💠 #گون_آیدین، هموطنلر
گزیردیم چؤللری بیر یاز آخشامی،
روحومون، قلبیمین بیر ساز آخشامی،
دونیانین ان خوشبخت سؤز آدامی‌یدیم.
شعریمی چیچک‌لر اوخویوردولار،
آری‌لار، بؤجک‌لر اوخویوردولار،
سس-سسه وئرمیشدی قاریشقالار دا،
خاللی کپنک‌لر اوخویوردولار.
ائنمیشدی یانیما گؤیدن ملک‌لر
تانری‌لار، فلک‌لر اوخویوردولار.
بوتون کئچمیشلره چاتمیشدی شعریم،
بوتون گله‌جک‌لر اوخویوردولار.
اینانا بیلمیردیم قولاق‌لاریما،
قوشلار اوخویوردو شعیرلریمی.
ککلیک ده، قارتال دا سؤز یاریشیندا،
داشلار اوخویوردو شعیرلریمی.
سونبول‌لو زمی‌لر دالغالانیردی،
دوزلر اوخویوردو شعیرلریمی.
اوغوللار سؤز آچیر «یاشیل آغاج»دان،
قیزلار اوخویوردو شعیرلریمی.
منیم شعیرلریم بوش دایانماییب،
چؤللرله دانیشیب سیّاح دیلینده.
دردی اورک‌لردن چکیب چیخاردیب،
خسته‌یله دانیشیب جرّاح دیلینده.
یوخسولا همدم‌دی دار کومالاردا،
سارای‌لا دانیشیب پادشاه دیلینده.
داغ دا باشا دوشور، داش دا آنلاییر،
شاعیر دانیشاندا آللاه دیلینده.
آنام نئجه دینیر، نئجه دانیشیر،
شعریمی آنامین دیلینده یازدیم.
منی دیللندیرین، منی دیندیرن،
سئوگیمین، سونامین دیلینده یازدیم.
ساغلام عقیده‌نین، صاف طبیعتین،
آللاها اینامین دیلینده یازدیم.
حالال کیشیلردن حالال سؤز آلدیم،
حالال بیر ایلهامین دیلینده یازدیم.
گؤزومله گؤردوم کی بیر یاز آخشامی،
قلبیمین، روحومون بو ساز آخشامی،
قلبینه کؤچوروب طبیعت منی،
تورپاغین، سمانین یادداشیندایام.
بولودون، یاغیشین، اوتون، یارپاغین،
ذیروه‌نین، دومانین یادداشیندایام.
دونن یئر آییریب، بو گون یئر وئریب،
تاریخین، زامانین یادداشیندایام.
✍🏼 زلیمخان یعقوب
🆔 @khalkhalim
گزیردیم چؤللری بیر یاز آخشامی،
روحومون، قلبیمین بیر ساز آخشامی،
دونیانین ان خوشبخت سؤز آدامی‌یدیم.
شعریمی چیچک‌لر اوخویوردولار،
آری‌لار، بؤجک‌لر اوخویوردولار،
سس-سسه وئرمیشدی قاریشقالار دا،
خاللی کپنک‌لر اوخویوردولار.
ائنمیشدی یانیما گؤیدن ملک‌لر
تانری‌لار، فلک‌لر اوخویوردولار.
بوتون کئچمیشلره چاتمیشدی شعریم،
بوتون گله‌جک‌لر اوخویوردولار.
اینانا بیلمیردیم قولاق‌لاریما،
قوشلار اوخویوردو شعیرلریمی.
ککلیک ده، قارتال دا سؤز یاریشیندا،
داشلار اوخویوردو شعیرلریمی.
سونبول‌لو زمی‌لر دالغالانیردی،
دوزلر اوخویوردو شعیرلریمی.
اوغوللار سؤز آچیر «یاشیل آغاج»دان،
قیزلار اوخویوردو شعیرلریمی.
منیم شعیرلریم بوش دایانماییب،
چؤللرله دانیشیب سیّاح دیلینده.
دردی اورک‌لردن چکیب چیخاردیب،
خسته‌یله دانیشیب جرّاح دیلینده.
یوخسولا همدم‌دی دار کومالاردا،
سارای‌لا دانیشیب پادشاه دیلینده.
داغ دا باشا دوشور، داش دا آنلاییر،
شاعیر دانیشاندا آللاه دیلینده.
آنام نئجه دینیر، نئجه دانیشیر،
شعریمی آنامین دیلینده یازدیم.
منی دیللندیرین، منی دیندیرن،
سئوگیمین، سونامین دیلینده یازدیم.
ساغلام عقیده‌نین، صاف طبیعتین،
آللاها اینامین دیلینده یازدیم.
حالال کیشیلردن حالال سؤز آلدیم،
حالال بیر ایلهامین دیلینده یازدیم.
گؤزومله گؤردوم کی بیر یاز آخشامی،
قلبیمین، روحومون بو ساز آخشامی،
قلبینه کؤچوروب طبیعت منی،
تورپاغین، سمانین یادداشیندایام.
بولودون، یاغیشین، اوتون، یارپاغین،
ذیروه‌نین، دومانین یادداشیندایام.
دونن یئر آییریب، بو گون یئر وئریب،
تاریخین، زامانین یادداشیندایام.
✍🏼 زلیمخان یعقوب
🆔 @khalkhalim
💠 #گون_آیدین، هموطنلر
نیمداش تسلّی‌دیر ایندی نه دئسن
اوزاق خاطیره‌یه چاتماییر الین
توتونه بوکولموش کاغیذ کیمی‌سن
یانیرسان، توستون ده آجی‌دیر سنین
قایغیسیز گونلردن سنه نه قالدی؟
یاخشینی یاماندان ایندی آییر سن!
سنین یاشیدلارین اوشاقلی اولدو
هله ده اؤزونو اوشاق ساییرسان
ائله باغلادین کی کؤنلونو او واخت
ایندی پاس توتوبدور، آچا بیلمیرسن
اوچولوب گؤزل‌لیک دئدییین او تاخت
ایللرین الیندن قاچا بیلمیرسن
سنی گؤر بیر هارا آپاریر ایللر
گئری‌یه قاییتماق اومیدسیز یولدو
یاخین سیرداشلارین اوچوب گئتدیلر
کیچیک باجیلارین رفیقه‌ن اولدو
آنان باخا بیلمیر ائوه، ائشی‌یه
ییغیلی قالیبدی جئهیزین سنین
عهدینه وفالی اولمادین نییه؟
باری بیر اورکده اولایدی یئرین
داها کسیلیبدی او واخت‌کی زنگلر
بوکولو خالچانی گووه‌لر یئییر
بوللور ایستکانلار، بوللور قدح‌لر
کیشی دوداغینا دَیمک ایسته‌ییر
نه سئوگیلین یوخدو گؤزله‌یه سنی
نه ده مکتوب یازان، سن گؤزله‌یه‌سن
سئودالی گونلرین قاییتمیر گئری
سیخیب اوره‌یینه عزیزله‌یه‌سن
عؤمرو یئله وئریب بو یاشدا، سینده،
یالان خیال‌لارا دالماق چتین‌دیر.
کؤهنلمیش، قات کسمیش جئهیز ایچینده،
ال‌لری قوینوندا قالماق چتین‌دیر...
✍🏼 نوصرت کسمنلی
🆔 @khalkhalim
نیمداش تسلّی‌دیر ایندی نه دئسن
اوزاق خاطیره‌یه چاتماییر الین
توتونه بوکولموش کاغیذ کیمی‌سن
یانیرسان، توستون ده آجی‌دیر سنین
قایغیسیز گونلردن سنه نه قالدی؟
یاخشینی یاماندان ایندی آییر سن!
سنین یاشیدلارین اوشاقلی اولدو
هله ده اؤزونو اوشاق ساییرسان
ائله باغلادین کی کؤنلونو او واخت
ایندی پاس توتوبدور، آچا بیلمیرسن
اوچولوب گؤزل‌لیک دئدییین او تاخت
ایللرین الیندن قاچا بیلمیرسن
سنی گؤر بیر هارا آپاریر ایللر
گئری‌یه قاییتماق اومیدسیز یولدو
یاخین سیرداشلارین اوچوب گئتدیلر
کیچیک باجیلارین رفیقه‌ن اولدو
آنان باخا بیلمیر ائوه، ائشی‌یه
ییغیلی قالیبدی جئهیزین سنین
عهدینه وفالی اولمادین نییه؟
باری بیر اورکده اولایدی یئرین
داها کسیلیبدی او واخت‌کی زنگلر
بوکولو خالچانی گووه‌لر یئییر
بوللور ایستکانلار، بوللور قدح‌لر
کیشی دوداغینا دَیمک ایسته‌ییر
نه سئوگیلین یوخدو گؤزله‌یه سنی
نه ده مکتوب یازان، سن گؤزله‌یه‌سن
سئودالی گونلرین قاییتمیر گئری
سیخیب اوره‌یینه عزیزله‌یه‌سن
عؤمرو یئله وئریب بو یاشدا، سینده،
یالان خیال‌لارا دالماق چتین‌دیر.
کؤهنلمیش، قات کسمیش جئهیز ایچینده،
ال‌لری قوینوندا قالماق چتین‌دیر...
✍🏼 نوصرت کسمنلی
🆔 @khalkhalim
💠 #گون_آیدین، هموطنلر
سئوگیمدن قاچمیشام اوزاق شهره
بوردا دا حسرتین گلیب دایانیب
عطرین سپه‌له‌نیب بوتون گوللره
گؤزونون رنگینه گؤیلر بویانیب
سنینچون دونیادا بلکه یوخام من
سنی سئودییمی هئچ بیلمه‌ییرسن
گوندوز خیالیمدان گئجه یوخومدان
بیر آن دا ، بیر آن دا چکیلمه‌ییرسن
اوره ییم ، داشا دؤن بو سرری ساخلا
بو سئوگی بو بلا هاردان ائنیبدیر ؟
بیزیم طالعیمیز ائوله اوشاقلا
هره‌سی بیر یانا زنجیرله‌نیبدیر
اؤلونجه عشقینله اولاجاغام من
من سنین روحوندا قانیندا وارام
اوستونو کول اؤرتموش بیر اوجاغام من
بالاجا بیر مئه دن قاینایار یارام.
✍🏼 فکرت قوجا
🆔 @khalkhalim
سئوگیمدن قاچمیشام اوزاق شهره
بوردا دا حسرتین گلیب دایانیب
عطرین سپه‌له‌نیب بوتون گوللره
گؤزونون رنگینه گؤیلر بویانیب
سنینچون دونیادا بلکه یوخام من
سنی سئودییمی هئچ بیلمه‌ییرسن
گوندوز خیالیمدان گئجه یوخومدان
بیر آن دا ، بیر آن دا چکیلمه‌ییرسن
اوره ییم ، داشا دؤن بو سرری ساخلا
بو سئوگی بو بلا هاردان ائنیبدیر ؟
بیزیم طالعیمیز ائوله اوشاقلا
هره‌سی بیر یانا زنجیرله‌نیبدیر
اؤلونجه عشقینله اولاجاغام من
من سنین روحوندا قانیندا وارام
اوستونو کول اؤرتموش بیر اوجاغام من
بالاجا بیر مئه دن قاینایار یارام.
✍🏼 فکرت قوجا
🆔 @khalkhalim
💠 #گون_آیدین، هموطنلر
بو سئوگی گؤزومده سو کیمی اولدو
ایچدیم دویانمادیم ایچمه‌دیم یاندیم
بیر چیچک یاشادیم یاشیل باغچادا
آچدیم قالانمادیم آچمادیم یاندیم
سوسادیم بیر آخار بولاق سایاغی
یاغیش دا غرق اولدو سئوگینین باغی
سئودیم اوز ایچیمده قارانی آغی
کؤچدوم گئدنمه‌دیم کؤچمه‌دیم یاندیم
کپه‌نک سئوگیمی دریب آپاردی
آپاردی گؤزومده توفان قوپاردی
بیلمه‌دیم زیروه‌لر یاغیشدی قاردی
کئچدیم کئچنمه‌دیم کئچمه‌دیم یاندیم
گونشه بویلاندیم آیا بویلاندیم
ایچیمده دوغولان هایا بویلاندیم
گؤزومدن سوزولن چایا بویلاندیم
اوچدوم دؤزنمه‌دیم اوچمادیم یاندیم
✍🏼 جانای
🆔 @khalkhalim
بو سئوگی گؤزومده سو کیمی اولدو
ایچدیم دویانمادیم ایچمه‌دیم یاندیم
بیر چیچک یاشادیم یاشیل باغچادا
آچدیم قالانمادیم آچمادیم یاندیم
سوسادیم بیر آخار بولاق سایاغی
یاغیش دا غرق اولدو سئوگینین باغی
سئودیم اوز ایچیمده قارانی آغی
کؤچدوم گئدنمه‌دیم کؤچمه‌دیم یاندیم
کپه‌نک سئوگیمی دریب آپاردی
آپاردی گؤزومده توفان قوپاردی
بیلمه‌دیم زیروه‌لر یاغیشدی قاردی
کئچدیم کئچنمه‌دیم کئچمه‌دیم یاندیم
گونشه بویلاندیم آیا بویلاندیم
ایچیمده دوغولان هایا بویلاندیم
گؤزومدن سوزولن چایا بویلاندیم
اوچدوم دؤزنمه‌دیم اوچمادیم یاندیم
✍🏼 جانای
🆔 @khalkhalim
💠 #گون_آیدین، هموطنلر
سوکوتا بورونوب یوللارلا، آنلار،
گؤیلر ده ساللاییب قاشین - قاباغین.
گئتمک ایسته‌ییرسن، آددیمین گلمیر
گؤزومه باغلی‌دیر سنین آیاغین.
اوخلانیب گؤزومه، گؤزلرین سنین
باخیشین جالاییر کؤنلومه سازاق.
آیریلیق ناغیلین اوخویورام من،
هر کیپریک چالاندا دؤنور بیر واراق.
جومورام کؤنلونه آی دنیز گؤزلوم!
کؤنلون دالغالانیب چاغلاییر منی.
آدیمی سیلیرسن بو گون بختیندن
گؤزلر داملا ـ داملا آغلاییر منی.
بو گون سن گئدیرسن کدرلی‌یم من
دونوب‌دور آغزیمدا فریادیم-سؤزوم.
یوخ-یوخ! آغلاماییر دالینجا سنین،
«اوغور اولسون» دئیه سو سپیر گؤزوم.
نه واختسیز کؤچورسن سونقور باخیشلیم!
هاچان یازدا کؤچور گؤللرین قازی؟!
آی ایپک قانادلیم! سن کی بیر داها،
قاییتمایاجاقسان، نئینیرم یازی؟!
داشلار دا آغلاییر ویداع مارشینا
یوللار دا دوشونوب سون نییتینی.
آیاقلا آرزیمی! خوش گونه قوووش!
ایسترم دونیادا سعادتینی.
دئمیشدیم آنانا: "سئودیییم گؤزل،
سیزین قیزینیزدیر، منیم اولاجاق!"
بیلمزدیم ساچین تک باخدیم قارادی،
آرزی چیچک‌لریم بیر گون سولاجاق.
منیمسه بختیمدن بئله گلیبدیر،
هئچ آلوو بئله‌جه منی یاخمادی.
اوچدو آرزیلاردان تیکدیییم بینا،
ییخیلمیش تاواندان توز دا قالخمادی.
گئتدین بخت ائوینه، یولون اوغورلو
ظن ائتمه اؤز الیم ـ اؤز باشیم اولدو.
گئتدین‌می، حیاتین اوغوللو ـ قیزلی
منیمسه سیرداشیم گؤز یاشیم اولدو.
گؤز یاشیم جواهیر، گؤز یاشیم اینجی
دایان، گئتمه! دایان دردینی آلیم!
آغارمیش ساچیمین ساپینا دوزوب،
بو سون یادیگاری بوینونا سالیم.
آتالار دئییبلر: "حیاتین یولو،
یاری قیسمت اولسا، یاری همت‌دیر"
اولدوقجا چالیشدیم، چاتمادیم سنه
خوشبخت اول گؤزلیم! بودا قیسمت‌دیر.
«الویداع» دئییرم تیترک دوداقلا
لاکین آرزیم - عشقیم دومانا دؤنور.
سؤزلریم آسانجا قوپور دیلیمدن
آنجاق گؤروشوموز گومانا دؤنور.
کؤکسومده قیزیلدان بیر سارای سالدیم
یاشارسان عؤمورلوک دیله‌ییمده سن.
گؤزومدن گئتسن ده، اوزاق دییلسن
رویالاریمداسان، اوره‌ییمده‌سن.
✍🏼 حسن اومود اوغلو
🆔 @khalkhalim
سوکوتا بورونوب یوللارلا، آنلار،
گؤیلر ده ساللاییب قاشین - قاباغین.
گئتمک ایسته‌ییرسن، آددیمین گلمیر
گؤزومه باغلی‌دیر سنین آیاغین.
اوخلانیب گؤزومه، گؤزلرین سنین
باخیشین جالاییر کؤنلومه سازاق.
آیریلیق ناغیلین اوخویورام من،
هر کیپریک چالاندا دؤنور بیر واراق.
جومورام کؤنلونه آی دنیز گؤزلوم!
کؤنلون دالغالانیب چاغلاییر منی.
آدیمی سیلیرسن بو گون بختیندن
گؤزلر داملا ـ داملا آغلاییر منی.
بو گون سن گئدیرسن کدرلی‌یم من
دونوب‌دور آغزیمدا فریادیم-سؤزوم.
یوخ-یوخ! آغلاماییر دالینجا سنین،
«اوغور اولسون» دئیه سو سپیر گؤزوم.
نه واختسیز کؤچورسن سونقور باخیشلیم!
هاچان یازدا کؤچور گؤللرین قازی؟!
آی ایپک قانادلیم! سن کی بیر داها،
قاییتمایاجاقسان، نئینیرم یازی؟!
داشلار دا آغلاییر ویداع مارشینا
یوللار دا دوشونوب سون نییتینی.
آیاقلا آرزیمی! خوش گونه قوووش!
ایسترم دونیادا سعادتینی.
دئمیشدیم آنانا: "سئودیییم گؤزل،
سیزین قیزینیزدیر، منیم اولاجاق!"
بیلمزدیم ساچین تک باخدیم قارادی،
آرزی چیچک‌لریم بیر گون سولاجاق.
منیمسه بختیمدن بئله گلیبدیر،
هئچ آلوو بئله‌جه منی یاخمادی.
اوچدو آرزیلاردان تیکدیییم بینا،
ییخیلمیش تاواندان توز دا قالخمادی.
گئتدین بخت ائوینه، یولون اوغورلو
ظن ائتمه اؤز الیم ـ اؤز باشیم اولدو.
گئتدین‌می، حیاتین اوغوللو ـ قیزلی
منیمسه سیرداشیم گؤز یاشیم اولدو.
گؤز یاشیم جواهیر، گؤز یاشیم اینجی
دایان، گئتمه! دایان دردینی آلیم!
آغارمیش ساچیمین ساپینا دوزوب،
بو سون یادیگاری بوینونا سالیم.
آتالار دئییبلر: "حیاتین یولو،
یاری قیسمت اولسا، یاری همت‌دیر"
اولدوقجا چالیشدیم، چاتمادیم سنه
خوشبخت اول گؤزلیم! بودا قیسمت‌دیر.
«الویداع» دئییرم تیترک دوداقلا
لاکین آرزیم - عشقیم دومانا دؤنور.
سؤزلریم آسانجا قوپور دیلیمدن
آنجاق گؤروشوموز گومانا دؤنور.
کؤکسومده قیزیلدان بیر سارای سالدیم
یاشارسان عؤمورلوک دیله‌ییمده سن.
گؤزومدن گئتسن ده، اوزاق دییلسن
رویالاریمداسان، اوره‌ییمده‌سن.
✍🏼 حسن اومود اوغلو
🆔 @khalkhalim
💠 #گون_آیدین، هموطنلر
آی ایشیغی پنجره‌دن گیرنده،
سندن یانا خیال قورماق نه گؤزل!
یا بیر اوتوبوسدا، یا بیر ترَنده،
غوربت یورددان سنه وارماق نه گؤزل!
عشقین مایاسینی سندن آلیب دا،
شکیل‌لندیم سئودا دئنن قالیبدا.
ائوینیزین قاپیسینی چالیب دا،
ایلک چیخاندان سنی سورماق نه گؤزل!
اومیدی یوخسولا بول وئریر خودا،
مین توخوما جان وار بیر دامجی سودا.
گرک اویانیق اول، گرک یوخودا،
مندن باخیب سنی گؤرمک نه گؤزل!
قۇرۇمادان داها یولجولوق تری،
«گل!» دئیه یانینا چاغیرسان منی،
بوراخیب بیر یانا غمی-کدری،
دۏیا-دۏیا سنی سارماق نه گؤزل!
«عشق» دئیینجه، آنلاتدیغی هر شئی‌دیر،
اؤلدوردوکجه دادی گلن بیر شئی‌دیر.
عزرائیله جان وئرمه‌سی زور شئی‌دیر،
سن ایسترسن، سنه وئرمک نه گؤزل!
✍🏼 عبدالرحیم قاراقوچ
🆔 @khalkhalim
آی ایشیغی پنجره‌دن گیرنده،
سندن یانا خیال قورماق نه گؤزل!
یا بیر اوتوبوسدا، یا بیر ترَنده،
غوربت یورددان سنه وارماق نه گؤزل!
عشقین مایاسینی سندن آلیب دا،
شکیل‌لندیم سئودا دئنن قالیبدا.
ائوینیزین قاپیسینی چالیب دا،
ایلک چیخاندان سنی سورماق نه گؤزل!
اومیدی یوخسولا بول وئریر خودا،
مین توخوما جان وار بیر دامجی سودا.
گرک اویانیق اول، گرک یوخودا،
مندن باخیب سنی گؤرمک نه گؤزل!
قۇرۇمادان داها یولجولوق تری،
«گل!» دئیه یانینا چاغیرسان منی،
بوراخیب بیر یانا غمی-کدری،
دۏیا-دۏیا سنی سارماق نه گؤزل!
«عشق» دئیینجه، آنلاتدیغی هر شئی‌دیر،
اؤلدوردوکجه دادی گلن بیر شئی‌دیر.
عزرائیله جان وئرمه‌سی زور شئی‌دیر،
سن ایسترسن، سنه وئرمک نه گؤزل!
✍🏼 عبدالرحیم قاراقوچ
🆔 @khalkhalim
💠 #گون_آیدین، هموطنلر
بو قدر اورَکدن چاغیرما منی!
بیر گئجه آنسیزین گله بیله‌رم.
منی گؤزله‌ییرسن، اۇیۇمامیشسان،
سئوینجدن قاپیندا اؤله بیله‌رم.
بلکه ده حیاتا یئنی باشلارام،
ایچیمده کۆل‌لنن قۏر آلوولانار.
باخارسان، هئچ گئتمم، کؤله‌ن اولارام،
بلکه ده سئوَرسن منی، کیم بیلیر.
«قال!» دئسن، داغلارجا سئوه‌رم سنی،
بیر دنیز اولارام آیاقلاریندا.
عشق بو، اؤزله‌ییش بو؛ هئچ بللی اولماز،
قلبیم دورا بیلر دوداقلاریندا.
یا دا اونودارام کیم اولدوغومو،
خاطیرلامام بلکه آدیمی بئله.
بلکه ده چیلدیریب دلی اولارام،
سنه قوووشمانین هیَجانی‌یلا.
عشق بو؛ بیلینر می هارایا چاتیر؟!
نه دوردورور اؤزله‌یَنی، سئوَنی.
باخارسان، آنسیزین گله بیله‌رم،
بو قدر اورَکدن چاغیرما منی!
✍🏼 اومید یاشار اوغوزجان
🆔 @khalkhalim
بو قدر اورَکدن چاغیرما منی!
بیر گئجه آنسیزین گله بیله‌رم.
منی گؤزله‌ییرسن، اۇیۇمامیشسان،
سئوینجدن قاپیندا اؤله بیله‌رم.
بلکه ده حیاتا یئنی باشلارام،
ایچیمده کۆل‌لنن قۏر آلوولانار.
باخارسان، هئچ گئتمم، کؤله‌ن اولارام،
بلکه ده سئوَرسن منی، کیم بیلیر.
«قال!» دئسن، داغلارجا سئوه‌رم سنی،
بیر دنیز اولارام آیاقلاریندا.
عشق بو، اؤزله‌ییش بو؛ هئچ بللی اولماز،
قلبیم دورا بیلر دوداقلاریندا.
یا دا اونودارام کیم اولدوغومو،
خاطیرلامام بلکه آدیمی بئله.
بلکه ده چیلدیریب دلی اولارام،
سنه قوووشمانین هیَجانی‌یلا.
عشق بو؛ بیلینر می هارایا چاتیر؟!
نه دوردورور اؤزله‌یَنی، سئوَنی.
باخارسان، آنسیزین گله بیله‌رم،
بو قدر اورَکدن چاغیرما منی!
✍🏼 اومید یاشار اوغوزجان
🆔 @khalkhalim
💠 #گون_آیدین، هموطنلر
نازلانیب سئوگی یولون یوردو غزللرده پری
یازدیغیم دویغویا گؤز ووردو غزللرده پری
پاییزین شاختاسی یاتمیشدی دؤشومده، ال آتیب
باهارین دویمه لرین قیردی غزللرده پری
اوره ییمده یاشادیردیم اؤلومو بیر گولوشه
کوهنه قبریستانی دیندیردی غزللرده پری
کور دوماندایدی گؤزوم، بیر بولود افسانه سی تک
دارادی، توکدو، یودو، هوردو غزللرده پری
او گوزللیک بابی دیر، بیر باخیشا گوزگو کیمی
دالغا- دالغا منی سیندیردی غزللرده پری
مانی گؤرجک دایانیب گوزلرینین قارشیندا
حافظین موعجزه سین قوردو غزللرده پری
بیر ایپک سسله قونوب کونلومه گیزلین- گیزلین
بیر عؤمور نازلا کئفین سوردو غزللرده پری
✍🏼 یعقوب نیکزاد
🆔 @khalkhalim
نازلانیب سئوگی یولون یوردو غزللرده پری
یازدیغیم دویغویا گؤز ووردو غزللرده پری
پاییزین شاختاسی یاتمیشدی دؤشومده، ال آتیب
باهارین دویمه لرین قیردی غزللرده پری
اوره ییمده یاشادیردیم اؤلومو بیر گولوشه
کوهنه قبریستانی دیندیردی غزللرده پری
کور دوماندایدی گؤزوم، بیر بولود افسانه سی تک
دارادی، توکدو، یودو، هوردو غزللرده پری
او گوزللیک بابی دیر، بیر باخیشا گوزگو کیمی
دالغا- دالغا منی سیندیردی غزللرده پری
مانی گؤرجک دایانیب گوزلرینین قارشیندا
حافظین موعجزه سین قوردو غزللرده پری
بیر ایپک سسله قونوب کونلومه گیزلین- گیزلین
بیر عؤمور نازلا کئفین سوردو غزللرده پری
✍🏼 یعقوب نیکزاد
🆔 @khalkhalim
💠 #گون_آیدین، هموطنلر
گؤرن هارا اوچدو شاقراق گولوش‌لر،
اومیدلر خیالا دؤننده قالدی؟
تیترک هیجانلار، دوغما گؤروشلر،
الیم یئتیشمه‌ین دونَنده قالدی.
ایلکین محبّتین اودو، آتشی،
عشقیم بیر اورکده سؤننده قالدی؟
نه تئز غوروب ائتدی سئوگی گونشی!
نورو، حرارتی دونَنده قالدی.
طبیعت! نه بؤیوک سئحیرلرین وار!
نه وئردین‌سه، یئنه او سنده قالدی.
وئرنده نجیبسن، آلاندا غدّار،
دئین سخاوت ده دوننده قالدی.
ایللر کمند ایمیش اینسان بوینوندا،
عؤمرو دارا چکمک کمنده قالدی؟
زامانین آمانسیز، نامرد اوینوندا،
نه واردی، نه یوخدو دوننده قالدی.
نولدو دوزه دوشن او قوشا ایزلر؟
اوت باسدی، سارالمیش چمنده قالدی.
گؤزلر عئینک‌لردن مرحمت گؤزلر،
گؤزلرین شؤوقو ده دوننده قالدی.
یاتیردین، اویاندین بلکه سن، شاعیر!
ایللرین اوخلاری سینه‌نده قالدی،
بو گونه کئچدین‌می گؤره‌سن، شاعیر!
بلکه بو گونون ده دوننده قالدی؟
✍🏼 نبی خزری
🆔 @khalkhalim
گؤرن هارا اوچدو شاقراق گولوش‌لر،
اومیدلر خیالا دؤننده قالدی؟
تیترک هیجانلار، دوغما گؤروشلر،
الیم یئتیشمه‌ین دونَنده قالدی.
ایلکین محبّتین اودو، آتشی،
عشقیم بیر اورکده سؤننده قالدی؟
نه تئز غوروب ائتدی سئوگی گونشی!
نورو، حرارتی دونَنده قالدی.
طبیعت! نه بؤیوک سئحیرلرین وار!
نه وئردین‌سه، یئنه او سنده قالدی.
وئرنده نجیبسن، آلاندا غدّار،
دئین سخاوت ده دوننده قالدی.
ایللر کمند ایمیش اینسان بوینوندا،
عؤمرو دارا چکمک کمنده قالدی؟
زامانین آمانسیز، نامرد اوینوندا،
نه واردی، نه یوخدو دوننده قالدی.
نولدو دوزه دوشن او قوشا ایزلر؟
اوت باسدی، سارالمیش چمنده قالدی.
گؤزلر عئینک‌لردن مرحمت گؤزلر،
گؤزلرین شؤوقو ده دوننده قالدی.
یاتیردین، اویاندین بلکه سن، شاعیر!
ایللرین اوخلاری سینه‌نده قالدی،
بو گونه کئچدین‌می گؤره‌سن، شاعیر!
بلکه بو گونون ده دوننده قالدی؟
✍🏼 نبی خزری
🆔 @khalkhalim
💠 #گون_آیدین، هموطنلر
اویان اورگیمین مجنون سسینه
دلی‌یم- دولویام دنیزجه‌سینه
باخ زلال بیر عشقین معجزه‌سینه
گؤزلريم دولان‌دا پیالا کیمی
سن ای سودان دورو اینجه بیر خیال
گوجون وار گل منی اؤز الیندن آل
ساچین‌دا تئل اولدوم، یاناغین‌دا خال
سنین چون یانان‌دان بیر لالا کیمی
"یورغونون" سن آلدین دینین ایمانین
یاندیردین جیگرین کؤورلتدین جانین
گل آل قوینون اوست‌ده عؤمرون قالانین
قوی یاتیم قوینوندا بیر بالا کیمی!...
✍🏼 فرمان فرضی
🆔 @khalkhalim
اویان اورگیمین مجنون سسینه
دلی‌یم- دولویام دنیزجه‌سینه
باخ زلال بیر عشقین معجزه‌سینه
گؤزلريم دولان‌دا پیالا کیمی
سن ای سودان دورو اینجه بیر خیال
گوجون وار گل منی اؤز الیندن آل
ساچین‌دا تئل اولدوم، یاناغین‌دا خال
سنین چون یانان‌دان بیر لالا کیمی
"یورغونون" سن آلدین دینین ایمانین
یاندیردین جیگرین کؤورلتدین جانین
گل آل قوینون اوست‌ده عؤمرون قالانین
قوی یاتیم قوینوندا بیر بالا کیمی!...
✍🏼 فرمان فرضی
🆔 @khalkhalim