ ውሃ በያዘ ሳህን ውስጥ አስቀመጧት፡፡ ቀዝቃዛውን ውሃ እንቁራሪቷ የወደደችው በመሆኑ የመውጣት ሙከራ አላደረገችም፡፡ ከዛም ሳህኑን በዝቅተኛ ሙቀት ማሞቅ ሲጀምሩ እቁራሪቷ ምቾት እየተሰማት ተደላድላ ተቀመጠች፡ የሙቀት መጠኑ ቀስ በቀስ እጨመረ ሂዶ ከፍተኛ ደረጃውን በመያዙ እንቁራሪቷ የማምለጥ ሙከራ ሳታደርግ እዛው አረረች፡፡ ከለመዱት የመውጣት ፈተና እያረሩም ቢሆን በዛው ማዝገምን ያስመርጣል፡፡

እውነታው እሚነግረን ብዙዎቻችን እንደ እንቁራሪቷ እንደሚሰማን ነው፡፡ አሁን ካለንበት የማንወደው ግን ምቾት የሰጠን አድርገን ከምንወስደው ከባቢ ሁኔታ መላቀቅ አንወድም፡፡ ወይም ደግሞ የተሻለው ለውጥ የሚጠይቀንን ዋጋ ለመክፈል ዝግጁ አይደለንም፡፡ ይኸን የሚያጠናክር አባባልም አለን፡ ካለመዱት መልአክ የለመዱት ሰይጣን የሚል፡፡ በሕይወት ውስጥ ምርጫው ሁለት ነው ወይ ከነበሩበት ብሶ መበስበስ ወይም ደግሞ ወደ አዲስ መሻገር፡ ባሉበት መቀጠል የሚባል ሦስተኛ አማራጭ የለም፡፡ There is no permanent thing except change እንዲልሳይንሱ፡ ስለሆነም ወይ ወደፊት ወይም ደግሞ ወደኋላ ማለት የተፈጥሮ ግዴታ ነው፡፡ ምርጫችን ወደፊት እንዲሆን ሳንወደው ከተመቸን ከባቢ ሁኔታ መንቃት ይጠይቀናል፡

ምንጭ፦ Frog in the Beaker
https://t.me/kingnan

🎯አሁኑኑ አቁም‼️

★ ነፍስህን መዋሸት አቁም

★ ከችግርህ መሸሽ አቁም

★ ትምህርት ከማትወስድባቸው ሰዎች ጋር ጊዜ ማጥፋትን አቁም


★ እሳሳታለው በሚል ጥሩ ስራ ከመስራት መቆጠብን አቁም ስላለፈው ጊዜ በመጨነቅ ያለህበትን ጊዜ ማበላሸት አቁም

★ውስጣዊ ደስታን በቁሳዊ ነገሮች ለመገዛት መሞከርን አቁም እኔ ውስጣዊ ደስታ ማግኘት አልችልም ብሎ ማሰብን አቁም

★ከችግርህ በላይ ሌላ ችግር እንዳትፈጥር በችግርህ ላይ ከመጠን በላይ ማሰብን

🎯አቁም

🎯ሁልጊዜ ለሰዎች ስሞታ ማሰማትን አቁም

🎯ወደ ምቅኝነት እንዳይቀይር ከሰዎች ላይ ባለ ነገር ሁሉ መቅናትን አቁም

🎯በፈፀምከው ስህተት ምክንያት ሌሎችን. መውቀስን አቁም

🎯 ከምታደረገው ነገር ላይ ከሰዎች ምስጋና መጠበቅን አቁም

🎯 በአንተና በሌሎቹ መካከል በተፈጠረ ግጭት ይቅርታን ከሌሎች መጠበቅን አቁም እርግጠኛ የሆንክበትን ነገር ትተህ የሚያጠራጥርህን ነገር መስራትን አቁም።

👇👇👇👇👇👇 join us👇👇👇👇👇👇

🎯 https://t.me/kingnan

❤ ፍቅርና ጊዜ ❤

ሁሉም አይነት ስሜቶች የሚኖሩበት አንድ ደሴት ነበር፡፡ የደስታ ስሜት፣የመከፋት ስሜት፣ እውቀት እና ሌሎቹ ስሜቶች ፍቅርን ጨምሮ፡፡ አንድ ቀን ታዲያ ደሴቱ ሊሰምጥ እንደሆነና ሁላቸውም ስሜቶች ሊያመልጡ የሚችሉበትን ጀልባ መስራት እንዲችሉ አዋጅ ተነገረ፡፡ በዚህም መሠረት ሁሉም ስሜቶች ጀልባቸውን ሲሰሩ ፍቅር ግን ደሴቱ እስኪ ሰምጥ ድረስ ጀልባ አልሰራም ነበርና ከሊሎቹ ስሜቶች እገዛ ለመጠየቅ ወሰነ፡፡

ሀብታምነት የሚባለው ስሜት በፍቅር በኩል ሲያልፍ “ሀብታም ሆይ ከአንተ ጋ ይዘኸኝ ልትሻገር ትችላለህ?” አለው ፍቅር፡ “አይሆንም፡፡ አልችልም በጀልባየ ውስጥ በርካታ ወርቅና መዳብ የያዝኩ በመሆኑ ለአንተ የሚሆን ቦታ የለኝም” ሲል ጥሎት ሄደ፡፡ ፍቅር አቶ ስግብግብን ሲያልፍ ተመለከተውና እንዲረዳው ጠየቀው፡፡ “አልችልም አቶ ፍቅር ጀልባየን ታበላሽብኛለህ አይሆንም ብሎ” ትቶት ሄደ፡፡ አቶ መከፋትን በቅርብ አገኘውና አሁንም ፍቅር አብሮ እንዲያሻግረው ጠየቀው፡፡ “ኦው! ፍቅር አዝናለሁ እኔ ብቻየን ነው መሆን የምፈልገው፡፡” ብሎ አሰናበተው፡፡ ደስታም ፍቅርን አልፎት እየሄደ በጣም በፈንጠዝያ ደስታ ላይ ስለነበር ፍቅር ሲጠራውም መስማት አልቻለም፡፡ ባጋጣሚ “ፍቅር ና እኔ እወስድሃለሁ” የሚል ድምጽ ሰምቶ ሲዞር የተባረከ አዛወንት ነበር፡፡ “ጊዜው ነው” ወዳጀ ፍቅር ሲል እውቀት የተባለው ስሜት መለሰ፡፡ “ጊዜ ማለት!?” ፍቅር በመደነቅ ጠየቀው “ነገር ግን ለምን ጊዜው ሊረዳኝ ቻለ?” እውቀት ፈገግ እያለ ምክንያቱም “የፍቅርን ዋጋ መረዳት የሚችለው ጊዜ ነው፡፡” ሲል መልስ ሰጠው፡፡

ምንጭ፡ 100 moral stories

https://t.me/kingnan

🎯ሽመላዊ ትምህርት

ሽመላ በመባል የሚታወቁት አዋፋት ወቅትን መሰረት ያደረግ ምቹ መኖሪያ ፍለጋ ከቦታ ቦታ ዝውውር ያደርጋሉ፡ በጉዟቸውም ልብ ብለን አስተውለናቸው እንደሆነ የ “V” ፊደልን ቅርጽ ሰርተው ነው የሚበሩት፡፡ ከተፈጥሮ ለመማር ንቁ የሆነ ለምን ይህንን አይነት ቅርጽ ሰርተው መብረርን መረጡ የሚለውን መጠየቅ ይችላል፡፡ ሳይንስ የደረሰበት እውነታ ሽመላዎች በአንድነት ሲበሩ የሚኖረውን የአየር ግፍት ለብቻቸው ሲበሩ ከሚፈጥርባቸው የአየር ግፊት በእጅጉ ስለሚቀንስ ነው፡፡ ብቻ ለብቻ ከሚበሩት ይልቅ የ “V” ፊደልን ቅርጽ ሰርተው በአንድነት ሁነው ሲበሩ የመብረር ፍጥነታቸውም በ71% ይጨምራል፡፡ ይህንን በመረዳታቸው ነው ሽመላዎች የ “V” ፊደልን ቅርጽ ሰርተው መብረራቸው፡፡

ሌላው ሊደንቀን የሚገባው ባሕሪያቸው በሆነ ምክንያት (በጉዳትም ሊሆንይችላል) አንድ ሽመላ ተነጥሎ ከዚህ ቅርጽ ከወጣ የተወሰኑት ተነጥለው በመቅረት በግራና በቀኝ በመሆን የሚደርስበትን የአየሩን ግፊት በማገዝ ወደ መንጋው እንዲቀላቀል ያግዙታል እንጅ ጥለውት አይሄዱም፡፡ እገዛቸውም የሚዘልቀው አገግሞ ከመንጋው እስኪቀላቀል ድረስ ወይም ደግሞ ለይቶለት እስኪሞት ድረስ የሚቀይ ነው፡፡

ሽመላዎች የሚያደርጉትን እረዥም ጉዞ ይመራ የነበረው ሽመላ በደከመው ጊዜ የመሪነት ሚናውን ለአንደኛው ያስረክብና ከኋላ በመሆን እረፍት ያደርጋል፡ ሽመላዎች በሚጓዙበት ወቅት ቋቅቋቅ የሚል ድምፅ ያስተጋባሉ፡፡ ይህም በገጠሩ የሀገራችን ክፍል እንደሚደረገው የደቦ ሥራ ሽለላ ጎዞውን ተበረታታው በነቃ መንፈስ እንዲጓዙት ለማድረግ የማነቃቂያ ስራ ነው፡፡ በተለይም ደግሞ ፊት ሆኖ መንጋውን ለሚመራው፡፡

ግብረገባዊ ትምህርት

ተፈጥሮ በራሷ ይንን ይረዱት ዘንድ ለሽመላዎች ጥበብ ሰጣቸዋለች፡፡ እኛም ከእነሱ ተምረን በአንድነት መስራት የሚያስገኘውን ጥቅም፣ በጋራ ሲሆኑ የሚፈጠረውን ተጨማሪ ጉልበት ማጤንና አንድነትን ማጠንከር እንዳለብን ያሳስበናል፡፡ አንድነት ኃይል ነው፡፡ በአንድነት በመሆናችን ለየብቻ ከነበረን የበለጠ ተደማሪ ኃይል ማግኘት እንችላለን፡፡

🎯ትምህርት አንድ፡

የጋራ መዳረሻን በእምነት ከያዝንና እንደ አንድ ልብ መካሪ ሁነን በአንድነት መስራት ከቻልን በፍጥነት ከአሰብንበት እንደርሳለን፡፡ የላቀ ውጤትም እናስመዘግባለን፡፡

🎯ትምህርት ሁለት፡

የመሪነት ሚናን ለመጋራት በመካከላችን መከባበርና መተማመን ሊኖር ይገባል፡፡ ሥራዎችንና ችግሮችን ስንጋራ ያለንን ብቃት በአንድነት አስተባብረን ስንጠቀምበት በአጭር ጊዜና በትንሽ ጥረት ብዙ ውጤት ማስመዝገብ አንችላለን፡ የመሪነት ቦታ ዕርስት አደለም!

🎯ትምህርት ሦስት፡

ወቅቱን የጠበቀ ማበረታቻ ስንለዋወጥ እርምጃችን ፈጣን ይሆናል፡፡

🎯ትምህርት አራት፡

ልዩነታችንን አድንቀን ተቀብለን ለጋራ ችግራችን በጋራ እንነሳ በተለይም ደግሞ በአስቸጋሪና በፈታኝ ጊዜ አንድነታችንን እንጠብቅ፣ እናጥብቅ፡፡

🎯 ሲጠቃለል በመሪነት ቦታ መቀመጥ ርስት መውረስ አይደለም

ምንጭ: FLIGHT OF SWANS

https://t.me/kingnan

ንስር ወጀብ ከመምጣቱ ብዙ አስቀድሞ ማወቅ ይችላል። እንዳወቀም ከፍታ ቦታ ለይ ይቀመጥና ንፋሱን ይጠብቃል። ወጀቡ ሲመጣ ከተቀመጠበት በመብረር ንፋሱ አግዞት ከወጀቡ በላይ እንዲበር ያደርገዋል። ወጀቡ ከታች ያለውን ዓለም ሲያተራምሰው፣ ንስሩ ከወጀቡ በላይ ይንሳፈፋል። እዚህ ላይ አንድ ነገር ልብ እንበል። ንስሩ ወጀቡን አላመለጠውም ፤ ተጠቀመበት እንጅ!!

የሕይወት ወጀብ ወደ እኛ ሲመጣ፣ ልክ እንደ ንስሩ ከወጀቡ በላይ መብረር እንችላለን፤ በሽታን፣ አደጋን፣ ውድቀትን፣ እና ሃዘንን ወደ ሕይወታችን የሚያመጣውን ንፋስ ለከፍታችን መወጣጫ ልናደርገውው እንችላለን።

(ከዩቲዩብ ቪዲዮ ላይ ታይቶ የተተረጎመ)

https://t.me/kingnan

❤️ እስቲ አፍቅሩ !

💚 በምድር ላይ ያልባከነ ምርጥ ጊዜ ማለት በፍቅር ያሳለፋችኋቸው ደይቃዎች ናቸው … እስቲ አፍቅሩ …መልካችሁ ምንም ይሁን አፍቅሩ …እድሚያችሁ ምንም ይሁን አፍቅሩ … ኑሮ ቢከብዳችሁ ራሱ ኑሮ ከከበደው ጋር ተፋቀሩ …ፍቅር ተያይዞ ማደግ ብቻ አይደለም ተያይዞ መውደቅም ነው ! በጥላቻና በድርቅና ከመቆም ለፍቅር መውደቅ ተለማመዱ !

💛``አገር፣ህዝብ ፣ፖለቲካ በሚል ግዙፍ ነገር ውስጥ እየዳከራችሁ የጤፍ ቅንጣት አክላችሁ አትሙቱ … ፍቅር የሚባል እጅግ ረቂቅ አየር ወደውስጥ ሳቡና አገር አክሉ ! የማታፈቅሩበት አገር ምን ያደርግላችኋል? ገብስ ልታመርቱበት ነው? …የማታፈቀሩበት ህዝብ ምን ያደርግላችኋል ቀብራችሁን እንዲያደምቅ ነው …?የማታፈቅሩበት ፖለቲካ ምን ያደርግላችኋል? ፓርላማ ልተሰየሙበት ነው? …የማታፈቅሩበት ህገ መንግስት ምን ያደርግላችኋል ሲጀመር ይልተጣመራችሁትን መገንጠል እንዲፈቅድላችሁ ነው? …

❤️ ተያዩ ተነጋገሩ ትዝብት ጥርጣሬ ፍርሃትን ወደዛ ጣሉና በፈገግታ በተሞላ ፊታችሁ የወደዳችኋትን ወደእናተ ሳቡ የወደድሽውን ወደራስሽ ጋብዥ ! ተቃቀፉ …አብራችሁ ቡና ጠጡ … ተደዋወሉ ‹ቴክስት› ተላላኩ ! በሚወዷችሁ ሰዎች እቅፍ ውስጥ ስጋችሁ ይድላው !ነፍሳችሁም ደስ ይበለው !ተሳሳሙ …ለመጨረሻ ጊዜ በፍቅር ከተሳማችሁ ስንት ቀን ስንት ወር ስንት ዓመት ሆናችሁ … ኪሳራ !

💙 ህግ ስርዓትና አሉባልታ አትፍሩ …ደግሞ አትንቀዠቀዡ! ብቻ ማፍቀርም መፈቀርም ፈልጉ ..ራሳችሁን ብቻ ቀለል አድርጉት አየሩ ራሱ ወደየት እንደሚወስዳችሁ ያውቃል !…ለምርጫችሁ ብዙ መስፈርት አታስቀምጡለት ….ፈልጉ ተፈላለጉ ያለምንም ወሰን በነፍስም በስጋም ወደፍቅር ድንበር ቅረቡ ….ፀብ አትፍሩ መለያየት አያስጨንቃችሁ …ዘላለማዊ ጥላቻም ሆነ ጊዚያዊ ፍቅር ብሎ ነገር የለም ! አልፎ ሂያጅ ፍቅር የሚባል ነገር የለም ፍቅር ወደየትም አያልፍም …ፍቅር ራሱ መንገዱ ነው ! ተራመዱበት ፍጠኑበት …ብቻ አትቁሙ ! መንገድ ላይ በቆማችሁ ቁጥር ለሌላው እንቅፋት ትሆናላችሁ !

💜ማህበረሰቡ የሰከነ... ረጋ ያለ... ቁም ነገር …ሁነኛ ሰው… የማይሆን ሰው…የሚሆን ሰው… እያለ ከጫነባችሁ የጉልት ሂሳብ ውጡና እብደታችሁ በሰፈረላችሁ ልክ ከዚህ ነዝናዛ አዕምሮ ተላቃችሁ በልባችሁ ደስታ ኑሩ ! ካለፈ ታሪካችሁ ውጡ …ካለፈ ህመማችሁ አገግሙ … በዘፈን ስም ሙሾ ከሚያስወርዱ ሙዚቃዎች ራቁ ….እንዴ…! …እንዳሰባችሁና እንደተመኛችሁ እስከመቸ ትኖራላችሁ ?! ባለፈ ጥላቻችሁ ከሬዲዮና ከምናምን በተለቃቀመ የመካካድና ተጎዳሁ ተሰበርኩ ታሪክ (ያውም እንደዛም ብለው ማፍቀር ላያቆሙ) በፍርሃት ተሸማቃችሀ ትኖራላችሁ እንዴ ?!

❤️አንዳንዴማ ልብሳችሁን ጣሉ …እራቁታችሁን መኖር ተለማመዱ …እራቁታችሁን ከሆናችሁ ልብስ አይኖራችሁም… ልብስ ከሌላችሁ ኪስ አይኖራችሁም ….ኪስ ከሌላችሁ በኪስ ከሚያዙ ነገሮች ሁሉ ነፃ ናችሁ … ምንም ነገር ልትይዙ የምትችሉት ብቸኛ ነገር ልባችሁ ብቻ ይሆናል … እንደልባችሁ ኑሩ ! የነፍሶቻችሁ ባሉን ላይ የተቋጠሩ ክሮችን ከራሳችሁ የፍርሃት እጅም ይሁን ከሌሎች ሰዎች የቁጥጥር እጅ ላይ አላቁና ወደሰፊው ህዋ ልቀቋቸው በአየሩ ላይ ይንሳፈፉ !

✍ አሌክስ አብርሃም

https://t.me/kingnan

📌 👉 አደገኛው ስብእና/ Narcissism👈📌

🔥አብዝተን ልንጠነቀቃቸው የሚገባ አስቸጋሪ ማንነት ያላቸው ሰዎች።🔥

📌👉 ሁል ጊዜ ጥፋተኛ እንደሆናችሁ እንድታስቡ የሚያደርጉትን። ለሚሰጧችሁ መጥፎ ምላሽ ተጠያቂው/ዋ አንተ/አንቺ ነሽ የሚሉትን።

📌👉 የእነሱን ችግር እንጂ ፈፅሞ የእናንተን ማዳመጥና መረዳት የማይፈልጉትን።

📌👉 ለጥፋታቸው ሀላፊነት መውሰድ የማይፈልጉ፣ ሁል ጊዜ ትክክል ነኝ ብለው የሚያስቡና ለተፈጠረው ችግር ሁሉ ምክንያቱ እናንተ እንደሆናችሁ እንዲሰማችሁ የሚያደርጉትን።

📌👉 ጉራቸው ከልክ ያለፈ። ታላቅነታቸውን፣ ችሎታቸውን፣ ተፈላጊነታቸውን እና የበላይነታቸውን ሁሌ የሚናገሩትን። ከእናንተ የወሰዱትን ሀሳብ ጭምር የራሳቸው አድርገው የሚነግሯችሁን።

📌👉 የሰውን ትኩረት ለመሳብ የማይፈነቅሉት ድንጋይ የለም። በእያንዳንዱ ንግግራቸው እኔ....እኔ....እኔ የሚሉትን።

📌👉 ለሌላ ሰው ችሎታ እውቅና የማይሰጡና የሚቀብሩትን።

📌👉 ሌሎችን በጣም የሚያሳንሱ። የእነሱ ትልቅነት የሚጎላው የሌላውን ውድቀት፣ ድክመትና አለመሳካት ሲያወሩ የሚመስላቸውን።

📌👉 ፈፅሞ አክብሮት የላቸውም። ተሳስቻለሁ....ይቅርታ የሚባል ነገር አይታሰብም። ለጥፋታቸው ሌላውን ተጠያቂ በማድረግ የሚያሸማቅቁትን።

📌👉 እነሱ የሚፈልጉትን ሀሳብ እንድትቀበሉና በነሱ ቁጥጥር ስር እንድትሆኑ የሚያደርጉትን።

📌👉ምንም አይነት ፍቅርና ርህራሄ የሌላቸውን።

📌👉 ክፋታቸውን ነቅታችሁ ስትርቋቸው ስማችሁን የሚያጠፉ። ሚስጥርና ድክመታችሁን ለሰው የሚያወሩተን። በሚችሉት ሁሉ ሊጎዷችሁ የሚሞክሩትን።

🔥ይህንን ካነበቡ በኋላ ግንኙነቶችዎን ደግመው ይመርምሩ። ለሌሎችም እንዲጠቅም ሼር ያድርጉ🔥

👉 ©በመአዛ መንክር - ክሊኒካል ሳይኮሎጂስት

https://t.me/kingnan

👉ጠቃሚ ምክሮች👈

1. ከአለስፈላጊ ክርክሮች ጭቅጭቆች እና እሰጣገባዎች ራቅ።

2. ራስህን ገንቢ ሃሳብ ከሌላቸው (negative) ሰዎች አርቅ። ምክንያቱም አንተን ራሱ ሳትፈልገዉ እንደነሱ እንድታስብ ትገደድ ይሆናል፡፡

3. መቀበል የምትፈልገውን ስጥ።

4. ገንቢ ያለሆኑ ጎጂ አስታያየቶችን ከመስጠት ተቆጠብ።

5. ለሰዎች ፍቅርና አክብሮት ይኑርህ።

6. ይህ መቼም በእኔ አይደርስም አትበል፣የሕይወትን አቅጣጫ ሁሌም ቢሆን ማወቅ አንችልምና።

7. የመኪና የፊት መስታወት ትልቅ ሆኖ የኋላ መመልከቻውዠ መስታወት ግን ለምን ትንሽ የሆነ ይመስልሃል....ምክንያቱም የፊቱ ካለፈው ይልቅ አስፈላጊ ስለሆነ ነው። ስለዚህም የኀላዉን ሳትዘነጋ በትልቁ የሕይወት መስታወት ወደፊት እያየህ ተጓዝ::

https://t.me/kingnan

የጥቅም ወጥመድ‼️

⛔️ አንድ ጊዜ አንድ ሰው በአንድ ፎቅ ቤት ስር ተቀምጦ በተመስጦ ስልኩን እየነካካ ሳለ በድንገት ከላይ “የአንድ ብር ሳንቲም ጭንቅላቱ ላይ ነጥራ አጠገቡ አረፈች፡፡ ይህ ሰው በጣም ስላመመው ጭንቅላቱን በማሻሸት ወደላይ በማየት የመታውን ሰው ለመሳደብ ሲቃጣው ጭንቅላቱን የመታችው የአንድ ብር ሳንቲም መሆኗን በማየቱ አንስቶ ኪሱ በመክተት ጸጥ አለ፡፡

⛔️ እንደገና ተመሳሳይ ሁኔታ ሲከሰት አሁንም የለመዳት አንድ ብር በመሆኗ ቀና ብሎ ከመጮህ ይልቅ ህመሙን ታግሶ አንድ ብሯን በማንሳት ኪሱ ከተተ፡፡ ሁኔታው ለሶስተኛ ጊዜ ከተደገመ በኋላ በአራተኛው ጊዜ ጭንቅላቱ ላይ ያረፈው የለመደው የአንድ ብር ሳንቲም ሳይሆን ጠጠር ነበር፡፡

በዚያን ጊዜ ነበር፣ እጅግ በተቆጣ ድምጽ “ማን ነው የመታኝ? በማለት ወደላይ ቀና ያለው፡፡

⛔️ በግል ሕይወታችንም ሆነ በማሕበራዊ ግንኑነታችን፣ “ጥቅም እስካገኘሁ ድረስ ምን ቸገረኝ” በማለት የምናልፋቸው ጎጂ ነገሮች ናቸው፡፡

⛔️ እኛ ጊዜያዊ ጥቅም ስላገኘን ብቻ የተውናቸው ጥሩ ያልሆኑ ተግባሮች የእኛኑ አመለካከትና ባህሪይ እያበሰበሱ መሄዳቸው አይቀርም፡፡ በተጨማሪም፣ በእኛ ዝምታ ምክንያት ተግባሩን የሚፈጽሙት ሰዎች እርማት ስለማያገኙና፣የእነሱን አጉል ምሳሌነት በመከተል ያንኑ ተግባር ወደመፈጸም የሚሄዱ የሕብረተሰቡ ክፍሎች ስለሚበራከቱ የበሰበሰ ሕብረተሰብ መፍጠሩ አይቀርምና ሃላፊነት የሚሰማው ዜጎች እንሁን‼️

https://t.me/kingnan

10
ምርጥ ትምህርቶች ከፓውሎ ኩዌልሆ
"The Alchemist' መፅሐፍ

1. ፍርሃት ከሚያጋጥምህ ማንኛውም እንቅፋት የበለጠ ትልቅ እንቅፋት ነው። • ፍርሃትህን አትፍራው ብትፈራውም ከማድረግ አታፈግፍግ!

2. “እውነት” ሁልጊዜ ጸንቶ ይኖራል

~ እውነትን በጭስ እና በመስታወት መሸፈን አይቻልም - ሁልጊዜ ጸንቶ ይቆማል።

3. አሰልቺውን ተመሳሳይ ህይወት ስበረው

እያንዳንዱ ቀን ከቀጣዩ ቀን ጋር ተመሳሳይ በሚሆንበት ጊዜ ሰዎች በየቀኑ በሕይወታቸው ውስጥ የሚከናወኑትን መልካም ነገሮች ለይተው ማወቅ ስለሚያቅታቸው ነው።

~ ምስጋና በእያንዳንዱ ቀን ውስጥ ጥሩውን የማግኘት ልምምድ ነው።

4. አሁንን ተቀበል

ሁልጊዜ አሁን ባለህ ነገር ላይ ማተኮር ከቻልክ ደስተኛ ሰው ትሆናለህ።

~ ባለፈው መኖር እና ያለፈው ህይወትህ አንተን እንዲገልፅ መፍቀድ ወይም ስለወደፊቱ መጨነቅ ምንም ፋይዳ የለውም፡፡

5. ስኬትህ የምታደርገው ነገር ነፀብራቅ ነው።

ከቀደመው ማንነታችን የተሻልን ለመሆን ጥረት ባደረግን ቁጥር በዙሪያችን ያሉ ነገሮች ሁሉ የተሻሉ መሆን ይጀምራሉ።

~ የተሻለ ሰው መሆንህ በዙሪያህ ያሉትን ነገሮች ሁሉ ማለትም የአኗኗር ዘይቤህን፣ ቤተሰብህን፣ ጓደኞችህን፣ ማህበረሰብህን የሚጠቅም ተዘዋዋሪ ተጽእኖ ይፈጥራል።

6. ወስን

አንድ ሰው ሲወስን፣ መጀመሪያ ውሳኔውን ሲወስን አያውቃቸው ወደነበሩ ቦታዎች የሚወስደው ኃይለኛ ፍሰት ውስጥ እየገባ ነው።

~ ድርጊት በውሳኔህ ላይ ከመተማመን የሚመነጭ ነው። አጥር ላይ መቀመጥ የትም አያደርስም። ስለዚህ ወስን! የውሳኔ ሰው ሁን!

7. የምናብ ሰው ሁን

" አለምን የማየው እንዲከሰት ከምፈልገው ነገር አንፃር እንጂ ከሚታየው ነገር አንፃር አይደለም።"

ሰዎች ዓለምን እንዳለች መቀበልን ቢመርጡ ኖሮ ታላላቅ ፈጠራዎች አይከሰቱም ነበር።

• ታላላቅ ስኬቶች እና ፈጠራዎች “አይቻልም” የሚል አስተሳሰብን ችላ በማለት ይጀምራሉ።

8. እንደገና መነሳትህን ቀጥል

የሕይወት ምስጢር ሰባት ጊዜ ወድቆ ስምንት ጊዜ መነሳት ነው። ምክንያቱም ስምንተኛው ጊዜ የአንተ ግኝት ሊሆን ይችላል።

9. በራስህ መንገድ ላይ አተኩር

ሌሎች ሰዎች ተጽእኖ ሊያሳድሩብህ ይችላል፤ ነገር ግን የሌላ ሰው ህይወት መኖር ከጀመርክ ግራ የተጋባ ሰው ትሆናለህ።

• ምክር መቀበል እና ከሌሎች መማር ምንም ችግር የለውም፣ ነገር ግን የምትሄድበት መንገድ ከአንተ ፍላጎት እና ዝንባሌ ጋር የሚስማማ መሆኑን አረጋግጥ። ~

1ዐ. ሁልጊዜ እርምጃ ውሰድ

' ለመማር አንድ መንገድ ብቻ ነው ያለው፤ ይህም ተግባር ብቻ ነው

https://t.me/kingnan

  🎯 ውዷ እህቴ ይጠቅምሻል ጊዜ ወስደሽ አንብቢው
ላንቺ ነው ‼️

  ✅❤ የበዛ ዝናብ እምነ በረድ ያማሟል እንዳለ ሼክስፒር ስለደጋገምሺው እንጂ በአንዴ ለውጥ አታመጪም ውጣ ውረድ ስላለው እንጂ አልጋ ባልጋ ስለሆነ አያደርስሽም

  ✅❤ ፈታኝ ስለሆነ እንጂ ቀላል ስለሆነ አይሰራሽም ቀላሉን የመረጠ ከባድ ህይወት ይኖር ዘንድ የግድ ነው ከባዱን የመረጠም ቀላል ህይወት ይመራ ዘንድ የግድ ነው

  ✅❤ ከባድ ቢመስልሽም ቀጣዩን ምዕራፍ የሚያቀልልሽ የዛሬ ክብደቱ ነው ፈታኝ ቢመስልሽም ለአሸናፊነት የሚያበቃሽ እርሱ ነው ዋጋ ቢያስከፍልሽም ዋጋሽን የሚጨምረው እርሱ ነው

  ✅❤ ቀላል ቦታ እየተገኘሽ ህይወትሽ እንዲቀየር አትጠብቂ ፣ የሚቀልሽን ብቻ እየመረጥሽ የተመቻቸ ህይወት አትመኚ ከፀናሽ እንጂ ካቋረጥሽ የምታተርፊው ነገር የለም በመታገስ እንጂ በጥድፊያ የምትደርሺበት ቦታ አይኖርም

  ✅❤ እውነቴን ነው እህቴ

  ✅❤ ደጋፍ ስትፈልጊ እንዳትወድቂ ፤ ንቃትሽን ስትጠብቂ እንዳያመልጥሽ ብርታትን ስትመኚ እንዳትሸወጂ ፈታኝ እራስን የመግዛት ሁኔታ ውስጥ እራስሽን ማግኘትሽ እርግጥ ነው እራስሽን ለመቀበልም ትገደጂ ይሆናል

  ✅❤ እውነታው ግን የማታመልጪው አሳዳጅ እንደሚከተልሽ ማወቅሽ ነው እራስሽን

አታመልጪም ከጥረት እና ከድካም ወጪው ቀላል ህይወት አይኖርሽም

  ✅❤ ምርጫሽን ስትሸሺ ለከባድ ህይወት እራስሽን ታጋልጫለሽ ቀላሉን ስታሳድጂ ከባዱ ላይ ትወድቂያለሽ እራስሽን ስብራት ውስጥ ፣ ሀዘን ውስጥ ታገኚዋለሽ

  ✅❤ በከባድ ጥረትና ድጋፍ ያልተሰራ ያልዳበረ ማንነት ይዘሽ በተለየ ተዓምር ህይወትሽን የሚቀይር አጋጣሚ ቢመጣልሽ እንኳን ልትጠቀሚው አትችይም ልፋትሽ አንድም ለውጤት አንድም እራስሽን ለመስራትና ለማብቃት ነው

  ✅❤ እውነቴን ነው እህቴ

  ✅❤ ቀላሉን በከባዱ መንገድ አግኚ የበዛው ስቃይ ሌላ ሰው ያደርግሻል ፤ በችግር መፈተንሽ ያጠነክርሻል ፤ የበዛ ጥረትሽ ህይወትሽን ይቀይረዋል ፤ ፅናትሽ ያሸልምሻል ድካምሽም ህይወትሽን ያቀለዋል

  ✅❤ የምታስቢያቸው ከባድ ሁኔታዎች ጥሩና የተሻለ ነገር ባለበት ሁሉ አሉ ፤ ፅናትን መሸሸ ፣ ተስፋን መቁረጥ ፣ ተሰብሮ መቅረት ፣ መሀል ሰፋሪ መካከለኛ መሆን ከፈለግሽ ምርጫው ያንቺ ነው

  ✅❤ ነገር ግን የህልምሽን ግዝፈት አስቢ ለእራስሽም ሆነ ለወዳጆችሽ የገባሺውን ቃል አስታውሺ ቀላል እንዲሆን መመኘትሽ ስህተት አይደለም ቢከብድም አለማቆም ግን ትልቅ ጥንካሬ ነው ሙከራሽን እንዳታቆሚ ጥረትሽን እንዳትገቺ

  ✅❤ ስትነቃቂ እና ፍላጎት ሲኖርሽ ብቻ ሳይሆን ማድረግ ስላለብሽ አድርጊ ድካምሽ ከሁኔታዎችሽ ይበልጣል ጥረትሽ ካለብሽ ችግር ይልቃል
  ✅❤ ጠብቂ ያለጥርጥር የጠበቅሺው ይከሰታል የተመኘሺውም ይሆናል !!

  ✅ ❤ውዷ እህቴ መልካሙን ሁሉ ላንቺ ተመኘው

https://t.me/kingnan

❤ የጠፋው ቦርሳ ❤
(እውነተኛ የፍቅር ታሪክ)

ክፍል_1
(የታሪኩ ፀሃሃፊ ስቴቨን-አልትችሰን)

መልካም ንባብ

…ቀኑ ብርዳማ ነው። በእግሬ ወደቤቴ ሳዘግም እግሮቼ የሆነ ነገር እንደረገጡ ተሰማኝ፣ የኪስ ቦርሣ ነበር። የማን እንደሆነና ውስጡ መታወቂያ ካለ ብዬ ስከፍተው በውስጡ ሦስት ዶላርና-የተጣጠፈ ወረቀት አገኘው፤ ይሄ ወረቀት ምናልባት አድራሻ ይዞ ይሆናል ብዬ ገላለጥኩት፣ ደብዳቤ ነበር።

ደብዳቤው በሰማያዊ ወረቀት ላይ በሚያምር የእጅ ፅሁፍ የተፃፈና-ዳር ዳሩ ላይ የሚያማምሩ ትንንሽ አበቦች የተቀረፁበት ነው፤ ተስፋ የሚሰጠው ብቸኛ ነገሩ የመልዕክት ሣጥን ቁጥር መያዙ ነበር። ግና የተፃፈበት ቀን በአውሮፓዊያኑ የዘመን አቆጣጠር 1924 ይላል፡፡ ረጅም ጊዜ አስቆጥሯል።

ይሄን የፍቅር ደብዳቤየፃፈችው ማይክል የሚባል ፍቅረኛ ያላት ሀና የምትባል ሴት ናት። የደብዳቤው መሠረታዊ መልዕክት እንደሚገልፀው… ”ማይክን ዕድሜ ልክ እንደምታፈቅረውና ነገር ግን ከዚህ በኋላ ከእሱ ጋር እንዳትገናኝ እናቷ እንደከለከለቻት!!”የሚያትት መርዶ አዘል የስንብት ደብዳቤ ነበር።

የባለቤቱን አድራሻ የሚገልፅ ምንም ነገር የለውም፤ ስለዚህ ላደርግ የምችለው አቅራቢያዬ ከሚገኝ ፖስታ ቤት ስልክ ደውዬ ስለተፈጠረው ነገር ማስረዳትና ከተቻለም አድራሻውን እንዲሰጡኝ መጠየቅ ብቻ ነው። እናም ይሄን ሞከርኩ … የሆነውን ሁሉ ለፖስታ ቤቷ ሴት በዝርዝር አስረድቼ ከቻልሽ በዚህ አድራሻ የተመዘገበ የባለቤቶቹ አድራሻ ካለ ተባበሪኝ ስል በትህትና ጠየኳት። በእርግጥ በስማቸው የተመዘገበ ስልክ ቁጥር ቢኖርም ልትሰጠኝ እንደማትችል ነግራኝ፤ ልትተባበረኝ የምትችለው ነገር ቢኖር ወደሰዎቹ ደውላ ፈቃደኛ ከሆኑ ብቻ እንደሆነ ቃል ገብታልኝ እንደጠብቃት በነገረችኝ መሠረት እሺ ብዬ ጠበኳት።

~ ይቀጥላል ~
https://t.me/kingnan

🎯 ሶስቱ_ሰዎች .. ✍️

በህይወታችን ውስጥ ሶስት ዓይነት ሰዎች ይገጥሙናል።

✅1. ቅጠሎች
✅2. ቅርንጫፎች እና
✅3. ስሮች

✅ 1 ቅጠሎች

እነዚህ ሰዎች በህይወታችን ውስጥ ድንገት ብቅ ይሉና የተወሰነ ጊዜ ቆይተው የሚሄዱ ናቸው። በነዚህ መተማመን አንችልም፤ ምክንያቱም ደካሞች ናቸው። ወዳኛ የሚመጡት የሚፈልጉትን ለማግኘት ብቻ ነው፤ ግን የመከራ ንፋስ ከነፈሰ ትተውን ዘወር ይላሉ። እንደዚህ አይነቶችን ልንጠነቀቃቸው ይገባል። ምክንያቱም በደስታ ጊዜ ወዳጅ መስለው በመከራ ጊዜ ይከዳሉና!! 😘

✅2 ቅርንጫፎች

እነዚህ ጠንካራ ናቸው፤ ቢሆንም ጥንቃቄ ያሻቸዋል። ምንምኳ ጠንካራ ቢሆኑም ህይወት አስከፊ ስትሆን ሸክሟን መቋቋም ያቅታቸውና ይሰበራሉ። ምናልባት ረዘም ላለ ጊዜ አብረውን ሊቆዩ ይችላሉ፤ ነገርግን መከራና ፈተና ሲደራረብብን ትተውን ላሽ ይላሉ!! 😢

✅3 ስሮች

እነዚህ ሰዎች በጣም ጠቃሚዎቻችን ናቸው፤ መልካም ነገር የሚያደርጉልን ለታይታና ለውዳሴ ከንቱ ሳይሆን ከልብ ለመነጨ ወዳጃዊ ፍቅራቸው ነው። መከራና ፈተና እየተደራረበብን በህይወታችን ከባዱን ጊዜ ብናሳልፍ እንኳን ከጎናችን ሆነው እንደ ምርኩዝ ያጠነክሩናል ...

ወዳጄ ልቤ የቀረቡህና ወዳጅ የመሰሉህ ሁሉ አብረውህ አይዘልቁም።
አብረውህ መዝለቅ የሚችሉት የስር ዓይነት ስብዕናን የተላበሱት ብቻ ናቸው።👏☺️
ስለዚህ በሄደና በመጣው ሁሉ መከፋትና ማዘን የለብህም

ሁሌም እንደስር አብረዋችሁ ሆነው በደስታውም በመከራውም የማይለዩኣችሁን ወዳጆች ፈጣሪ ይስጣችሁ🙏

https://t.me/kingnan

በህይወትህ ታላቅ ሰው ለመሆን ከፈለክ ሞራልህን ጠብቅ‼️

ሞራልህን ሊያሳጣህ የሚችሉትን የአሉታዊ ሰዎች ንግግር አታዳምጥ፡ አንተ የምትወድቀው ገንዘብ ሳይኖርህ ሲቀር ሳይሆን ሞራልህ ሲወድቅ ብቻ ነውና፤ ታላቅ ለመሆን ከፈለግህ ሞራልህን ሳታስነካ ጠብቀህ ኑር ‼️

            [ ጳውሎስ ኞኞ ]

https://t.me/kingnan

🎯በህይወታችን ውስጥ ያለው አማራጭ🎯

        ✅🎯 በእንድ ወቅት አንድ ገበሬ አህያው ጉድጎድ ውስጥ ትገባበታለች፡፡ ጉድጓዱ ሩቅ ከመሆኑ የተነሳ አህያዋ በራሷ ለመውጣት በእጅጉ ተቸገረች፡፡ በጣምም መጮህ ጀመረች፡፡ ባለቤቱም አህያዋን ለማውጣት ብርቱ ሙከራ ቢያደርግም ሊሳካለተ አልቻለም፡፡ አህያዋም ብዙ ያገለገለችና ያረጀች ስለሆነች እንዲሁም ሌሎች እንስሳትም ወደ  ጉድጓዱ እንዳይገብበት በማሰብ ጉድጓዱ ውስጥ ሊቀብራት ወሰነ፡፡
  
    🎯✅ጎረቤቶቹንም አስተባብሮ ጉድጓዱን በአፈር መሙላት ጀመረ፡፡ አህያዋ ይህን ስትመለከት እየቀበራት መሆኑነ ተረዳችና በሰቀቀን አለቀሰች፡፡ይሁን እንጂ አህያዋ አፈር ሲደፋባት አንድ ነገር ታደርግ ጀመር፡፡ አፈሩ በተደፋባት ቁጥር አፈሩን እያራገፈች ከአፈሩ ውስጥ ብቅ ትል ጀመር፡፡በተደጋጋሚ ከሚደፋባት አፈር ላይ መቆምም ትጀምራለች፡፡በሂደት ውስጥ በአፈሩ ላይ በቆመች ቁጥር ከነበረችበት ጉድጓድ ከፍ እያለች ከፍ እያለች በመጨረሻም ጉድጓዱ ውስጥ ሙሉ ለሙሉ መውጣት ቻለች፡፡በሚገርም ሁኔታ አህያዋን ሊቀብሯት ሞከሩት ሰዎች በአህያዋ አወጣጥ በእጅጉ ተደነቁ፡፡

   🎯✅ በህይወታችን ውስጥ ያለው አማራጭ ወደ ላይ መውጣት አልያም ደግሞ ወደታች ወርዶ ከጥልቅ ጉድጓድ ውስጥ ተቀብሮ መቅረት ብቻ ነው!

https://t.me/kingnan

1. የሰው ልጆች በመጀመሪያ በውልደት ወደዚህ አለም ሲመጡ የመጀመሪያው አንድ ደቂቃ ከሚቀጥሉት አርባ አመታት በላይ የበለጠ ፋይዳ አለው። ምክንያቱም የመጀመሪያው አንድ ደቂቃ ከመሞት በፊት ያለው ትልቁ የህይወት ለውጥ ነው።

2. ፍርሃት የፈሪም የጀግናም መነሻ ነው። ፍርሃት ለፈሪ ጭንቀቱ ሲሆን፤ ለጀግና ደግሞ ጀብዱው ነው።

3. መማር ባለሙያ ያደርጋል፤ መኖር ደግሞ አዋቂ ያደርጋል።

4. ሰው የሆነውን የሚሆነው በአጋጣሚ አይደለም።አዋቂው ሰው ህፃኑ ልጅ በልጅ አዕምሮው የፃፈውን ተውኔት የሚተውን ተዋናይ ነው። የልጅ ጭንቅላት የተባለውን ይይዛል፤ አዋቂ ደግሞ የያዘውን ይተገብራል። አዋቂው ሲያለቅስ ወይም ሲያዝን እንደህፃን አባብይው።

5. ተስፋ የመኖር ምክንያት ነው።ሰውን እንዲኖር የሚያደርገው መለወጥ አለመለወጡ ሳይሆን የመለወጥ ተስፋው ነው። ቢሆንም ግን ህይወት ተከታታይ መሆኗን መገንዘብ ይጠቅማል። ዛሬ የምንኖረው በትላንት ምክንያት ነው።

6. ሰው መሆን ማለት ራቁታችንን ከተወለድን በኋላ፤ ከልብስ ጀምሮ አካላችንን ከሚሸፍኑት ሽፋኖች መላቀቅ ነው። ሰው ሰውነቱን የሚያጣው ራቁቱን ከእናቱ ማህፀን ሰው ሆኖ ተወልዶ በማህበረሰብ፣ በልብስ፣ በትምህርት፣ ሃይማኖት፣ በብሔር የመሰሉ ግዑዛን አልባሳትን በመደረብ ነው።

7. እውነተኛ ለውጥ የማይኖረው ሰው ስላልጣረና ስላልሞከረ ሳይሆን ለውጥ ሂደት እንጂ መድረሻ ስላልሆነ ነው።

8. ጎዳና ላይ የሚያድር ሰው ብርዱን ይለምዳል፣ ፀሃዩን ይታገሳል፣ አውሬ ያስለምዳል፤ ሰውን ግን ይፈራል። ቀኑን ሙሉ ብርድ ሳንፈራ ደረታችንን ገልጠን ራቁታችንን የምንውል ሰዎች፤ ልክ ሲመሽ የውጪ በር ቆልፈን፣ከዛ የሳሎን በር ቆልፈን፣ የጓዳ በር ቆልፈን፣ አልጋችን ውስጥ ገብተን ብርድልብስ ለብሰን፣ ብርድ ልብሱ እንዳይኮሰኩሰን አንሶላ ደርበን፣ አንሶላው እንዳይቀዘቅዘን የለሊት ልብስ ለብሰን ...በነዚህ ነገሮች ሁሉ ተከልለን እንተኛለን። ይህን እንዲሆን ደግሞ ያደረገው ፍርሃታችን ነው።

9. በታሪክ ውስጥ ትልቁ አምባገነን ታሪክ ራሱ ነው።ሁላችንም የታሪክ ተገዢዎች ነን።

10. የማታሸንፈውን ሰው ተጠያቂ ማድረግ የፈሪነት መፍትሔ ነው።

11. እውነት እኮ የጊዜና የቦታ ድምር ውጤት ነው። የራስን ሃሳብ ሌላው እንዲገባው ማድረግ ማለት ፤ የራሱን ሃሳብ ድንበር አልፈን የሃሳብና አስተሳሰብ ወረራ አካሄድን ማለት ነው።

12. የሚጠፋ ነገር ዐይንህ ስር ተቀምጦ ያለማየትን የመሰለ ዕውርነት የለም። አንዳንዴ ከሞት በኋላ ስለሚኖር መኖር እየጓጓን የውሸት ማመን የለብንም። ስለፀሎታችንን ምንነት በአንክሮ መፈተሽ ያስፈልጋል

13. ሰው የምታውቀው ፍጡር አይደለም። ሁልጊዜ ሰውን የምናውቀው ይመስለናል። እኔ ሐኪም ስከሆንኩና የአንድ ሰው አካል ቀድጄ ልቡን ስላየሁት ሰውን ያወኩት ይመስለኛል። ነገር ግን ሰው በየትኛውም ደረጃ የሚታወቅ ፍጡር አይደለም።

በደረቁ ሳይንስ አጥንተህ ሰው ውስጥ ያለውን ፕሮቲን እንዴት እንደሚሰራ ስላወቅህ ሰውን አውቃለሁ ማለት አይቻልም።

የመማር አንደኛው ችግር (በተለይ እኛ ሐገር) ቶሎ መታበይና የምናውቀው እውቀት እኛ ያመጣነው ሳይሆን ቀድሞ በሌሎች የተፈጠረ መሆኑን የመርሳት ችግር አለብን። እኛ ያወቅነው ከእኛ በፊት የመጡት የፈጠሩትን ነው። ይህንን እንረሳና እኔ ተምሬ ሳውቅ ራሴን አዋቂና ሐሳቡን እኔ የፈጠርኩት የመምሰል ችግር አለብን።

14. እያወቅክ ስትሔድ ትልቅልነትህን ሳይሆን ትንሽነትህን ነው የምትረዳው "

ብዙ ነገር ለመማር መሞከር እይታህን ያሰፋል። የእይታህ አድማስ ሲሰፋ ደግሞ አንተ እያነስክ ነው የምትሄደው። ሰፊ ከሆነው ዓለም ውስጥ አንተ ምን ያህል ኢምንት እንደሆንክ ትረዳለህ። እያወቅክ ስትሄድ ትልቅነትህን ሳይሆን ትንሽነትህን ነው የምትረዳው።

ደራሲ
ዶ/ር ወንድምአገኝ ዳዊት
https://t.me/kingnan