💠 #گون_آیدین، هموطن‌‌لر
دیلیمیز دوستاق اولاندان آنام آغلار قالدی
دوداغیندا داغیلان قیرمیزی داغلار قالدی
باغا قار دوشدو گولون قول بوداغی قوورولدو
پاییز اوغروندا سینان یاسلی بوداقلار قالدی
گونشین باغری یاریلدی قارا'قان قایتاردی
یادداشیندا یازیغین ساپ ساری چاغلار قالدی
دیلی باغلی، الی باغلی، آیاغی قانداللی
آنالار یاندی کول اولدو، لال اوشاقلار قالدی
اوخولون هنده‌ورینده یازیمیز دوغراندی
فیکریمیز دوندو قیفیللاندی، دوداقلار قالدی
کئچمه‌گه چرچیوه‌سیندن آنامین یول سالدیق
چؤکولوب توپراغا باغلاندی آیاقلار قالدی
ساری گول قارغیشا توش گلدی بیزیم باغلاردا
هامی شنلیکده بیزیم قاپ باجا باغلار قالدی
دومانین دردی دئشیلدی قایالار سسلندی
تیتره‌دی سؤز چاناغی سیندی، چاناقلار قالدی
سیناغا چکدی ائلین دیل دنیزیندن کئچدی
اونون آردیندا سولان یاشلی یاناقلار قالدی
✍🏼 دومان بختیاری
🆔 @khalkhalim
دیلیمیز دوستاق اولاندان آنام آغلار قالدی
دوداغیندا داغیلان قیرمیزی داغلار قالدی
باغا قار دوشدو گولون قول بوداغی قوورولدو
پاییز اوغروندا سینان یاسلی بوداقلار قالدی
گونشین باغری یاریلدی قارا'قان قایتاردی
یادداشیندا یازیغین ساپ ساری چاغلار قالدی
دیلی باغلی، الی باغلی، آیاغی قانداللی
آنالار یاندی کول اولدو، لال اوشاقلار قالدی
اوخولون هنده‌ورینده یازیمیز دوغراندی
فیکریمیز دوندو قیفیللاندی، دوداقلار قالدی
کئچمه‌گه چرچیوه‌سیندن آنامین یول سالدیق
چؤکولوب توپراغا باغلاندی آیاقلار قالدی
ساری گول قارغیشا توش گلدی بیزیم باغلاردا
هامی شنلیکده بیزیم قاپ باجا باغلار قالدی
دومانین دردی دئشیلدی قایالار سسلندی
تیتره‌دی سؤز چاناغی سیندی، چاناقلار قالدی
سیناغا چکدی ائلین دیل دنیزیندن کئچدی
اونون آردیندا سولان یاشلی یاناقلار قالدی
✍🏼 دومان بختیاری
🆔 @khalkhalim
💠 #گون_آیدین، هموطن‌‌لر
کاغیذین اوستونه دوشوب
ایکی الیمین کؤلگه‌سی
یئنه ده لاپ زیله قالخیب
تکلیین یالقوزاق سسی
واختدان یاخا قورتارمیشام
بیلمیرم ساهات نئچه‌دیر
آی یاریمچیق، اولدوزلار یوخ
یامان اؤلمه‌لی گئجه‌دیر
نه واریم وار، نه بارخانام
عؤمور یوکو باغلاماغا
آللاه منی یاری اؤلدور
یاری ساخلا آغلاماغا
✍🏼 واقیف صمد اوغلو
🆔 @khalkhalim
کاغیذین اوستونه دوشوب
ایکی الیمین کؤلگه‌سی
یئنه ده لاپ زیله قالخیب
تکلیین یالقوزاق سسی
واختدان یاخا قورتارمیشام
بیلمیرم ساهات نئچه‌دیر
آی یاریمچیق، اولدوزلار یوخ
یامان اؤلمه‌لی گئجه‌دیر
نه واریم وار، نه بارخانام
عؤمور یوکو باغلاماغا
آللاه منی یاری اؤلدور
یاری ساخلا آغلاماغا
✍🏼 واقیف صمد اوغلو
🆔 @khalkhalim
💠 #گون_آیدین، هموطن‌‌لر
آغلاسام، سسیمی دویارمی‌سیز، میصراع‌لاریمدا؟
توخونا بیلرسینیز گؤز یاشلاریما، ال‌لرینیزله؟
بیلمزدیم ماهنی‌لارین بو قدر گؤزل،
کلمه‌لرین‌سه یئترسیز اولدوغونو
بو درده دوشمه‌دن اؤنجه!
بیر یئر وار بیلیرم،
هر شئیی دئمک مومکون
چوخ یاخینلاشمیشام،
دویورام؛
آنلادا بیلمیرم.
✍🏼 اورهان ولی
🆔 @khalkhalim
آغلاسام، سسیمی دویارمی‌سیز، میصراع‌لاریمدا؟
توخونا بیلرسینیز گؤز یاشلاریما، ال‌لرینیزله؟
بیلمزدیم ماهنی‌لارین بو قدر گؤزل،
کلمه‌لرین‌سه یئترسیز اولدوغونو
بو درده دوشمه‌دن اؤنجه!
بیر یئر وار بیلیرم،
هر شئیی دئمک مومکون
چوخ یاخینلاشمیشام،
دویورام؛
آنلادا بیلمیرم.
✍🏼 اورهان ولی
🆔 @khalkhalim
💠 #گون_آیدین، هموطن‌‌لر
فارغ ائتدی مهرین اؤزگه مه‌لقالاردن منی،
حِرز ایمیش عشقین سنین؛ ساخلار بلالاردان منی.
کؤنلوم آلدین گؤستریب یوز لطف و منّت جانیما،
ائیله‌دین مستغنی اؤزگه دلربالاردان منی.
وامق و فرهادتک رُسوایا قیلمان نسبتیم،
بیر فقیرم، سانمانیز اول خودنمالاردان منی!
عشوه و ناز ایله رفع ائتدین غم و اندوهومو،
سِحر ایلن بیگانه قیلدین آشنالاردان منی.
قیل تکلّم، زُلفون اندوهونو کؤنلومدن گؤتور،
بیر فسون ایله خلاص ائت اژدهالاردان منی.
غایتِ زهد و ورع، زاهد! وصالِ حور ایسه،
وجهی یوخ منع ائیله‌مک حوری‌لقالاردان منی.
هر جفا قیلسان، «فضولی»تک شکایت قیلمازام،
عشق اطواریندا سانما بی‌وفالاردان منی!
✍🏼 حکیم ملامحمد فضولی
🆔 @khalkhalim
فارغ ائتدی مهرین اؤزگه مه‌لقالاردن منی،
حِرز ایمیش عشقین سنین؛ ساخلار بلالاردان منی.
کؤنلوم آلدین گؤستریب یوز لطف و منّت جانیما،
ائیله‌دین مستغنی اؤزگه دلربالاردان منی.
وامق و فرهادتک رُسوایا قیلمان نسبتیم،
بیر فقیرم، سانمانیز اول خودنمالاردان منی!
عشوه و ناز ایله رفع ائتدین غم و اندوهومو،
سِحر ایلن بیگانه قیلدین آشنالاردان منی.
قیل تکلّم، زُلفون اندوهونو کؤنلومدن گؤتور،
بیر فسون ایله خلاص ائت اژدهالاردان منی.
غایتِ زهد و ورع، زاهد! وصالِ حور ایسه،
وجهی یوخ منع ائیله‌مک حوری‌لقالاردان منی.
هر جفا قیلسان، «فضولی»تک شکایت قیلمازام،
عشق اطواریندا سانما بی‌وفالاردان منی!
✍🏼 حکیم ملامحمد فضولی
🆔 @khalkhalim
💠 #گون_آیدین، هموطن‌‌لر
گون آیدین تانریم؛
راحات یاتا بیلدین‌می؟
چوخ شوکور؛
بیریسی ایکیمیزدن
کابوس‌سوز اویانمیش!
✍🏼 بهروز اسماعیل‌زاده
🆔 @khalkhalim
گون آیدین تانریم؛
راحات یاتا بیلدین‌می؟
چوخ شوکور؛
بیریسی ایکیمیزدن
کابوس‌سوز اویانمیش!
✍🏼 بهروز اسماعیل‌زاده
🆔 @khalkhalim
💠 #گون_آیدین، هموطن‌‌لر
قورقوسوز حیات‌دیر، ترسه پای-بؤلوش،
داغلار دره‌لردن آمان ايسته‌يير.
چایلار دنیزلردن سو دیله‌نیرلر،
اجل جان‌وئرندن زامان ایسته‌ییر.
گونش دوستاق اولوب، گئجه حؤکمدار،
اؤلو تاختا چیخیب، اولوب تاجدار.
طبیعت ترس دؤنوب، دَییشيب قرار،
حاکیم، گوناهکاردان فرمان ایسته‌ییر.
مزارلار بزه‌نیر، ائولر تالانیر،
یالان باش آپاریر، دوغرو جالانیر،
نادان اولدوز اولوب گؤیده دولانیر،
حکیم‌لر خسته‌دن درمان ایسته‌ییر.
«کؤنول» قلميندن سؤزون گیزله‌ییر،
اوجاقلار آلوودان رحمت گؤزله‌ییر،
شیطان خالیق اولوب تانری ایزله‌ییر،
تانری، بنده‌سیندن آمان ایسته‌ییر.
✍🏼 فاطمه عبدی کؤنول
🆔 @khalkhalim
قورقوسوز حیات‌دیر، ترسه پای-بؤلوش،
داغلار دره‌لردن آمان ايسته‌يير.
چایلار دنیزلردن سو دیله‌نیرلر،
اجل جان‌وئرندن زامان ایسته‌ییر.
گونش دوستاق اولوب، گئجه حؤکمدار،
اؤلو تاختا چیخیب، اولوب تاجدار.
طبیعت ترس دؤنوب، دَییشيب قرار،
حاکیم، گوناهکاردان فرمان ایسته‌ییر.
مزارلار بزه‌نیر، ائولر تالانیر،
یالان باش آپاریر، دوغرو جالانیر،
نادان اولدوز اولوب گؤیده دولانیر،
حکیم‌لر خسته‌دن درمان ایسته‌ییر.
«کؤنول» قلميندن سؤزون گیزله‌ییر،
اوجاقلار آلوودان رحمت گؤزله‌ییر،
شیطان خالیق اولوب تانری ایزله‌ییر،
تانری، بنده‌سیندن آمان ایسته‌ییر.
✍🏼 فاطمه عبدی کؤنول
🆔 @khalkhalim
💠 #گون_آیدین، هموطن‌‌لر
اؤیناییر یاپراق‌لار ، نسیم ساز چالیر
سو داشین اوزوندن ، اؤپوش‌لر آلیر
گؤزلریم هر شئیه هویوخور قالیر
اؤنومده چای ایله گئچیر خیالیم
هر گولدن بیر داملا ایچیر خیالیم
اوزالدیب ال‌لرین سولارا سؤیود
منجیق - منجیق گؤیدن سو سپیر بولوت
گول دئیر منه باخ، ال‌لریمی توت
طبیعت یاشاما منه پای وئریر
یاشام وار، یاشام وار چای لار های وئریر
یاپراق‌لار سو اوزره اوزور کئفله‌نیر
چال داش‌لار چای قارشی دوزور کئفله‌نیر
چاخیرلار جام‌لارا سوزور کئفله‌نیر
من کئفلی، چای کئفلی، یاپراق دا کئفلی
یئر کئفلی، گوی کئفلی، بولاغ دا کئفلی
باشیم دیر فیرلانیر یا کی کایئنات
کپه‌نک دایانیب، گول وورور قاناد
کئفلی دیر دئمک کی من سه بو حیات
ترسینه فیلانیر باشیم ترسینه
باشیمی قویورام داش سینه‌سینه
ایچیرم اؤنومده داغ ساغلیغینا
باغوانین امه‌یی باغ ساغلیغینا
قارا ساغلیغینا ، آغ ساغلیغنا
او کئفلی، بو کئفلی، سن کئفلی- کئفلی
دوشورم، دوشورم، من کئفلی- کئفلی
✍🏼 جعفر تانیش
🆔 @khalkhalim
اؤیناییر یاپراق‌لار ، نسیم ساز چالیر
سو داشین اوزوندن ، اؤپوش‌لر آلیر
گؤزلریم هر شئیه هویوخور قالیر
اؤنومده چای ایله گئچیر خیالیم
هر گولدن بیر داملا ایچیر خیالیم
اوزالدیب ال‌لرین سولارا سؤیود
منجیق - منجیق گؤیدن سو سپیر بولوت
گول دئیر منه باخ، ال‌لریمی توت
طبیعت یاشاما منه پای وئریر
یاشام وار، یاشام وار چای لار های وئریر
یاپراق‌لار سو اوزره اوزور کئفله‌نیر
چال داش‌لار چای قارشی دوزور کئفله‌نیر
چاخیرلار جام‌لارا سوزور کئفله‌نیر
من کئفلی، چای کئفلی، یاپراق دا کئفلی
یئر کئفلی، گوی کئفلی، بولاغ دا کئفلی
باشیم دیر فیرلانیر یا کی کایئنات
کپه‌نک دایانیب، گول وورور قاناد
کئفلی دیر دئمک کی من سه بو حیات
ترسینه فیلانیر باشیم ترسینه
باشیمی قویورام داش سینه‌سینه
ایچیرم اؤنومده داغ ساغلیغینا
باغوانین امه‌یی باغ ساغلیغینا
قارا ساغلیغینا ، آغ ساغلیغنا
او کئفلی، بو کئفلی، سن کئفلی- کئفلی
دوشورم، دوشورم، من کئفلی- کئفلی
✍🏼 جعفر تانیش
🆔 @khalkhalim
💠 #گون_آیدین، هموطن‌‌لر
داغلارین باشیندا بیتن چیچه‌یم،
هر اَسَن کوله‌یه باش اَیمَرَم من.
شیرین آرزولارلا چارپان اوره‌یم،
اؤلرم، دؤنمرم بو عملیمدن.
وطن تورپاغیندا قاینار بولاغام،
آرخام اوجا داغلار، اؤنوم گؤی مئشه
کیم دئییر دونیادا من بیر قوناغام؟
گله‌جک نغمه‌لی سسم همیشه.
تزه دنه دولموش ساری سونبولم،
اَیَرَم باشیمی آنا تورپاغا
سئویلندیر کؤنلوم، سئوندیر کؤنلوم،
سئوگی‌دن اوره‌ییم دؤنوبدور داغا.
شیرین بیر لایلایام، دوغما بیر سسم
ایستی بئشیک‌لردن اوجالاجاغام
من نغمه دئمه‌سم، اؤته بیلمه‌سم
او زامان، او زامان قوجالاجاغام
بیر ائوین گلینی، آناسی‌یام من
بیر ائوین اوجاغی، اودویام دئمک
همیشه، همیشه یاناسی‌یام من
همیشه چیراغیم شُعله‌لنه‌جک
اینانما سوسدورا زامان قلبیمی
اینانما دئسه‌لر اؤله‌جه‌یم من!
بو ائله، بو یوردا کؤرپه قوش کیمی
همیشه باهارلا گله‌جه‌یم من!
✍🏼 مدینه گولگون
🆔 @khalkhalim
داغلارین باشیندا بیتن چیچه‌یم،
هر اَسَن کوله‌یه باش اَیمَرَم من.
شیرین آرزولارلا چارپان اوره‌یم،
اؤلرم، دؤنمرم بو عملیمدن.
وطن تورپاغیندا قاینار بولاغام،
آرخام اوجا داغلار، اؤنوم گؤی مئشه
کیم دئییر دونیادا من بیر قوناغام؟
گله‌جک نغمه‌لی سسم همیشه.
تزه دنه دولموش ساری سونبولم،
اَیَرَم باشیمی آنا تورپاغا
سئویلندیر کؤنلوم، سئوندیر کؤنلوم،
سئوگی‌دن اوره‌ییم دؤنوبدور داغا.
شیرین بیر لایلایام، دوغما بیر سسم
ایستی بئشیک‌لردن اوجالاجاغام
من نغمه دئمه‌سم، اؤته بیلمه‌سم
او زامان، او زامان قوجالاجاغام
بیر ائوین گلینی، آناسی‌یام من
بیر ائوین اوجاغی، اودویام دئمک
همیشه، همیشه یاناسی‌یام من
همیشه چیراغیم شُعله‌لنه‌جک
اینانما سوسدورا زامان قلبیمی
اینانما دئسه‌لر اؤله‌جه‌یم من!
بو ائله، بو یوردا کؤرپه قوش کیمی
همیشه باهارلا گله‌جه‌یم من!
✍🏼 مدینه گولگون
🆔 @khalkhalim
💠 #گون_آیدین، هموطن‌‌لر
کؤرپه بنؤوشه کیمی،
توز باسمیش شوشه کیمی،
سنی همشه کیمی-
اؤزله‌ییب داریخیرام.
دؤیون، اوره‌ییم دؤیون!
او قایغیسیز، ارکؤیون،
یولونو دویون – دویون-
گؤزله‌ییب داریخیرام.
حیات منی قانیتمیر،
معنا وئریب یانیتمیر،
سولومداکی اونوتمور
کؤزله‌ییب داریخیرام.
قینایین بو عیللتی
بو سارساق محببتی!
قاپیسینداکی ایتی-
ایزله‌ییب داریخیرام.
✍🏼 مرجان مناف‌زاده
🆔 @khalkhalim
کؤرپه بنؤوشه کیمی،
توز باسمیش شوشه کیمی،
سنی همشه کیمی-
اؤزله‌ییب داریخیرام.
دؤیون، اوره‌ییم دؤیون!
او قایغیسیز، ارکؤیون،
یولونو دویون – دویون-
گؤزله‌ییب داریخیرام.
حیات منی قانیتمیر،
معنا وئریب یانیتمیر،
سولومداکی اونوتمور
کؤزله‌ییب داریخیرام.
قینایین بو عیللتی
بو سارساق محببتی!
قاپیسینداکی ایتی-
ایزله‌ییب داریخیرام.
✍🏼 مرجان مناف‌زاده
🆔 @khalkhalim
💠 #گون_آیدین، هموطن‌‌لر
یاغمایاجاغینی بیلدیگین بیر یاغیشی گؤزله‌مک،
یاساق بیر سسین گورولتوسو کیمی قولاقلاریندا.
دوداقلاریندا ایسلاق بیر تبسّوم،
گؤزلرین سندن اوزاقدا،
سن اؤزوندن.
کیم بیلیر کی منی؟!
هئچ گلمه‌یه‌جه‌یینی بیلدیگین بیر اوتوبوسو گؤزله‌مک،
آلارم‌لارین چیغلیقلاریندا بوغولارکن سسسیزلیک،
تر ایچینده اوووجلاریم،
و یئنه یالنیز روحوم بدنیمدن اوزاق،
من اؤزومدن.
کیم بیلیر کی سنی؟!
✍🏼 عبدالرحمن گولج
🆔 @khalkhalim
یاغمایاجاغینی بیلدیگین بیر یاغیشی گؤزله‌مک،
یاساق بیر سسین گورولتوسو کیمی قولاقلاریندا.
دوداقلاریندا ایسلاق بیر تبسّوم،
گؤزلرین سندن اوزاقدا،
سن اؤزوندن.
کیم بیلیر کی منی؟!
هئچ گلمه‌یه‌جه‌یینی بیلدیگین بیر اوتوبوسو گؤزله‌مک،
آلارم‌لارین چیغلیقلاریندا بوغولارکن سسسیزلیک،
تر ایچینده اوووجلاریم،
و یئنه یالنیز روحوم بدنیمدن اوزاق،
من اؤزومدن.
کیم بیلیر کی سنی؟!
✍🏼 عبدالرحمن گولج
🆔 @khalkhalim