يفُيض الجَمالُ منّ وَجهكِ ومَا باليدِ حيِلة القَصائدُ تُناديكِ فمن أين نبدأ يا جميلة ؟ .
2
ركز ، عشان تكمل ، لازم تسال روحك ديما "عليش" بديت من الأساس ، وخلي هدفك كبير لكن خطواتك صغار عشان ماتحسش بملل ولا الكسل ، وتقبل ان في ايام تروح تعبان وفي ايام تسهر للصبح ، المهم انك ماتوقفش لما تضيق بيك ، ولو حسيت روحك ماتبيش تكمل راجع نفسك وشوف نتيجه الي تبي تصير كان كملت ، كافئ نفسك مع كل تقدم بسيط وغير جوك وحط روحك في مكان يساعدك انك تكمل ومع ناس تشجعك انك تكمل ، وعيش معنى كلمة "الاستمراريه" مش "الكمال" ولو تحس بالارهاق غالبك ، اذكر انه شعور مؤقت مش دائم واغلب الي وصلو وكملو حسو بالشعور لكن تجاوزوه .
1
الله يعوضك ، ومش شرط التعويض يجي فِ صوره شخص ، لأن مرات ربي ياخذ منك حاجه كنت تحسبها كل شي ، بس في الحقيقه كانت حَ تكسّرك من غير ما تحس ، التعويض يجيك فِ سكون داخلي ، في راحة ما كنتش عايشها ، فِ نفس ترجعلك بعد ما كنت تايهه ، الشخص اللي فارقك ، مش دايمًا خساره مرات يكون نجاه ، وربي صرفه عنك لأنه شايف اللي أنت ما كنتش تشوف فيه ، ولو صبرت واحتسبت ، ربي حَ يعوضك بحاجه أعمق من مجرد بديل حَ يعوضك بحاجه تليق بيك مش بس تعبي فراغك ، يمكن شخص أرقى ويمكن حياه أهدى ، ويمكن حتى أنت نفسك تصير أقوى ومش محتاج حد كيف قبل ، وأهم حاجه ، ما تعطيش قلبك أكثر من حجمه لأي مخلوق ، لأن القلوب الِي اتعلق بزياده حَ تتعب أكثر خليها على ربي بكل صدق ، لأنه الوحيد اللي يعرف يداويك ويعطيك العوض الصح فِ الوقت الصح
والخير؟ ، عمره ما يضيع ، بس يجيك في الوقت اللي أنت تكون مستعد له ، مش في الوقت اللي تطلبه .
والخير؟ ، عمره ما يضيع ، بس يجيك في الوقت اللي أنت تكون مستعد له ، مش في الوقت اللي تطلبه .
1
الطاقة السلبية اللي تجيك من الناس ومحاولاتهم إنهم يعطلوك، غالباً ما يكون وراها حسد أو خوف أو لأنهم مش فاهمين رؤيتك، وتلقاها تطلع في شكل نقد مستمر وتقليل من قيمة أحلامك وكلام مسموم يحاول يكسر مجاديفك؛ لكن الحل مش إنك ترد عليهم بنفس السلبية، بل بوعي وثقة إن قيمتك ما يحددهاش كلامهم، وبإنك تدير حدود صحية تحمي بيها نفسيتك، وتحوّل الإحباط هذا لدافع يخليك تزيد تثابر وتركز على أهدافك وترافق الناس اللي تدفعك للقدام بدل ما تضيع وقتك في جدال ما منه فايدة، وتذكر ديما إن محاولاتهم لكسرك هي مجرد اختبار لإصرارك، وأفضل رد عليهم هو نجاحك واستمرارك في طريقك.
1
ݺ﮼ِمَلاك،الحَبُوني .
أَجْمَلُ مَكَانَةٍ يَبْلُغُهَا الإِنْسَانُ ، أَنْ يَقَعَ فِي ، عَيْنِ مَنْ يُحِبُّهُ ، كَعِوَضٍ جَمِيلٍ بَعْدَ تَعَبٍ طَوِيل .
ربي يعوضك بإنسانه حنونه وهاديه ، تخليك اتريح وكأن كل التعب اللي فات ما كانش ، إنسانه تفهمك من غير ما تكثر كلام ، وتحبك زي ما أنت بدون ما تضطر اتغيّر عشان تنحب ، و مع الأيام حتفهم ليش فِي حاجات ما كملنش ، لأن ربي كان مخبيلك شعور أحنّ وأصدق ، وأحياناً ، أجمل العوض يجيك بهدوء ، لدرجه إنك ما تحسّ بقيمته إلا لما قلبك أخيراً يطمّن ويمكن الحب الحقيقي موش اللي يبهرك بالبدايه ، الحب الحقيقي هو اللي يخفف عليك ثقل الأيام بدون ما تحس .
1
في التجارة، القانون معروف: "اشري رخيص وبيع غالي" عشان تعبّي جيبك ،
لكن في الدنيا ، اعكس المعادله عشان تريح راسك : اشري الغالي (رضا ربي ، كرامتك ، والناس الصافيه ) ، وبيع برخيص (الزعل، النفخه ، والمظاهر الفاضيه ) وما تعدّلش على الدوة الزايده ،
مكسب الفلوس يبي حسبه ، ومكسب القدر وراحة البال يبي عقل وترفّع .
لكن في الدنيا ، اعكس المعادله عشان تريح راسك : اشري الغالي (رضا ربي ، كرامتك ، والناس الصافيه ) ، وبيع برخيص (الزعل، النفخه ، والمظاهر الفاضيه ) وما تعدّلش على الدوة الزايده ،
مكسب الفلوس يبي حسبه ، ومكسب القدر وراحة البال يبي عقل وترفّع .
1
فِ حاجات نديروها يقولوا عليها الناس "غلطه" ، لكن فِ الواقع هي الحاجه الوحيده اللي ردت فينا الروح ، غلط درته بإرادتك وبكامل قناعتك ، وكان أكتر حاجه صح فِ اللحظه هذكي بالذات ، والمخرج الوحيد اللي قعدلك باش تنقذ بيه روحك لما سكرت الدنيا كلها فِ وجهك وقعد الطريق "الصح" يحرق فيك ، الغلط هذا ما كانش طيش ولا هفوه ، هذا كان "طوق النجاه" اللي اخترته وأنت عارف روحه شن دير ، ولأن بنيته على يقين وكان جسرك الوحيد باش تطلع لبر الأمان ، فـ محاوله إنك "تصلحه" توا وتجامل بيه كلام الناس هي الغلط الحقيقي ، زي اللي يهد السقف اللي حماه من المطر عشان شكله مش عاجب اللي يمروا فِ الشارع ، فـ فوت موضوعه ، وتصالح معاه ، وسكر وراه الباب وكمل طريقك ، لأنه كان أصح حاجه درتها فِ الوقت اللي كان فيه كل شي حواليك ينهار .
5
لازم ادير وقفه جاده وصادقه بينك وبين روحك ، وتوعى للمسار اللي ماشي فيه ، لإن تكرار نفس الغلطه وتوقع نتيجه مختلفه تضيع وقت ، وهروب من الواقع ، الخلل مش حَ يتصلح بـ تهرب ، " وأخطاءك ما هي إلا رسائل وتنبيهات " يا إما تقراها بوعي وتعلم منها ، يا إما حَ تقعد تعيشها وتدفع في ثمنها كل يوم ، شغّل عقلك وراجع حساباتك بصدق ، راَ مفيش حد حَ يمدلك يده ويصلحك لو انت مَ بديتش تغير لِي فِ داخلك بروحك ، لخيار ليك ، يا اتعلم وتكبر من دروسك ، يا ترضى تقعد تبرم في نفس الدائره المسكره طول عمرك .
2
توا الواحد خلاص عرف قيمة روحه وعطى لنفسه قدرها؛ لا عاد نجروا ورا حد، ولا عاد نفرضوا رواحنا على حد، اللي يقدرنا ويبينا يا مرحبتين بيه وعلي العين والراس، واللي ما يعرفش قيمتنا وما يبيناش خليه براحته الباب يفوت جمل، والدنيا هذي عمرها ما وقفت ولا حتوقف على حد .
6
عمري ما آمنت بإن العشرة والسنين هي اللي تحكم على الناس؛ القصة كلها عندي تزيد وتنقص في أصل البني آدم. في اللي تدير فيه الخير يثمر وتلقى أصله الطيب غالب، وفي اللي مهما عطيت وديرت معاه، يطلع قليل أصل وما يثمرش فيه شي.
1
كل حد فينا يحن لـ نسخته القديمه م نفسه ، ورغم إنها كانت أضعف ، وعلى نيتها ، ومش فاهمه الدنيا زي توا ، لكن الحق كانت مرتاحه البال وأكثر سعاده ، الأن في النهايه يقعد شعور الأمان وراحه الخاطر أغلى من أي نضج أو وعي تكسبه معَ الأيام .
1
مرات تحس إنك تبي تطفي مشاعرك بيش تريح راسك من الصدمات والوجع، لكن في الواقع الإنسان ما يقدرش يقعد بلا مشاعر تماماً، لأنها حاجة مزروعة فينا؛ وكل ما في الأمر إن العقل لما يمر بضغط قوي أو خيبات متكررة يدير في "آلية دفاع" لا إرادية تخليك تحس روحك تغيرت وجفاف مشاعرك كنوع من التخدير المؤقت عشان تحمي نفسك. بس الكبت هضا مش حل، لأنه ما يقتلش المشاعر بل يقلبها لضغط نفسي، عصبية على أقل حاجة، وفقدان للشغف؛ والحل الصح مش إنك تقتل مشاعرك، بل إنك تعرف كيف تحمي نفسك وتدير حدود مع الناس بيش ما حد يستنزفك .
1
مشكلتك الحقيقيه إنك تفهم زياده عن اللزوم ، وادقق في كل حاجه ، وهذا هو السر اللي متعبك ومطير النوم من عينك ، لو كنت إنسان تافه وسطحي زي هـ الناس اللي ماليه الدنيا ، لكان توا راسك بارد ، وعايش متهني وسعيد ولا على بالك حاجه .
1