مَن أبغضَ معصيته،
وجاهدَ نفسه للتخلص منها،
ولم يتصالح مع وجودها،
وأدامَ سؤال ربه أن يُنجيه منها ومن شؤمها: فالله عليمُ بجهاده، خبيرُ بصدقِه، رحيمُ بحاله، شكورُ لسعيه، توابُ لتوبته، مُجيبُ لدعوته ولو بعد حين، لا يشكُّ
في ذلك مثقال ذرةٍ من عرفه سُبحانه.

اللهم جدِّد الإيمان في قلوبنا.

إنَّ الإيمانَ ليَخلَقُ في جوفِ أحدِكم
كما يَخْلَقُ الثوبُ، فاسأَلوا الله
أن يُجدِّدَ الإيمانَ في قلوبِكم.

• رسول الله ﷺ.

قال شيخُ الوعَّاظ ابن الجوزيِّ
عن شهر رمضان: إِخواني،
هذا شهر التيقُّظ، هذا أوانُ التحفُّظ،
إِخواني بين أيديكم سفر،
والأعمارُ فيها قصر،
وكلُّكم واللَّهِ على خطر،
كونوا على خوفٍ مِن القدر،
واعرِفوا قدرَ مَن قَدَّر.

إِخواني،
إِلى كم تُوعَظونَ ولا تتَّعِظون،
وتُتعبونَ الناصِحَ ولا تَقبلون،
أَفَسِحْرُ هَذَا أَمْ أَنْتُمْ لَا تُبْصِرُونَ؟
أَكُلِّفتُم ما لا تُطيقون؟
ما لكم عن مآلِكُم مُعرضون؟
ما هذا الفُتور وأنتم سالمون؟
ما هذا الرقادُ وأنتم مُنتبهون؟

تاللَّهِ لو قِيل لأهل القبور تمنَّوا،
لتمنَّوا يومًا من رمضان،
إِلى متى أنت في ثيابِ البَطر؟
عجبًا لك! أصمَّ السَّمع أم غشي البَصر؟
تاللَّه إِنَّك لعلى خطرٍ، آنَ الرحيلُ ودنا السَّفرُ، وعند المماتِ يأتيكَ الخبر،
كُلَّما خرجت مِن ذنوبٍ دخلت في أُخر؟
يا قليلَ الصَّفَا، إِلى كم هذا الكَدَرُ؟.

لكَ الحمدُ إنَّ القُربَ منكَ وسيلةُ
إليـكَ، وأمّا البُعـدُ يا سيّدي بُعـدُ!

قلتُ يا رسول الله: أجعلُ لك صلاتي كلَّها !
قال: إذًا تُكْفَى همَّك، ويُكَفَّرُ لك ذنبَك.

ولمۡ أكُن بِدُعاۤىِٕكَ رَبِّ شقِیࣰّا.

‏والناس في آخر الليل يكون في قلوبهم
من التوجّه والتقرّب والرِّقة ما لايوجد
في غير ذلك الوقت، وهذا مناسب لنزوله جلّ في علاه إلى سماء الدنيا
وقوله: هل من داعٍ؟ هل من سائل؟
هل من تائب؟

• ابن تيمية.

فجر ٢٧ شعبان ١٤٤٧هـ.

من وانت صغير لحد م كبرت
نفس الفرحة ونفس البهجة
وانت بتستنى رؤية الهلال
شعائر الإسلام عظيمة
الحمدلله على نعمة الإسلام.

شهركم مُبارك،
ربنا يجعلنا وإياكم من العُتقاء من النار.

من كانت له بداية مُحرِقة
كانت له نهاية مُشرِقة.

قال رسول الله ﷺ:
إذا كانت أول ليلة من رمضان صُفِّدَتِ الشياطين ومَردة الجنِّ، وغُلِّقَت أبواب النار، فلم يُفتح منها باب، وفُتِّحَت أبواب الجِنان، فلم يُغلَق مِنها بابُ، ونادى مُنادٍ: يا باغيَ الخيرِ أقبِل، ويا باغيَ الشَّرِّ أقصِر، وللَّهِ عُتقاء منَ النَّار، وذلك في كُلِّ ليلة.

ربنا يبارك لنا وإياكم في رمضان،
ويكتبنا من العُتقاء من النار.

اعمل ورد قرءآن سماع
مش لازم تسمع جزء كامل
استغل وقت المواصلات
وانت رايح الجامعه وانت راجع،
أي وقت فاضي بين المحاضرات.

شيوخ بحب أستمع ليهم،
وبرشحهم لكم، أصواتهم ندية وجميلة.

أحمد كاسب.
هاني الشحات رحمه الله.
م باسل مؤنس رحمه الله.

إن شاء الله تكون بدأت تقرأ قرءآن النهارده
وإن شاء الله تكون خلصت الجزء الأول
فهتكون عديت على الايه دي:
" وإذ قال ربك للملائكة إني جاعل
في الأرض خليفة قالوا أتجعل فيها
من يُفسد فيها ويسفك الدماء "

• ممكن يجيلك سؤال هنا إن ليه ربنا
بيستشير الملائكة قبل ما يخلق سيدنا آدم وليه الملائكة اعترضت على دا!!

قبل كل حاجه خلينا متفقين
إن حاشا لله إنه يحتاج يستشير أحد
أو يأخذ برأى أحد فـ أي شيء هيعمله!
فهو سبحانه وتعالى
" لا يُسأل عم يفعل وهم يُسألون "

ف ربنا سبحانه هنا بيقول للملائكة
من باب الإخبار والإعلام،
يعني بيعرفهم هيعمل ايه
مش بيأخذ رأيهم!

• طيب وهو ليه ربنا محتاج يقولهم؟
برضو حاشاه إنه يحتاج حاجه
بس ربنا هنا بيقولهم عشان يعرفنا
إحنا ويعلمنا إحنا المشورة
وإن " أمرهم شورى بينهم "

• طيب ليه الملائكة اعترضت ؟
برضو حاشاهم إنهم يعملوا كدا
وإنهم يعترضوا على أي حاجه!
وإن كلامهم هنا سؤال استفهامي
اللي هو ازاي هتجعل فيها خليفه
يسفك الدماء ويفسد فيها!
طبعا هتقول وهما عرفوا منين
إن الخليفه دا هيعمل كدا زي مابيقولوا !

الحقيقة إن النقطه دي فيها أكثر من قول بس الرأي الراجح إنهم قاسوا على الجن لأن الجن سكنوا الارض قبل البشر وفسدوا فيها وعملوا فيها كل المصائب ف الملائكة خايفين ليكون الخليفه الجديد كدا
وعشان كدا قالوا بعديها
" ونحن نُسبح بحمدك ونُقدس لك "
يعني ممكن احنا نبقى الخليفه
ومش هنفسد في الأرض!
وعشان كدا ربنا قالهم بعدها:
" إني أعلم ما لا تعلمون ".

بسمع ليهم من هنا

الشيخ أحمد كاسب
https://t.me/kasseb12
الشيخ هاني الشحات
https://t.me/masjedalarqam
م باسل مؤنس
https://t.me/ttbasil

أكيد انت بدأت تقرأ قرءآن من إمبارح وإن شاء الله تكون خلصت الجزء التاني النهارده وهتكون عديت ع الايه دي:
" إن الذين آمنوا والذين هادوا والنصارى والصابئين من آمن بالله واليوم الآخر وعمل صالحا فلهم أجرهم عند ربهم
ولا خوف عليهم ولا هم يحزنون "

الايه تقصد ايه ؟
وهل فعلا غير المسلمين هيدخلوا
الجنة ولا لأ ؟

خلينا نمسك الايه جزء جزء،
هنا الايه بدأت بذكر المؤمنين
"الذين آمنوا " وهنا القصد على
أصحاب النبي ﷺ والمؤمنين من بعديهم،

وبعدين قال سبحانه " والذين هادوا"
ودول بني إسرائيل اللي كانوا أيام
سيدنا موسى وآمنوا بيه وصدقوه،

"والنصارى" ودول برضوا بني إسرائيل
اللي فضلوا عايشين لحد سيدنا عيسى وآمنوا بيه وصدقوه،

"والصابئين " ودول جماعه من الناس
كان بيطلعوا من دين لدين تاني وكانوا
بيؤمنوا بالله واتقال برضو انهم جماعه
لا نبي لهم يعني ملهمش نبي،

لحد هنا الكلام جميل وان كل الأطراف
زي بعضها لحد ما قال سبحانه وتعالى
" من آمن بالله " وهنا بقى ركز معايا شويه
لما اتسأل النبي ﷺ عن معنى الإيمان قال:
" أن تؤمن بالله وملائكته وكتبه ورسله "
يعنى عشان تكون مؤمن بالله لازم تحقق الشروط دي،

يعني " الذين آمنوا "
بالله وملائكته وكتبه ورسله،

"والذين هادوا" يعني اليهود اللي آمنوا بسيدنا موسى ولما جالهم سيدنا عيسى آمنوا بيه ولما جالهم سيدنا محمد آمنوا به،

ونفس الكلام على النصارى والصابئين عشان يحققوا قوله " من آمن بالله "
لازم يكون آمن بالرسول اللي اتبعث
فيه ولو عايش واتبعث رسول جديد
لازم يصدقه عشان يحقق شرط الايمان.

يعني المختصر إن اليهود والنصارى
اللي آمن منهم قبل سيدنا محمد
بالنبي بتاعه ومات فهو ف الجنه،
واللي صدق منهم نبيه هو بس!
ولم يُصدق بمحمد فهو ف النار،

وبعدين أنزل الله تعالى قوله:
" ومن يبتغى غير الإسلام دينًا
فلن يُقبل منه ".
ودي آية نقدر نرد بيها
على اللي قالوا إن اليهود والنصارى
هيدخلوا الجنة!! وإن الجنة مش حكر
على المسلمين فقط.

انهض إلى السجداتِ في الأسحارِ،
واحرص على الأورادِ والأذكارِ.

إن شاء الله تكون خلصت الجزء الثالث
النهاردة، وبما إنك خلصت الجزء الثالث
فهتكون خلصت سورة البقرة،
فخليني أكلمك شوية عن سورة البقرة،

بدأت سورة البقرة بـ ثلاث أنواع من
الناس، المؤمنين والكافرين والمنافقين، أربع آيات للمؤمنين،
وآيتين فـ الكفار،
و١٣ آية فـ المنافقين!
عشان يبينلك سبحانه وتعالى قد ايه
خطورة المنافقين اللي بينتموا للإسلام
ظاهريا وهما أخطر على المسلمين
من الكفار نفسهم.

كان رسول اللهﷺ يولِّي اللي
حافظ سورة البقرة على الناس
" يعني يخليه مسئول عنهم "

طب اشمعنا اللي حافظ سورة البقرة ؟
لأن سورة البقرة جمعت منهج الإسلام
كله من أول الصلاة إلي القصاص،
إلي القتال إلي أحكام الديون
والزواج والطلاق والحج،
بداية من سورة الفاتحة
اللي هي الصراط المستقيم.

عشان تيجي ف وسط السورة آية
الكرسي اللي هي أعظم آية في
القرءآن، لتُبين قدرة اللهﷻ وقدرته على كل شيء " الله لا إله إلا هو الحي القيوم "

فمن حفظها حفظ العقيدة
والمنهج الصحيح.

عشان تيجي في آخر السورة
اللي بدأت بقول اليهود لسيدنا
موسى.. " سمعنا وعصينا "
و تُختم بقول المؤمنين
" سمعنا وأطعنا "

إن شاء الله تكون خلصت الجزء الرابع النهارده، ولو خلصته فـ انت أكيد
عديت ع الايه دي: " وليخش الذين
لو تركوا من خلفهم ذرية ضعافا
خافوا عليهم فليتقوا الله "

بعض الناس فاهمه الآية دي غلط
وفاهمه إن ربنا سبحانه وتعالى يقصد
اللي بيموت ويترك أولاد فـ بيخاف
عليهم من الفقر!
وإن ربنا بيقوله اتقِ الله لأنه مش
هو اللي بيرزقهم، وإنه هو سبحانه
اللي بيرزقهم، والمعني صحيح طبعًا
إن ربنا الرازق،

بس دا مش مقصد الآية!
أمال اي المقصد من الآية!

بصوا يا إخوة، ربنا سبحانه وتعالى
من أول سورة البقرة مرورا بـ آل عمران ولحد الآية دي وهو بيتكلم فـ كام ايه
عن الوصيه، اللي هي وصية الميت
قبل مايموت، وإنه زي ماقال ربنا:
" إن ترك خيرًا الوصية "
ووضح سبحانه إن الوصيه اللي
هيوصيها الميت لازم يشهد عليها حد،

المهم بقي قالك إن الراجل اللي هيوصي الوصيه دي ممكن يظلم حد من عياله!
وهنا ييجي دور اللي هيشهدوا ع الوصيه، إنهم مايسمحوش للراجل دا إنه يعمل كدا ويظلم حد من عياله،
ويخلوه يوصي بالحق،
ويوزع ماله عليهم بما يُرضى الله،
( ويحطوا ولادهم مكان ولاد الراجل دا اللي عايز يظلمهم، وإنهم أكيد لو ولادهم هيخافوا عليهم ) ودا اللي بتقوله الآية:
" وليخش الذين لو تركوا من خلفهم ذرية ضعافا خافوا عليهم فليتقوا الله "
يعني كما تُحب أن يُرحم أولادك الصغار
من بعدك، فافعل ذلك مع غيرهم
من اليتامى والضُعفاء،

ودا هوا معنى الآية،
مش المعنى الأول!

وعشان الآية دي بالذات خليني
أحكيلك موقف للنبى ﷺ شبيه لدا،
كان سيدنا سعد بن أبي وقاص بيموت والنبي راحله عشان يقوله الوصيه،
فـ سيدنا سعد بيقوله يارسول الله
إن لي مال كثير ولي إبنة واحدة
ترثني، فهل اتصدق بثلثي مالي؟
يعني " أسيب لبنتي الثلث
وأتصدق بالثلثين"
فقال رسول الله: لا
فقال سيدنا سعد: بشطره
يعني" أتصدق بنصه وأترك لها النصف "
فقال رسول الله: لا
فقال سيدنا سعد: بالثلث
يعني أترك لها الثلثين وأتصدق بالثلث "
فقال رسول الله: " بالثلث والثلث كثير
إنك إن تترك ورثتك أغنياء خيرًا من
أن تتركهم عالة يتكففون الناس ".

جميلة.

إن شاء الله تكون خلصت الجزء الخامس النهارده، فـ هتكون عديت ع الآية دي،
آية مزعله بعض النساء ( الفيمينست )

" الرجال قوامون على النساء بما فضل الله بعضهم على بعض وبما أنفقوا من أموالهم "

يعني ايه قوامه ؟
وليه ربنا فضل الرجال على النساء ؟

القوامه زي مافسرها العلماء إن الرجل
هو ولي أمر المرأة، فهو سيدها وهي
ملزمه بطاعته فيما لا يغضب الله،
لأن لا طاعة لمخلوق في معصية الخالق،

وربنا جعل القوامه للرجل
لسببين زي م وضحت الآية،

• السبب الأول: وهو سبب تفضيلي زي
ماقال الحق " بما فضل الله بعضهم
على بعض " يعني ربنا فضل الرجال
على النساء لأسباب كثيرة،
منها إن الرجال كاملين دينيا،
فهو ليس له عذر في الفرائض،
على عكس المرأة إذا حاضت أو كانت نفساء فهي غير ملزمه بالصلاة، كذلك في الجهاد المرأه غير ملزمه بيه لأنها ضعيفه جسديا زي م ربنا خلقها كدا،
على عكس الرجل اللي الجهاد فرض عليه،
ولو بصيت هنا هتلاقي التفضيل مش سبب عيب أو حاجه وحشه للنساء
أو تحيز من الحق سبحانه للرجال
زي ما بيدعي البعض!
لأ، دا رحمة منه سبحانه بهم،
لأنه هو اللي خلقهم وأعلم بهم.

• السبب التاني: زي ماقالت الآية
" وبما أنفقوا من أموالهم "
ودا سبب مادي بيعطي للرجل حقه،
لأنه دفعلها المهر وهو المسئول
عن البيت وهو اللي بيصرف فـ بالعقل
كدا إنصافًا ليه ومن أقل حقوقه
إن القوامه تكون ليه،
وبرضو من إنصاف الله والدين للمرأة
لو الراجل ماصرفش على البيت،
فـ هيكون سقط السبب الثاني
وسقطت القوامه،
بس طول مالشرطين موجودين
طول ماهي ملزمه بالطاعه،

وقبل دا كله وقبل ماتنزل الآية دي قال
الحق سبحانه وتعالى فـ نفس السورة
" ولا تتمنوا ما فضل الله به بعضكم
على بعض للرجال نصيب مما اكتسبوا وللنساء نصيب مما اكتسبن واسألوا الله من فضله إن الله كان بكل شيء عليما"
عشان يقفل الباب ع اللي هييجي
يعترض بعد كدا على قوامة الرجل
واللي بيطالبوا بالمساواة.

• بعيدًا عن الآية، الذكوريين والنسويات
وجهان لعُملة واحدة مسمومة،
وسبب كبير في تسمم أفكار
الشباب و البنات وهدم البيوت،
الزواج مش نِدية ولا معركة داخلينها،
الزواج كله مودة ورحمة للناس
اللي فاهمه يعني اي زواج فعلًا،
هتلاقي كل واحد بيسعى قدر إستطاعته
إنه يخلي شريكه سعيد وفرحان،
لأن دي حاجه تخليه سعيد هوا كمان.

ربنا يختَر لكم في زواجكم،
ويزوجكم بأحب العباد إليه.