Beshqozon rebrendingda asosiy xato — o‘z darajasini ko‘rsata olmagani deb o'ylayman.

Bu brend osh pishiradigan bizneslar ichida gigant hisoblanadi: mono-produkt, yillar davomida sotuv tajribasi — boshqalarga dars bo‘ladigan darajada.

Lekin rebrending faqatgina video orqali berildi. Aslida uni jonli elementlarda — logotipni oshlar bilan bog‘lab ko‘rsatish, yetkazib berish sumkalari dizayni orqali ochib berish yoki xodim chiqib tushuntirishi kerak edi. Bu jarayon faqat “Adobe programmalari ichida qilingan” ishdek ko‘rindi. (rasmlar sifatiga e'tibor bermang videoda screenshot qilindi)

Vizual jihatdan g‘oya “Osh – bu biz” shiori bilan o‘zgargan. Oldingi “O‘rta Osiyo osh markazi” pozitsiyasini saqlash ma’qulroq edi, deb o‘ylayman. Mockup asosidagi taqdimot esa brendning darajasiga to‘g‘ri kelmagan tepada aytganimdek.

Vaqt ko‘proq ketsa ham real elementlar bilan ko‘rsatish yaxshiroq bo‘lardi. Sababi Beshqozonni rebrendingini ko'pchilik intiqlik bilan kutmayotgan edi, agar shoshilishgan deb qaraydigan bo'lsak.

Videoda ko'rganim bo'yicha aytadigan bo'lsam, logotipdan boshqa dizaynlar yaxshi chiqqan. Logotipni bu darajada minimallashtirish manimcha bu brendga kerakmas deb o'ylayman. O'zim ham 3 yil oldin Beshqozon uchun redizayn qilib ko'rganman, hozir o'zim qarab xatolarini ko'ryapman(((

Nima bo'lganda ham, rebrendinga qaror qilgan kompaniyani albatta ichida yetarlicha sabablari bo'ladi. Biz kuzatamiz bundan keyingi qadamlarini qanaqa bo'larkan.

Shunday bo‘lsa-da, mijoz uchun asosiy narsa — osh va xizmat o‘zgarmasligidir. Shaxsan o‘zim ham Beshqozon oshini tez-tez yeb turaman.

@khamrayevblog