💠#گون_آیدین، هموطنلر
گوزگودن دورودور شاعير اورهييم
اونو حاق يولوندا دوز ائيلهميشم
داغ دا دؤزه بيلمز من چكن درده
من دؤزوب درديمى يوز ائيلهميشم
نه شؤهرته، نه ده آدا اويمادى
قادير آللاه اونو خجیل قويمادى
چوخلارى حاققينى يئدى، دويمادى
من ده حقيقته اوز ائيلهميشم
عشقين درياسيندان دولوب سهنگيم
نه قالام وار، نه ده توپوم-توفنگيم
قلم درياسيندا واردیر نهنگيم
"موغان اوغلو" يازيب سؤز ائيلهميشم
✍🏼 بختيار عليمرادی (موغان اوغلو)
🆔 @khalkhalim
گوزگودن دورودور شاعير اورهييم
اونو حاق يولوندا دوز ائيلهميشم
داغ دا دؤزه بيلمز من چكن درده
من دؤزوب درديمى يوز ائيلهميشم
نه شؤهرته، نه ده آدا اويمادى
قادير آللاه اونو خجیل قويمادى
چوخلارى حاققينى يئدى، دويمادى
من ده حقيقته اوز ائيلهميشم
عشقين درياسيندان دولوب سهنگيم
نه قالام وار، نه ده توپوم-توفنگيم
قلم درياسيندا واردیر نهنگيم
"موغان اوغلو" يازيب سؤز ائيلهميشم
✍🏼 بختيار عليمرادی (موغان اوغلو)
🆔 @khalkhalim
💠#گون_آیدین، هموطنلر
آه! بو قیسا سئودا یولو،
وورولمادی باشا؛ کؤنول!
حالال قلبه یول آختاردیم؛
چیخدی یولون داشا؛ کؤنول!
دؤننم عؤمرون غروبوندان؛
یؤن آلسام مرد غروروندان؛
وفالییا جانیم قوربان؛
وفاسیزدان حاشا! کؤنول!
بو اولاجاق هئچدن اولدو؛
نامرد آتان داشدان اولدو؛
سنین آغلین باشدان اولدو؛
نادان کئچدی باشا؛ کؤنول!
بیر ده هاردان بیزی آنلار؛
او زامانلار، او مکانلار؟
الیمیزه او خوش آنلار_
بیرده چتین دوشه؛ کؤنول!
گوناهکاری منمی_سنمی؟
گؤر آنلایا بیلرسنمی؟
گؤر یاشایا بیلرسنمی؟
یاشا منسیز! یاشا کؤنول!
✍🏼 ممد آراز
🆔 @khalkhalim
آه! بو قیسا سئودا یولو،
وورولمادی باشا؛ کؤنول!
حالال قلبه یول آختاردیم؛
چیخدی یولون داشا؛ کؤنول!
دؤننم عؤمرون غروبوندان؛
یؤن آلسام مرد غروروندان؛
وفالییا جانیم قوربان؛
وفاسیزدان حاشا! کؤنول!
بو اولاجاق هئچدن اولدو؛
نامرد آتان داشدان اولدو؛
سنین آغلین باشدان اولدو؛
نادان کئچدی باشا؛ کؤنول!
بیر ده هاردان بیزی آنلار؛
او زامانلار، او مکانلار؟
الیمیزه او خوش آنلار_
بیرده چتین دوشه؛ کؤنول!
گوناهکاری منمی_سنمی؟
گؤر آنلایا بیلرسنمی؟
گؤر یاشایا بیلرسنمی؟
یاشا منسیز! یاشا کؤنول!
✍🏼 ممد آراز
🆔 @khalkhalim
💠#گون_آیدین، هموطنلر
سنده، سندن اؤزگه بیر سن واریمیش،
گؤره بیلمهمیشم سندهکی سنی.
من ائله بیلیردیم سنی سئویرم،
دئمه سئویرمیشم مندهکی سنی!
بیر اؤزون ده دوشون خئییرمی شرمی؟
بو یولدا قسمتیم زیبیلمی، زَرمی؟
قادین دا بو قدر ایکیلَشَرمی؟!
کیم، کیمده تاپاجاق کیمدهکی سنی؟!
ایندی سن ده اؤزگه، من ده اؤزگهیم
نه سنه ایلک اومود، نه سون گیلئیَم.
بلکه ایتمک اوچون ایتیرهجهیم
هر گون آختاردیغیم گونده کی سنی!
بیر «ایوب» یازمیشدیم سینَنده قالدی
بیر لاله اکمیشدیم چیمَنده (چَمَنده) قالدی
بیر سن تانیییردیم دوننده قالدی
آللاه گؤرستمهسین بو گونکی سنی!!
✍🏼 ایوب کلبجرلی
🆔 @khalkhalim
سنده، سندن اؤزگه بیر سن واریمیش،
گؤره بیلمهمیشم سندهکی سنی.
من ائله بیلیردیم سنی سئویرم،
دئمه سئویرمیشم مندهکی سنی!
بیر اؤزون ده دوشون خئییرمی شرمی؟
بو یولدا قسمتیم زیبیلمی، زَرمی؟
قادین دا بو قدر ایکیلَشَرمی؟!
کیم، کیمده تاپاجاق کیمدهکی سنی؟!
ایندی سن ده اؤزگه، من ده اؤزگهیم
نه سنه ایلک اومود، نه سون گیلئیَم.
بلکه ایتمک اوچون ایتیرهجهیم
هر گون آختاردیغیم گونده کی سنی!
بیر «ایوب» یازمیشدیم سینَنده قالدی
بیر لاله اکمیشدیم چیمَنده (چَمَنده) قالدی
بیر سن تانیییردیم دوننده قالدی
آللاه گؤرستمهسین بو گونکی سنی!!
✍🏼 ایوب کلبجرلی
🆔 @khalkhalim
💠#گون_آیدین، هموطنلر
یوللاری داغ ائیلهدیم
گئتمهیه یولوم یوخدور.
بودادیم اؤز- اؤزومو
قانادیم، قولوم یوخدور.
نهدیر بو یالان، سیناق،
هم اولماق، هم اولماماق.
بلکه ده هئچ یاشاماق،
بلکه ده اؤلوم یوخدور.
دونیادا نه من، نه سن،
داها گلمهدن دئسن:
عزرائیل ال چک مندن
اؤلمهیه حالیم یوخدور...
✍🏼 روستم بهرودی
🆔 @khalkhalim
یوللاری داغ ائیلهدیم
گئتمهیه یولوم یوخدور.
بودادیم اؤز- اؤزومو
قانادیم، قولوم یوخدور.
نهدیر بو یالان، سیناق،
هم اولماق، هم اولماماق.
بلکه ده هئچ یاشاماق،
بلکه ده اؤلوم یوخدور.
دونیادا نه من، نه سن،
داها گلمهدن دئسن:
عزرائیل ال چک مندن
اؤلمهیه حالیم یوخدور...
✍🏼 روستم بهرودی
🆔 @khalkhalim
💠#گون_آیدین، هموطنلر
یئنه آت چاپدی مئیداندا، قوپاردی توز او جانانیم،
ال آتدی، سیلکهدی دامانینی، دوشدو یئره جانیم.
الیمدن دامنِ رُسوالیغی اول واختادک وئرمم،
کی، اؤرتولسون لحَد داشییله بو چاکِ گریبانیم.
کفنسیز یاخشیدیر وئرسم اگر جان کُنجِ عُزلتده،
نهیه لازم کفن اولسون اؤلندن سونرا زندانیم؟
کفنله قویمایین، دوستلار، اؤلرکن بوینوما بیر یوک!
یئتر، سایسیز یاراملا اؤرتولوبدور جسمِ عُریانیم.
مزاریم اوستونه گلسن، آچار دیل باشداشیم، سؤیلر:
کی، کئچمیشدیر نئجه سنسیز منیم ایّامِ هجرانیم.
مزاریم، ای «فضولی!» آیریلیق زندانینا دؤندو،
اؤلوم ده اولمادی، افسوس، بو دردلی جانا درمانیم.
✍🏼 حکیم ملامحمد فضولی
🆔 @khalkhalim
یئنه آت چاپدی مئیداندا، قوپاردی توز او جانانیم،
ال آتدی، سیلکهدی دامانینی، دوشدو یئره جانیم.
الیمدن دامنِ رُسوالیغی اول واختادک وئرمم،
کی، اؤرتولسون لحَد داشییله بو چاکِ گریبانیم.
کفنسیز یاخشیدیر وئرسم اگر جان کُنجِ عُزلتده،
نهیه لازم کفن اولسون اؤلندن سونرا زندانیم؟
کفنله قویمایین، دوستلار، اؤلرکن بوینوما بیر یوک!
یئتر، سایسیز یاراملا اؤرتولوبدور جسمِ عُریانیم.
مزاریم اوستونه گلسن، آچار دیل باشداشیم، سؤیلر:
کی، کئچمیشدیر نئجه سنسیز منیم ایّامِ هجرانیم.
مزاریم، ای «فضولی!» آیریلیق زندانینا دؤندو،
اؤلوم ده اولمادی، افسوس، بو دردلی جانا درمانیم.
✍🏼 حکیم ملامحمد فضولی
🆔 @khalkhalim
💠#گون_آیدین، هموطنلر
بیر دان اوزو هاواسی،
بیر غوروب نغمهسی چال!
اونلارین آراسیندا،
سن بیر روح کؤرپوسو سال!
دوشونَک!
آتلاناق آغیر-آغیر،
تلَسمهدن... صبیرله!
بیتهجک هر بیر جیغیر،
یول، بئشیکدن قبیره.
دوشونَک!
چؤلوموزدن ایچری،
ایچیمیزدن چؤلهجن،
یانلیش آددیم آتمایاق-
اینسانلیغی بؤلهجک.
دوشونَک!
✍🏼 ابوالفتح مدداوغلو
🆔 @khalkhalim
بیر دان اوزو هاواسی،
بیر غوروب نغمهسی چال!
اونلارین آراسیندا،
سن بیر روح کؤرپوسو سال!
دوشونَک!
آتلاناق آغیر-آغیر،
تلَسمهدن... صبیرله!
بیتهجک هر بیر جیغیر،
یول، بئشیکدن قبیره.
دوشونَک!
چؤلوموزدن ایچری،
ایچیمیزدن چؤلهجن،
یانلیش آددیم آتمایاق-
اینسانلیغی بؤلهجک.
دوشونَک!
✍🏼 ابوالفتح مدداوغلو
🆔 @khalkhalim
💠#گون_آیدین، هموطنلر
اؤزو بیرجه دفعه گئتمه ین یئره
اینسانی مین دفعه فیکیر آپاریر
اوچوروملار دیبینه، داغلار باشینا
خیال قلبیمیزی چکیر آپاریر
فیکیرلر قانادلی، دویغولار خومار
دونیامیز گئنیشدی، میدانیمیز دار
روحدا بیر کپنک ظریفلیگی وار
یئللر قانادینا بوکور آپاریر
گٶی بیزی توتسادا یاغیشا قارا
باغلانمیر بند - بره، کسیلمیر آرا
عشقیمیز قالخاندا اوجالیقلارا،
دیلیندن آللاها شوکور آپاریر
✍🏼 زلیمخان یعقوب
🆔 @khalkhalim
اؤزو بیرجه دفعه گئتمه ین یئره
اینسانی مین دفعه فیکیر آپاریر
اوچوروملار دیبینه، داغلار باشینا
خیال قلبیمیزی چکیر آپاریر
فیکیرلر قانادلی، دویغولار خومار
دونیامیز گئنیشدی، میدانیمیز دار
روحدا بیر کپنک ظریفلیگی وار
یئللر قانادینا بوکور آپاریر
گٶی بیزی توتسادا یاغیشا قارا
باغلانمیر بند - بره، کسیلمیر آرا
عشقیمیز قالخاندا اوجالیقلارا،
دیلیندن آللاها شوکور آپاریر
✍🏼 زلیمخان یعقوب
🆔 @khalkhalim
💠#گون_آیدین، هموطنلر
اورک یاشار همیشه
اومیدیله قول_بویون.
اومید یاشادار بیزی
اومیده هئیکل قویون.
اومید نئجه خوشقیلیق
اومید نئجه عشوهکار
او بوتون قیفیللارا
دوشن سیرلی بیر آچار .
تک اولسام، همصؤحبتیم
جوت اولسام، همکاریمدیر .
آج اولسام، او چؤرهییم
لوت اولسام، پالتاریمدیر .
اومیددیر دردیمیزین
سینهسینی داغلایان.
اومیددیر بو گونومو
صاباحیما باغلایان.
بیزیم مین_مین آرزوموز
هر واخت بیزدن اؤندهدیر.
پوچ اولان دیلک بئله
اومید یئدهییندهدیر .
اومید بیزدن چوخ یاشار
او، نه اول ، نه سوندور.
اومیدین عؤمرو ، واللاه
عؤمروموزدن اوزوندور .
اومیدله بیر اولاندا
حیات بیزه بال دادیر.
او، آلدادیب یاشادیر
او، یاشادیب یاشادیر.
هئیکل قویون اومیده
ترک ائتمز بیر آن بیزی
آرزویا قاناد وئریب
اودور یاشادان بیزی.
قانا_قانا آلداناق
بودور حیات، بودور حاق!
یاشایا بیلریکمی
اگر بیز آلدانماساق؟
✍🏼 بختیار واهابزاده
🆔 @khalkhalim
اورک یاشار همیشه
اومیدیله قول_بویون.
اومید یاشادار بیزی
اومیده هئیکل قویون.
اومید نئجه خوشقیلیق
اومید نئجه عشوهکار
او بوتون قیفیللارا
دوشن سیرلی بیر آچار .
تک اولسام، همصؤحبتیم
جوت اولسام، همکاریمدیر .
آج اولسام، او چؤرهییم
لوت اولسام، پالتاریمدیر .
اومیددیر دردیمیزین
سینهسینی داغلایان.
اومیددیر بو گونومو
صاباحیما باغلایان.
بیزیم مین_مین آرزوموز
هر واخت بیزدن اؤندهدیر.
پوچ اولان دیلک بئله
اومید یئدهییندهدیر .
اومید بیزدن چوخ یاشار
او، نه اول ، نه سوندور.
اومیدین عؤمرو ، واللاه
عؤمروموزدن اوزوندور .
اومیدله بیر اولاندا
حیات بیزه بال دادیر.
او، آلدادیب یاشادیر
او، یاشادیب یاشادیر.
هئیکل قویون اومیده
ترک ائتمز بیر آن بیزی
آرزویا قاناد وئریب
اودور یاشادان بیزی.
قانا_قانا آلداناق
بودور حیات، بودور حاق!
یاشایا بیلریکمی
اگر بیز آلدانماساق؟
✍🏼 بختیار واهابزاده
🆔 @khalkhalim
💠#گون_آیدین، هموطنلر
من ائله بیلیردیم، اَبَدی یازدی،
سن دئمه، پاییزدا گوللر سولارمیش.
من ائله بیلیردیم، سونسوزدو یوللار
سن دئمه، هر شئیین سونو اولورموش...
سن دئمه، محبت تک ووصال دئییل،
آیریلیق اولورسا، سئوگی وار ایمیش.
من ائله بیلیردیم، دونیا دَییشیب،
سن دئمه، دَییشَن انسانلار ایمیش.
من ائله بیلیردیم منیمدی جهان،
بیر آیلی-گونشلی یئر کورهسییم.
سن دئمه عؤمروموز بیرجه آن دئییل،
اولسا بو دونیانین بیر ذرّهسییم...
دونیانی سئومیشم، کؤنول وئرمیشم،
هر دوغان سَحَره، هر آچان گوله.
خوشبخت اولماق اوچون دونیادا بلکه،
یاخشیکی، چوخ شئیی بیلمیرم هله...
✍🏼 بابا وزیراوغلو
🆔 @khalkhalim
من ائله بیلیردیم، اَبَدی یازدی،
سن دئمه، پاییزدا گوللر سولارمیش.
من ائله بیلیردیم، سونسوزدو یوللار
سن دئمه، هر شئیین سونو اولورموش...
سن دئمه، محبت تک ووصال دئییل،
آیریلیق اولورسا، سئوگی وار ایمیش.
من ائله بیلیردیم، دونیا دَییشیب،
سن دئمه، دَییشَن انسانلار ایمیش.
من ائله بیلیردیم منیمدی جهان،
بیر آیلی-گونشلی یئر کورهسییم.
سن دئمه عؤمروموز بیرجه آن دئییل،
اولسا بو دونیانین بیر ذرّهسییم...
دونیانی سئومیشم، کؤنول وئرمیشم،
هر دوغان سَحَره، هر آچان گوله.
خوشبخت اولماق اوچون دونیادا بلکه،
یاخشیکی، چوخ شئیی بیلمیرم هله...
✍🏼 بابا وزیراوغلو
🆔 @khalkhalim
💠#گون_آیدین، هموطنلر
بو دلی یاغیش دلیسی
قار قانادلی قوش دلیسی
ماوی بیر اوچوش دلیسی
بو دلینین گوناهی نه؟!
هئچ بیلمهدی تویدو یاسدی
گؤزلریندن اؤزون آسدی
کؤلگهسینی داشا باسدی
بو دلینین گوناهی نه؟!
آیاغیندا مین خیاوان
اؤزون یئییر یاوان-یاوان
توتهییندن فیشقیریر قان
بو دلینین گوناهی نه؟!..
✍🏼 دومان بختیاری
🆔 @khalkhalim
بو دلی یاغیش دلیسی
قار قانادلی قوش دلیسی
ماوی بیر اوچوش دلیسی
بو دلینین گوناهی نه؟!
هئچ بیلمهدی تویدو یاسدی
گؤزلریندن اؤزون آسدی
کؤلگهسینی داشا باسدی
بو دلینین گوناهی نه؟!
آیاغیندا مین خیاوان
اؤزون یئییر یاوان-یاوان
توتهییندن فیشقیریر قان
بو دلینین گوناهی نه؟!..
✍🏼 دومان بختیاری
🆔 @khalkhalim