💠#گون_آیدین، هموطن‌لر
اؤزل عطرینی اؤزله‌دیم
قوجاغین‌دا یاتایدیم کاش
بیرده سنین‌لن ال-اله
خیال‌لارا باتایدیم کاش
کاشکی یاغیش آلتدا بیرده
اوشودوم‌ده، تیر ها تیر ده
سنلن تانیشدیغیم یئرده،
بیر ده سنه چاتایدیم کاش!
دیل-دوداغیم اسن حالدا
کئچمیش‌لردن کوسن حالدا
دردین منی کسن حالدا
عشقی-عشقه قاتایدیم کاش
آخی بئله بیلمیردیم کی
اولای‌لارا گولموردوم کی
دردی بیر-بیر، ایکی-ایکی
موفته‌سینه ساتایدیم کاش!...
✍🏼 مهدی سربازی علمداری
🆔 @khalkhalim
اؤزل عطرینی اؤزله‌دیم
قوجاغین‌دا یاتایدیم کاش
بیرده سنین‌لن ال-اله
خیال‌لارا باتایدیم کاش
کاشکی یاغیش آلتدا بیرده
اوشودوم‌ده، تیر ها تیر ده
سنلن تانیشدیغیم یئرده،
بیر ده سنه چاتایدیم کاش!
دیل-دوداغیم اسن حالدا
کئچمیش‌لردن کوسن حالدا
دردین منی کسن حالدا
عشقی-عشقه قاتایدیم کاش
آخی بئله بیلمیردیم کی
اولای‌لارا گولموردوم کی
دردی بیر-بیر، ایکی-ایکی
موفته‌سینه ساتایدیم کاش!...
✍🏼 مهدی سربازی علمداری
🆔 @khalkhalim
💠#گون_آیدین، هموطن‌لر
آغلاسان من سندن بتر آغلارام
یاشلی گؤزلرینه گیله بیل منی
بوتون دردلیلره همدرد اولموشام
هر زامان هر یئرده بئله بیل منی.
وورار کئشیش مکری قارا پنجه نی
گتیرر باشینا هر شکنجه نی
گؤزو یاشلی قویما قدیم گنجه نی
کرم سن یانیندا له له بیل منی.
درد اهلی کیم وارسا هامی منده دیر
دردین هر چئشیدی، تامی منده دیر
جمشیدین جم دولو جامی منده دیر
عشق ایله دوداغین سیله بیل منی.
قریبی گؤرنده قوربت چکنم
یئتیمی گؤرنده بویون بوکنم
من نییه بو قدر آغری چکنم
باشا دوش، درک ائیله، ائله بیل منی.
✍🏼 زلیمخان یعقوب
🆔 @khalkhalim
آغلاسان من سندن بتر آغلارام
یاشلی گؤزلرینه گیله بیل منی
بوتون دردلیلره همدرد اولموشام
هر زامان هر یئرده بئله بیل منی.
وورار کئشیش مکری قارا پنجه نی
گتیرر باشینا هر شکنجه نی
گؤزو یاشلی قویما قدیم گنجه نی
کرم سن یانیندا له له بیل منی.
درد اهلی کیم وارسا هامی منده دیر
دردین هر چئشیدی، تامی منده دیر
جمشیدین جم دولو جامی منده دیر
عشق ایله دوداغین سیله بیل منی.
قریبی گؤرنده قوربت چکنم
یئتیمی گؤرنده بویون بوکنم
من نییه بو قدر آغری چکنم
باشا دوش، درک ائیله، ائله بیل منی.
✍🏼 زلیمخان یعقوب
🆔 @khalkhalim
💠#گون_آیدین، هموطن‌لر
گول‌لره تاپشیرمیشام
سن گلینجه کؤچمه‌سین.
یئل‌لره تاپشیرمیشام
یانیندان دا کئچمه‌سین.
باهارا تاپشیرمیشام
قیشدا گیرسین یوخونا.
یول‌لارا تاپشیرمیشام
آشا-آشا داغلاردان،
سنی او اوزاقلاردان،
گتیرسینلر یاخینا.
گؤیلره تاپشیرمیشام
آغ دون بیچسین گونونه.
نئیلره تاپشیرمیشام
سون قویسون درد اونونه.
گونشه تاپشیرمیشام
اویناسین اوتاغیندا
گولوشه تاپشیرمیشام،
قایناسین دوداغیندا.
سئل‌لره تاپشیرمیشام
کؤرپونو دبرتمه‌سین.
ایللره تاپشیرمیشام،
نئچه کی بیز آیریییق،
عؤمروموزدن اؤتمه‌سین.
من سنی تاپشیرمیشام
ائله اؤزوم اؤزومه.
اؤزوم کؤچری قوشام،
ماهنیما تاپشیرمیشام
یاشاسین عوَضیمه.
ماهنیما تاپشیرمیشام
کؤنلونو سحر-آخشام
اوخشاسین عوَضیمه.
تاپشیراراق هامییا،
تاپشیراراق هر شئیه
آدینی دؤنه-دؤنه،
بیرجه کؤورک سئوگیمی
تاپشیریرام من سنه.
✍🏼 آغا لاچینلی
🆔 @khalkhalim
گول‌لره تاپشیرمیشام
سن گلینجه کؤچمه‌سین.
یئل‌لره تاپشیرمیشام
یانیندان دا کئچمه‌سین.
باهارا تاپشیرمیشام
قیشدا گیرسین یوخونا.
یول‌لارا تاپشیرمیشام
آشا-آشا داغلاردان،
سنی او اوزاقلاردان،
گتیرسینلر یاخینا.
گؤیلره تاپشیرمیشام
آغ دون بیچسین گونونه.
نئیلره تاپشیرمیشام
سون قویسون درد اونونه.
گونشه تاپشیرمیشام
اویناسین اوتاغیندا
گولوشه تاپشیرمیشام،
قایناسین دوداغیندا.
سئل‌لره تاپشیرمیشام
کؤرپونو دبرتمه‌سین.
ایللره تاپشیرمیشام،
نئچه کی بیز آیریییق،
عؤمروموزدن اؤتمه‌سین.
من سنی تاپشیرمیشام
ائله اؤزوم اؤزومه.
اؤزوم کؤچری قوشام،
ماهنیما تاپشیرمیشام
یاشاسین عوَضیمه.
ماهنیما تاپشیرمیشام
کؤنلونو سحر-آخشام
اوخشاسین عوَضیمه.
تاپشیراراق هامییا،
تاپشیراراق هر شئیه
آدینی دؤنه-دؤنه،
بیرجه کؤورک سئوگیمی
تاپشیریرام من سنه.
✍🏼 آغا لاچینلی
🆔 @khalkhalim
💠#گون_آیدین، هموطن‌لر
نئچه قیشیم، باهاریم وار،
گئتمه‌لی‌یم، قراریم وار.
گؤزو یاشلی نیگاریم وار،
اینصاف ائله، گلمه اؤلوم!
اوره‌ییمدن آتمادیغیم،
گؤزلر منی، ساتمادیغیم.
بیر آرزوم وار چاتمادیغیم،
هله گلمه، گلمه اؤلوم!
ائله بیلمه اوزاقدایام،
اوزاق دئییل، یاخیندایام،
چیرپینیرام، توروندایام،
بیرآز یوبان، گلمه اؤلوم!
یوللارینی ایزله‌ییردیم،
قیشقیراراق سس‌له‌ییردیم.
سنی دونن گؤزله‌ییردیم،
آمان، بو گون گلمه اؤلوم!
✍🏼 علی احمدوو
🆔 @khalkhalim
نئچه قیشیم، باهاریم وار،
گئتمه‌لی‌یم، قراریم وار.
گؤزو یاشلی نیگاریم وار،
اینصاف ائله، گلمه اؤلوم!
اوره‌ییمدن آتمادیغیم،
گؤزلر منی، ساتمادیغیم.
بیر آرزوم وار چاتمادیغیم،
هله گلمه، گلمه اؤلوم!
ائله بیلمه اوزاقدایام،
اوزاق دئییل، یاخیندایام،
چیرپینیرام، توروندایام،
بیرآز یوبان، گلمه اؤلوم!
یوللارینی ایزله‌ییردیم،
قیشقیراراق سس‌له‌ییردیم.
سنی دونن گؤزله‌ییردیم،
آمان، بو گون گلمه اؤلوم!
✍🏼 علی احمدوو
🆔 @khalkhalim
💠 #گون_آیدین، هموطن‌لر
آنا قلبیم اودلانیر،
سؤز دوشنده داعوادان.
بس دئییلمی ای انسانلار،
تؤکولدو قان، آخدی قان؟!
بس دئییلمی آنا تورپاق،
سو ایچدی گؤز یاشیندان؟
یئر اوزونده دوستو اولسون،
گرک انسان انسانین.
قلبیمده‌کی بو آرزولار،
آرزوسودور زامانین.
من آنایام، بو سسیمده،
یئرین- گؤیون دردی وار.
صلحه گلین، ای انسانلار!
یوخسا دونیا محو اولار.
سیلاح‌لاری یاندیرین،
عرشه قالخسین توستوسو!
هر اوبادا، هر بیر ائلده،
قاناد آچسین صلح سؤزو!
اوزو گولسون انسانلارین،
بایرام ائتسین یئر اوزو...
✍🏼 نوروز گنجه‌لی
🆔 @khalkhalim
آنا قلبیم اودلانیر،
سؤز دوشنده داعوادان.
بس دئییلمی ای انسانلار،
تؤکولدو قان، آخدی قان؟!
بس دئییلمی آنا تورپاق،
سو ایچدی گؤز یاشیندان؟
یئر اوزونده دوستو اولسون،
گرک انسان انسانین.
قلبیمده‌کی بو آرزولار،
آرزوسودور زامانین.
من آنایام، بو سسیمده،
یئرین- گؤیون دردی وار.
صلحه گلین، ای انسانلار!
یوخسا دونیا محو اولار.
سیلاح‌لاری یاندیرین،
عرشه قالخسین توستوسو!
هر اوبادا، هر بیر ائلده،
قاناد آچسین صلح سؤزو!
اوزو گولسون انسانلارین،
بایرام ائتسین یئر اوزو...
✍🏼 نوروز گنجه‌لی
🆔 @khalkhalim
💠 #گون_آیدین، هموطن‌لر
پاییزیم اوشویور سنسیز گونش یوخ
چکدیییم آجینی یئنه بیلمه‌دی.
یوخلوغون حسّ اولور، ایندی داها چوخ
داریخدین سؤیله‌دیم، آنجاق دینمه‌دی.
دئییرسن درد اولدو چیخیب گئتمه‌یین
سن گئدن او گوندن اوزوم گولمه‌دی!
سنجه ده دوغرویدو بو جور ائتمه‌یین؟!
باخیشین عاغلیمدان هئچ واخت ایتمه‌دی.
بیزیم موسیقینی چال ائی کامانچا
حسرتین توستوسو آمان وئرمه‌دی
سؤزونو توتمادی بیزیم یالانچی،
گله‌م دئسه ده هئچ واخت گلمه‌دی.
✍🏼 زهرا بابایئوا
🆔 @khalkhalim
پاییزیم اوشویور سنسیز گونش یوخ
چکدیییم آجینی یئنه بیلمه‌دی.
یوخلوغون حسّ اولور، ایندی داها چوخ
داریخدین سؤیله‌دیم، آنجاق دینمه‌دی.
دئییرسن درد اولدو چیخیب گئتمه‌یین
سن گئدن او گوندن اوزوم گولمه‌دی!
سنجه ده دوغرویدو بو جور ائتمه‌یین؟!
باخیشین عاغلیمدان هئچ واخت ایتمه‌دی.
بیزیم موسیقینی چال ائی کامانچا
حسرتین توستوسو آمان وئرمه‌دی
سؤزونو توتمادی بیزیم یالانچی،
گله‌م دئسه ده هئچ واخت گلمه‌دی.
✍🏼 زهرا بابایئوا
🆔 @khalkhalim
💠 #گون_آیدین، هموطن‌لر
من کؤنلومو بیر گون سنه ساتدیم یاغیش آتدا
ساندیم کی یاتان بختی اویاتدیم یاغیش آتدا
آغزیمدا سوسان دیل سنی گؤرجک ایشه دوشدو
آغزیم دولو بیر دفعه سؤز آتدیم یاغیش آتدا
گولدون منه، بیر کلمه دانیشجاق یولا دوشدون
سالدیم اوزومه آزجا یوباتدیم یاغیش آتدا
گزدیک تپه‌دن دیرناغا ایسلاندیق او آخشام
سن هئی سؤزو کسدین من اوزاتدیم یاغیش آتدا
آددیملاریلان تبریزی باشدان- باشا اؤشدوک
اؤپدوم سنی آتدیقجا هر آددیم یاغیش آتدا
آددیم باشی کؤنلوم غزل ایستردی گؤزوندن
بیلمم کی نه‌لر اوندا یاراتدیم یاغیش آتدا
دوشدو آرایا آیریلیق، ال- الدن اوزولدو
سندن اورک آخیرده قوپارتدیم یاغیش آتدا
مینلرجه غزل لال قالیب آغزیمدا او گوندن
سنسیز بو گون آغزیم دولو یاتدیم یاغیش آتدا
«درویش» او یالان سئوگینی بیر بوخچایا بوکدوم
گئتدیم گؤروشن یئرده بوشاتدیم یاغیش آتدا
✍🏼 محمد درویش تبریزلی
🆔 @khalkhalim
من کؤنلومو بیر گون سنه ساتدیم یاغیش آتدا
ساندیم کی یاتان بختی اویاتدیم یاغیش آتدا
آغزیمدا سوسان دیل سنی گؤرجک ایشه دوشدو
آغزیم دولو بیر دفعه سؤز آتدیم یاغیش آتدا
گولدون منه، بیر کلمه دانیشجاق یولا دوشدون
سالدیم اوزومه آزجا یوباتدیم یاغیش آتدا
گزدیک تپه‌دن دیرناغا ایسلاندیق او آخشام
سن هئی سؤزو کسدین من اوزاتدیم یاغیش آتدا
آددیملاریلان تبریزی باشدان- باشا اؤشدوک
اؤپدوم سنی آتدیقجا هر آددیم یاغیش آتدا
آددیم باشی کؤنلوم غزل ایستردی گؤزوندن
بیلمم کی نه‌لر اوندا یاراتدیم یاغیش آتدا
دوشدو آرایا آیریلیق، ال- الدن اوزولدو
سندن اورک آخیرده قوپارتدیم یاغیش آتدا
مینلرجه غزل لال قالیب آغزیمدا او گوندن
سنسیز بو گون آغزیم دولو یاتدیم یاغیش آتدا
«درویش» او یالان سئوگینی بیر بوخچایا بوکدوم
گئتدیم گؤروشن یئرده بوشاتدیم یاغیش آتدا
✍🏼 محمد درویش تبریزلی
🆔 @khalkhalim
💠 #گون_آیدین، هموطن‌لر
گونلریم آخیشیر بیر اؤیکو کیمی
دره‌دن دره‌یه آخان سو کیمی
دلبریم هرجایی بیر آهو کیمی
هجران داغلارینی آشارمی، سؤيله؟
سنسيز نه ذؤقو وار باغين - باهارين؟
آچان چیچکلرین، اوچان قوشلارین؟
سنسیز جنت اولسا کاینات یارین
هئچ منیم قوْهومو اوخشارمی سؤيله؟
سنينله باغلاييب من عهدى پيمان
دئديم قيسمتیميز اولماسين هجران
مُشفق قوش اولسا دا، گؤرسن بير آن
سندن اوزاقلارا اوچارمی، سؤيله؟
✍🏼 ميكائيل موشفیق
🆔 @khalkhalim
گونلریم آخیشیر بیر اؤیکو کیمی
دره‌دن دره‌یه آخان سو کیمی
دلبریم هرجایی بیر آهو کیمی
هجران داغلارینی آشارمی، سؤيله؟
سنسيز نه ذؤقو وار باغين - باهارين؟
آچان چیچکلرین، اوچان قوشلارین؟
سنسیز جنت اولسا کاینات یارین
هئچ منیم قوْهومو اوخشارمی سؤيله؟
سنينله باغلاييب من عهدى پيمان
دئديم قيسمتیميز اولماسين هجران
مُشفق قوش اولسا دا، گؤرسن بير آن
سندن اوزاقلارا اوچارمی، سؤيله؟
✍🏼 ميكائيل موشفیق
🆔 @khalkhalim
💠 #گون_آیدین، هموطن‌لر
عوض ائله فصیل‌لردن بیرینی،
ایلده بیرجه دفعه سن ده قاییت گل!
باهار اول، پاییز اول، نه اولورسان اول،
ایلده بیرجه دفعه سن ده قاییت گل!
قوربانام سنینله قیش گلن گونه،
قار، یاغیش عؤمرومه خوش گلن گونه.
قوشول یاشیم اوسته یاش گلن گونه،
ایلده بیرجه دفعه سن ده قاییت گل!
یئنه ده بیر داغین اتک یئرینده،
سنی گؤزله‌ییرم چیچک یئرینده.
گیزلن بیر چیچه‌یین لچک یئرینده،
ایلده بیرجه دفعه سن ده قاییت گل!
دردینی سینه‌مده بیتیرن گون‌تک،
سنی گؤزلریمدن ایتیرن گون‌تک،
ائله گئدیشینی گتیرن گون‌تک،
ایلده بیرجه دفعه سن ده قاییت گل!
قاییت کی، عؤمرومده توی بایرام اولسون،
گلدییین او هفته، آی بایرام اولسون،
منه ده بیر دفعه قوی بایرام اولسون،
ایلده بیرجه دفعه سن ده قاییت گل!
«والئه»ام، گئتدییین فصیل ده گلیر،
دونیایا بیر یئنی نسیل ده گلیر،
وطنسیز عؤمرومه بیر ایل ده گلیر،
ایلده بیرجه دفعه سن ده قاییت گل!...
✍🏼 والئه قوجا
🆔 @khalkhalim
عوض ائله فصیل‌لردن بیرینی،
ایلده بیرجه دفعه سن ده قاییت گل!
باهار اول، پاییز اول، نه اولورسان اول،
ایلده بیرجه دفعه سن ده قاییت گل!
قوربانام سنینله قیش گلن گونه،
قار، یاغیش عؤمرومه خوش گلن گونه.
قوشول یاشیم اوسته یاش گلن گونه،
ایلده بیرجه دفعه سن ده قاییت گل!
یئنه ده بیر داغین اتک یئرینده،
سنی گؤزله‌ییرم چیچک یئرینده.
گیزلن بیر چیچه‌یین لچک یئرینده،
ایلده بیرجه دفعه سن ده قاییت گل!
دردینی سینه‌مده بیتیرن گون‌تک،
سنی گؤزلریمدن ایتیرن گون‌تک،
ائله گئدیشینی گتیرن گون‌تک،
ایلده بیرجه دفعه سن ده قاییت گل!
قاییت کی، عؤمرومده توی بایرام اولسون،
گلدییین او هفته، آی بایرام اولسون،
منه ده بیر دفعه قوی بایرام اولسون،
ایلده بیرجه دفعه سن ده قاییت گل!
«والئه»ام، گئتدییین فصیل ده گلیر،
دونیایا بیر یئنی نسیل ده گلیر،
وطنسیز عؤمرومه بیر ایل ده گلیر،
ایلده بیرجه دفعه سن ده قاییت گل!...
✍🏼 والئه قوجا
🆔 @khalkhalim
💠 #گون_آیدین، هموطن‌لر
یام یاشیل قارا گوزلرون تئلون
قیرمیزی اینجه دوداغون بئلون
دگمه سین بیزه هوروگون یئلون
قدرویی افسوس بیله ن اولمادی
گوزوندن یاشی سیله ن اولمادی
فیکیر خیالون بئینیمده اوینور
بیر دفعه سنسیز منی تک قویمور
نه قدر باخیر سنلن گوز دویمور
سن گئدن گوندن اوزوم گولمه ییب
بیر سن بیر الله هئچ کیم بیلمه ییب
منی غملرده تک قویوب گئتدون
ارامیزدا سن آیریلیق ائتدون
اوره گون پایی گوزومدن ایتدون
آخیر گوز یاشیم یادیمنان چیخیین
گوز ویرانلارون ائوی ییخیلسن
گیزله دیر سنی گوزوم اوره کدن
خبر آلیرام گوزون چیچکدن
ایستیره م سنی والاه ایمکدن
سورونور ایاق سن گئدن یولا
آز قالیر اوره ک سارالا سولا
فیکیر خیالسیز قاباغیمداسان
یاتمیشام اما اویاغیمداسان
قیرمیزی آلمام قاباغیمداسان
سیندی قانادیم منلن اوچان یوخ
دیزله ریم گلمیر منلن قاچان یوخ
گئجه خبرون آی دان آلیرام
گونوزلر گونی دانیشدیریرام
اولدوزلار سایی سنی ده ساییرام
دونیادان تئزلی سن کوچوب گئتدون
وفاسیز نئیچون آیریلیق ائتدون
✍🏼 رحیم نظری
🆔 @khalkhalim
یام یاشیل قارا گوزلرون تئلون
قیرمیزی اینجه دوداغون بئلون
دگمه سین بیزه هوروگون یئلون
قدرویی افسوس بیله ن اولمادی
گوزوندن یاشی سیله ن اولمادی
فیکیر خیالون بئینیمده اوینور
بیر دفعه سنسیز منی تک قویمور
نه قدر باخیر سنلن گوز دویمور
سن گئدن گوندن اوزوم گولمه ییب
بیر سن بیر الله هئچ کیم بیلمه ییب
منی غملرده تک قویوب گئتدون
ارامیزدا سن آیریلیق ائتدون
اوره گون پایی گوزومدن ایتدون
آخیر گوز یاشیم یادیمنان چیخیین
گوز ویرانلارون ائوی ییخیلسن
گیزله دیر سنی گوزوم اوره کدن
خبر آلیرام گوزون چیچکدن
ایستیره م سنی والاه ایمکدن
سورونور ایاق سن گئدن یولا
آز قالیر اوره ک سارالا سولا
فیکیر خیالسیز قاباغیمداسان
یاتمیشام اما اویاغیمداسان
قیرمیزی آلمام قاباغیمداسان
سیندی قانادیم منلن اوچان یوخ
دیزله ریم گلمیر منلن قاچان یوخ
گئجه خبرون آی دان آلیرام
گونوزلر گونی دانیشدیریرام
اولدوزلار سایی سنی ده ساییرام
دونیادان تئزلی سن کوچوب گئتدون
وفاسیز نئیچون آیریلیق ائتدون
✍🏼 رحیم نظری
🆔 @khalkhalim