“O‘quv markazlari” forumi Sirdaryoda

⚡️Bir-biridan qiziqarli va unutilmas loyihalarni taqdim etayotgan “Yoshlar forumi – 2024” doirasida Sirdaryo viloyatida ham “O‘quv markazlari” forumi tashkil etildi.

Mazkur forum doirasida yoshlarning malakali mutaxassis bo‘lib yetishishlariga ko‘maklashayotgan 40 dan ortiq o‘quv markazlari rahbarlari va yoshlar ishtirok etdi. Tadbir davomida ularning taklif va tashabbuslari tinglandi, faoliyatlaridagi dolzarb muammolar muhokama qilinib, kelgusidagi samarali hamkorlik uchun rejalashtirilgan chora-tadbirlar belgilandi.

#Yoshlarforumi2024

Bizning sahifalarimiz:
🕊Telegram 📱Instagram 📱Facebook 📺YouTube

“O‘zbekiston o‘quv markazlari” forumi

⚡️Joriy yilning 14-15-dekabr kunlari poytaxtimizdagi Yoshlar ijod saroyida “Yoshlar forumi – 2024” doirasida “O‘zbekiston o‘quv markazlari” forumi tashkil etilmoqda. 

🚀Mazkur loyiha mamlakatimizda faoliyat olib borayotgan eng ilg‘or o‘quv markazlari, soha mutaxassislari va xorijiy tillarni o‘rganish hamda zamonaviy kasblarni egallashni maqsad qilgan yoshlarni birlashtirish uchun yagona platforma bo‘lib xizmat qiladi. 

🗂Forumda ishtirok etish uchun quyidagi havola orqali ro‘yxatdan o‘ting: forum.kelajakkasblari.uz 

Yangiliklarni kuzatib borish uchun: @oquvmarkazlarforumi

#Yoshlarforumi2024

Bizning sahifalarimiz:
🕊Telegram 📱Instagram 📱Facebook 📺YouTube

Yoshlar mamlakatimizning oltin fondi!

“Yuzma-yuz+” mehmoni — Yoshlar ishlari agentligi direktori, senator Alisher Sa’dullayev.

Ko‘rsatuvning ushbu sonida yoshlar siyosati, imkoniyatlar, yechim kutayotgan muammolar va amalga oshayotgan islohotlar haqida so‘z boradi.

📹 To‘liq suhbat YouTube’da

Bizning sahifalarimiz:
🕊Telegram 📱Instagram 📺YouTube 🌍Veb sayt

O‘zbekiston Respublikasi Prezidentining yoshlar bilan ochiq muloqotida belgilangan vazifalarni amalga oshirishga doir chora-tadbirlar to‘g‘risida farmoni (PF-61, 26.03.2025 y.) qabul qilindi.

🔰Farmonga ko‘ra, 2025-yil 1-maydan boshlab 2031-yil 1-yanvargacha bo‘lgan muddatga quyidagi soliq imtiyozlarini joriy etiladi:

kreativ park rezidentlariga ijtimoiy soliqni hamda jismoniy shaxslardan olinadigan daromad solig‘ini 50 foiz kamaytirilgan stavkada to‘lash;

rezidentlarni tovarlarni (ishlarni, xizmatlarni) realizatsiya qilishdan olingan daromadi miqdoridan qat’i nazar aylanmadan olinadigan soliq to‘lovchilar toifasiga kiritish. Bunda rezidentlar o‘z istagiga binoan umumbelgilangan soliq solish tartibiga o‘tishlari mumkin.

🔸 xorijiy tillar bo‘yicha kamida C1 darajadagi milliy yoki unga tenglashtirilgan mos darajadagi xalqaro tan olingan sertifikatni olganiga ikki yildan oshmagan yoshlarga olis va borish qiyin bo‘lgan hududlarda chet tillariga ixtisoslashgan o‘quv markazlarini ochish uchun Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamg‘armasi tomonidan olti oylik imtiyozli davr bilan uch yil muddatga bazaviy hisoblash miqdorining 320 baravarigacha miqdorda foizsiz ssuda beriladi.

🔸2025-yildan boshlab mahallalardagi ijtimoiy himoyaga muhtoj oila farzandlari xorijning nufuzli top-100 talik ro‘yxatiga kirgan oliygohlarda o‘qish imkoniyatini yaratish maqsadida “El-yurt umidi” jamg‘armasining yangi stipendiya yo‘nalishi sifatida “Yorqin iste’dod” loyihasi joriy etiladi;

🔸“El-yurt umidi” jamg‘armasi orqali xorijiy mamlakatlarda ta’lim olib qaytgan stipendiatlar milliy kadrlar zaxirasiga to‘g‘ridan to‘g‘ri kiritiladi hamda ular davlat organlari, tashkilotlari va muassasalariga tanlovsiz ishga olinadi;

🔸2025-yil 1-iyundan:
nufuzli xalqaro reyting tashkilotlarining yuqori 100 talik ro‘yxatiga kiritilgan xorijiy oliy ta’lim muassasalarida ilmiy daraja (PhD va unga tenglashtirilgan boshqa ilmiy daraja) olgan 35 yoshgacha bo‘lgan mutaxassislarga uy-joy sotib olish uchun uy-joy joylashgan hududdan kelib chiqib, o‘n yil muddatga bazaviy hisoblash miqdorining 2 150 baravarigacha miqdorda foizsiz ssuda ajratiladi;

nufuzli xalqaro fan olimpiadalari g‘olib va sovrindorlariga to‘lanadigan bir martalik pul mukofotining amaldagi miqdorlari 5 baravarga oshiriladi.

✅ 2025/2026 o‘quv yilidan:
O‘zbekiston Respublikasi oliy harbiy ta’lim muassasalarining namunali kursantlari (talabalari) va tinglovchilari uchun “Oliy bosh qo‘mondon” davlat stipendiyasi joriy etiladi.

o‘quvchilar o‘rtasida muhandislik-ixtirochilik yo‘nalishida olimpiadalar o‘tkazish yo‘lga qo‘yiladi va g‘olib bo‘lgan bitiruvchi yoshlar davlat oliy ta’lim muassasalarining olimpiada yo‘nalishiga mos va turdosh ta’lim yo‘nalishlariga imtihonlarsiz qo‘shimcha davlat granti asosida o‘qishga qabul qilinadi.

🔹Yoshlarga oid davlat siyosatini qo‘llab-quvvatlash jamg‘armasiga ajratilgan mablag‘lar doirasida yoshlarni ilmga qiziqtiruvchi, tarbiyaviy va umummilliy qadriyatlarni shakllantiruvchi milliy mediakontentlar yaratish hamda eng yaxshi intellektual shoularni tashkil etish uchun 100 million so‘mgacha grantlar ajratiladi;

#qonunchilikdagi_yangiliklar

Bizning sahifalarimiz:
🕊Telegram 📱Instagram 📺YouTube 🌍Veb sayt