💠 #گون_آیدین، هموطن‌‌لر
یاغمایاجاغینی بیلدیگین بیر یاغیشی گؤزله‌مک،
یاساق بیر سسین گورولتوسو کیمی قولاقلاریندا.
دوداقلاریندا ایسلاق بیر تبسّوم،
گؤزلرین سندن اوزاقدا،
سن اؤزوندن.
کیم بیلیر کی منی؟!
هئچ گلمه‌یه‌جه‌یینی بیلدیگین بیر اوتوبوسو گؤزله‌مک،
آلارم‌لارین چیغلیقلاریندا بوغولارکن سسسیزلیک،
تر ایچینده اوووجلاریم،
و یئنه یالنیز روحوم بدنیمدن اوزاق،
من اؤزومدن.
کیم بیلیر کی سنی؟!
✍🏼 عبدالرحمن گولج
🆔 @khalkhalim
یاغمایاجاغینی بیلدیگین بیر یاغیشی گؤزله‌مک،
یاساق بیر سسین گورولتوسو کیمی قولاقلاریندا.
دوداقلاریندا ایسلاق بیر تبسّوم،
گؤزلرین سندن اوزاقدا،
سن اؤزوندن.
کیم بیلیر کی منی؟!
هئچ گلمه‌یه‌جه‌یینی بیلدیگین بیر اوتوبوسو گؤزله‌مک،
آلارم‌لارین چیغلیقلاریندا بوغولارکن سسسیزلیک،
تر ایچینده اوووجلاریم،
و یئنه یالنیز روحوم بدنیمدن اوزاق،
من اؤزومدن.
کیم بیلیر کی سنی؟!
✍🏼 عبدالرحمن گولج
🆔 @khalkhalim
💠 #گون_آیدین، هموطن‌‌لر
چیچک‌لر دوغولور بو یاز گئجه‌سی،
بو یاز گئجه‌سینده سئومه‌یه نه وار؟!
درسم گول‌لرینی بو گلن یازین
ساللانیب یئلله‌نسم بوداقلاریندان
ائشیتسم آدیمی سئون بیر قیزین
هله اؤپولمه‌میش دوداق‌لاریندان
بو یاز گئجه‌سینده اؤلمه‌یه نه وار؟!
چیچک‌لر دوغولور بو یاز گئجه‌سی
اوزاق خسته‌خانا اوتاق‌لاریندا
باشینی دیبچک‌دن اوزادیب باخیر
یاتان خسته‌لرین هر بیریسینه
هله قورخاق عطری، اوتانجاق عطری
قاریشیر اوتاغین یاد اییی‌سینه
درمان اییی‌سینه یود ایی‌سینه...
چیچک‌لر دوغولور بو یاز گئجه‌سی
چیچک‌لر آچیلیر گولله سسینه.
گولله آچیلیر
آغ- آغ کؤینک‌لرین یاخالیغیندا
ساغ- ساغ اورک‌لرین یاخین‌لیغیندا
گوللر آچیلیر
گولله‌لر آچیلیر، گوللر آچیلیر
چیچک‌لر آچیلیر بو یاز گئجه‌سی-
چیچک‌لر دوغولور بو یاز گئجه‌سی
پاریس‌ده، تبریزده، حیطیمیزده
بو یاز گئجه‌سینده چیچکله‌یه‌جک
بلکه دردیمیزده-حسرتیمیزده
چیخاجاق یوللارا چیچک‌لی قیزلار
نه باخماغا گوج وار نه گؤز یومماغا
نه چیچک وئرمه‌یه بیر کسیمیز وار
نه بیر کیمسه‌میز وار چیچک اومماغا...
... درسم گول لرینی بو گلن یازین
ساللانیب یئلله‌نسم بوداقلاریندان
ائشیتسم آدیمی سئون بیر قیزین
هله اؤپولمه‌میش دوداق‌لاریندان
بو یاز گئجه‌سینده اؤلمه‌یه نه وار؟!
✍🏼 رامیز رؤوشن
🆔 @khalkhalim
چیچک‌لر دوغولور بو یاز گئجه‌سی،
بو یاز گئجه‌سینده سئومه‌یه نه وار؟!
درسم گول‌لرینی بو گلن یازین
ساللانیب یئلله‌نسم بوداقلاریندان
ائشیتسم آدیمی سئون بیر قیزین
هله اؤپولمه‌میش دوداق‌لاریندان
بو یاز گئجه‌سینده اؤلمه‌یه نه وار؟!
چیچک‌لر دوغولور بو یاز گئجه‌سی
اوزاق خسته‌خانا اوتاق‌لاریندا
باشینی دیبچک‌دن اوزادیب باخیر
یاتان خسته‌لرین هر بیریسینه
هله قورخاق عطری، اوتانجاق عطری
قاریشیر اوتاغین یاد اییی‌سینه
درمان اییی‌سینه یود ایی‌سینه...
چیچک‌لر دوغولور بو یاز گئجه‌سی
چیچک‌لر آچیلیر گولله سسینه.
گولله آچیلیر
آغ- آغ کؤینک‌لرین یاخالیغیندا
ساغ- ساغ اورک‌لرین یاخین‌لیغیندا
گوللر آچیلیر
گولله‌لر آچیلیر، گوللر آچیلیر
چیچک‌لر آچیلیر بو یاز گئجه‌سی-
چیچک‌لر دوغولور بو یاز گئجه‌سی
پاریس‌ده، تبریزده، حیطیمیزده
بو یاز گئجه‌سینده چیچکله‌یه‌جک
بلکه دردیمیزده-حسرتیمیزده
چیخاجاق یوللارا چیچک‌لی قیزلار
نه باخماغا گوج وار نه گؤز یومماغا
نه چیچک وئرمه‌یه بیر کسیمیز وار
نه بیر کیمسه‌میز وار چیچک اومماغا...
... درسم گول لرینی بو گلن یازین
ساللانیب یئلله‌نسم بوداقلاریندان
ائشیتسم آدیمی سئون بیر قیزین
هله اؤپولمه‌میش دوداق‌لاریندان
بو یاز گئجه‌سینده اؤلمه‌یه نه وار؟!
✍🏼 رامیز رؤوشن
🆔 @khalkhalim
💠 #گون_آیدین، هموطن‌‌لر
سلام منیم سئوگیلیم!
ایندی ساعات گئجه‌دیر؟
بیلیرسن، من دلی‌یم،
سنین حالین نئجه‌دیر؟
بیلیرسن‌می وورولماق،
بوردا گوناه ساییلمیر.
دلی‌لرین چیینینده،
گوناه‌لاری یازیلمیر.
بیرجه سنی گؤرمک‌دی،
ایندی ان بؤیوک دردیم.
ائله داریخمیشام کی،
گلسن، سنی اؤپردیم.
بوردا هر یئر زنجیردی،
باغلا، یاتسین حسرتین!
گل بیرلیکده چیخارداق،
دلی‌لیگین لذّتین!
بیر آز دا دلی اولسام،
ایشیم راحاتدی، گولوم!
تک اوتاق وئره‌جکلر،
سنی تنها دوشونوم.
ائله راحات گزیرم،
ساچلاریم دارما-داغین.
سیقارِت توستوسوندن،
ساپ-ساریدی بارماغیم.
سهو دانیشسام، باغیشلا!
آغلاماغا حاضیرام.
آخی دلی اولموشام،
بیلمیرم نه یازیرام.
گَل...گؤیلره باخیرام،
یانیرام اؤلمک اوچون.
بیر آز عاغیل ساخلادیم،
سنی گؤزله‌مک اوچون.
✍🏼 قیسمت معصیم‌اؤو
🆔 @khalkhalim
سلام منیم سئوگیلیم!
ایندی ساعات گئجه‌دیر؟
بیلیرسن، من دلی‌یم،
سنین حالین نئجه‌دیر؟
بیلیرسن‌می وورولماق،
بوردا گوناه ساییلمیر.
دلی‌لرین چیینینده،
گوناه‌لاری یازیلمیر.
بیرجه سنی گؤرمک‌دی،
ایندی ان بؤیوک دردیم.
ائله داریخمیشام کی،
گلسن، سنی اؤپردیم.
بوردا هر یئر زنجیردی،
باغلا، یاتسین حسرتین!
گل بیرلیکده چیخارداق،
دلی‌لیگین لذّتین!
بیر آز دا دلی اولسام،
ایشیم راحاتدی، گولوم!
تک اوتاق وئره‌جکلر،
سنی تنها دوشونوم.
ائله راحات گزیرم،
ساچلاریم دارما-داغین.
سیقارِت توستوسوندن،
ساپ-ساریدی بارماغیم.
سهو دانیشسام، باغیشلا!
آغلاماغا حاضیرام.
آخی دلی اولموشام،
بیلمیرم نه یازیرام.
گَل...گؤیلره باخیرام،
یانیرام اؤلمک اوچون.
بیر آز عاغیل ساخلادیم،
سنی گؤزله‌مک اوچون.
✍🏼 قیسمت معصیم‌اؤو
🆔 @khalkhalim
💠 #گون_آیدین، هموطن‌‌لر
تانريم منی باس باغرينا گؤيلوم قوجاق ايستَر
كؤنلوم يوواسيز قوشدو كی سندن بوداق ايستَر
دوستاق‌لارا توتقون نه اومودلار دیله گلمیش
گیزلین سؤزونو سؤيله‌ميه ديل دوداق ايستَر
توت ال‌لريمی گؤزلريمه باخ کی بو دیل‌سیز
چوخداندی‌کی دردین ائشیدن بير قولاق ايستَر
ديندير یازیغام آغلاماغا يوخدو مجاليم
گؤز یاشلاریم آخماز قورویوبدور بولاق ايستَر
انسانلاری‌نين بوز باخيشيندا، بوزا دونموش
بيرده اؤزونه گئلمه‌يه ايستی اوجاق ايستَر
سولقون اوره‌یین خوش گونو حسرت‌ده کئچيبدير
دونيادان اوزاق دردن اوزاق بير بوجاق ايستٓر
يوللا جان آلان جانيمی آلسين‌كی هاچاندير
ايشكيللی قاپيم مندن هر آخشام قوناق ايستَر
✍🏼 فرزین نقی‌یان
🆔 @khalkhalim
تانريم منی باس باغرينا گؤيلوم قوجاق ايستَر
كؤنلوم يوواسيز قوشدو كی سندن بوداق ايستَر
دوستاق‌لارا توتقون نه اومودلار دیله گلمیش
گیزلین سؤزونو سؤيله‌ميه ديل دوداق ايستَر
توت ال‌لريمی گؤزلريمه باخ کی بو دیل‌سیز
چوخداندی‌کی دردین ائشیدن بير قولاق ايستَر
ديندير یازیغام آغلاماغا يوخدو مجاليم
گؤز یاشلاریم آخماز قورویوبدور بولاق ايستَر
انسانلاری‌نين بوز باخيشيندا، بوزا دونموش
بيرده اؤزونه گئلمه‌يه ايستی اوجاق ايستَر
سولقون اوره‌یین خوش گونو حسرت‌ده کئچيبدير
دونيادان اوزاق دردن اوزاق بير بوجاق ايستٓر
يوللا جان آلان جانيمی آلسين‌كی هاچاندير
ايشكيللی قاپيم مندن هر آخشام قوناق ايستَر
✍🏼 فرزین نقی‌یان
🆔 @khalkhalim
💠 #گون_آیدین، هموطن‌‌لر
بو سنین چیخدیغین سونونجو قاپی،
آرخانجا بویلانان سون پنجره‌دی.
سنین اوخودوغون او سون کیتابین،
یادیندا قالیب‌می، آدی نئجه‌دی؟
هر شئی اونودولوب، چیخیبدی یاددان،
هر شئیی توز باسیب... ایللرین توزو.
سنین یادداشین دا قالیب توز آلتدا،
ایللر هوشسوزوسان، ایللر هوشسوزو.
چوخدان بیر-بیرینه قاریشیب، ایتیب،
کؤهنه حادیثه‌لر، کؤهنه صیفت‌لر،
عاغلینی باشیندان آلان سئوگی‌لر،
ایچینی یاندیران او کؤهنه دردلر.
عؤمور توستو کیمی اوچوب، اریییب،
بیر آز گؤزلرینده قالیب آجیسی.
آیلاری، ایللری کسیب دوغراییب،
آتیب زیبیل‌لیگه واختین قایچیسی.
باریش بو حالین‌لا... اینجیمه واختدان!
بلکه هوشسوزلوق‌دو عؤمرون شنلیگی.
ال چک یادداشینی قوردالاماقدان،
بوراخ زیبیل‌لیکده ائشه‌لنمه‌یی!
داها یادداش سنین نه‌یینه گرک؟
باخما اؤتن عؤمره طامارزی کیمی.
هر کؤهنه سئوگیدن قالان خاطیره،
یئییلمیش کونفئت'ین* کاغیذی کیمی.
یئییلیب، یاشانیب، بوشالیب عؤمور،
کیم بیلیر نه قالیب عؤمرون دیبینده؟
بلکه عؤمرون سونو ائله بو گون‌دور،
چیخ، گز، آوارالان الین جیبینده!
قوی هئچ نه اومماسین بیر کیمسه سندن،
سن ده ائله بونا سئوین کی، ساغسان!
هانسی سینیقلاری جالایاجاقسان؟!
هانسی ییرتیقلاری یامایاجاقسان؟!
کیمین‌سه یوکونو چکمه‌یه، سنین-
نه هئیین، نه گوجون، نه تابین قالیب.
بو جیندیر دونیانی تیکمه‌یه، سنین-
نه داشین، کرپیجین، نه ساپین قالیب.
هر نغمه‌ن- قلبینده یاتان سیرّ ایدی،
آچدیغین سیرلرله دولویدو عؤمرون.
بنّایدین؟ درزی‌یدین؟ یا شاعیر ایدین؟
بیر اوستا عؤمرویدو سنین بو عؤمرون.
بو عؤمرون سونونا چاتیرسان، نه غم؟!
سون دفعه ال ائله گؤیده آیا دا!
چوخدان کؤهنه‌لیبدی جنّت، جهنّم،
بیر اوستا لازیم‌دی او دونیایا دا.
✍🏼 رامیز رؤوشن
* شیرنی
🆔 @khalkhalim
بو سنین چیخدیغین سونونجو قاپی،
آرخانجا بویلانان سون پنجره‌دی.
سنین اوخودوغون او سون کیتابین،
یادیندا قالیب‌می، آدی نئجه‌دی؟
هر شئی اونودولوب، چیخیبدی یاددان،
هر شئیی توز باسیب... ایللرین توزو.
سنین یادداشین دا قالیب توز آلتدا،
ایللر هوشسوزوسان، ایللر هوشسوزو.
چوخدان بیر-بیرینه قاریشیب، ایتیب،
کؤهنه حادیثه‌لر، کؤهنه صیفت‌لر،
عاغلینی باشیندان آلان سئوگی‌لر،
ایچینی یاندیران او کؤهنه دردلر.
عؤمور توستو کیمی اوچوب، اریییب،
بیر آز گؤزلرینده قالیب آجیسی.
آیلاری، ایللری کسیب دوغراییب،
آتیب زیبیل‌لیگه واختین قایچیسی.
باریش بو حالین‌لا... اینجیمه واختدان!
بلکه هوشسوزلوق‌دو عؤمرون شنلیگی.
ال چک یادداشینی قوردالاماقدان،
بوراخ زیبیل‌لیکده ائشه‌لنمه‌یی!
داها یادداش سنین نه‌یینه گرک؟
باخما اؤتن عؤمره طامارزی کیمی.
هر کؤهنه سئوگیدن قالان خاطیره،
یئییلمیش کونفئت'ین* کاغیذی کیمی.
یئییلیب، یاشانیب، بوشالیب عؤمور،
کیم بیلیر نه قالیب عؤمرون دیبینده؟
بلکه عؤمرون سونو ائله بو گون‌دور،
چیخ، گز، آوارالان الین جیبینده!
قوی هئچ نه اومماسین بیر کیمسه سندن،
سن ده ائله بونا سئوین کی، ساغسان!
هانسی سینیقلاری جالایاجاقسان؟!
هانسی ییرتیقلاری یامایاجاقسان؟!
کیمین‌سه یوکونو چکمه‌یه، سنین-
نه هئیین، نه گوجون، نه تابین قالیب.
بو جیندیر دونیانی تیکمه‌یه، سنین-
نه داشین، کرپیجین، نه ساپین قالیب.
هر نغمه‌ن- قلبینده یاتان سیرّ ایدی،
آچدیغین سیرلرله دولویدو عؤمرون.
بنّایدین؟ درزی‌یدین؟ یا شاعیر ایدین؟
بیر اوستا عؤمرویدو سنین بو عؤمرون.
بو عؤمرون سونونا چاتیرسان، نه غم؟!
سون دفعه ال ائله گؤیده آیا دا!
چوخدان کؤهنه‌لیبدی جنّت، جهنّم،
بیر اوستا لازیم‌دی او دونیایا دا.
✍🏼 رامیز رؤوشن
* شیرنی
🆔 @khalkhalim
💠 #گون_آیدین، هموطن‌‌لر
چوخ یئرلری گزمیشیک،
یاخشی گونلر گؤرموشوک،
بو گؤینَملی دونیادا،
توی-دویون‌لر گؤرموشوک.
بیرلیگه دیل وئرمیشیک،
دردی اینلر گؤرموشوک.
بونلار سؤزه سیغیشماز،
گل هئچ بوردا سؤز دئمه!
او گونلری یادا سال،
مندن پیسلیک گؤزله‌مه!
او ایللرین قوینونو
آدیمینلا دولان، گز!
اۇروات'ینی¹ اونوتدون...
.اوماجاغین نه‌دیر بس؟
آی یولوندان ساپانیم!
دئمه‌دیم‌می من‌جییَز:
«کؤروک²له‌ییب هر کینی،
اورک‌لری کؤزله‌مه؟!»
بابالین اؤز بوینونا،
مندن پیسلیک گؤزله‌مه!
هئچ بیلمیرم نه آلیب
بئله اویدون شئیطانا.
لاپ مایماقلیق ائله‌دین،
قول دا چکدین بیر قانا.
کیمی کیمه توخودو-
سن قوردوغون بو هانا؟
یالانلارا یالمانیب³
اولموشلاری گیزله‌مه!
من اؤزومدن دؤنمه‌رم،
مندن پیسلیک گؤزله‌مه!
اوۆیۆتدۆیۆن چئینم'ی،
یوغوران دا چنه‌ندی.
گؤزل‌لیگی گؤرنده،
گؤزلرینه چن ائندی.
گئت بو یول‌لا گیره‌لن،
گیره‌وه‌ندی، چَمین‌دی!
قازیدیغین قویونو،
هاپ-گۏپ ایله دۆزله‌مه!
گومانلارا گووَنجه‌م،
مندن پیسلیک گؤزله‌مه!
اونا-بونا یاریندین،
اینجیکلیگیم بیر اوندان.
سنی آلا بیلمه‌دیم،
توولاقچی'نین توروندان.
او دوز-چؤرک قان اولوب-
تؤکولمزمی بوروندان؟
بونلار اوزه وورولماز،
بونلاری هئچ اۆزله‌مه!
آندیمیزا قوربان اول،
مندن پیسلیک گؤزله‌مه!
✍🏼 آغا لاچینلی
¹- حؤرمت
²- آچیلیب قاپاندیقجا ایچینده‌کی هاوانی اوفله‌یه‌رک اودو جانلاندیران آلت
³- باش اَیمک، یالتاقلیق ائتمک
🆔 @khalkhalim
چوخ یئرلری گزمیشیک،
یاخشی گونلر گؤرموشوک،
بو گؤینَملی دونیادا،
توی-دویون‌لر گؤرموشوک.
بیرلیگه دیل وئرمیشیک،
دردی اینلر گؤرموشوک.
بونلار سؤزه سیغیشماز،
گل هئچ بوردا سؤز دئمه!
او گونلری یادا سال،
مندن پیسلیک گؤزله‌مه!
او ایللرین قوینونو
آدیمینلا دولان، گز!
اۇروات'ینی¹ اونوتدون...
.اوماجاغین نه‌دیر بس؟
آی یولوندان ساپانیم!
دئمه‌دیم‌می من‌جییَز:
«کؤروک²له‌ییب هر کینی،
اورک‌لری کؤزله‌مه؟!»
بابالین اؤز بوینونا،
مندن پیسلیک گؤزله‌مه!
هئچ بیلمیرم نه آلیب
بئله اویدون شئیطانا.
لاپ مایماقلیق ائله‌دین،
قول دا چکدین بیر قانا.
کیمی کیمه توخودو-
سن قوردوغون بو هانا؟
یالانلارا یالمانیب³
اولموشلاری گیزله‌مه!
من اؤزومدن دؤنمه‌رم،
مندن پیسلیک گؤزله‌مه!
اوۆیۆتدۆیۆن چئینم'ی،
یوغوران دا چنه‌ندی.
گؤزل‌لیگی گؤرنده،
گؤزلرینه چن ائندی.
گئت بو یول‌لا گیره‌لن،
گیره‌وه‌ندی، چَمین‌دی!
قازیدیغین قویونو،
هاپ-گۏپ ایله دۆزله‌مه!
گومانلارا گووَنجه‌م،
مندن پیسلیک گؤزله‌مه!
اونا-بونا یاریندین،
اینجیکلیگیم بیر اوندان.
سنی آلا بیلمه‌دیم،
توولاقچی'نین توروندان.
او دوز-چؤرک قان اولوب-
تؤکولمزمی بوروندان؟
بونلار اوزه وورولماز،
بونلاری هئچ اۆزله‌مه!
آندیمیزا قوربان اول،
مندن پیسلیک گؤزله‌مه!
✍🏼 آغا لاچینلی
¹- حؤرمت
²- آچیلیب قاپاندیقجا ایچینده‌کی هاوانی اوفله‌یه‌رک اودو جانلاندیران آلت
³- باش اَیمک، یالتاقلیق ائتمک
🆔 @khalkhalim
💠 #گون_آیدین، هموطن‌‌لر
سوزولوب ماوی گؤیلردن یئره دوغرو،
اوموزوما بیر بیاض گؤیرچین قوندو.
آلدیم الیمه، اوصول-اوصول اوخشادیم،
سئودیم، گنجلیگیمی یئنیدن یاشادیم.
بم‌بیاض‌دی توکلری، اؤیله پارلاق‌دی،
آچسام اللریمی بیردن اوچاجاقدی.
اَییلدیم قولاغینا «دور، گئتمه!» دئدیم،
دالغالی گؤزلریندن اؤپمک ایسته‌دیم.
دۇیدۇم اوووجلاریمدا سیجاقلیغینی،
دۇیدۇم، مندن ایللرجه اوزاقلیغینی.
چیرپینان قلبینی دینله‌دیم بیر سوره،
و اوچماق ایسته‌دیم اونونلا گؤیلره.
آغ گؤیرچینین ایٖری گؤزلری واردی،
گؤزل‌لیگیندن فیشقیران بیر پیناردی.
سویوق سولاریندان ایچدیم، سرین‌لدیم،
چاغلایان بیر نهرین سسینی دینله‌دیم.
بلکه بۇیدۇ سئومک، حیات بلکه بۇیدۇ،
ایشیل-ایشیل‌دیم، گؤزلریم دوپ-دولویدو.
بیر نغمه یوکسَلدی سئوینجدن و حظدن،
بیر نغمه یوکسلدی، گؤزَلدن، بیاضدان.
اوزاتدی سئوگی‌یله پمبه قاقا'سینی*،
بیردن اؤیرندیم حیاتین معناسینی.
قدَرده سئوگینی سنده تاپماق وارمیش،
سنینله بیر جوت گؤیرچین اولماق وارمیش.
✍🏼 اومید یاشار اوغوزجان
* دیمدیک
🆔 @khalkhalim
سوزولوب ماوی گؤیلردن یئره دوغرو،
اوموزوما بیر بیاض گؤیرچین قوندو.
آلدیم الیمه، اوصول-اوصول اوخشادیم،
سئودیم، گنجلیگیمی یئنیدن یاشادیم.
بم‌بیاض‌دی توکلری، اؤیله پارلاق‌دی،
آچسام اللریمی بیردن اوچاجاقدی.
اَییلدیم قولاغینا «دور، گئتمه!» دئدیم،
دالغالی گؤزلریندن اؤپمک ایسته‌دیم.
دۇیدۇم اوووجلاریمدا سیجاقلیغینی،
دۇیدۇم، مندن ایللرجه اوزاقلیغینی.
چیرپینان قلبینی دینله‌دیم بیر سوره،
و اوچماق ایسته‌دیم اونونلا گؤیلره.
آغ گؤیرچینین ایٖری گؤزلری واردی،
گؤزل‌لیگیندن فیشقیران بیر پیناردی.
سویوق سولاریندان ایچدیم، سرین‌لدیم،
چاغلایان بیر نهرین سسینی دینله‌دیم.
بلکه بۇیدۇ سئومک، حیات بلکه بۇیدۇ،
ایشیل-ایشیل‌دیم، گؤزلریم دوپ-دولویدو.
بیر نغمه یوکسَلدی سئوینجدن و حظدن،
بیر نغمه یوکسلدی، گؤزَلدن، بیاضدان.
اوزاتدی سئوگی‌یله پمبه قاقا'سینی*،
بیردن اؤیرندیم حیاتین معناسینی.
قدَرده سئوگینی سنده تاپماق وارمیش،
سنینله بیر جوت گؤیرچین اولماق وارمیش.
✍🏼 اومید یاشار اوغوزجان
* دیمدیک
🆔 @khalkhalim
💠 #گون_آیدین، هموطن‌‌لر
غمین‌دیر کؤنلومون تختینده سولطان
بیر اقلیمه ایکی سولطان گرکمَز
یئتر دردین دوا موشتاقه، نیچون
کی، دردین بیله‌نه درمان گرکمَز
✍🏼 عمادالدین نسیمی
🆔 @khalkhalim
غمین‌دیر کؤنلومون تختینده سولطان
بیر اقلیمه ایکی سولطان گرکمَز
یئتر دردین دوا موشتاقه، نیچون
کی، دردین بیله‌نه درمان گرکمَز
✍🏼 عمادالدین نسیمی
🆔 @khalkhalim
💠 #گون_آیدین، هموطن‌‌لر
گئجیکمیسن یولا دوشن قاتارام
غوربتدی مکانیم چاتا بیلمزسن
سنین حسرتینله اؤز یوُواسیندان
اوُچدو کؤنلوم قوشو توتا بیلمزسن
ساختا عشقین قوْللاریمی سیْندیرار
بوُز نفسین اوره‌ییمی دوْندورار
یاخین گلمه آهیم سنی یاندیرار
غوصّه‌لر قوْینوندا یاتا بیلمزسن
قوْینوندان باش وئرن تر چیچک ایدیم
بوْینونا دولانان بیر لئچک ایدیم
توْروندا چیرپینان هؤرومچک ایدیم
بیرده کمندینی آتا بیلمزسن
کؤنول ییْخماق اوْلدو آرزون نیّتین
تزه‌دن جان دئمک باریْشماق چتین
گئجیکدین قاتارا یاندی بیلیطین
قایتاریب هئچ کیمه ساتا بیلمزسن
"آلقایید"ام نه ساغیم وار نه سوْلوم
پولاد بیر سُکّانا باغلانیْب قوْلوم
سون منزیله گئدن یوْلدو بوُ یوْلوم
ایزینی ایزیمه قاتا بیلمزسن
✍🏼 آل قایید خلیل اوو
🆔 @khalkhalim
گئجیکمیسن یولا دوشن قاتارام
غوربتدی مکانیم چاتا بیلمزسن
سنین حسرتینله اؤز یوُواسیندان
اوُچدو کؤنلوم قوشو توتا بیلمزسن
ساختا عشقین قوْللاریمی سیْندیرار
بوُز نفسین اوره‌ییمی دوْندورار
یاخین گلمه آهیم سنی یاندیرار
غوصّه‌لر قوْینوندا یاتا بیلمزسن
قوْینوندان باش وئرن تر چیچک ایدیم
بوْینونا دولانان بیر لئچک ایدیم
توْروندا چیرپینان هؤرومچک ایدیم
بیرده کمندینی آتا بیلمزسن
کؤنول ییْخماق اوْلدو آرزون نیّتین
تزه‌دن جان دئمک باریْشماق چتین
گئجیکدین قاتارا یاندی بیلیطین
قایتاریب هئچ کیمه ساتا بیلمزسن
"آلقایید"ام نه ساغیم وار نه سوْلوم
پولاد بیر سُکّانا باغلانیْب قوْلوم
سون منزیله گئدن یوْلدو بوُ یوْلوم
ایزینی ایزیمه قاتا بیلمزسن
✍🏼 آل قایید خلیل اوو
🆔 @khalkhalim
💠 #گون_آیدین، هموطن‌‌لر
سئوگیمدن قاچمیشام اوزاق شهره،
بوردا دا حسرتین گلیب دایانیب.
عطرین سپه‌له‌نیب بوتون گوللره،
گؤزونون رنگینه گؤیلر بویانیب.
سنینچون دونیادا بلکه یوخام من،
سنی سئودیییمی هئچ بیلمه‌ییرسن.
گوندوز خیالیمدان، گئجه یوخومدان،
بیر آن دا، بیر آن دا چکیلمه‌ییرسن.
اوره‌ییم، داشا دؤن، بو سیرری ساخلا!
بو سئوگی، بو بلا هاردان ائنیبدیر؟!
بیزیم طالعیمیز ائوله-اوشاقلا،
هره‌سی بیر یانا زنجیرله‌نیبدیر.
اؤلونجه عشقین‌له اولاجاغام من،
من سنین روحوندا، قانیندا وارام.
اوستونو کول اؤرتموش بیر اوجاغام من،
بالاجا بیر مئه‌دن قاینایار یارام...
✍🏼 فیکرت قوجا
🆔 @khalkhalim
سئوگیمدن قاچمیشام اوزاق شهره،
بوردا دا حسرتین گلیب دایانیب.
عطرین سپه‌له‌نیب بوتون گوللره،
گؤزونون رنگینه گؤیلر بویانیب.
سنینچون دونیادا بلکه یوخام من،
سنی سئودیییمی هئچ بیلمه‌ییرسن.
گوندوز خیالیمدان، گئجه یوخومدان،
بیر آن دا، بیر آن دا چکیلمه‌ییرسن.
اوره‌ییم، داشا دؤن، بو سیرری ساخلا!
بو سئوگی، بو بلا هاردان ائنیبدیر؟!
بیزیم طالعیمیز ائوله-اوشاقلا،
هره‌سی بیر یانا زنجیرله‌نیبدیر.
اؤلونجه عشقین‌له اولاجاغام من،
من سنین روحوندا، قانیندا وارام.
اوستونو کول اؤرتموش بیر اوجاغام من،
بالاجا بیر مئه‌دن قاینایار یارام...
✍🏼 فیکرت قوجا
🆔 @khalkhalim