بس شفت ملامحه بهتت وهو يباوعلي من فوگ لجواا وعيونه وگفت على فتحت البدي...

بقيت اباوع بعيونه الضحكه ارسمت على شفتي من شفت نظرات امين الوكحه نفسها...

ضحكت وشردت لزمني قبل لا اشرد حاولت اوكف گدامه بعيد واتخصرت وباوعله بتحدي

گال وهو يتلمس رگبته .#ڪــڔٰا̍ڕ.. انتي گدها لهل حركه

اتخوصرت هزيت راسي باي واني ابتسم بخبث...

سحبت ايدي منه وركضت صعدت فوگ.... صعد وراها امين وهو متحلف الها ومتلهف الهاا بنفس الوكت...

دخلت غرفتها رادت تسد الباب... دفعهااا وسد الباب وراه

زهره رجعت لوره وكالت بدلع وهيه عساس تعتذر وخايفه... اموني اسفه

رفع حاجبه الها وعيونه على شفايفها لتمطهن همس ... تعاي ماكو اسفه لازم اعاقبچ

اتقربت منه وهيه مبرطمه مستسلمه اله ... امري لله

گعد على الجربايه وگعدها على رجله... حضن خصرها وقربها منه همس

لزمتچ يبطه... هسه منين اكلچ

اهون عليك... كتله ابرائه

گرصني بزري... عطت بوجع

وگال وهو انتهى من دلعها... بربوگ لا تحچين مثل الگح## ستري على روحچ...

ااااااااي عابت والله اذيتني... ولي عوفني

شطالعه بربوگ...الستيا## الاسود مطلع الرمانات يشهن

باوعتله بصدمه واني اغم روحي... لو مخليته سايلنت مو احسلي من هل سقوط الي بلسانه

مستهتررر...

گرصته من خده واني اباوع لعيونه واگله... لسان السمجه شوكت يتادب...

من يضوك لسان البطه... گال وعيونه على شفتها وهو يتنفش بثگل

بلقران اني بربوگ مثل مگلت...

انجبي مو اگلج بس اني اغلط عليچ...






دعوفني

انجبي احبج... تعااي سحبني لصدره وعصرني بين اديه وراسه داحسه بفتحت بديي ويوزع بوسات

اديه متگعد راحه عطت بي...

يبووو وخررر...

وسم حلالي...

اتحولت تظراته من اعجاب لعصبيه من شاف تغيير بشعرها

خوما گصيتي شعرج... گومي اشوف

كتله بخوف... والله والله ما لاعبه بي شوف

انطيته ظهري ورجعت عليه اكثر... اديه تلعب بشعري

اختفى صوته...

حضني من ورا صدره لزگ بضهري...الضعف بارز اشياء دمرتني

ارد اوخر حاضني حيل انفلت لسانه بعد... وخررر وخررر ادبسزز

صايره وكحه بربوگي... همس بشغف

لو ادري هيچ بعدي ينطقچ... چا انه اروح اشكر محمد

كتله بعصبيه... خل يولي الگواد الساقط الله يحرگ گلبه مثل ما حرگ گلبي عليك

ولچجج شو فالته براغيچ فرد نوب...

كتله بغرور... غير مرت ابو فهد حبيبي والادبسز مالي

ضحك عليه وهو يگول... خبله بعلي

شويه ونام وسحبني لحضنه...

خليت راسي على صدره واسمع دگات گلبه هل حركه جنت اسويها ويه امي من انام بحضنها ليكول مكتشفه شي عظيم...

راد يحچي...

اششششش...

هاا ولج راح تغتصبني خفت منج...

عابت شكد تفكيرك سزز... گاعد اسمع دكات كلبك

سمعيتهن...

اي

شيكولن

شني شيكولن غير يدگن

ردح لو حزين... ضربته على جتفه

هااي شبيك بس تصنف عليه

يزماله... غير يدگن يكولن زهره زهرتي زهور...

بعدني عنه... يمه ما ارتاحيت لنظراته

كال بدون مقدمات... يله نامي گدامي

شنام ولك ... باوعتله بخوف وخجل

شوفي شلون عقلج منحرف... كال بنبره بريئه ارد اسمع دگات گلبچ

نومني وخله راسه على صدري...

ما مطمنه خايفه منه اعرفه مو راحه...

امين گال بهدوء... شو ما واضحه دگات كلبچ






شنو مواضحه... كتله باستغراب

يمكن من ورا ملابسج خل انزعهن وارجع اجرب... گال وهو يرفع البدي...

عطت واني ارد اگوم...

عززا بعينك شكد صلفه... وخر ارد اگوم

ميخليني...

والله اعضك وخررر...

لازمه اديه الي تريد ترفع بديي...

اششش لتلغين بس اشوف وسمم... خاف اكو خلل بلاعدادات اضبطه الچ

بعد اسبوع... رجعت لبيت جدي بعد عركات ويه امين
تالي عمتي شردتني من وراه...

عرسنا ما بقاله شي وميخليني اروح... اتصل عليه من وصل ضل يعيط ويفشر...

وتالي ابتلو خوالي كل ساع جايني... بحجه فطومه وانوب ما يروح...

ييجي بلليل وهمه يردون ينامون جايين تعبانين من الشغل...

هو اللوتي متعمد حتى كلها تنام ونبقى بس اني وياه او وكاحته

.....

امير قدم على الجيش قبل لا اتزوج... وبعد ما سمعت شي عنه ولا سالت واخته من تجيب طاريه اگوم لو التهي بغير شي... ردت ابتعد واتقوقع على حياتي امين وفاطمه وبس...

.....

وبيوم حنتي ما عزمنا احد غريب بس اهلي واهله وخالته نعيمه...

لبست بدله طنگرت وتعاركت ويا امين يله قبل ياخذلياها لان مشلتحه صراحتا...

مثل بدلات الاميرات گصتها الضهر والصدر مفتوح وسلاسل نازله الظهر ...

كتله هيه بس بنات منو راح يشوفني كال لعد محد تصور حتى اختچ
انطي كامره لنور تصور وبسس وترجع اليه...

شسوي حكم الظالم...

يگلي وافقت من ورا خشمي ترا ومراضي عن بدلتج لحمي هسه يطلع للغربه والله يغضب عليج...

بس حتى لتكولين منعني وهاي عياراتچ قبلت والشال مينزل من چتفت ...

بدت الحفله وكلها جايه وفرحانه وسجى ونور يقدمون الكيك والعصير...

وامين سوالي كوشه تجنن... وفطومه لبستها بدله نفس لون بدلتي

دخل امين لابس قاط رصاصي ضاب على جسمه ومحلق وضارب حاجبه مسوي طبره....

اميم انصدم من شاف زهره بالبدله الورديه اول مره يشوفها بهل منظر خله ايده بجيبه يخفي رجفه ايده ...

اتقدمت وعيوني ما نزلت من عليها...هيه خجلت ونزلت عيونها

زهره رادت تگوم من اول ما دخل بس نظراتها موعن رجليها من الخجل... تحس انشلت






وصل يمها وهو مغيب عن هوسات لميعه وامه...

ميشوف غيرها امين مد ايده وهمس بثگل وصدمه واعجاب ...

رفعي راسج و كومي اوگفي بربوگ رجلج اجه

رفعت راسهااا... شفت الهلكني وهدن حيلي واخذن عافيني عيونها دمرني... وگعني بطولي بنظره وكحه منهن

حاضن جف ايدها اليرجف وگفت ايدي حضنت خصرها حسيتها حتوكع بطولها اتقربت بست راسهااا...

بربوگ شطالعه... اليوم انام يمچ ما بيها مجال

زهره تسمعه وجسمها كله يرجف گب نار...

گعد بصفي... وباسني بزندي

گلهااا صااحت.... اووووو وگامو يهلهلون

نعيمه كالت بخبث... صيحو لخوالها راح ياكل البت

مدنگه ما گدرت ارفع راسي... من الاحراج والخجل

امين والمسافه معدومه بينه وبين زهره...

شوفي نعيمه هو اني اخذت كل احتياطاتي... بس غلطتي الوحيده عزمتج...

راد يدخل هيثم وهشام...المخبل ما خلاهم

هيثم يگله مو فتت وشفت مرتي...

الاستاذ يكله.. هيه مرتك جنها منغولي هم محسوبة ع النسوان
وما خلاهم وما خلاهم وبكل صلافه گللهم بلمجلس كلها تبقى كاعده اشوف مرتي وارجع...حتى عمي ما دخل

نعيمه تباوعله بخبث...

على گلبگ الليله وما هدك لحد ما زفك لغرفتك

نعيمه گامت تصيح وهيه تدبچ...

وبشاربك صارت مره... عوف درب السرسره

وزفينا جان يضرب هندر نص الليل...

صااح امين بجرائه... اضرب ويه رجلج جنت

ضربته زهره برجلها... الزم لسااانك
امين رجع باوعلها يريد يملي عيونه بلجمال الگدامه نظرانه وگفت على صدرها الطالع...

امين بجرئه وهو يباوع لصدرها وزندها... خير الله المن مطلعته للناس...

نور شاال... صاح امين

اني صدگ ردت شال من نظراته التخوف

جابت شال لفته عليه...

همس باذنها... سويلي فتحه اشوف الابيض

زهره دنگت بخجل... جرئ كلش واليوم متگدر تجاري وضعها ميسمح خاايفه ومرتبكه...

انچب وتادب...

اتشنچ ضهري من حسيت لمسات اديه عليه... انداريت عليه خزرته وكتله بهمس واني ابلع ريگي... شيل ايدك






گلبي گام ينبض بسرعه...
عضيت شفتي بوجع... من گرصته

امين وهو ولمساته تزيد جرئه يگلي ابرود... اچيك حلالي

شويه وابچي ايدي اتجرئت كلش وما اگدر اسوي شي... بس ابتعد يگرصني...

ما حسيت بروحي الاواني اوگف بسرعه...

امين حصرته الضحكه من منظرها گام وياها ... وصاح

وچان صاحبهاا وخذاهااا... وچااان صاحبها وخذهاا

يمه متت ضحك عليه...

فرغولي غرفه...شويه وكال لامه وهو بعد ما يتحمل گدامه هيه

عززززا بعينك... ناس تضحك نااس ضلت صافنه

نعيمه گلتله... يلمسربت هااي باجر مو اليوم

امين حضنها من خصرها...

اهوو ديله بسرعه روحو اريد احجي ويه مرتي مشتااگلها

ولكم عفطي وانطو مره...صاجت نعيمه

اني هنااا وجهي انكلب احمر...

وصدك ما قبل يروح يكلوله وراك بلليل حنه...

يگلهم روحو اكلو وارگصو وخلوني هنا... خوالي استحو منه ما ميعرفون هيج طبع امين جرئ... ما گدرو يحچون

دخلنا صدك لغرفتي... هذاا اول ما دخلناا نزع سترته

كتله بخوف... امين استهدي بالله

ارجعي ورا... بلعت ريگي رجعت بارتباك وخوف من نظراته الجريئه

الي گصتني گص من فوگ لجوا وكفت على صدري ..بسرعه خليت اديه عليه...

اتقرب مني اني صدري يصعد وينزل من الارتباك...

دوري بله...

عضيت شفتي بخجل وهمست واني اباوعله بترجي... اامين بربك

ما اهتملي واتقرب وسحبني اله... دحس راسه برگبتي

كزير جلدي واني احس بانفاسه الحاره على جلدي... فكيت عيني

واني احس بشفته تنثر بوسات على طول رگبتي وهو نازل...

دفعته بخوف وخجل... امين لا يدخل احد مو اهناا

امين... باوعلها بنظرات متخردله گال بهدوء وهو ذايب... لعد وين اخذج لبيتي يله

زهره بصدمه... يااا بيتك بااجر

سحبهااا اله...شاف الاعتراض منها همس

اششش ولا حرف

كتم كلامها يشفايفه...

خليت اديه على صدره اريد ابعده...

دفعني على الجربايه وصار فوگي... فقدت كل مقاومتي وانهارت حصوني گدامه...

ذبت ويااه ونسيت روحي...

بعد فتره شاف نفسه فقد السيطره استجابتها وذوبانها بين اديه دمرته ...

بصعوبه لزم روحه وگام منها همس وهو يتلمس خدها وينزل لركبتها وهو يبلع ريگه...

رايح اني...

سحبت ايده زهره وگالت باعتراض... وين

ولچ بويه اذا ابقى ما اطلع الا وابنه بيدج

هههههههههههه حبيبي دبقه بداعتي

رجعلي اخذ شفايفي وراح...بطلي وكاحه بربوگ

زهره وهيه تلعب بلحيته وتكول ابرائه.. غير انته علمتني

عض شفته... فلتي بعلي فرد نوب فلتي

گوا ابتعد عنها...

صاحت زهره بخوف وهيه حاصرتها الضحكه من منظره ... اوكف اوگف امين

اندار عليها منظره دمرها البدله نازله على چتافها وشعرها انكلش وشفايفها وارمه وبجانبها اثار حمره...

مسح وجهه العرگان وگال وهو يعض شفته بقهر... ما حليت بعينج الا هسه بربوگ گضيتي عمرج شارده مني

هههههههههه.... ضحكت زهره من منظره وكالت وهيه تعدل بدلتها وتتقدم اله وتگول بدلع وعيونهم معلگه وهيه تشوف تاثيرها عليه وشلون ذايب بيها...

صوجي اني الما ريد يضحكون عليك ربعك ويشمتون بيك

كملت كلامها وهسه تمد ايدها لشفايفه تمسح حمرتها من عليهن

رفعت اصبعها گدام عينه... وهيه ترمش ابرائه

شعوطت قلبه بنظراته ما اتحمل... لزم اصبعها وعضه
اااي رجعتني خفت شكلك...

ما اتحمل نعوصتها... سحبهاا اله

دتعااي اضب براغيچ بربوگي

هالگواد گلبي ما تاب من حسنچ...

((والبيدي والبلگاع والعلى متوني ما جوز انا من هواي لو گطعوني))

❤️❤️

تمت

ان شاء الله تكون عجبتكم... وختامها مسك

والتقيكم بروايه جديده وبحب جديد ❤️

باقي تفاصيل الابطال... حتنشر على الانستا وان شاء الله حفتح اسئله هناك فلي حاب يسئل يتفضل هناك...

والروايه القادمه ان شاء الله حتكون بللهجه الانباريه... قريبا ❤️

احبكم ❤️

حور حيدر❤️

دمتم بخير ...

#اهلكتني_عيناك+18

#النهايه 2

اهلكتني عيناك 💚
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

امين يگول لزهره:-
شحلاتچ مايعه وتزهين...
أغار من اليحبونچ، وغار من اليشوفونچ
وغار من اليعجبونچ، وغار من الگمر مرات اذا ما يطلع بلونچ
وغار هوايه من اهلچ، وغار هوايه من عندي
وغار من العسل مرات اذا بشفافچ يبدي

خليت اديه على صدره دفعته من عليه واني اشوفه منتهي وانفاسه سريعه واني وضعي مو احسن منه بس عقلي يدگلي تنبيه خوالي برا وعيب يطول اكثرر يمي..

وكتله بتحذير واني اضحك اسمع تليفونه ما وگف رن ...

كافي اموني روح والله انفضحنا امه محمد كلها تدري انته يمي

امين وهو يسحبها اله ويگلها بهمس ...

حلالي الهم يمي شي... اصلا زايده مني مخليج الليله هنا

لا بله... رفعت حاجبي اله واتلمس فكه ولحيته

اي والله مريتي و مخليج يم الغربه دايرة صايره... گال وهو يرجع راسه يدحسه برگبتي ويحچي كزير جلدي

حبيبي كافي... كتله بتنبيه

شنو الكافي ما نروح هسه اخذج فرا بلمنطقه وعدل وگبل لغرفتنه وهو يغمزلي...

زهره صفنت بكلامه عجبتها الفكره صراحتا متريد تبعد عنه وگالت بدلع ...
امينوو لتخبلني بحجيك باجر عرسنه بلا استهتار

امين اتحمس وهو يشوفها متلهفه اله وما امانعه... اي وشنسوي بعرسنه
زهره گالت بعياره...

نلعب دعبل... الله بربك امين جيب دعبل نلعب

امين ضرب خدها باصبعه...

حبيبتي ميحتاج اني راح اللعب دعبل بيج...

وسم سخيف...
امين اتلمس عضمه الترقوه مالتها كزكز عليها... ما اتحمل وعضهاا

ااااي اموني ...

عوينانه ومعلاگه... گللها بثگل

روح حبيبي...

امين ضاج ميريد يروح وهو ما صدگ كضها...

شوف البربوگ تگلي اموني ولج ما خليتي براسي عقل وين اولى هسه...

تليفونه رجع دگ گعد وسحبني گعدني على رجله باوعله وكال بضوجه...

هذا الگواد هشام يخابرر حرگو الجهاز السفله

خليت اصبعي على شفايفه وكتله بتهديد ... لسااااانك لسااانك ليش هيج زفر

امين وهو روحه لايبه عليها اول مره يشوف زهره بهل منظر يريد يستكشف كل شي بيها ميريد تفوته لحظه بعيدعن عيونها...






شوف الله البربوگ ادوس ابطني وتگلي ليش تغلط... هسه ساتر على روحي وعفتچ لعبتي علي هسه شسوي بروحي لايبه تريدچ ولچ ...

زهره جانت مخليه راسها على صدره...

غير چنت مشتاقتلك... دروح زعلت لعد...بعد ما اريدك
وهيه تحاول تدفعه وتگوم وهو مجلب بيها...

اللعب بده طيحان الحظ... دتعال عيناي دتعال ابو الرمانات الحلوة عوف الزعل

عاطت زهره بتحذير...

اميين وسم بلا هل حجي التافه...

امين گام وهو يباوع...

زهرتي... انه گلبي الگواد طماع يريد يشوف الگيمر بعد

دگوم اللبس والله فضيحه انته متنطي وجه...

الصلفه...عض شفته وگال

زهره وهيه تعدل بدلتها گالت بجرائه وهيه تسبل بعيونها اله...
طالعه عليك...

باوعلها بتوعد...

سهله يجي باجر لو مييجي... سهله زهيره

بلليل بعد ما راح ...وخلصت حنته نور چانت تدزيلي فيدوات شابع رگص هو والولد...
ورجع مبدل لابس دشداشه وشماغ...
ويهوس ويرگص ذبو لحم...

تقريبا ساعه بلوحده... النوم طاير من عيني بطني توجعني عبالي من الارتباك ليگول حس بيه افكر بي دزلي رساله...

شامة الشفة و عيُونك سودنني
أنه أول تالي أرجع للبيت أغني !

امين... زهيرة

امين... ولج شسويتي بيه اليوم

يبعد رموش عيني...

وينچ يشجره الرمان حني على الولهان

شفت رسايله عضيت شفتي بخجل واني اضحك واغمض عيوني بفشله واني اتذكر روحي شلون ذبت باديه وصرت جرئيه وياه اني استغربت روحي...

صحيح چنت متزوجه وصار هل شي ويه صلاح... بس چنت اكره هل لحظات وتوصل لدرجه اتقيئ...

واجبر روحي عليه في سبيل ما يضربني... بس ويه امين من اتقربلي اول مرة بليله عرس هيثم... حسيت باحساس غريب ليگول اول مره انباس جسمي انثول ليگول... وكل ما يلزمني جسمي يلين وياه ويتجاوب ويااه...

ياا الله شلون صايره اشبهه...

شفت الشاشه رجعت نورت اتصل رفضته... دازلي

بربوگ ردي وينچ... بعد عملتچ اليوم ما بينه خجل عرمه

يربي شگد سافل...

احجيلي شصار بالحنه... دزيتله رساله ارد اغير الموضوع

اتصل گبل...

امين... لچ انه ويني وين الحنه وصلت اطوطح من الشفته

زهره... ليش اشفت...






امين.. شفت خير الله كله شفت الگيمر

زهره عرفت وين يريد يوصل الحديث فگالت وهيه تسوي روحها تثاوب لان الوجع عليها زاد... قلبي نعسانه وتعبانه كولش اريد انام

امين بجرائه...

وين تعبتج انه شو گاعده وضال ابوس بيج انه الي لازم اتعب... بااجر جايج التعب

كتله بضوجه من الوجع بس ارد اطلع حرگتي بشي...

اااف امين دحجي عدل شبيك بس

گال بحده... وسم صوتچ شمالچ تصيحين

مبيه بس نعسانه

ولي انخمدي... وسده بوجهي

عرفته زعل حقه بس والله مدري شبيه ضجت...

شويه وحسيت اجتني المحروسه... اجتني عزززا بعينچ زهرة

هسه شگله... والله يتخبل
گوا نمت ساعتين گعدت الصبح مالي خلگ جسمي مكسر...

رحت للصالون اني ونور وسجى...

اني متوتره اليوم كله...

نور... شبيج ترجفين العياره ومبوزه من الصبح... ولايكول البارحه مكضيها شقلم بقلم

زهره... دنچبي خليني حايره بمصيبتي...

هااا ولج خاف...

ولج اجتني...

لا بربچ... نور بصدمه وجان اطگها بضحكه قويه

ههههههههههههههه خرب ههههههههههههه عزاااا حيل

هااي فطست ضحك والناس تباوعلها باستغرب...

ولج سكتي فضحتينا...كتلها

نور مستمره تضحك وهيه تگول بشماته... ولج اتخيل وجه امين من يعرف هههههههههههههه بعلي مقلب عمره هذاا نطلع بي القضى والمضى

اسكتها ولا تسكت... بعد ما هدت شويه كالت بخبث

بس مال يدره هشام... بلقران يفضحو هو وجماعته

كتلها بخوف... ولجج يمعزايه والله اخنگج اذا فكيتي حلگج محد يدري بس انتي...

رجعنا علي للبيت... لبست بدلتي وگعدوني بالصاله وگلبي يرگع اجت مرت خالي خلت القران بايدي... باوعتلها بارتباك كالت

اقري يمه حتى الله يباركلچ بحياتج الجديده

فتحت وما لمست اياته خليت ايدي بالاطراف وگمت اقره... لحد ما سمعت صوت المزاهر والهوسات رفعت راسي...

دخل امين رفعت راسي وعيونه مشالهن من عليه... لابس قاط رصاصي طوخ يجنن طالع...
ضليت مركزه بملامحه... ادري بي زعلان اتقدم مني

امين چان ضايج من البارحه اتمنى تكون اول هل ليله مختلفه الهم معجبه اسلوبها... سده حتى لا تسمع منه كلام يضوجها






كالعادة من يشوفها ويشوف عيونها كل شي ينزاح من گلبه... بقه صافن عليها امنيه حياته اتحققت شافها بالبدله البيضه...
اتقدم الها وگال بثگل وهو يعگد حواجبه لزم ايدها ...عود مبروك

زهره ابتسمت ضغطت على ايدها رادت تراضي تعرف بروحها غلطت وهم تمهدله الطريق للمصيبه القادمه... عود مبروك عليه انته حبيبي

هااا اليوم عاجبچ البارحه صرت كخه...

گعد بصفها... همستله

چنت نعسانه لتتنحس حبيبي...

باعي لج حبيبي لاخ واشيلچ ولغرفتج گبل... ستري عليه هل نص ساعه...

زهره ابتسمت ونزلت راسها... والناس تهوس وتصفق حولهم

وامين مشال عينه من عليها... لچ شطالعه تصطرين بعلي

زهره مترد بس تبتسم... وهيه شايفته متحمس

مطولو عشر دقايق... لبسوها برگع مبين منها اي شي...

شبك ايدها بيده وطلعوو...

وجان هشام يلزم المزهر... ويضرب ويصيح

والحبچ ما خسر زهوره... الحبچ مااا خسر زهورة

وامين يعض بشفته اله بتحذير بمعنى كافي... وهو مستمر

صعدت بسياره امين بلصدر گوا اني وبدلتي خنگتني شكبرها...

مشينا والزفه ورانه كومه سيارات مال جماعته...

شويه وكسر عنهم وعاف الزفه... استغربت محد ورانه ومو طريق بيت عيالي هذا...

امين شو تيهت السيارات...

گال... ادري

لچ اني مسودن واروح وياهم اني بامي ما ائامن بهل ليله شايفه اذا يلزموني ما يخلولي ادخلچ بعد اسبوع

ياااا ليش...

مطيح حظهم بعرسم... وكلها متحلفتلي

يربي ادبسز ما اله حل...

شويه وشغل... يمه گرصتني العكربه

ويغني ويباوعلي ...

يااا يمه لو شفتيها سبحان لمسويهااا

العكربه لحگتني حتى هنااا... شبعت ضحك

وچاان يعيط وهو يغمزلي... من راسها لرجليهااا تكتل هالمره

وصلنا الفندق... دخلنا الغرفه واني اقدم رجل وأخر رجل

الحد هسه ما كتله والله استحي..#ڪــڔٰا̍ڕ. وهذا شكله متحمس كلش

ذبيت البرگع اخذت نفس... حسيته حضني وحاوط خصري همس باذني...

لچ شهل جمال بربوگ طالعه چنچ ذني ال ###

وسم هو حجي هذا عود يتغزل... ضربته على ايده لمحاوطه خصري

طبع بوسه بنحري وگال بلهفه..






اشاقه يروحي... بله خل اشوف شكو جوا البدله... وهو يمد ايده على السحاب...

وخرت بخوف وصرت گباله...

لاااا امين... كتله بخوف

عگد حواجبه من رده فعلي وكال بشقه...

شبيج زهره لتخافين حبيبي بس اشوف واتلمس ما سوي شي...

زهره بلعت ريگها وگالت بتردد...

احم امين لتتقربلي

امين غمزلها وهو كل عقله خايفه...

شبيج بربوگ لازم خايفه...

امين مو اجتي... باوعت لعيونه وكتله باحراج

امين وهو گوا لازم اعصابه متدري شكد صارله يرتب حتى يتفرغ وهو وياها وهيه تتعاير عليه هسه...

مني الدا## بت الداي## الجايتنه هسه وكتها

هااا... زهره بفهاوه

شبيچ فهيتي لخاطر الحمزه ... گوا لازم اعصابه

بلعت ريگي والله استحي وخايفة منه بنفس اللحظه...

الدو##

امين انصدم لحظه استوعب كلامها والصدمه وگال بعصبيه...

لا يا بربوگ على هل عمله...

عض شفته بقهر وهو يعصر باديه بعصبيه...

هو انه گواد واعرفه الحضي السگط ... كام يعيط بعصبيه

خراااا بروح ابوك ابراهيم نگيتلي الفگر ابن الفگر

وبت المناقيص هاي شگد تبقى... باوعلي واحسه اريد يموتني

اسبوع... زهره كالت ابرائه وبساطه

امين وهو يدور بالغرفه ويعصر بيده يريد شي يفرغ عصبيته بي رجع الها ...

احرگج ولچ تردين تموتيني انتي بربوگ...

هسه شمسويه اني گبيت عليه... زهره گالت بضوجه

مو اگلج ام الفاينات كل وحده تخليها بحضني هل كبر...

هو يحجي ويدردم واني حاصرتني الضحكه... ضحكتي تجي باوقات غلط...

امين يباوعلها شلون ضامه ضحكتها ومكيفه وهو عشيرته مشتعله گال بحقد...

لو عاشگلي حايط ولا هل بربوگ

اووي مو زين باوعتلك الازرگ

امين گرصها من زندهاا بعصبيه...

انوب هيه الما راضيه... ام الفواين جابتلياها بلحضن مكيفه

عاطت بوجع زهره وكالت بشماته...

ااااي شنو بايدي هيه... انته نيتك مو صافيه الله انطاك على گد نيتك

كتله وابتسمت ابتسامه غبيه...






كال بتوعد وملامحه تغيرت للشر خافت زهره من نظراته الي مناويه على خير ابدااا... وهو يتقدم اليه

سهله زهيرة... چا انه انتضرت ايام الله الما ينعدن هل اسبوع نگضيها مقبلات...

فكيت عيني بخوف وصدمه... هااااا

غمزلي... چااا لبالچ اهدچ سالمه

زهره رفعت ايديها بحركه دفاعيه... امين لتقرب كتلك ميصير

اتقدم منها وهو يشمر سترته وينزع دگم القميص...

تعال يحلوو لحضن لبابا... اليوم ما هدج الا بمزاجي

اموني اعقل وخل نگعد نسولف ونحچي... زهره وهيه ترجع ورا

امين بضحكه شريره... دتعاي شلون راح نحچي حچي هذا ليحبه گلبي...

امين لتخوفني...

ضحك امين وهو يحصرها بينه وبين الحايط باس خدها وهمس...

شگد ضايچ منج بس احبچ بربوگ شسوي ...

تدرين عيونچ شتگول الي...

ابتسمت زهره وهيه تباوع لعيونه... شتگول

اتقرب من شفايفها وهمس بثگل...

اقترب مني ترا الدنيا فرص... وابو فهد ميضيع الفرص

..........
بعد مرور خمس شهور...

دخلت الغرفه وبطني كبرانه صرت بلشهر الخامس... حبلت من اول اسبوع والمفاجئه نور هم طلعت حامل واثنينه بينه ولد... وامين طاير بي طير...

يگلي لو مسويهم توم... چان بسرعه اجوي ولدي ليش بين سنه وسنه
كتله ...
ليش ناوي الاخ يسويهم دسته ان شاء الله...

يگلي شعندي لعد البطه مالتي تجيبلي فروخ...

لگيته متمدد على الجربايه وبحضنه فطومه... ويباوعون بلتليفون مندمجين اثنينهم يباوعلون ويشاقون ...

گلت بهدوء مستغله فرصه مزاجه حلو مدام هو وفطومه مطلع عينها كلش حتى الي متسمع كلامي بس هو واذا تغلط واريد احاسبها يتخبل كل شي ولا اصيح عليها وهيه الادبسز صايره جنها تفاحه كل ما تكبر تشبهني اكثر حتى عنادها او وكاحتها نسختي وهذا متخبل عليها وهيه فالته وياه اگله اذا كبرت على هل لسان منو ياخذها يگلي ههو واني منتظر گواد اخلي ياخذ بنيتي ماكو زواج هاي بنيتي مكانها يمي غسلت ايدي منه ومنها كلش ...

اسمعه يگلها...

ببوگ مال بابا طوطو صاحب بوبو...

تحثث... تحثث بابه

هزيت ايدي... ضاله اللغاز بينه وبينها واني حايط نصيص بينهم

اموني...

رفع عينه بسرعه وگال وهو يقلدني ويباوعلي من فوگ لجوا نفس نظراته الوكحه التعودت عليها... عيونه لاموني






ابتسمت بارتباك تحسبا للقنبله الي حتصير...

وديني لبيت جدي...

انگلبت خلقته 180 درجه گال بحده وعصبيه وعدوانيه... لاااا

ارتسمت ملامح خيبه الامل على وجه زهره گالت بچذب بلكت يقبل متفقه هيه وسجى ينجمعن هناك... مو حبوبتي بعافيه شويه

لتخافين حمديه مثل البزون ما عليها شي...

ياااا امين شبيك

روحه هناك ماكو... مو اجوج بلسبعه شتصخمين بيهم بعد

فكيت عيني من هل مستبد يتخبل اذا اجيب طاري روحه هناك يتسودن... امين حباب لتخبث والله مشتاقه لعلي

خابري ييجيج... روحي خليلي فحمات على النار

زهره بضوجه وعناد... ولي سوي لروحك شكد مكروه اللوه

انطته ضهرها تريد تروح...

رفع حاجبه امين وگال بتهديد وهو يخلي الجهاز بين ادين فطومه ويگول... تعااي تعاااي لچ شو فالته براغيچ فرد نوب

زهره اندارت وجتفت اديها وهيه معصبه ومعبسه... ليش هو ليعيش وياك يبقى شي مضبوب بي

اتقدم امين الها...
شو صايره صلفه ولچ...

معاجبك وديني لاهلي...

لا بويه انه اموت على البرابيگ الصلفات... وهيچ اللمها
كمل وهو يسحبها اله...
زهره تباوع لفاطمة وباوعتله بتحذير...

فاطمه منا لتتخبل...

وخر ما اريدك...

شعندچ موليه هناك بلا جذب... اعرف عويناتج من تچذب

گالت بارتباك وهيه تلعب بلحيته... موو... مووو

لتموموين

متفقين اني وسجى نبات هناك... حباب يحلو وافق والله مشتاقتلها

اول طيحتها سجى مشايفتها...

تالي وياك انته...

زين واني ينطيچ گلبچ تعوفيني وحدي انه وبنيتي

لا فطومة اخذها وياي طبعا...

بت الكلب وتعوفيني وحدي...

هسه عافيتك بالحرب هو يوم شبيك لتصير لئيم

اووي ما صير لئيم اصير گواد واعوفج تباتين بعيد عني

هسه شلون يعني... والله اطنگر واروح يم اميره وابقه انته وبنتك وحدكم...

ترحين لليل اجيبچ رفع اصبعه بتحذير... اخر كلام هذاا

غيره امين عليه موتتني مو طبيعيه... خو اذا اروح البيت اهلي قامت القيامه ينزلني اباب البيت ويدخلني وممنوع اطلع الا لما ييجي هو...

وكل نص ساعه داگ... ما اجي اخذچ مو شافوچ

وفطومه ما تريدهم كلش... بس تبچي لو تضرب جهال خوالي وتسوي الروحه عليه سم...






صح اضوج مرات... بس مكيفه على غيرته وتعلقه بيه
حتى من اخوانه يغار هو يحب اللبسله وادلع اله ومكياج ورگص...بس اذا اخلي كحله گدام اهله يتخبل تالي طلعنه ابيت وحدنا وصدگ ارتاحيت... صح ضحت عيالي كلش احبهم وما يوم سمعوني كلمه مستني...

بس احس متقيدة لان امين عقليته مشكله... شگد يخبل وچنه طفل من نكون اني وياه وبس يريد رضاي..

بس اذا احد اتقرب مني يتخبل... فاحسن حل طلعنا وارتاحيت وهو هم كيف...
.......
گعدت شافتها نايمه بحضني عصرتها اكثر اريد اشبع من ريحتها هيه حست بيه دحسن نفسها بحظني اكثر ... ضحكت على ردة فعلها البربوگ مالتي حست بيه...

بعدني ما مصدگ هسه غافيه بحضني بعد كل هل تعب...

اباوع لوجهها وبرائتها... اووف الله شگد تعبت بيها وبهواها...

احترگت روحي حرگ لحد ما صارت الي...

شگد اتعذبت الله وحدة العالم بلصارلي اول وحده اشوفها ويتعلگ گلبي بيها وابرائتها شگد فكرت بيها وخليت احلام الي والها ... بين ليله ويوم اشوفها گبالي وبيتي وزوجت اخوي...

اااخ شصار بيه بذيچ اللحظه...

گمت ابوس بيها واعض بخدودها...

دوخر امين...

دگومي ما شبعت منچ تنبل... گعدي ارد اسولف

زهره فتحت عينها بنعاس... شكد سولفنه البارحه ما شبعت سوالف

وانتي سوالفچ ينشبع منها...

اموني نعسانه والله...

اني هم جوعان والله... وهو يسحب اللحاف عليها
..........

بيوم خابرني ابويه... استغربت صارله سنين مسائل علينه من فتره لفتره لو يخابر لو ماكو مرته مانعته عنه والظاهر نسانه... والتهى بخلفته الجديدة

اتفاجئت يريدنه اني وسجى وعلي...

رحنه بس ما رحنه للبيت لا للمستشفى... استغربت شنسوي هنا

دخلنا شفناه مرت ابوي... صاير بيها شلل رباعي ودازه علينه تريد نسامحها...

سامحناها الراح راح... والحقد والكره ميرجع البشر الي فقدناه بس الله ليحاسب البشر مو احنه...

سبحان الله... فدوه لاسمك ربي ما يضيع عندك حق

شلون الدنيا دوارة... اتذكرت طردتها لامي وغلطها عليها...

وتالي اخذته لابويه وسوت رازقيه لتريده وخذتله الثانيه وحرگت گلب امي وموتتها...

بس اول ما خلت رجلها بلبيت گبت للضالين هيه ورازقيه وحده جيرانهم چانت تگول لبيبي اخبارهم وتگول لصياح ولمكافش بينهن لسابع جار وذاك لفشار والغلط...

لحد ما اخر شي ضاربه رازقيه... وماخذه ابوي وطالعه وخلت رازقيه عايشه لوحدها ومنعته عن امه وطردتها من بيتها وراح عزيز گلبها...

وصار ابوي خرخاشه بيد مرته مثل ما جان بيد رازقيه...

حرگت گلبها عليه مثل ما انحرگ گلب حمديه على اصيله... بس الفرق رازقيه تتعذب بليوم الف مره

.......
هشام حب وحده وياه بلجامعه... وسبانه سبايه عليها
لان ولد عمها رايدينها وهذا متخبل... وركضنه رگضنه عما وافقو وباسبوعين اتزوج... وطاير بيها طير

رشا توصلنا اخبارها من بعيد يوميه زعلانه يم اهلها... لا افرح ولا اضوج رغم قهرتي واللحظه الي اشمتت بيها بامين بس اگول الله يسعدها ويوفقها...

مرات أصفن واگول الحمدلله اتزوجت صلاح لان صار سبب بجمعتي بامين...سبحانك ربي صح اتعذبت ويه صلاح وشفت الويل بس امين
نساني كل شي صار صدگ مثل ما گال اخ واب وام وحبيب يخاف عليه حتى من اهلي...
ما يوم قصر مني بكد الشعرة... رغم خبالاته وغيرته الزايده وصراحتا احارش بي اني حتى اخبله ولسانه يفلت...
واخير شي اگللهم هل ايه الكريمة اختصرت كل شي صار ويايه...

(وعسى ان تكرهوا شيئا وهو خير لكم)

واخيرا...

هذه الحكاية ليست اخر الحكايات... لكل منا قصه وسوف تروى

حور حيدر ❤️🕊️

باقي اخبار الابطال بلغتكم بيها زهره بنفسها... وشنو صار عدهم اطفال... وان شاء الله بلمستقبل حسوي بارتات عن حياتهم المستقبليه...

وصدگ جزء من صوره امين حتنزل على الانستا ساعتين وتنحذف باجر...
والمحادثات نشرت وحده واذا حابين انزل الباقياات...

روايتي الانبارية القادمه (كبرياء اليمامة) كم يوم وتنزل ان شاء الله 🕊️🖤

شتحبون انزللكم قصص

اكملهه تردون اكتبو تم

اذا مشفت تفاعل ب تم راح اطلع كم عظو ممتفاعل

اغتصاب ازهار


اليوم القصه تختلف هاي البنيه اني شاهده على قصته واعرفها معرفه شخصيه

ازهار مواليد ٨٥ عندي اخت وحده ازغر مني بسنتين اسمها هيفاء
القصه نبديها ويه ابو ازهار انسان بسيط يعيش بلريف عند اخ اكبر منه ووالده متوفي

كل اهله يشتغلون بلزراعه اخو الوحيد استشهد بحرب ايران
بقا هو وامه بهاي الدنيا
امه من القهر ادهورت حالته الصحيه وقررت ازوجه اتريد اتشوف احفادها قبل لاتموت
بدت ادور على عروسه مناسبه الابنها عائلة امي تكون اقاربهم من بعيد
بيت جدي اهل امي عايشين بلولايه
عائلة امي متكونه من اربع خوات وماعدهن اخو لكنهن شاطرات كلشي يشتغلن اثنيين منهن خياطات ووحده تعرف تحوك والرابع شاطره بلتطريز
قررت بيبيتي تروح وتخطب منهم مره الابوي
ولمن اجتهم عجبتها امي كلش
امي اكبر وحده وشاطره بلخياط كلش
لكن امي خافت من حياة الريف بس جدي كان موافق لان يعرف اخلاق ابوي زين
وشجعها تزوج وتقبل ب جبار لان وحيد اهله
وفعلا تمت الخطبه والزواج
ابوي تفاجئ كلش بامي بعد الزواج جان يكلهى انتي كلشي بيج حلو
ولمن عاشرها وعاش وياها تعلق بيها اكثر واكثر
جان يكلهى يكولون كل حلو بي لوله
انتي ربي كملج من كلشي
طبخج طيب ولبسج حلو وحجيج حلو
مرات يكول اني مامصدك انتي زوجتي تعلق بيها حيل
وهي لان عايشه بلولايه ماخذ طبع بنات الولايه
نضيفه ومرتبه وحلوه وشاطره
وتعرف تلبس وتتمكيج
نسوان منطقتهم يسمونها الحلوه
ودائما يوصنها من تنزل للولايه اجيبلهن مثل ملابسها ومثل عطرها
كدرت اجمع امي وتشتري مكينة خياط
وبدت تخيط للجوارين والبنات الي تعجبهن ملابسها تخيطلهن مثلها
بلبدايه مشت الحياة حلوووه وياهم
وامي كلش تعلقت بابوي وتحبه وتحترمه ووهو اكثر
يتخبل عليها وما يسوي اي شي اله يسئلها وياخذ رائيها

ابوي جان يشتغل فلاح عدا ناس والعيشه ماشيه والحمد لله
لكن هذوله الناس قررو يبيعون الكاع
وهنا بقا ابوي بلا شغل بقا فتره يدور شغل وماكو
لحد ماخلصت فلوسه
وامي بدت تصرف من فلوسها الي مجمعتهن من الخياط
كانت حامل بيه
وبدا الخياط يتعبها حيل
وابوي يوميه يطلع ويرجع ماكو شغل
وصلت امي للولاده وراحت الاهلها علمود تجيب حتى اداريها امها وخواتها
جابت امي واجيت اني للدنيا واهلها تكفلو بكل مصاريف الولاده
بلصدفه اجت وحده من الجوارين تبارك الامي على الولاده
ولمن سمعت بلوضع المادي الصعب
عرضت على امي يجي ابوي يشتغل عدهم

امي...شيشتغل عدكم
....احنا عدنا كاع زارعيه وعدنا حلال ومحتاجين واحد ثقه يهتم بيها واحنا راح نحسبله يوميه زينه
واذا عجبنا شغله راح انداري اكثر

امي حيل فرحت وحست رب العالمين ابد ماناسيهم
وبقت تنتضر ابوي يجي وتفتح ويا الموضوع

ورا يومين اجا ابوي وامي تلكته ازهار وجه الخير علينا
لكيتلك شغل
ابوي....شغل وين
...هسه ادز على ام عماد حتى يجي واحد من ولدهم ياخذك تشوف الشغل وانشاء الله يكون من نصيبك وتستقر بي

ابوي دنك عليه وباسني وكال الامي اشتريلها تراجي ذهب بس تصير هاي الشغله
وفعلا راح ابوي شاف الشغل وكلش اقتنع بي
وماكان الشغل صعب علي لان هو اصلا ابن ريف وهاي الشغلات متعود عليها
بقت شغله لازم ينتقل قريب الشغل حتى يكدر يروح ويرجع
براحته ويشوف عائلته
بما ان بيتهم بلريف بيت بسيط ومايسوا ابد
قرر ياجر بيت قريب على عمله الجديد ويجيب امه وزوجته يسكنن بي
وفعلا لكه بيت بسيط وايجاره مناسب
ونتقل للبيت هو وامه وزوجته
جانت امي ترضعني وتنومني يم بيبي وتكوم الشغل البيت
والخياط حتى تكدر تساعد بابا
جان بابا حاس بتعب ماما وهي مقدره وضعه وعاذرته
ومادام اكو تفاهم
الحياة ماشيه ومستمره
ولمن صار عمري سنتين امي جابت اختي هيفاء
وبعدها كان كل حمل يصاحبه نزيف والطفل مايستقر ويصير اسقاط
الحد ماقنعتها وحدا من الدكتورارات ان تشيل الرحم
لان اي حمل ثاني بي خطوره على صحتها
امي حيل ضاجت جان بنفسها اجيب ولد يساعد بابا بلشغل
ويشيل عنه الحمل
لكن رب العالمين ما راد ان ينولد ولد بهاي العائله
ابوي وافق فورا على العمليه وكال الامي حياتج اهم من كل الولد بلدنيا
انتي ولدي وبناتي واخواني وخواتي
انتي سندي بهاي الدنيا
اذا يصير بيج شي اضيع من دونج
وفعلا امي سوت العمليه وشالت الرحم

للحكايه بقيه

البارت الثاني والثالث

اغتصاب ازهار

جمانه السعيدي

بيبيتي ابد ماقبلت بلي صار جانت تكول هل واحد وخلفته بس بنات اريد وليد الابني يرفع اسمه بين الناس
امي من تسمع هذا الكلام حيل اضوج وتنقهر بس مابيدها شي هذا الي صار امر رب العالمين
بابا يكله اسمعي وغلسي انتي وبناتي عندي بلدنيا كلها

الحد مافديوم امي طك كلبها حيل وكالتله ازوج بلكت يصير عندك ولد بيومها ابوي زعل منها وبقى يوم كامل مايحجي وياها
ايكله انتي ماتحبيني لوتحبيني ماتكولين ازوج
امي....موكلبي خلص من الحجي اني شنو بيدي اكدر اسوي
لو بلفلوس جان اشتريته
بابا...اسكتي وبعد لاتعيدين هذا الموضوع ابد اني ما اريد ولد وامي اني احجي وياها

فاتت الايام وبيبيتي بين فتره وفتره اذبلها حجايه
الحد ما اني وصلت صف ثالث ابتدائي وهيفاء اسجلت صف اول
اذكر هذا اليوم كلش زين بكل تفاصيله
رجعنا من المدرسه ولكينا الناس ملتمه باب بيتنا والعياط واصل الراس الشارع
دفعنا النسوان ودخلنا لكيت ماما املخه نفسها تملخ وتصرخ
عرفت ساعته ان بابا مات بلبستان
اكو باب حديد ضخم مخلينه قريب المحصار مال المواشي الي يربونها والحيوانات من طالعات دافعات الباب وواكع على بابا ومضروب براسه
ولمن سامعين الصوت عشر زلم يله رافعين الباب وراس بابا ممرود وميت بساعته
امي انهارت تخبلت تصرخ وتلطم والنسوان يردون يلزمونها مايكدرون وبيبي تنعى وتبجي
اني وهيفاء كعدنا يم ماما وكمنا نبجي
التفتت علينا ماما وكامت تصرخ راح ابوجن راح الغالي
بعد منو النا ومنو يسئل علينا
صرتن يتامه الله واكبر هم بنات وهم يتيمات
كانت ايام الفاتحه ابشع ايام
امي خدودها عباره عن دم وصوتها راح وماتكدر تحجي
وبيبيتي حاله اتعس منها
خلصت الفاتحه وكلشي رجع مثل ماكان اله مكان ابوي بقا خالي
بيت ابو عماد اهل البستان دزو علينا وكالو راح ندفع الكم تعويض....صحيح دفعونا مبلغ زين
بس فلوس الدنيا كلها ماتعوض فقدان ابوي
وصوته بلبيت
بيتنا صار كائيب كلش وبيبيتي تكضي النهار بلنعاوي والحزن وامي حاله مايسر لاحبيب ولاعدوو

رجعت امي تخيط تشتغل ليل نهار حتى تكدر دبر عيشتنا
اكعد بليل الكاها تخيط وتبقى للصبح كاعده على المكينه
صادفت فترت الحصار تقريبا سنة ٩٥
والناس بهاي الفتره كامت تركع الملابس
وتحول القديم جانت تفتك القماش وتكوي وترجع تخيطه من جديد لو مال كبار وتحوله للزغار
الخياط بهاي الفتره حيل متعب لان القماش مو جديد

بدت صحت بيبي تتدهور وامي تسحب من فلوس التعويض وتركض بيها للدكاتره
ماكو شهر يمر بدون ماتروح للطبيب
،العلاج يريد اكل زين وضروف الحياة حيل صعبه
وخاصة بلنسبه الامي وحدها شايله المسوليه
اما جدي ابو امي زوج اثنيين من بناته ورا امي
وكبر ومايكدر يشتغل يعني وضعه مو احسن من وضعنا ابد
بديت انتبه الامي واقلدها بلخياط
واساعدها اذا ملابس قديمه احضرهن الها حتى تخيطهن بسرعه
ومرات اخذ القماش الي يبقى وافصلهن اني واخيطهن بايدي
لان كلش احب الخياط

من وصلت صف خامس حيل تعبت بيبي وماتقبل تروح للطبيب
تكول اني ثقلت عليكم هواي واني بعد مابقا شي بعمري
لكن امي ابد ماتركتها
وجانت مداريتها كلش
بس الله ماراد تكمل ويانه واخذ امانته
وفرغ بيتنا من صوته ومكانه خالي جنت احن الصوت نعيها واكعد بمكانه واذكر سوالفها علينا

وصلت للمتوسطه وبدت ملامحي تبرز وبديت اصير شابه
بس اني الصراحه شكلي عادي جدا
موقبيحه ولاجميله بس وسط شعري جوزي طويل وبشرتي بيضه وطولي ١٥٥ يعني قزمه
هيفاء جانت احلى مني واطول
بديت اساعد ماما بلخياط لان تعبت حيل موحيله قبل
وكامت تتعب بسرعه وماتكدر وتشكي من مفاصلها دائما
جانت من اضوج اتعاتب بابا وتكول
ليش عفتني ورحت عفت المسوليه كلها عليه

اني احب الرسم كلش بديت ارسم ورد على القماش واكصه واثبته على الثياب بايدي
وملابس الاطفال شخصيه كارتونيه واثبته عليهن
بديت اسوي شي مميز بلخياط وكثرت زباينه والناس تتعجب من شغلي
صار عدي هوس بلخياط ومايصعب عليه شي ابد
الزم الفصال واددق بي لمن احفضه واقلده
جان عندي اخطاء بس كدرت اجاوزها
امي حالته حيل تعبت ونضرها ضعف بسبب الخياط
اني لحيت عليه تروح للطبيب
وتفاجئنا طلع عدها سكر وضغط

جنت احاول اخفف عنها التعب واشتغل بمكانها لان الخياط مسوليه وتعب
خلصت ثالث متوسط وقررت اترك المدرسه
واخيط بمكان امي واساعدها لان خفت لانخسرها
وماعدنا احد يعوض مكانه
امي ماقبلت بس اني صممت وبديت اخيط واتفنن بلخياط
حتى نمنم اشتغل
وشتريت مكينة تطريز وبديت اطرز على الملابس الي اخيطهن
وبدا يزود عدد الزبائن وناس تجيني على الوصف
وصديقات هيفاء بلمدرسه كلهن يخيطن عندي

صار عندي هوس موطبيعي بلخياط واطلع افكار جديده
ومديلات حلوه
اخيط النفسي والبنات يشوفن الفصالات ويطلبنهن مني

الحد ما اكو وحده اقارب بابا من بعيد بدت تتردد علينا وتخيط عندي
لكن تحاجينا بتكبر ومن تكعد اني واني وتجي كاشخه
على اخر حبايه
وتبدي تستعرض حياته كدامنا حتى تبين ان مستواها اعلى منا واحنا فكر وهي شبعانه
تجينا بين فتره وفتره تخيط عدنا
كم مره حاولت اطردها وماما ماقبلت تكول عيب شعليج بيها مادام تخيط وتدفع اجرته خليها تحجي وتسكت

للحكايه بقيه البارت الثالث
اغتصاب ازهار
جمانه السعيدي

بهاي الفتره سكنو يمنا عرسان جدد ابنيه حلوه ومودبه موضفه وزوجها سايق سيارة حمل امي اول يوم نزلو طبختلهم عشا وراحت تعرفت عليهم
البنيه اسمها نهى وزوجها مهدي
بعدين البنيه بدت تجينا
وتخيط عندي
ومرات زوجها يتاخر بليل يله يجي تبقى يمنا
منا لمن يجي زوجها
وبدينا نتشارك الاكل حالنه حال عوائل عراقيه هواي عدهم هذا الطبع الحلو
وصلت هيفاء للثالث متوسط وصارت حلوه وجذابه وبدت الناس تجي تخطبها
امي حيل اضوج وماتقبل تكول ازهار تزوج بلاول

ازهار....ماما اذا قسمه زينه خليها تمشي بنصيبها
امي...لا ابد بعدها زغيره وينها وين الزواج بعدين اريد تزوجين انتي بلاول
ازهار...ماما كلشي قسمه ونصيب اذا ازوجت هي قبلي مو معناها اني ما ازوج يجوز هي قسمتها قبلي

جمانه السعيدي

امي....لاتحجين بهذا الموضوع ابد
انتي بلاول بعدين هيفاء
بعدها زغيره عليمن مستعجلين على زواجها
ازهار....بكيفج ماما بس لاتربطين مصيرها بي ابد

ورا فتره اجت نهى علينا
نهى...هلوووو ام الزوز
ازهار...هلووو نهى شلونج
نهى...الحمد لله بخير اكولج خالتي ماكووو
ازهار...جاي تسبح
نهى...ولج جاي اشم ريحه طيبه الله عليج شطابخين ولج اني اتنسى وخطيتي بركبتكم
ازهار...مو تدللين هسه اصبلج سالكين باكله
وامي طابخه تبسي تاكلين هنا لوتاخذينه البيتكم
نهى...هنا يمكم اليوم مهدي طلع للبصره عدا حمل مدري يرجع لليل مدري يبات
ازهار...هسه دقيقه واصبلج وتدللين اذا مايجي زوجج باتي عدنا اليله لعد تبقين وحدج بلبيت
نهى...هي هم هيج حتى مهدي يكول روحي يم بيت ام ازهار اذا اتاخر عليج

طلعت امي من الحمام
امي..نهى عدنا هله خاله
نهى...هله بيج اجيت وكاعد اكل
امي...الف عافيه يمه اتهني

تممت نهى اشهر الحمل امي راحت وياها للولاده لان اهلها بغير محافضه علما وصلت امها لكت امي قايمه بلواجب وزياده
جابت بنيه تخبل وتعلقنا بيها حيل اذا ما اجيبها يمنا يوم
اندز عليها يمكن لان ماعدنا اطفال ابد

مشت الايام واحنا على وضعنا هيفاء تجيها خطابه واني ولاواحد دك بابي
ابد مايجوني خطابه اما هيفاء يوميه جايه واحد يخطبها
اني ما اضوج لان هي اختي واني احبلها الخير واتمنى تكون سعيدا بحياتها

الى ان وصل عمري ٢٣ سنه واني بمكاني وماكو اي تقدم بحياتي
واجت فرصه زينه الهيفاء واحد موضف وحالته الماديه زينه
بس عائله جبيره
الولد شايفها من تروح للدوام ودز اهله عليها
اهنا اني قررت اوكف بوجه امي لازم تقبل وخاصتا اني شفت القبول بوجه هيفاء
اني اكيد تجي قسمتي قابل راح ابقى العمر كله بلازواج
واذا بقيت يكون رب العالمين ماقاسملي ارتبط
اخذت هيفاء على صفحه

ازهار ...انتي موافقه
هيفاء...بكيفكم انتي وماما
ازهار...ليش احس اكو شي بينج وبينه احجي الصدك حتى اساعدج بهذا الموضوع
هيفاء.. لاماكو شي بس صار فتره من اطلع للدوام تصادف طلعته وياي بلبدايه
حاول يحاجيني واني ماقبلت
بعدين بدا يلح ودز عليه اخته ويانا بلمدرسه بس اكبر مني
واني كتله اذا قصده شريف يجي يخطبني
اني مومال علاقات وهاي السوالف بعدين مره كال اكيد اني قصدي شريف وراح ادز اهلي يخطبوج
ازهار...زين افتهمت اني اقنع ماما

لليل كعدنا اني وماما
ازهار..ماما امبينين خوش ناس والولد موضف انتي ليش رافضه
امي...يمه انتي الجبيره وانتي لازم تزوجين بلاول
ازهار....فرضا اني مامقسوملي ازوج شلون تبقى هي بلا زواج
ترا ميصير هيج
امي...اي خل تبقى بلا زواج شنو يعني
ازهار...ماما اذا تحبيني صدك وافقي لان هيفاء تحبه للولد
امي...شلون تحبه وين شافته تطلع ويا احجي
ازهار...وين تطلع ويا وهي من المدرسه للبيت ومن البيت للمدرسه بس داز اخته عليها محاجيتها
امي...اي واني اخر من يعلم
ازهار...لايمه انتي الخير والبركه بس بغلاتي عليج وافقي
بروح ابوي اذا تحبينه وافقي
امي...خل افكر اريد وكت افكر واقرر
ازهار...براحتج حبيبتي انتي

ثاني يوم اجت نهى وكتله تعاي اني وياج نقنع ماما تقبل
نهى....هلو خالتي
امي..هلو حبيبتي شلونج روان شلونها
نهى...روان البارحه مانامت مصخنه اجيت اجيبها واجيكم بليل الساعه ثنتين بس بعدين مهدي ماقبل كال عيب نايمين

امي...شو خل اشوفها هاي بلاعيمها ملتهبه ومصخنه عليهن اخذيها للدكتور العصر خلي يشوفها
نهى...اي انشاء الله خاله رجعتو خبر للناس موافقين لا
امي...اني مامقتنعه ابد شلون تزوج قبل ازهار
نهى...خاله تحجين وكانما ازهار معيوبه ازهار بعد قسمتها ماجايه ومن تجي قسمتها تتزوج
لاتعطلين هيفاء علمود ازهار ازهار طيبه واكيد رب العالمين
ضامله شي زين
خلي هيفاء تمشي بنصيبها ولاتعطليها
صدكي لو عندي اخ مامزوج ولا افوت ازهار جان هسه خطبتها اله ازهار ذهب صافي وهنياله الي يخليها ابيته

امي من كثر الكلام اقنعت ودزت خبر موافقه
وحددنا يوم المهر وامي دزت على جدي يحضر لان ماعدنا رجال بلبيت بس جدي حيل تعبان وبلكوه يمشي
بس شيسوي حضر الخاطر امي
وعقدت هيفاء جانت طالعه مثل الاميرات اجرنا بدله سمائي
وطوك ورد وطالعه تخبل وزوجها شكله حلو ومرتب

لكن هاي الحفله ماخلت من التعليقات السلبيه
ليش الهسه مامزوجه
اختها احلى منها
خطيه بقت بعد محد يخطبها

اي عيني جبيره الناس تريد زغيره
ومن هذا الكلام واكثر
ما اكول ماضجت من كلامهن بس حاولت اداري ضوجتي
حتى لاتضيع فرحت هيفاء

وحضرت كماله اقارب بابا للمهر اني ماردت اعزمها بس امي الله يسامحها صممت تعزمها
وضلت ادقق هذا شنو وهذا محلوووو
اخر شي ختمتها قبل لاتطلع
جان تكول ازهار لاتضوجين اني ادورلج عريس بس حضريلي هديه
ردت اهفها بلمزهريه على راسها لوما خاف عيال هيفاء يخاذون عنا فكره موزينه
استغفرت ربي وسكتت
وبدينا نجهز الهيفاء ونشتريلها غراض واني خيطتلها فساتين وفرشات وحتى سيتات نوم خيطتلها
وقررو العرس بعد شهر علما يجهزون نفسهم اهل العريس

للحكايه بقيه

قصه جديده وبعنوان جديد اريد تفاعلكم ليش ضعيف #طرقات_نحو_الهلاك
بقلم #احمد
#مشهد 1
بنيتي الحلوة يلا كومي سويلي ريوك مو حلفتيني اكعدج علمود تسويلي ريوك قبل ما اروح

شهد .. بنعاس وعيوني مسكرة .. لا روح ما اسويلك تعبانة

.. ها هيج صارت يلا لعد اني رايح

شهد.. لا لا اتشاقة اجييييت

كمت ركض وهو طلع كدامي يضحك ويعرفني ما راح اخليه يروح بدون ريوك

شغل التلفزيون الي بالمطبخ وكعد على صفحة يتابع الاخبار جان داعش هسا طاب للعراق واخذ الموصل والاخبار مخبوصة بالموضوع

جنت اباوع عليه واشوف بعيونو الغضب وهو يشوف الناس تتهجر من بيوتها والي مضيع اهلو او متوفي احد منهم ويبجي

كملتلو الريوك اكل لكمتين عالسريع وباسني من راسي كال عاشت ايدج واخذ جنطتو الي بيها الملابس العسكرية وطلع

.......... يتبع

مشهد 2

طلعت ارش الحديقة وجان مروان ماسك الصوندة دا يلعب بيها كلتلو انطيني الصوندة خلي ارشها كال ولي منا ك...ة

رغم جنت اريد امسكو اكطع لسانو الطويل بس الخوف من النتيجة منعني وعناد بيه سحبت الصوندة منو كل قوتي

هو ما كدر يوازن نفسو ووكع على ركبو وراح داخل البيت ومسكت الصوندة دا ارش وما حسيت الا ايد مسكتني من شعري

بجزء من الثانية لكيت نفسي واكعة بالكاع وانسحلت من شعري والفشار صار علي مثل المطر لحد ما دخلتني للغرفة

طلعت ثواني ورجعت وياها عكال كالت اليوم الا اشوفج عظام ابوج الخايس بنت النعال تمدين ايدج عليه واني موجودة

........ يتبع

من الخاص وتريد مساعدتكم ... القصه حقيقيه

بنات ساعدني مصيبه وكعت على راسي والله راح اموت ازوجت بعد حب ٧ سنوات شفت الويل والله كل ما ييجي يخطبني امي تطلع بي عيب تريدني البيت خالتي واني ابن خالتي ما احبه حتى ضرب تضربني واني يتيمه حاربت الدنيه واخذته والله وداعت شهر محرم تحملني قصتي طويله وساعدني اول يوم العرس ما صار شئ من التعرفو كلت يجوز تعبان ثاني يوم هم نفس الشى اسبوع شهر من يتقرب ماكو ميكدر ومن سألو كنالهم صار وماكو شى وصار شهرين اني صافنه مثل ما جابني من اهلي وصار الحال يسوء وما ياكل ويضعف ويتخربط وينام بره هنا لجو عيالي ويايه كامن يصيحن مسحور ٧ سنوات مجلب بيج طلعتي بالسحوره واني العباس يشلني اذا اعرف هل سوالف واني ساكته حرف ما حجيت وربي يشهد رحت اشكي الامي كلت احجيلها تدليني دربي وتكتم سري وتشوف حل راحت تشهر وخابرت عيالي دكلهم بنتي شعليها ابنكم مو رجال وطردوني اختي الجبيره كالت معليج بأمي اني اشوفلج جاره ما خلينه ام خيره بالفيس من الي دلونه بيهن كلمن تحجي شكل وتيهني وحده دكول عيالج وحده دكول من طرفج الى ان وحده الله يوفقها انطتني رقم علويه بتركيا خابرناها كالت خيره بالرمل بلشت تاخذ وتقرأ وكالت غمضي عيونج وشنو تشوفين كولي والله وهذا شهر محرم شفت خالتي شلون ترش السحر اليحر مثل الخيال وربي يشهد ع كل حرف بعيني شفتها كالت سحر وقوي اذا ما نفك يموت على نكاسه صبي اختي كمشت امي وحجتلها غير ام وتوكف ويا بنتها لا دكول بدعجن وسوالفجن تهامات تتهمن بختي كمشتني كطعتني وطردت اختي خابرتني اختي كالت اني راح احجي ام علي ونشوف شنسوي والله بنات دزيت سواراتي بعتهن وسويت فك السحر الي. .... يتبع التكمله خاص دمرني وصار ١٠ ايام من كمل البارحه خابرني يريد يرجعني امي متقبل دكول اموت وما ترجعين مو ......

(((عسل مر))))). البارت الاول

اني علي مواليد ٩٠ طولي ١٧٠ وزني ٧٥ حنطاوي شكلي حلووو
اني من الكوت من عائله متوسطة الدخل
ابوي موضف بلري وامي ربت بيت
احنا تسع نفرات سبع ولد وثنيين بنات
عايشين بيت جدي ابو ابوي
جدي كلش عصبي ويريد كلشي يمشي مثل ماهو يريد
بيبيتي متوفيه الله يرحمها
عندي عمات اثنيين طبعا ابوي الجبير
عمتي سناء متزوجه بلبصره وعدها خمس جهال
تجينا مره وحده بلسنه تبقى اسبوع وتروح
وعمتي ليلي ازغر وحده
متزوجه بغداد

اعيالها جانو جيرانه بلكوت وأم زوجها شافتها وخطبتها
بس عمتي ابد مامرتاحه عد عيالها
زوجها يدور بنات ويعاملها بتكبر ويحتقرها
يوميه عركه هو وياها
ورا زواجهم بثمن اشهر اتعارك وياها و طردها
بس للاسف طلعت حامل ورجعته عمته ام زوجه
من رجعت زاد عناد وياها وهجرها بس جان عدها امل
من يصير عدهم طفل يتغير للاحسن
بس ماكو فايده حتى يخابر بنات كدامها

اني تسلسلي بلعائله ماقبل الاخير
طبعا امي عبالك ارنب ماتمر سنه مو حامل
كل سنه حامل
وابوي الله يسلمه نشط مامنطيها مجال ابد
على العموم الراتب جان مايكفينا بلكوه مدبرين امورنا
اخواني الكبار بلعطله يشتغلون حتى يساعدون اهلي

بس هم ضروفنا صعبه لان هواي
احنا وامي وابوي وجدي ١٣ نفر

جدي جان يشجع ابوي على الإنجاب لان ابوي وحيد ويكول ذوله ولده عزوته وقوته

من صار عمري ست سنوات جدي اخذني يسجلني بلمدرسه
طبعا المدرسه قريبه علينا كلش
شارعين ونوصل
وعندي ٣ من اخواني وخواتي وياي بلمدرسه بس كل واحد بصف
وصلنا وسجلني بلمدرسه وجنت كلش فرحان
رجعنا للبيت ولكينا عمتي الزغيره ليلي عدنا بلبيت وتبجي
قبل كم شهر جابت بنيه تخبل سمتها عسل
زوجها ماخذ البنيه وطاردها
يكلها اريد ازوج انتي مو مستواي
اني احب وحده واريد ازوجها

ماجرلها سياره ودازها وكايللها ورقتج توصلج وكل حقوقج

جدي حيل ضاج ونفعل من شافها
بعدين كال
هاي الزواجه كله غلط من البدايه حرامات عفناج تعيشين ويه واحد ضالم مثل هذا

ليلى بويه بنتي اريد بنتي

الحجي بويه قابل انربي بت الناس خليها عندا هو يحير بيها

ليلى اريد بنتي واتنازل عن كلشي

الحجي اسكتي بتهم خليها عدهم انتي بعدج زغيره تزوجين وتخلفين بدال البنيه عشره
عمتي لان تعرف جدي عصبي ومستحيل يتناقش سكتت
بس لاليله ليل ولا نهارها نهار
تبجي ليل ونهار على بتها
وصدرها ورم من الحليب
اني جنت اكثر واحد متعاطف وياها بلبيت
كاعد يمها
وكلما تبجي امسح دموعها
جانت ماتكدر تنام بليل ادز اخوي الجبير يجيبها حب منوم
حتى تكدر تنام
بس ولله تكسر الخاطر
تاكل كلش قليل وبس تبجي

علي.. عمه لاتبجين اني من أكبر اروح اجيب عسوله واجي

باوعت عليه وكامت تبجي بلزايد
طبعا عمتي كلش حلوووه بيضه وعيونها كبار وعدها غمازات
وشعرها اسود طويل
وشغلها وتنضيفها يخبل بس شسوي للحظ الي ماكعد وي زوجها

على العموم عمتي تمرضت واني لازك الها لزك
جانت تنومني بحضنها حتى تعوض النقص الي جاي تحس بي
مرت الايام وبدت حالته شويه تتحسن
هي مانست بتها ابد بس صارت شوبه احسن

كامت تشتغل بلبيت ويه امي
واني صرت ابنها بلفعل انام بحضنها وتقريني وتكتبني دروسي وتسبحني وتغسل ملابسي
حتى من احتاج شي من امي تكلي روح العمتك هي تسويلك اي شي تريده
مشت الايام وعمتي جانت تسئل دائما وتريد تعرف اخبار بتها
جان عدها الرقم الأرضي مال جيران عيالها بغداد
وبين فتره فتره تتصل تطمن على بتها
عرفت زوجها ازوج البنيه الي يريدها

وبتها عد بيبيتها مو عد زوجت ابوها وبيبتها حيل معتنيه بيها
هاي الاخبار كانت اطمن عمتي عليها
بس يبقى كلبها على بتها مثل النار

تفوقت بلمدرسه بسبب عمتي لان جانت تقريني وتكتبني
ومهتمه بيه
تحاول تعوض النقص بحياتها بوجودي
والصراحه اني هم تعودت عليها
واول ما ادخل للبيت اروح عليها كبل

البيت كله كام يصيحلها ام علي على اسمي

يتبع علقو ب تم حته اعرف تفاعلكم

قيود امرأه
البارت الاول
جمانه السعيدي

ريحانه المصطفى

قصه حقيقه من واقعنا
هلمره القصه اجتماعيه ومنتشر هاي الحاله
بشكل واسع بهاي الفتره
راح نعيش أحداث القصه ونقرر منو الغلطان ومنو الصح
خل نتابع الاحداث
عسى ولعل بعض النساء تتعض من هاي القصه

اني رويده مواليد ٩٠ من عائله متوسطه الدخل
احنا بنات ثنيبن ولد
اخوي مرتضى الجبير بعدين اماني وبعدين اني ازغر وحده.
اني شكلي عادي جمالي متوسط شكلي حلووو بس
مو جمال طاغي شكلي مقبول
والناس الي تعرفني تكول انتي عندج حضور وجاذبيه
عندي نوع من القبول بشخصيتي
طولي ١٧٠ حنطاويه جسمي حلو
امي وابوي ناس كلش فقره وبسطاء على كد حالهم

اول مشكله واجهتها بحياتي
تسلط اخوي علينا
لان هو الولد الوحيد بلعائله والجبير
كان ماخذ تقدير اكثر من استحقاقه
ضالم ومتسلط بشكل مو معقول طبعا ابوي مايناقشه باي تصرف
يخاف لا يضوج لو يصير عصبي
يخاف لا يعوف البيت وينهزم
وهو كان يعرف نفسه مسيطر ومحد يرفضله طلب
واوامره لازم تمشي على الكل
حتى على امي وابوي
كان بدخل بكلشي كلشي يعني كلشي
محد يطلع لو يدخل اله باامره محد يفتح حلكه اله يكون هو موافق
وصل الدرجه اتفرعن علينا
كام يدخل حتى بانفاسنا طغا فد مره علينا
طبعا هو يمشي وياا ولد مو اوادم
علمو على شغلات مو حلوه يتصرف بكيفه ماعنده اي حكمه بااي قرار عصبي كلامه كله صياح ماعنده تفاهم
ابد حتى على امي وابوي يصيح
الي يعجبه يسوي
يدخن صاحب مشاكل
بس محد يكدر يفتح حلكه ولا بكلمه
لان هو الزعيم بلبيت
طبعا السبب الرئيس بشخصيته العدوانيه اهلي
من هو زغير عافوه على راحته
اي تصرف يتصرفه عادي ماكو مشكله
بعد هو ولد وكانما نازل من السما
عبالك عمله نادره وماكو منه ابد
هاي الحريه الزايده خبلته
رسب بالسادس ابتدائي وبطل من المدرسه
وصمم اختي اماني تبطل وما تكمل دراستها
بطلها من صف خامس
خطيه جانت شاطره كلشي بلمدرسه
شكد بقت تبجي حاولت بس بدون فايده
طبعا هو هيج بطلها بدون سبب
يعني مزاجه يكول تبطل يعني تبطل
جمانه السعيدي
اماني...اني اريد اكمل دراستي
امي...اسكتي اخوج مايقبل
اماني...شنو ما يقبل هو بكيفه ما يقبل اني احب المدرسه
امي...اكعدي واسكتي لا اجيبينه المشاكل
اماني...اي ليش البنات كلها اداوم واني لا
امي...تعرفين تقرين وتكتبين بعد كافي هاي هي شسوين بشهاده
اماني....هي المدرسه بس قرايه وكتابه اريد افتهم اني شسوي باقيه بلبيت
امي....اهووو عاد راح ادوخنا اسكتي لا يسمعج مرتضى ولله يفصم ضهرج فصم
اماني....مرتضى مرتضى شعلي مرتضى هو ساقط ويريد الناس كلها مثله
امي...الحجي مايفيد اسكتي

سكتت اماني لان ماعدها خيار ثاني محد راح يوكف بوجه مرتضى ويناقشة بهذا الموضوع

الحد ماوصلت عمر ١٥ سنه تقدمها ولد من معارفنا وزوجت

بس امه اجت تخطب اماني وافقت على طول
رغم همه ناس كلش بسطاء
بس تريد تخلص من بيتنا
طلعت من قيود مرتضى وتحكماته
رغم عمرها زغير بس من تقدمها هذا الولد فرحت
راح تطلع من هذا البيت
جمانه السعيدي
ابيتنا ممنوع البنيه تطلع ممنوع تفتح الباب
ممنوع تضحك بصوت عالي ممنوع تكمل دراستها
ممنوع تسلم على اي ولد يجينا من اقاربنا
ممنوع تنعزم بمكان وتطلع
من يدخل مرتضى للبيت كون نوكف وكفه
تحسبا الاي اوامر من حضرته
اذا طلب شي وتأخر علي تصير ساعه سوده
مستعد يضرب ويغلط ويهين

مو حياة بهذا البيت جحيم

المهم اماني ازوجت الولد هم حالته الماديه متوسطه
عايش وياا اهله
يشتغل حداد بس ابن اوادم ومحترم

ازوجت اماني وكانت سعيده بهذا الزواج
من تجي تبقى بس تحجي عن زوجها شلون يعاملها وكانما متفاجئه من طريقه تعامله وياها
لان هي زغيره فتحت عينها علي هو هم كان فرحان بيها
زغيره وحلوه من اول زواجهم حس هي حيل متعلقه بي
وسعيده بحياته وياااا
الي عزز علاقتهم اكثر
اول ماازوجت بعد شهرين طلعت حامل
والحلو بيه ماكنت تجينا زيارات هواي
تكول انتم بس النكد والمشاكل شعندي جايتكم

اكيد اكو مشاكل بيت عيالها حالهم حال الناس
بس مو هي وزوجها لا هي وعيالها
بس هي صامده تكول كلشي اهون من الحياة وياا مرتضى
مشاكلنا بلبيت يهونها عليه زوجي ويصبرني واذا زعلت يراضيني
ويشتريلي ويفرحني
بس بيت اهلي اذا زعلت محد اله شغل بيه
محد يشتريلي محد يطلعني محد يهتم بيه
محد يدافع عني
طلعت اماني وخلصت من هذا البيت وصارت ام
وزوجها يحبها متعلق بيها
جمانه السعيدي

بس اني بقيت لا حول ولا قوه
كلشي براسي كلشي عليه الشغل والتعب والاهانه
والوحده اي اني كنت عايشه الوحده رغم عايشه وسط اهلي لان محد يهتم بيه
محد يسئلني شنو محتاجه
مااطلع ولا اغير جوووو

بس صابره لان وصلت للمتوسط
مرتضى ماجان مركز وياي
لان بهاي الفتره كان يروح يشتغل بغداد

هو يكول اشتغل بس ماكان يرجعلنا بفلوس
بلعكس كان يسحب من ابوي فلوس
اني اتوقع كان يدور اماكن سهر ونسوان
بس محد متسلط علي ومحد يعرف هو شكاعد يسوي

المهم اني وصلت صف ثالث متوسط وامتحنت ونجحت

وكعدت افكر اقدم للاعداديه
وهنا رجع مرتضى وخابت كل امالي

رجع بسبب سوء الأوضاع بغداد بعد السقوط
والخطف والقتل
قرر يستقر هنا وبعد مايرجع البغداد
اول قررا بس رجع للبيت
اني اكعد بلبيت وبعد ماكو مدرسه

كمت ابجي واتوسل باابوي وامي
بس هو قفل ماكو مدرسه يعني ماكو مدرسه

بس شافني ابجي وضايجه
مرتضى....باعي اني لو هنا من زمان جان ماعفتج
بلمدرسه للثالث
بس حضج غلبني ديري بالج اسمع صوتج فهمتي لولا
تبجي علمود المدرسه شكد بطرانه

رويده....انت ليش رجعت جان متت هناك وخلصنا منك
هاي عصابات الخطف والقتل وين راحت عنك

ابوي...انجبي ولج
امي...اسم الله انتي تموتين ونخلص منج

هو راسا رجع عليه موتني تموت امي وابوي يردون يخلصوني منه ماكو
انتقم مني انتقام ماصاير
وشد وياي بلزايد يدخل للبيت ويطلع بس يغلط
ويضرب ويهين
واني لا حول ولا قوه
هواي مرات احسد اماني ازوجت وخلصت من هذا اللبيت
كنت اتمنى اي واحد يجي اقبل بي
بس اخلص
مو بيت سجن مع الأشغال الشاقه

للحكايه بقيه