💠#گون_آیدین، هموطنلر
قوربانین اولوم، گوللر آچیب، فصلِ باهاردیر،
بیر لالهیه باخ، نرگیزه باخ، گؤر نه خوماردیر!
حسرتلیلرین گلدی ووصال فصلی یئتیشدی،
من بیر داغام، افسوس کی ذیروهم یئنه قاردیر.
تیترشدی چمن گوللری، یاز یئللری اسدی،
قوربانین اولوم، بسدی بو هیجران، داها بسدی.
دار کؤینهیینی ییرتدی قیزیل غؤنچه بوداقدا،
گول بولبولونو گؤرمک اوچون گؤر نه تلسدی!
«میرواری!» یانیرسان، شبِ هجران کیمی یان سن!
عشق اهلیسن؛ عشقینده ده سولطان کیمی یان سن!
یان «لئیلی» کیمی، «مهسَتی»، «حئیران» کیمی یان سن!
✍🏼 میروارید دیلبازی
🆔 @khalkhalim
قوربانین اولوم، گوللر آچیب، فصلِ باهاردیر،
بیر لالهیه باخ، نرگیزه باخ، گؤر نه خوماردیر!
حسرتلیلرین گلدی ووصال فصلی یئتیشدی،
من بیر داغام، افسوس کی ذیروهم یئنه قاردیر.
تیترشدی چمن گوللری، یاز یئللری اسدی،
قوربانین اولوم، بسدی بو هیجران، داها بسدی.
دار کؤینهیینی ییرتدی قیزیل غؤنچه بوداقدا،
گول بولبولونو گؤرمک اوچون گؤر نه تلسدی!
«میرواری!» یانیرسان، شبِ هجران کیمی یان سن!
عشق اهلیسن؛ عشقینده ده سولطان کیمی یان سن!
یان «لئیلی» کیمی، «مهسَتی»، «حئیران» کیمی یان سن!
✍🏼 میروارید دیلبازی
🆔 @khalkhalim
💠#گون_آیدین، هموطنلر
قوش اوچماز، کروان کئچمز بیر یئردهسن
سو اولسان کیمسه ایچمز
یول اولسان کیمسه کئچمز
ائلین آدامی نه آنلار سندن؟
چیخارسان بیر داغ باشینا، بیر آغاج تاپارسان، مفتیل چکرسن، مؤهورلرسن، گلین ائدرسن
بیرده بولودلاری گؤررسن
بیرده بولودلاری گؤررسن
بیرده بولودلاری گؤررسن
کؤپوکلهنیب گلن بولودلاری
باشقا نه گلیر الدن؟
اوجا سسله اوخویور اورهییمین کؤکونده بو دونیانین ویرانهلییی
تانری کیمسهنین باشینا گتیرمهسین
بئله بیر یالنیزلیغی...
✍🏼 یاشار کمال
🆔 @khalkhalim
قوش اوچماز، کروان کئچمز بیر یئردهسن
سو اولسان کیمسه ایچمز
یول اولسان کیمسه کئچمز
ائلین آدامی نه آنلار سندن؟
چیخارسان بیر داغ باشینا، بیر آغاج تاپارسان، مفتیل چکرسن، مؤهورلرسن، گلین ائدرسن
بیرده بولودلاری گؤررسن
بیرده بولودلاری گؤررسن
بیرده بولودلاری گؤررسن
کؤپوکلهنیب گلن بولودلاری
باشقا نه گلیر الدن؟
اوجا سسله اوخویور اورهییمین کؤکونده بو دونیانین ویرانهلییی
تانری کیمسهنین باشینا گتیرمهسین
بئله بیر یالنیزلیغی...
✍🏼 یاشار کمال
🆔 @khalkhalim
💠#گون_آیدین، هموطنلر
آغلاسام، سسیمی ائشیدرسینیزمی؟ میصراعلاریمدا توخونا بیلرسینیزمی گؤز یاشلاریما، اللرینیزله؟
بیلمزدیم ماهنیلارین بو قدر گؤزل،
کلمهلرینسه یئترسیز اولدوغونو
بو درده دوشمهدن اؤنجه!
بیر یئر وار بیلیرم،
هر شئیی دئمک مومکون
چوخ یاخینلاشمیشام، ائشیدیرم؛
آنلادا بیلمیرم.
✍🏼 اورهان ولی
🆔 @khalkhalim
آغلاسام، سسیمی ائشیدرسینیزمی؟ میصراعلاریمدا توخونا بیلرسینیزمی گؤز یاشلاریما، اللرینیزله؟
بیلمزدیم ماهنیلارین بو قدر گؤزل،
کلمهلرینسه یئترسیز اولدوغونو
بو درده دوشمهدن اؤنجه!
بیر یئر وار بیلیرم،
هر شئیی دئمک مومکون
چوخ یاخینلاشمیشام، ائشیدیرم؛
آنلادا بیلمیرم.
✍🏼 اورهان ولی
🆔 @khalkhalim
💠#گون_آیدین، هموطنلر
بیر سئوگینین قورونو،
صبریمله تونقال سایدیم.
کیرپیکله اود گؤتوروب
سینهمی مانقال سایدیم.
دؤزوب دوردوم عینادلا،
اوچدوم سینیق قانادلا.
قویمادیم کی قانادا،
دردلری یونقار* سایدیم.
عؤمره ایشیق چیلهدیم،
گونو گونه بلهدیم.
ساچیما دن الهدیم،
اونو دا سون قار سایدیم.
✍🏼 ابوالفتح مدداوغلو
* تاختالار یونولارکن میشارین آغزیندان تؤکولن نازیک تاختا پارچالاری، میشار کپهیی
🆔 @khalkhalim
بیر سئوگینین قورونو،
صبریمله تونقال سایدیم.
کیرپیکله اود گؤتوروب
سینهمی مانقال سایدیم.
دؤزوب دوردوم عینادلا،
اوچدوم سینیق قانادلا.
قویمادیم کی قانادا،
دردلری یونقار* سایدیم.
عؤمره ایشیق چیلهدیم،
گونو گونه بلهدیم.
ساچیما دن الهدیم،
اونو دا سون قار سایدیم.
✍🏼 ابوالفتح مدداوغلو
* تاختالار یونولارکن میشارین آغزیندان تؤکولن نازیک تاختا پارچالاری، میشار کپهیی
🆔 @khalkhalim
💠#گون_آیدین، هموطنلر
...داها او زیروهلر گوموشو تاجدی،
چیچهیی چکیلدی، دورناسی قاچدی.
پاییزلا اوز- اوزه دوران آغاجدی
تؤکر یارپاغینی یئل عؤمروموزدن...
✍🏼 موسی یعقوب
🆔 @khalkhalim
...داها او زیروهلر گوموشو تاجدی،
چیچهیی چکیلدی، دورناسی قاچدی.
پاییزلا اوز- اوزه دوران آغاجدی
تؤکر یارپاغینی یئل عؤمروموزدن...
✍🏼 موسی یعقوب
🆔 @khalkhalim
💠#گون_آیدین، هموطنلر
پنجرهنی باغلاما
گؤی دولا بیلر ایچهری
سن نهیی گؤره بیلرسن
نَملی بیر بولودون آخیشینی می؟
پنجرهنی باغلاما
قوش دولا بیلر ایچهری
سن نهیی داشییا بیلرسن
قیریق بیر دالین یوکونو مو؟
پنجرهنی آچ
نفسین چیخسین دیشاری
سن جییرلرینده اونو بؤیوتمهدین می؟
عطیری حایاتی تمیزلهسین دئیه
پنجرهنی آچ
سسین آلسین دونیانی
ائشیدیلر البته اوزاقلاردان
اورک اؤزونو تانییار...
✍🏼 آرکاداش زکایی اؤزگر
🆔 @khalkhalim
پنجرهنی باغلاما
گؤی دولا بیلر ایچهری
سن نهیی گؤره بیلرسن
نَملی بیر بولودون آخیشینی می؟
پنجرهنی باغلاما
قوش دولا بیلر ایچهری
سن نهیی داشییا بیلرسن
قیریق بیر دالین یوکونو مو؟
پنجرهنی آچ
نفسین چیخسین دیشاری
سن جییرلرینده اونو بؤیوتمهدین می؟
عطیری حایاتی تمیزلهسین دئیه
پنجرهنی آچ
سسین آلسین دونیانی
ائشیدیلر البته اوزاقلاردان
اورک اؤزونو تانییار...
✍🏼 آرکاداش زکایی اؤزگر
🆔 @khalkhalim
💠#گون_آیدین، هموطنلر
بیر گئجه نین قوجاغیندا
بیر آلاوین اوجاغیندا
بیر یالقیزلیق بوجاغیندا
منه بیر آز اومود وئرین !...
گوزلریمدن دردی درین
کونلومو یولونا سرین
الیمه قویون اللرین
منه بیر آز اومود وئرین !...
گونوم بئله باتیب گئتمز
منی درده قاتیب گئتمز
آخی بئله آتیب گئتمز
منه بیرآز اومود وئرین !...
قم کونلومو ده له جک دیر
جانیم اونسوز اوله جک دیر
دئیین دونوب گله جک دیر
منه بیرآز اومود وئرین !...
بیلیرسیز جانیم سیخیلیر
نامازیمی اوزگه قیلیر
دونیام باشیما ییخیلیر
منه بیرآز اومود وئرین !...
من اولسمده داریخمایین
سئون کونلونو سیخمایین
سوچو "خوشنام"ا ییخمایین
منه بیرآز اومود وئرین !...
✍🏼 م. خوشنام
🆔 @khalkhalim
بیر گئجه نین قوجاغیندا
بیر آلاوین اوجاغیندا
بیر یالقیزلیق بوجاغیندا
منه بیر آز اومود وئرین !...
گوزلریمدن دردی درین
کونلومو یولونا سرین
الیمه قویون اللرین
منه بیر آز اومود وئرین !...
گونوم بئله باتیب گئتمز
منی درده قاتیب گئتمز
آخی بئله آتیب گئتمز
منه بیرآز اومود وئرین !...
قم کونلومو ده له جک دیر
جانیم اونسوز اوله جک دیر
دئیین دونوب گله جک دیر
منه بیرآز اومود وئرین !...
بیلیرسیز جانیم سیخیلیر
نامازیمی اوزگه قیلیر
دونیام باشیما ییخیلیر
منه بیرآز اومود وئرین !...
من اولسمده داریخمایین
سئون کونلونو سیخمایین
سوچو "خوشنام"ا ییخمایین
منه بیرآز اومود وئرین !...
✍🏼 م. خوشنام
🆔 @khalkhalim
💠#گون_آیدین، هموطنلر
من سنین یورولاندا،
آیاغینام، الینم.
نئچه ایلدی ائولیییک،
هله ده سئوگیلینَم.
کوسنده قوجا بابان،
آغلایاندا قارداشین.
ائوه قوناق گلنده،
عزیز حیات یولداشین.
کؤلگهیم، باشین اوسته
سحرهدک دایانان.
داریخاندا آتانام،
خستهلهننده آنان.
دئمهیه چکیندیگین
سؤزون اولسا غفیلدن،
گؤزونو یوم، دانیشاق،
من ده سنین رفیقهن!
✍🏼 ائلشن مهدی
🆔 @khalkhalim
من سنین یورولاندا،
آیاغینام، الینم.
نئچه ایلدی ائولیییک،
هله ده سئوگیلینَم.
کوسنده قوجا بابان،
آغلایاندا قارداشین.
ائوه قوناق گلنده،
عزیز حیات یولداشین.
کؤلگهیم، باشین اوسته
سحرهدک دایانان.
داریخاندا آتانام،
خستهلهننده آنان.
دئمهیه چکیندیگین
سؤزون اولسا غفیلدن،
گؤزونو یوم، دانیشاق،
من ده سنین رفیقهن!
✍🏼 ائلشن مهدی
🆔 @khalkhalim
💠#گون_آیدین، هموطنلر
سن هردن سببسیز اینجییَن، کوسن،
هردن احوالیمی سوروشان قیزسان.
هردن مینّتچیمی اوزاقدان قووان،
هردن اؤزو گلیب باریشان قیزسان.
ائله قیناییرسان منی دیلینده،
چوخ واخت اینانمیرام اوزون گولنده.
تای-توشون بزهنیب درسه گلنده،
بزهنیب-دوزهنیب یاریشان قیزسان.
بعضاً آتماجا'نی آغ ائلهییرسن،¹
بعضاً هر سؤزونو داغ ائلهییرسن؛
یونگول دردلریمه لاغ ائلهییرسن،
آغیر دردلریمه قاریشان قیزسان.
آی گؤزو آلوولو، باخیشلاری شن،
پشیمان قاییدیب آرخامجا دوشن!
گاهدان اؤزوم ایله دوروب اؤجهشن،²
گاهدان خائینیمله ووروشان قیزسان.
گئتدین؛ یاد اولمادین بیر اینجیمکله،
گلدیم؛ قارشیلادین دوزلا، چؤرکله.
سن بو سادهلیکله، بو صاف اورکله
ائلیمه، اوباما یاراشان قیزسان.
¹- حدّیندن کئچیرمک
²- چکیشمک- ساتاشماق
✍🏼 آغا لاچینلی
🆔 @khalkhalim
سن هردن سببسیز اینجییَن، کوسن،
هردن احوالیمی سوروشان قیزسان.
هردن مینّتچیمی اوزاقدان قووان،
هردن اؤزو گلیب باریشان قیزسان.
ائله قیناییرسان منی دیلینده،
چوخ واخت اینانمیرام اوزون گولنده.
تای-توشون بزهنیب درسه گلنده،
بزهنیب-دوزهنیب یاریشان قیزسان.
بعضاً آتماجا'نی آغ ائلهییرسن،¹
بعضاً هر سؤزونو داغ ائلهییرسن؛
یونگول دردلریمه لاغ ائلهییرسن،
آغیر دردلریمه قاریشان قیزسان.
آی گؤزو آلوولو، باخیشلاری شن،
پشیمان قاییدیب آرخامجا دوشن!
گاهدان اؤزوم ایله دوروب اؤجهشن،²
گاهدان خائینیمله ووروشان قیزسان.
گئتدین؛ یاد اولمادین بیر اینجیمکله،
گلدیم؛ قارشیلادین دوزلا، چؤرکله.
سن بو سادهلیکله، بو صاف اورکله
ائلیمه، اوباما یاراشان قیزسان.
¹- حدّیندن کئچیرمک
²- چکیشمک- ساتاشماق
✍🏼 آغا لاچینلی
🆔 @khalkhalim
💠#گون_آیدین، هموطنلر
طالئعی کور یارانمیشام،
سالام وئرسم ساواش اولور.
سئوینجیمه شاختا دوشور،
غم بوستانیم فاراش اولور.
منم مؤحنت قدّین اَین،
قان قوسارام لیَن-لیَن.
بارماغیما پیلوو دَیَن،
دیشیم آلتدا بیر داش اولور.
چیخسام دوزه، دوز چؤله من،
داغ گؤرورم سیلسیله من.
اوز چئویرسم بولبوله من،
تئزجه دؤنوب بایقوش اولور.
ائله دوشوب ایشیم ترسه،
«ممد» دونار اودا گیرسه.
هر کیم مندن مئهر گؤرسه،
اوندان پاییم قارغیش اولور...
✍🏼 ممد آسلان
🆔 @khalkhalim
طالئعی کور یارانمیشام،
سالام وئرسم ساواش اولور.
سئوینجیمه شاختا دوشور،
غم بوستانیم فاراش اولور.
منم مؤحنت قدّین اَین،
قان قوسارام لیَن-لیَن.
بارماغیما پیلوو دَیَن،
دیشیم آلتدا بیر داش اولور.
چیخسام دوزه، دوز چؤله من،
داغ گؤرورم سیلسیله من.
اوز چئویرسم بولبوله من،
تئزجه دؤنوب بایقوش اولور.
ائله دوشوب ایشیم ترسه،
«ممد» دونار اودا گیرسه.
هر کیم مندن مئهر گؤرسه،
اوندان پاییم قارغیش اولور...
✍🏼 ممد آسلان
🆔 @khalkhalim
💠#گون_آیدین، هموطنلر
آغیزلارا قیفیل ووروب
گؤزلره پرده سالدیلار.
بوش-بوشونا دانیشدیلار،
سؤزلری درده سالدیلار.
الی باغلی، دیلی باغلی
فیکیرلری قیسیرلار، اوف!
باشیداشلی، گؤزو یاشلی
اسیرلره اسیرلر، اوف!
بیر گون، گونون گوندوز گؤزو،
بئهیشتی موفته ساتدیلار.
جهنّمی سؤکوب-قوشوب
بیر آز بئهیشته قاتدیلار.
گئجه بویو اولدوزلاری،
گؤیوموزدن آپاردیلار.
قوتسال اسکی تؤرنلری،
کؤیوموزدن آپاردیلار.
آلوولایان اوجاقلاری،
سویا وئریب سؤندوردولر.
قارانلیغا قارشی دوران،
چیراقلاری سیندیردیلار.
بیر آغیزا یوز دیل قویوب
اونو-بونو قاندیردیلار.
کیتابسیزلار کیتابلاری،
سطیر-سطیر یاندیردیلار.
دونن داغا یاغیش یاغدی،
بوگون بیزی سئل آپاردی.
واریمیزی-یوخوموزو،
یئرلی-دیبلی یئل آپاردی.
✍🏼 میرحسین دلداربناب
🆔 @khalkhalim
آغیزلارا قیفیل ووروب
گؤزلره پرده سالدیلار.
بوش-بوشونا دانیشدیلار،
سؤزلری درده سالدیلار.
الی باغلی، دیلی باغلی
فیکیرلری قیسیرلار، اوف!
باشیداشلی، گؤزو یاشلی
اسیرلره اسیرلر، اوف!
بیر گون، گونون گوندوز گؤزو،
بئهیشتی موفته ساتدیلار.
جهنّمی سؤکوب-قوشوب
بیر آز بئهیشته قاتدیلار.
گئجه بویو اولدوزلاری،
گؤیوموزدن آپاردیلار.
قوتسال اسکی تؤرنلری،
کؤیوموزدن آپاردیلار.
آلوولایان اوجاقلاری،
سویا وئریب سؤندوردولر.
قارانلیغا قارشی دوران،
چیراقلاری سیندیردیلار.
بیر آغیزا یوز دیل قویوب
اونو-بونو قاندیردیلار.
کیتابسیزلار کیتابلاری،
سطیر-سطیر یاندیردیلار.
دونن داغا یاغیش یاغدی،
بوگون بیزی سئل آپاردی.
واریمیزی-یوخوموزو،
یئرلی-دیبلی یئل آپاردی.
✍🏼 میرحسین دلداربناب
🆔 @khalkhalim
💠#گون_آیدین، هموطنلر
گزیردیم چؤللری بیر یاز آخشامی،
روحومون، قلبیمین بیر ساز آخشامی،
دونیانین ان خوشبخت سؤز آدامییدیم.
شعریمی چیچکلر اوخویوردولار،
آریلار، بؤجکلر اوخویوردولار،
سس-سسه وئرمیشدی قاریشقالار دا،
خاللی کپنکلر اوخویوردولار.
ائنمیشدی یانیما گؤیدن ملکلر
تانریلار، فلکلر اوخویوردولار.
بوتون کئچمیشلره چاتمیشدی شعریم،
بوتون گلهجکلر اوخویوردولار.
اینانا بیلمیردیم قولاقلاریما،
قوشلار اوخویوردو شعیرلریمی.
ککلیک ده، قارتال دا سؤز یاریشیندا،
داشلار اوخویوردو شعیرلریمی.
سونبوللو زمیلر دالغالانیردی،
دوزلر اوخویوردو شعیرلریمی.
اوغوللار سؤز آچیر «یاشیل آغاج»دان،
قیزلار اوخویوردو شعیرلریمی.
منیم شعیرلریم بوش دایانماییب،
چؤللرله دانیشیب سیّاح دیلینده.
دردی اورکلردن چکیب چیخاردیب،
خستهیله دانیشیب جرّاح دیلینده.
یوخسولا همدمدی دار کومالاردا،
سارایلا دانیشیب پادشاه دیلینده.
داغ دا باشا دوشور، داش دا آنلاییر،
شاعیر دانیشاندا آللاه دیلینده.
آنام نئجه دینیر، نئجه دانیشیر،
شعریمی آنامین دیلینده یازدیم.
منی دیللندیرین، منی دیندیرن،
سئوگیمین، سونامین دیلینده یازدیم.
ساغلام عقیدهنین، صاف طبیعتین،
آللاها اینامین دیلینده یازدیم.
حالال کیشیلردن حالال سؤز آلدیم،
حالال بیر ایلهامین دیلینده یازدیم.
گؤزومله گؤردوم کی بیر یاز آخشامی،
قلبیمین، روحومون بو ساز آخشامی،
قلبینه کؤچوروب طبیعت منی،
تورپاغین، سمانین یادداشیندایام.
بولودون، یاغیشین، اوتون، یارپاغین،
ذیروهنین، دومانین یادداشیندایام.
دونن یئر آییریب، بو گون یئر وئریب،
تاریخین، زامانین یادداشیندایام.
✍🏼 زلیمخان یعقوب
🆔 @khalkhalim
گزیردیم چؤللری بیر یاز آخشامی،
روحومون، قلبیمین بیر ساز آخشامی،
دونیانین ان خوشبخت سؤز آدامییدیم.
شعریمی چیچکلر اوخویوردولار،
آریلار، بؤجکلر اوخویوردولار،
سس-سسه وئرمیشدی قاریشقالار دا،
خاللی کپنکلر اوخویوردولار.
ائنمیشدی یانیما گؤیدن ملکلر
تانریلار، فلکلر اوخویوردولار.
بوتون کئچمیشلره چاتمیشدی شعریم،
بوتون گلهجکلر اوخویوردولار.
اینانا بیلمیردیم قولاقلاریما،
قوشلار اوخویوردو شعیرلریمی.
ککلیک ده، قارتال دا سؤز یاریشیندا،
داشلار اوخویوردو شعیرلریمی.
سونبوللو زمیلر دالغالانیردی،
دوزلر اوخویوردو شعیرلریمی.
اوغوللار سؤز آچیر «یاشیل آغاج»دان،
قیزلار اوخویوردو شعیرلریمی.
منیم شعیرلریم بوش دایانماییب،
چؤللرله دانیشیب سیّاح دیلینده.
دردی اورکلردن چکیب چیخاردیب،
خستهیله دانیشیب جرّاح دیلینده.
یوخسولا همدمدی دار کومالاردا،
سارایلا دانیشیب پادشاه دیلینده.
داغ دا باشا دوشور، داش دا آنلاییر،
شاعیر دانیشاندا آللاه دیلینده.
آنام نئجه دینیر، نئجه دانیشیر،
شعریمی آنامین دیلینده یازدیم.
منی دیللندیرین، منی دیندیرن،
سئوگیمین، سونامین دیلینده یازدیم.
ساغلام عقیدهنین، صاف طبیعتین،
آللاها اینامین دیلینده یازدیم.
حالال کیشیلردن حالال سؤز آلدیم،
حالال بیر ایلهامین دیلینده یازدیم.
گؤزومله گؤردوم کی بیر یاز آخشامی،
قلبیمین، روحومون بو ساز آخشامی،
قلبینه کؤچوروب طبیعت منی،
تورپاغین، سمانین یادداشیندایام.
بولودون، یاغیشین، اوتون، یارپاغین،
ذیروهنین، دومانین یادداشیندایام.
دونن یئر آییریب، بو گون یئر وئریب،
تاریخین، زامانین یادداشیندایام.
✍🏼 زلیمخان یعقوب
🆔 @khalkhalim
💠#گون_آیدین، هموطنلر
باهارین نفَسی دَیدی اوزومه،
ائله بیل آنامین نفسی ایدی.
قاپیدا قایغیلی بیر قوش اوخودو،
نغمهسی آنامین نغمهسی ایدی.
اسدی سرین-سرین خفیف کولکلر،
دورنالار گؤیلردن بیر کؤچ سالدیلار.
اوچدوقجا هاوادا گؤی کپنکلر،
قیزیلی شفقلر یارپاقلادیلار.
لالهلی دوزلرین رنگی قیرمیزی،
چیچکلی چؤللرین ناخیشی مین-مین.
یاغیش تیترهدنده کؤرپه یارپیزی،
ساندیم شاه داماری اسدی قلبیمین.
ائله بیل سمادا آلیشدی اودلار،
شیمشکلر اوینادی، ایلدیریم چاخدی.
گؤیده گؤزلرینی سیخدی بولودلار،
یئرده چیچکلرین گؤز یاشی آخدی.
ائی باهار، قارشیما گولراوز چیخدین،
آناما اوخشاتدیم، آناما سنی.
روحوما هوپدوروب، کؤکسومه سیخدیم،
سنین نفَسینی، سنین نغمهنی.
عشقینله کؤکلدیم شاعیر عشقیمی،
کؤچدو طراوتین دویغولاریما.
آنام یوخولارا دؤندویو کیمی،
سن ده دؤنرمیسن یوخولاریما؟
بیر حسرت اوشودور نهدن قلبیمی؟
الیمین آلتیندا سینهم اوجاقدی.
نفسین آنامین نفسی کیمی،
بیر پاییز گیزلیجه سویویاجاقدی.
گؤز دیکیلی قالیب سونسوز یوللارا،
دویغولار اورهیین تویو، یاسیدی.
دئمه، آنام هارا، بس باهار هارا؟!
اینسان طبیعتین بیر پارچاسیدی.
هر کؤچن یارپاغین گؤینَکدی یئری،
سیزلایان بوداقلار بیر ده ایسینمز.
باهار قاییداجاق، دؤنهجک گئری،
آنامین سفری سونسوز، توکَنمز.
بیر چیینیمده سئوینج، بیر چیینیمده غم،
قویمادیم ایچیمده اومیدلر اؤله.
دئییرم بیر زامان بو باهار کیمی،
آنام دا دونیایا تزهدن گله.
ائی باهار، آناما اوخشاتدیم سنی،
هیجرانمی دولاشدی، دئ، یوللارینا؟!
سن هله، سن هله هئچ گلمهمیشدن،
هاراسا کؤچوردون خیاللاریمدا.
✍🏼 طالع حمید
🆔 @khalkhalim
باهارین نفَسی دَیدی اوزومه،
ائله بیل آنامین نفسی ایدی.
قاپیدا قایغیلی بیر قوش اوخودو،
نغمهسی آنامین نغمهسی ایدی.
اسدی سرین-سرین خفیف کولکلر،
دورنالار گؤیلردن بیر کؤچ سالدیلار.
اوچدوقجا هاوادا گؤی کپنکلر،
قیزیلی شفقلر یارپاقلادیلار.
لالهلی دوزلرین رنگی قیرمیزی،
چیچکلی چؤللرین ناخیشی مین-مین.
یاغیش تیترهدنده کؤرپه یارپیزی،
ساندیم شاه داماری اسدی قلبیمین.
ائله بیل سمادا آلیشدی اودلار،
شیمشکلر اوینادی، ایلدیریم چاخدی.
گؤیده گؤزلرینی سیخدی بولودلار،
یئرده چیچکلرین گؤز یاشی آخدی.
ائی باهار، قارشیما گولراوز چیخدین،
آناما اوخشاتدیم، آناما سنی.
روحوما هوپدوروب، کؤکسومه سیخدیم،
سنین نفَسینی، سنین نغمهنی.
عشقینله کؤکلدیم شاعیر عشقیمی،
کؤچدو طراوتین دویغولاریما.
آنام یوخولارا دؤندویو کیمی،
سن ده دؤنرمیسن یوخولاریما؟
بیر حسرت اوشودور نهدن قلبیمی؟
الیمین آلتیندا سینهم اوجاقدی.
نفسین آنامین نفسی کیمی،
بیر پاییز گیزلیجه سویویاجاقدی.
گؤز دیکیلی قالیب سونسوز یوللارا،
دویغولار اورهیین تویو، یاسیدی.
دئمه، آنام هارا، بس باهار هارا؟!
اینسان طبیعتین بیر پارچاسیدی.
هر کؤچن یارپاغین گؤینَکدی یئری،
سیزلایان بوداقلار بیر ده ایسینمز.
باهار قاییداجاق، دؤنهجک گئری،
آنامین سفری سونسوز، توکَنمز.
بیر چیینیمده سئوینج، بیر چیینیمده غم،
قویمادیم ایچیمده اومیدلر اؤله.
دئییرم بیر زامان بو باهار کیمی،
آنام دا دونیایا تزهدن گله.
ائی باهار، آناما اوخشاتدیم سنی،
هیجرانمی دولاشدی، دئ، یوللارینا؟!
سن هله، سن هله هئچ گلمهمیشدن،
هاراسا کؤچوردون خیاللاریمدا.
✍🏼 طالع حمید
🆔 @khalkhalim
💠#گون_آیدین، هموطنلر
بئینیمیزده یالان یاتیب
شیرینلییه آجی قاتیب
یئر یالانین گویه ساتیپ
یالانلاری نئجه یوزاق
گوی آغریسی، یئر آغریسی
وار ایچینده هر آغریسی
گئجهنین سحر آغریسی
بو آغرییا چتین دؤزک.
انسانلاری چکیر دارا
خبر چاتمیر آللهلارا
انسان هارا، گویلر هارا
آلله بیزه گؤیدن اوزاق
گورن آلله یئریندهدیر؟
نه دیندهدیر؟ نه گوندهدیر؟
بلکه ده اوُز کئفیندهدیر
بندهلره هر نه یاساق!
✍🏼 بختیار نظامی
🆔 @khalkhalim
بئینیمیزده یالان یاتیب
شیرینلییه آجی قاتیب
یئر یالانین گویه ساتیپ
یالانلاری نئجه یوزاق
گوی آغریسی، یئر آغریسی
وار ایچینده هر آغریسی
گئجهنین سحر آغریسی
بو آغرییا چتین دؤزک.
انسانلاری چکیر دارا
خبر چاتمیر آللهلارا
انسان هارا، گویلر هارا
آلله بیزه گؤیدن اوزاق
گورن آلله یئریندهدیر؟
نه دیندهدیر؟ نه گوندهدیر؟
بلکه ده اوُز کئفیندهدیر
بندهلره هر نه یاساق!
✍🏼 بختیار نظامی
🆔 @khalkhalim
💠#گون_آیدین، هموطنلر
اؤزل عطرینی اؤزلهدیم
قوجاغیندا یاتایدیم کاش
بیرده سنینلن ال-اله
خیاللارا باتایدیم کاش
کاشکی یاغیش آلتدا بیرده
اوشودومده، تیر ها تیر ده
سنلن تانیشدیغیم یئرده،
بیر ده سنه چاتایدیم کاش!
دیل-دوداغیم اسن حالدا
کئچمیشلردن کوسن حالدا
دردین منی کسن حالدا
عشقی-عشقه قاتایدیم کاش
آخی بئله بیلمیردیم کی
اولایلارا گولموردوم کی
دردی بیر-بیر، ایکی-ایکی
موفتهسینه ساتایدیم کاش!...
✍🏼 مهدی سربازی علمداری
🆔 @khalkhalim
اؤزل عطرینی اؤزلهدیم
قوجاغیندا یاتایدیم کاش
بیرده سنینلن ال-اله
خیاللارا باتایدیم کاش
کاشکی یاغیش آلتدا بیرده
اوشودومده، تیر ها تیر ده
سنلن تانیشدیغیم یئرده،
بیر ده سنه چاتایدیم کاش!
دیل-دوداغیم اسن حالدا
کئچمیشلردن کوسن حالدا
دردین منی کسن حالدا
عشقی-عشقه قاتایدیم کاش
آخی بئله بیلمیردیم کی
اولایلارا گولموردوم کی
دردی بیر-بیر، ایکی-ایکی
موفتهسینه ساتایدیم کاش!...
✍🏼 مهدی سربازی علمداری
🆔 @khalkhalim
💠#گون_آیدین، هموطنلر
آغلاسان من سندن بتر آغلارام
یاشلی گؤزلرینه گیله بیل منی
بوتون دردلیلره همدرد اولموشام
هر زامان هر یئرده بئله بیل منی.
وورار کئشیش مکری قارا پنجه نی
گتیرر باشینا هر شکنجه نی
گؤزو یاشلی قویما قدیم گنجه نی
کرم سن یانیندا له له بیل منی.
درد اهلی کیم وارسا هامی منده دیر
دردین هر چئشیدی، تامی منده دیر
جمشیدین جم دولو جامی منده دیر
عشق ایله دوداغین سیله بیل منی.
قریبی گؤرنده قوربت چکنم
یئتیمی گؤرنده بویون بوکنم
من نییه بو قدر آغری چکنم
باشا دوش، درک ائیله، ائله بیل منی.
✍🏼 زلیمخان یعقوب
🆔 @khalkhalim
آغلاسان من سندن بتر آغلارام
یاشلی گؤزلرینه گیله بیل منی
بوتون دردلیلره همدرد اولموشام
هر زامان هر یئرده بئله بیل منی.
وورار کئشیش مکری قارا پنجه نی
گتیرر باشینا هر شکنجه نی
گؤزو یاشلی قویما قدیم گنجه نی
کرم سن یانیندا له له بیل منی.
درد اهلی کیم وارسا هامی منده دیر
دردین هر چئشیدی، تامی منده دیر
جمشیدین جم دولو جامی منده دیر
عشق ایله دوداغین سیله بیل منی.
قریبی گؤرنده قوربت چکنم
یئتیمی گؤرنده بویون بوکنم
من نییه بو قدر آغری چکنم
باشا دوش، درک ائیله، ائله بیل منی.
✍🏼 زلیمخان یعقوب
🆔 @khalkhalim
💠#گون_آیدین، هموطنلر
گوللره تاپشیرمیشام
سن گلینجه کؤچمهسین.
یئللره تاپشیرمیشام
یانیندان دا کئچمهسین.
باهارا تاپشیرمیشام
قیشدا گیرسین یوخونا.
یوللارا تاپشیرمیشام
آشا-آشا داغلاردان،
سنی او اوزاقلاردان،
گتیرسینلر یاخینا.
گؤیلره تاپشیرمیشام
آغ دون بیچسین گونونه.
نئیلره تاپشیرمیشام
سون قویسون درد اونونه.
گونشه تاپشیرمیشام
اویناسین اوتاغیندا
گولوشه تاپشیرمیشام،
قایناسین دوداغیندا.
سئللره تاپشیرمیشام
کؤرپونو دبرتمهسین.
ایللره تاپشیرمیشام،
نئچه کی بیز آیریییق،
عؤمروموزدن اؤتمهسین.
من سنی تاپشیرمیشام
ائله اؤزوم اؤزومه.
اؤزوم کؤچری قوشام،
ماهنیما تاپشیرمیشام
یاشاسین عوَضیمه.
ماهنیما تاپشیرمیشام
کؤنلونو سحر-آخشام
اوخشاسین عوَضیمه.
تاپشیراراق هامییا،
تاپشیراراق هر شئیه
آدینی دؤنه-دؤنه،
بیرجه کؤورک سئوگیمی
تاپشیریرام من سنه.
✍🏼 آغا لاچینلی
🆔 @khalkhalim
گوللره تاپشیرمیشام
سن گلینجه کؤچمهسین.
یئللره تاپشیرمیشام
یانیندان دا کئچمهسین.
باهارا تاپشیرمیشام
قیشدا گیرسین یوخونا.
یوللارا تاپشیرمیشام
آشا-آشا داغلاردان،
سنی او اوزاقلاردان،
گتیرسینلر یاخینا.
گؤیلره تاپشیرمیشام
آغ دون بیچسین گونونه.
نئیلره تاپشیرمیشام
سون قویسون درد اونونه.
گونشه تاپشیرمیشام
اویناسین اوتاغیندا
گولوشه تاپشیرمیشام،
قایناسین دوداغیندا.
سئللره تاپشیرمیشام
کؤرپونو دبرتمهسین.
ایللره تاپشیرمیشام،
نئچه کی بیز آیریییق،
عؤمروموزدن اؤتمهسین.
من سنی تاپشیرمیشام
ائله اؤزوم اؤزومه.
اؤزوم کؤچری قوشام،
ماهنیما تاپشیرمیشام
یاشاسین عوَضیمه.
ماهنیما تاپشیرمیشام
کؤنلونو سحر-آخشام
اوخشاسین عوَضیمه.
تاپشیراراق هامییا،
تاپشیراراق هر شئیه
آدینی دؤنه-دؤنه،
بیرجه کؤورک سئوگیمی
تاپشیریرام من سنه.
✍🏼 آغا لاچینلی
🆔 @khalkhalim
💠#گون_آیدین، هموطنلر
نئچه قیشیم، باهاریم وار،
گئتمهلییم، قراریم وار.
گؤزو یاشلی نیگاریم وار،
اینصاف ائله، گلمه اؤلوم!
اورهییمدن آتمادیغیم،
گؤزلر منی، ساتمادیغیم.
بیر آرزوم وار چاتمادیغیم،
هله گلمه، گلمه اؤلوم!
ائله بیلمه اوزاقدایام،
اوزاق دئییل، یاخیندایام،
چیرپینیرام، توروندایام،
بیرآز یوبان، گلمه اؤلوم!
یوللارینی ایزلهییردیم،
قیشقیراراق سسلهییردیم.
سنی دونن گؤزلهییردیم،
آمان، بو گون گلمه اؤلوم!
✍🏼 علی احمدوو
🆔 @khalkhalim
نئچه قیشیم، باهاریم وار،
گئتمهلییم، قراریم وار.
گؤزو یاشلی نیگاریم وار،
اینصاف ائله، گلمه اؤلوم!
اورهییمدن آتمادیغیم،
گؤزلر منی، ساتمادیغیم.
بیر آرزوم وار چاتمادیغیم،
هله گلمه، گلمه اؤلوم!
ائله بیلمه اوزاقدایام،
اوزاق دئییل، یاخیندایام،
چیرپینیرام، توروندایام،
بیرآز یوبان، گلمه اؤلوم!
یوللارینی ایزلهییردیم،
قیشقیراراق سسلهییردیم.
سنی دونن گؤزلهییردیم،
آمان، بو گون گلمه اؤلوم!
✍🏼 علی احمدوو
🆔 @khalkhalim
💠 #گون_آیدین، هموطنلر
آنا قلبیم اودلانیر،
سؤز دوشنده داعوادان.
بس دئییلمی ای انسانلار،
تؤکولدو قان، آخدی قان؟!
بس دئییلمی آنا تورپاق،
سو ایچدی گؤز یاشیندان؟
یئر اوزونده دوستو اولسون،
گرک انسان انسانین.
قلبیمدهکی بو آرزولار،
آرزوسودور زامانین.
من آنایام، بو سسیمده،
یئرین- گؤیون دردی وار.
صلحه گلین، ای انسانلار!
یوخسا دونیا محو اولار.
سیلاحلاری یاندیرین،
عرشه قالخسین توستوسو!
هر اوبادا، هر بیر ائلده،
قاناد آچسین صلح سؤزو!
اوزو گولسون انسانلارین،
بایرام ائتسین یئر اوزو...
✍🏼 نوروز گنجهلی
🆔 @khalkhalim
آنا قلبیم اودلانیر،
سؤز دوشنده داعوادان.
بس دئییلمی ای انسانلار،
تؤکولدو قان، آخدی قان؟!
بس دئییلمی آنا تورپاق،
سو ایچدی گؤز یاشیندان؟
یئر اوزونده دوستو اولسون،
گرک انسان انسانین.
قلبیمدهکی بو آرزولار،
آرزوسودور زامانین.
من آنایام، بو سسیمده،
یئرین- گؤیون دردی وار.
صلحه گلین، ای انسانلار!
یوخسا دونیا محو اولار.
سیلاحلاری یاندیرین،
عرشه قالخسین توستوسو!
هر اوبادا، هر بیر ائلده،
قاناد آچسین صلح سؤزو!
اوزو گولسون انسانلارین،
بایرام ائتسین یئر اوزو...
✍🏼 نوروز گنجهلی
🆔 @khalkhalim
💠 #گون_آیدین، هموطنلر
پاییزیم اوشویور سنسیز گونش یوخ
چکدیییم آجینی یئنه بیلمهدی.
یوخلوغون حسّ اولور، ایندی داها چوخ
داریخدین سؤیلهدیم، آنجاق دینمهدی.
دئییرسن درد اولدو چیخیب گئتمهیین
سن گئدن او گوندن اوزوم گولمهدی!
سنجه ده دوغرویدو بو جور ائتمهیین؟!
باخیشین عاغلیمدان هئچ واخت ایتمهدی.
بیزیم موسیقینی چال ائی کامانچا
حسرتین توستوسو آمان وئرمهدی
سؤزونو توتمادی بیزیم یالانچی،
گلهم دئسه ده هئچ واخت گلمهدی.
✍🏼 زهرا بابایئوا
🆔 @khalkhalim
پاییزیم اوشویور سنسیز گونش یوخ
چکدیییم آجینی یئنه بیلمهدی.
یوخلوغون حسّ اولور، ایندی داها چوخ
داریخدین سؤیلهدیم، آنجاق دینمهدی.
دئییرسن درد اولدو چیخیب گئتمهیین
سن گئدن او گوندن اوزوم گولمهدی!
سنجه ده دوغرویدو بو جور ائتمهیین؟!
باخیشین عاغلیمدان هئچ واخت ایتمهدی.
بیزیم موسیقینی چال ائی کامانچا
حسرتین توستوسو آمان وئرمهدی
سؤزونو توتمادی بیزیم یالانچی،
گلهم دئسه ده هئچ واخت گلمهدی.
✍🏼 زهرا بابایئوا
🆔 @khalkhalim