💠 #گون_آیدین، هموطن‌‌لر
اویان اورگیمین مجنون سسینه
دلی‌یم- دولویام دنیزجه‌سینه
باخ زلال بیر عشقین معجزه‌سینه
گؤزلريم دولان‌دا پیالا کیمی
سن ای سودان دورو اینجه بیر خیال
گوجون وار گل منی اؤز الیندن آل
ساچین‌دا تئل اولدوم، یاناغین‌دا خال
سنین چون یانان‌دان بیر لالا کیمی
"یورغونون" سن آلدین دینین ایمانین
یاندیردین جیگرین کؤورلتدین جانین
گل آل قوینون اوست‌ده عؤمرون قالانین
قوی یاتیم قوینوندا بیر بالا کیمی!...
✍🏼 فرمان فرضی
🆔 @khalkhalim
اویان اورگیمین مجنون سسینه
دلی‌یم- دولویام دنیزجه‌سینه
باخ زلال بیر عشقین معجزه‌سینه
گؤزلريم دولان‌دا پیالا کیمی
سن ای سودان دورو اینجه بیر خیال
گوجون وار گل منی اؤز الیندن آل
ساچین‌دا تئل اولدوم، یاناغین‌دا خال
سنین چون یانان‌دان بیر لالا کیمی
"یورغونون" سن آلدین دینین ایمانین
یاندیردین جیگرین کؤورلتدین جانین
گل آل قوینون اوست‌ده عؤمرون قالانین
قوی یاتیم قوینوندا بیر بالا کیمی!...
✍🏼 فرمان فرضی
🆔 @khalkhalim
💠 #گون_آیدین، هموطن‌‌لر
ائل ایچینده دوغرو ترپن
سن اؤلنده ائل آغلاسين
هاراي چكسين گؤيده بولود
چايدان آخان سئل آغلاسين
حيران قالسين يورد دا ياغي
تاي توشلارين چكسين آغي
اسدیکجه هر سحر چاغی
قوزئیلرده یئل آغلاسين
سسين چاتسين سون زامانا
تاريخ قالسين يانا يانا
زليخانين احوالينا
آلوولانان نيل آغلاسين
سئوگي قالسين نفسينده
قان ياغديرسين گؤز ياسيندا
تئللي سازين دنياسيندا
مضراب يانيب تئل آغلاسين
توشلاناسان قاييب اوخا
قوي سؤكولسون قارا ياخا
يوللارينا باخا باخا
آخشام صاباح يول آغلاسين
✍🏼 علی رشتبر قاییب
🆔 @khalkhalim
ائل ایچینده دوغرو ترپن
سن اؤلنده ائل آغلاسين
هاراي چكسين گؤيده بولود
چايدان آخان سئل آغلاسين
حيران قالسين يورد دا ياغي
تاي توشلارين چكسين آغي
اسدیکجه هر سحر چاغی
قوزئیلرده یئل آغلاسين
سسين چاتسين سون زامانا
تاريخ قالسين يانا يانا
زليخانين احوالينا
آلوولانان نيل آغلاسين
سئوگي قالسين نفسينده
قان ياغديرسين گؤز ياسيندا
تئللي سازين دنياسيندا
مضراب يانيب تئل آغلاسين
توشلاناسان قاييب اوخا
قوي سؤكولسون قارا ياخا
يوللارينا باخا باخا
آخشام صاباح يول آغلاسين
✍🏼 علی رشتبر قاییب
🆔 @khalkhalim
💠 #گون_آیدین، هموطن‌‌لر
اونون گؤرکمینه سن نییه گولدون،
یتیم طالعینه گولمزلر، بالا.
تانری‌دان بیر آزجا سئوینجی وارسا،
اونو دا سوپوروب سیلمزلر، بالا.
چیخیب طبیعتین الیندن خطا،
قانادسیز قوش کیمی‌گلیب حیاتا.
ساغیندا آنا یوخ، سولوندا آتا،
گئدن‌لر گئری‌یه گلمزلر، بالا.
درددن بیز- بیز اولار باشی‌نین توکو،
حسرتدن بوداغی، کدردن کؤکو،
آتاسیز اولانین چکدییی یوکو-
آتالی اولانلار بیلمزلر، بالا.
✍🏼 زلیم خان یعقوب
🆔 @khalkhalim
اونون گؤرکمینه سن نییه گولدون،
یتیم طالعینه گولمزلر، بالا.
تانری‌دان بیر آزجا سئوینجی وارسا،
اونو دا سوپوروب سیلمزلر، بالا.
چیخیب طبیعتین الیندن خطا،
قانادسیز قوش کیمی‌گلیب حیاتا.
ساغیندا آنا یوخ، سولوندا آتا،
گئدن‌لر گئری‌یه گلمزلر، بالا.
درددن بیز- بیز اولار باشی‌نین توکو،
حسرتدن بوداغی، کدردن کؤکو،
آتاسیز اولانین چکدییی یوکو-
آتالی اولانلار بیلمزلر، بالا.
✍🏼 زلیم خان یعقوب
🆔 @khalkhalim
💠 #گون_آیدین، هموطن‌‌لر
یئنه سن سیز بو آخشام،
یوخو قاچمیش گؤزومدن.
سنی دئییب دورموشام،
خبریم یوخ اؤزومدن.
گئجه یومور گؤزونو،
گل گؤزومون ایشیغی.
تئز اول یئتیر اؤزونو،
عؤمرومون یاراشیغی.
سمادن قوپوب دوشن،
یانار بیر اولدوزام من.
سؤنوب اودوم-اوجاغیم،
تنهایام، یالقیزام من.
هارداسان سئوگیلیم؟ گل..
گؤزله‌ییرم یولونو...
توکه‌نیبدیر طاقتیم،
سال بوینوما قولونو...
✍🏼 میرزه‌آغا آتش
🆔 @khalkhalim
یئنه سن سیز بو آخشام،
یوخو قاچمیش گؤزومدن.
سنی دئییب دورموشام،
خبریم یوخ اؤزومدن.
گئجه یومور گؤزونو،
گل گؤزومون ایشیغی.
تئز اول یئتیر اؤزونو،
عؤمرومون یاراشیغی.
سمادن قوپوب دوشن،
یانار بیر اولدوزام من.
سؤنوب اودوم-اوجاغیم،
تنهایام، یالقیزام من.
هارداسان سئوگیلیم؟ گل..
گؤزله‌ییرم یولونو...
توکه‌نیبدیر طاقتیم،
سال بوینوما قولونو...
✍🏼 میرزه‌آغا آتش
🆔 @khalkhalim
💠 #گون_آیدین، هموطن‌‌لر
بو دونیانین بازاریندا ساتماغا
آلما دا وار، هئیوا دا وار، نار دا وار
آداملاری الینده، اویناتماغا
قاوال دا وار، کامان دا وار، تار دا وار
بیری آتان بیری اونو توتاندیر
کیم اوتوزوب؟ کیمسه اونو اوتاندیر
قاپیسیندا بو نئجه بیر توکاندیر؟؟؟
قاتار قاتار دوشمان دا وار، یار دا وار
یوخاریدا عدالت‌دن خبر یوخ
آشاغیدا محببتدن اورک توخ
بیر اوجوندا آزادلیغین یئری چوخ
بیر اوجوندا دوستاق دا وار، دار دا وار
اصلین کؤکون ایتیرن‌لر اورتادا
تئیخا سئویب ایسته‌ینلر قیرنادا
چیینی اوسته بو سالدیغی توربادا
ناموس دا وار غئیرت ده وار عار دا وار
ایستر بؤیوک موشتریسی جوجوقدور
هنده‌وری باشی دولو شولوقدور
بیر کؤپوکدور، بیر ایچی‌بوش قوووق‌دور
بو اویوندان اویونچاغدان هاردا وار؟
بو باش سالام، او باش ویداع سؤیله‌ییر
سیناندیقجا اینسان هوشا گلمه‌ییر
اریمه‌ییر اوتانماییر اؤلمه‌ییر…
نه سیرر گؤرن بو بیری یوخ واردا وار؟
✍🏼 ثریا بخشی آیلار
🆔 @khalkhalim
بو دونیانین بازاریندا ساتماغا
آلما دا وار، هئیوا دا وار، نار دا وار
آداملاری الینده، اویناتماغا
قاوال دا وار، کامان دا وار، تار دا وار
بیری آتان بیری اونو توتاندیر
کیم اوتوزوب؟ کیمسه اونو اوتاندیر
قاپیسیندا بو نئجه بیر توکاندیر؟؟؟
قاتار قاتار دوشمان دا وار، یار دا وار
یوخاریدا عدالت‌دن خبر یوخ
آشاغیدا محببتدن اورک توخ
بیر اوجوندا آزادلیغین یئری چوخ
بیر اوجوندا دوستاق دا وار، دار دا وار
اصلین کؤکون ایتیرن‌لر اورتادا
تئیخا سئویب ایسته‌ینلر قیرنادا
چیینی اوسته بو سالدیغی توربادا
ناموس دا وار غئیرت ده وار عار دا وار
ایستر بؤیوک موشتریسی جوجوقدور
هنده‌وری باشی دولو شولوقدور
بیر کؤپوکدور، بیر ایچی‌بوش قوووق‌دور
بو اویوندان اویونچاغدان هاردا وار؟
بو باش سالام، او باش ویداع سؤیله‌ییر
سیناندیقجا اینسان هوشا گلمه‌ییر
اریمه‌ییر اوتانماییر اؤلمه‌ییر…
نه سیرر گؤرن بو بیری یوخ واردا وار؟
✍🏼 ثریا بخشی آیلار
🆔 @khalkhalim
💠 #گون_آیدین، هموطن‌‌لر
گؤزلریندن بیر شکیل چک
آرخاسیندا دومان اولسون
او شکیلده آخشام چاغی
سئویشمه‌گه زامان اولسون
ساچ‌لارینی تؤک اوزونه
قاش‌لارینی آت یوخاری
اوره‌گینه قوربان اولوم
گؤز آلتی باخ منه ساری
سئوگی دولو دونیامیزین
آدینی سنه چیخمیشام
الینی قوی اوره‌گیمه
بئله یامان داریخمیشام
گؤزلریمین قاراسیندا
یازدیم آدین سیلینمه‌سین
یاساق اولموش بو سئوگیده
ائله سئو کی بیلینمه‌سین
✍🏼 جانای
🆔 @khalkhalim
گؤزلریندن بیر شکیل چک
آرخاسیندا دومان اولسون
او شکیلده آخشام چاغی
سئویشمه‌گه زامان اولسون
ساچ‌لارینی تؤک اوزونه
قاش‌لارینی آت یوخاری
اوره‌گینه قوربان اولوم
گؤز آلتی باخ منه ساری
سئوگی دولو دونیامیزین
آدینی سنه چیخمیشام
الینی قوی اوره‌گیمه
بئله یامان داریخمیشام
گؤزلریمین قاراسیندا
یازدیم آدین سیلینمه‌سین
یاساق اولموش بو سئوگیده
ائله سئو کی بیلینمه‌سین
✍🏼 جانای
🆔 @khalkhalim
💠 #گون_آیدین، هموطن‌‌لر
سن ائله بیر واختدا راست گلدین منه،
قوروموش بولاغام، بولانمیش سویام.
سن ائله بیر واختدا راست گلدین منه،
اوخونموش نغمه‌یم، چالینمیش تویام.
نه گوجوم چاتدی کی سندن یاپیشام،
نه گوجوم چاتدی کی، سندن قاچام من.
نه اودوم اولدو کی یانام، آلیشام،
نه سئحریم اولدو کی، جاوانلاشام من.
سن ائله بیر واختدا راست گلدین منه،
عؤمرون پاییز واختی، خزل چاغی‌یدی.
سن ائله بیر واختدا راست گلدین منه
سنین گنج‌لییینین گؤزل چاغی‌یدی.
نه دئیه بیلدیم کی، توتماز سئودامیز،
نه دئیه بیلدیم کی، توتار بیزیمکی.
بیزیمدیر سمادا آخان او اولدوز،
او اوزاقدا ایتن قاتار بیزیمدی.
سن ائله بیر واختدا راست گلدین منه،
دایانیب دورموشدوم یول آیریجیندا.
سن ائله بیر واختدا راست گلدین منه،
بیر اوزوم جاواندی، بیر اوزوم قوجا.
نه دئیه بیلدیم کی سئون چاغیمدی،
نه دئدیم سئویرم، منه دایاق اول.
نه دئیه بیلدیم کی، منه یاخین دور،
نه دئیه بیلدیم کی، مندن اوزاق اول.
سن ائله بیر واختدا راست گلدین منه،
عؤمرون عشق باده‌سی ایچیلمیش ایدی.
سن ائله بیر واختدا راست گلدین منه،
منزیلیمین چوخو کئچیلمیش ایدی.
نه دئیه بیلدیم کی اورک‌سن منه،
نه دئیه بیلدیم کی، اورک دئییلسن.
نه دئیه بیلدیم کی گرک‌سن منه،
نه دئیه بیلدیم کی، گرک دئییلسن.
سن ائله بیر واختدا راست گلدین منه،
بو نئجه فصیلدی، نئجه واخت ایدی؟
سن ائله بیر واختدا راست گلدین منه،
بو نئجه طالعدی، نئجه بخت ایدی؟
نه دئیه بیلدیم کی، پناهسیزام من،
نه دئیه بیلدیم کی پناه منده‌دیر.
نه دئیه بیلدیم کی گوناهسیزام من،
نه دئیه بیلدیم کی گوناه منده‌دیر.
سن ائله بیر واختدا راست گلدین منه،
اؤزوم اؤز حالیما گولمک ایستدیم
سن ائله بیر واختدا راست گلدین منه،
تزه‌دن دونیایا گلمک ایستدیم....
✍🏼 جابیر نووروز
🆔 @khalkhalim
سن ائله بیر واختدا راست گلدین منه،
قوروموش بولاغام، بولانمیش سویام.
سن ائله بیر واختدا راست گلدین منه،
اوخونموش نغمه‌یم، چالینمیش تویام.
نه گوجوم چاتدی کی سندن یاپیشام،
نه گوجوم چاتدی کی، سندن قاچام من.
نه اودوم اولدو کی یانام، آلیشام،
نه سئحریم اولدو کی، جاوانلاشام من.
سن ائله بیر واختدا راست گلدین منه،
عؤمرون پاییز واختی، خزل چاغی‌یدی.
سن ائله بیر واختدا راست گلدین منه
سنین گنج‌لییینین گؤزل چاغی‌یدی.
نه دئیه بیلدیم کی، توتماز سئودامیز،
نه دئیه بیلدیم کی، توتار بیزیمکی.
بیزیمدیر سمادا آخان او اولدوز،
او اوزاقدا ایتن قاتار بیزیمدی.
سن ائله بیر واختدا راست گلدین منه،
دایانیب دورموشدوم یول آیریجیندا.
سن ائله بیر واختدا راست گلدین منه،
بیر اوزوم جاواندی، بیر اوزوم قوجا.
نه دئیه بیلدیم کی سئون چاغیمدی،
نه دئدیم سئویرم، منه دایاق اول.
نه دئیه بیلدیم کی، منه یاخین دور،
نه دئیه بیلدیم کی، مندن اوزاق اول.
سن ائله بیر واختدا راست گلدین منه،
عؤمرون عشق باده‌سی ایچیلمیش ایدی.
سن ائله بیر واختدا راست گلدین منه،
منزیلیمین چوخو کئچیلمیش ایدی.
نه دئیه بیلدیم کی اورک‌سن منه،
نه دئیه بیلدیم کی، اورک دئییلسن.
نه دئیه بیلدیم کی گرک‌سن منه،
نه دئیه بیلدیم کی، گرک دئییلسن.
سن ائله بیر واختدا راست گلدین منه،
بو نئجه فصیلدی، نئجه واخت ایدی؟
سن ائله بیر واختدا راست گلدین منه،
بو نئجه طالعدی، نئجه بخت ایدی؟
نه دئیه بیلدیم کی، پناهسیزام من،
نه دئیه بیلدیم کی پناه منده‌دیر.
نه دئیه بیلدیم کی گوناهسیزام من،
نه دئیه بیلدیم کی گوناه منده‌دیر.
سن ائله بیر واختدا راست گلدین منه،
اؤزوم اؤز حالیما گولمک ایستدیم
سن ائله بیر واختدا راست گلدین منه،
تزه‌دن دونیایا گلمک ایستدیم....
✍🏼 جابیر نووروز
🆔 @khalkhalim
💠 #گون_آیدین، هموطن‌‌لر
فریادیما بیلمم نییه بس هئچ کیم اویانمیر،
باتمیش قولاغی یا کی فلک یاخشی دۇیانمیر؟
گئتمیش یوخویا، یوخدو داها بیر اویاق اینسان،
بو عالَمیمیز بیر یوخودو- هئچ کیم اینانمیر.
سسسیز گئجه‌دیر، آی دا کی یاتمیش نه زامان‌دیر،
اولموش ائله ظولمت کی، بیر اولدوز دا دولانمیر.
اؤلموش هامی؛ دفن اولماغینا واخت ساییرلار،
من ده یاری جان، سانکی اجل جانیم آلانمیر.
باتمیش غمه عالم، یئنه یاسلی ائوه اوخشور،
واردیر سببی کیمسه بو عالمده قالانمیر.
بخت اولدوزومو غم یوخوسوندان اویادان یوخ،
بیچاره «کؤنول» بختی کیمی یاتمیش، اویانمیر.
✍🏼 فاطمه عبدی کؤنول
🆔 @khalkhalim
فریادیما بیلمم نییه بس هئچ کیم اویانمیر،
باتمیش قولاغی یا کی فلک یاخشی دۇیانمیر؟
گئتمیش یوخویا، یوخدو داها بیر اویاق اینسان،
بو عالَمیمیز بیر یوخودو- هئچ کیم اینانمیر.
سسسیز گئجه‌دیر، آی دا کی یاتمیش نه زامان‌دیر،
اولموش ائله ظولمت کی، بیر اولدوز دا دولانمیر.
اؤلموش هامی؛ دفن اولماغینا واخت ساییرلار،
من ده یاری جان، سانکی اجل جانیم آلانمیر.
باتمیش غمه عالم، یئنه یاسلی ائوه اوخشور،
واردیر سببی کیمسه بو عالمده قالانمیر.
بخت اولدوزومو غم یوخوسوندان اویادان یوخ،
بیچاره «کؤنول» بختی کیمی یاتمیش، اویانمیر.
✍🏼 فاطمه عبدی کؤنول
🆔 @khalkhalim
💠 #گون_آیدین، هموطن‌‌لر
اینساندا وفا یوخ، سؤزده اعتبار،
اوخشاری بیلمه‌دیم نه‌یه دونیانین.
گؤرمه‌دیم حیاتدا بیرجه اینسانی،
سعادت ناغیلین دئیه دونیانین.
اوندا باشسیز قالدی تاجلار، کولاهلار،
گدالار شاه اولدو، خوار اولدو شاهلار.
اوخ اولا حیاتدا چکیلن آهلار،
کؤکسونون باشینا دَیه دونیانین!
جفاسی چوخ اولدو آنلایانلارا،
گوج وئردی وعده‌سیز بانلایانلارا،
تاختینی بخش ائتدی قانمایانلارا،
گونو قیسمت اولدو بَی'ه دونیانین.
سالدی یوللاریمی دؤنوم-دؤنومه،
گئتدیکجه یامانلار چیخدی اؤنومه.
کئشکه او دا دوشه منیم گونومه،
قاپیسین غم الی دؤیه دونیانین!
نه قدر عؤمروم وار قارغارام اونو،
ازلی بال اولدو، زهر اولدو سونو.
دار گلدی «کؤنول»ه بیچدیگی دونو،
ایشلری ترس گلدی نییه دونیانین؟
✍🏼 فاطمه عبدی کؤنول
🆔 @khalkhalim
اینساندا وفا یوخ، سؤزده اعتبار،
اوخشاری بیلمه‌دیم نه‌یه دونیانین.
گؤرمه‌دیم حیاتدا بیرجه اینسانی،
سعادت ناغیلین دئیه دونیانین.
اوندا باشسیز قالدی تاجلار، کولاهلار،
گدالار شاه اولدو، خوار اولدو شاهلار.
اوخ اولا حیاتدا چکیلن آهلار،
کؤکسونون باشینا دَیه دونیانین!
جفاسی چوخ اولدو آنلایانلارا،
گوج وئردی وعده‌سیز بانلایانلارا،
تاختینی بخش ائتدی قانمایانلارا،
گونو قیسمت اولدو بَی'ه دونیانین.
سالدی یوللاریمی دؤنوم-دؤنومه،
گئتدیکجه یامانلار چیخدی اؤنومه.
کئشکه او دا دوشه منیم گونومه،
قاپیسین غم الی دؤیه دونیانین!
نه قدر عؤمروم وار قارغارام اونو،
ازلی بال اولدو، زهر اولدو سونو.
دار گلدی «کؤنول»ه بیچدیگی دونو،
ایشلری ترس گلدی نییه دونیانین؟
✍🏼 فاطمه عبدی کؤنول
🆔 @khalkhalim
💠 #گون_آیدین، هموطن‌‌لر
دیلیمیز دوستاق اولاندان آنام آغلار قالدی
دوداغیندا داغیلان قیرمیزی داغلار قالدی
باغا قار دوشدو گولون قول بوداغی قوورولدو
پاییز اوغروندا سینان یاسلی بوداقلار قالدی
گونشین باغری یاریلدی قارا'قان قایتاردی
یادداشیندا یازیغین ساپ ساری چاغلار قالدی
دیلی باغلی، الی باغلی، آیاغی قانداللی
آنالار یاندی کول اولدو، لال اوشاقلار قالدی
اوخولون هنده‌ورینده یازیمیز دوغراندی
فیکریمیز دوندو قیفیللاندی، دوداقلار قالدی
کئچمه‌گه چرچیوه‌سیندن آنامین یول سالدیق
چؤکولوب توپراغا باغلاندی آیاقلار قالدی
ساری گول قارغیشا توش گلدی بیزیم باغلاردا
هامی شنلیکده بیزیم قاپ باجا باغلار قالدی
دومانین دردی دئشیلدی قایالار سسلندی
تیتره‌دی سؤز چاناغی سیندی، چاناقلار قالدی
سیناغا چکدی ائلین دیل دنیزیندن کئچدی
اونون آردیندا سولان یاشلی یاناقلار قالدی
✍🏼 دومان بختیاری
🆔 @khalkhalim
دیلیمیز دوستاق اولاندان آنام آغلار قالدی
دوداغیندا داغیلان قیرمیزی داغلار قالدی
باغا قار دوشدو گولون قول بوداغی قوورولدو
پاییز اوغروندا سینان یاسلی بوداقلار قالدی
گونشین باغری یاریلدی قارا'قان قایتاردی
یادداشیندا یازیغین ساپ ساری چاغلار قالدی
دیلی باغلی، الی باغلی، آیاغی قانداللی
آنالار یاندی کول اولدو، لال اوشاقلار قالدی
اوخولون هنده‌ورینده یازیمیز دوغراندی
فیکریمیز دوندو قیفیللاندی، دوداقلار قالدی
کئچمه‌گه چرچیوه‌سیندن آنامین یول سالدیق
چؤکولوب توپراغا باغلاندی آیاقلار قالدی
ساری گول قارغیشا توش گلدی بیزیم باغلاردا
هامی شنلیکده بیزیم قاپ باجا باغلار قالدی
دومانین دردی دئشیلدی قایالار سسلندی
تیتره‌دی سؤز چاناغی سیندی، چاناقلار قالدی
سیناغا چکدی ائلین دیل دنیزیندن کئچدی
اونون آردیندا سولان یاشلی یاناقلار قالدی
✍🏼 دومان بختیاری
🆔 @khalkhalim