ذاك الاسبوع كان عدنا مريض بالردهه مشينا على انسولين وسوينا جارت اله
نشوف قراءه ال postprandial يقره نورمل
بس الريدنك مال صبح يكون hyperglycaemia
فكان اقلله الدوز مال الانسولين مال ليل !
وفعلا وراها بده كلشي يستعدل ..
اتركم ويه البوست ⬇️

هل ممكن مريض على ال insulin
من يصير عنده hyperglycaemia ، حتى نعدل السكر لازم نقلل جرعه الانسولين بدال زيادتها !!!
وفعلا راح يستعدل ال Blood glucose؟! 🤔
شلون 🧐

⚫ يي نعم ممكن ، المقصود هنا هو ال Somogyi effect

هذا التأثير يصير و يحدث نتيجه جرعه عاليه من الأنسولين ياخذها البيشنت بالليل فراح يصير Hypoglycaemia ،
والجسم هنا راح يدخل بحاله Stress فبالتالي راح تشتغل
ال counter regulatory hormones حتى تعدل الوضع

فاالي راح يصير ↙️↙️

glucagon backed up by the stress hormones cortisol and epinephrine .

🟤 وبنفس الوقت الجسم
راح يسوي defence mechanism اخرى
والي هي انه increase insulin resistance for several hours

فبالتالي المحصله راح يصير عندي hyperglycaemia
والي راح يكتشفها المريض الصبح من يكعد ..

-- فهنا العلاج اني ما اخلي يزيد الجرعه مال insulin
وانما اخلي يقلل الجرعه وراح ينحل كلشي ....
.

🔴 احيانا المريض الي يجي الصبح والسكر معلك مالته ممكن متكون السبب انه دياخذ جرعه انسولين عاليه !!! ، السبب ممكن انه دياخذ جرعه انسولين قليله !!! وهاي يسموها Dawn phenomena

- فأهنا نحتاج نزيد جرعه الانسولين
بس اهم شي اهم شي ننتبهه للجرعه بشكل دقيق حتى لا ندخل
بال Somogyi effect 😂😂 ..

🔵 هسه نجي للسؤال الاهم
اني شلون راح اعرف الشخص الي جايني
هذا Somogyi لو Dawn ؟! 🧐
حتى اعرف ازيد لو اقلل الانسولين ؟!

- هاي بسيطه
نكل للمريض انه يسوي تحليل Blood glucose
بال2 او بال3 بالليل
اذا لكه ال Blood glucose قليل ،
هاي معناها Somogyi , وراح يصير rebound hyperglycaemia لهذا لازم نقلل الجرعه مال انسولين مال ليل ..

- اما اذا لكينه ال glucose عالي ،
فهاي معناها Dawn phenomena , يعني جرعه الانسولين مال ليل قليله ، فنحتاج نزيدها شويه ..

#Mohammed_Khader

Part of my lecture about the Management of Sepsis & Septic shock ..

دامشي وكان اشوف الركي دينباع وعود اكلوا بالسحور ميعطش ..
فكلت لازم اذكركم ..

رمضان كريم عليكم جميعاً ..
بوست رمضاني دائما نذكركم بي

شنو علاقه الركي بالعطش ؟ وهل صحيح الركي ميعطش ؟! 🤔

⚫ اكو دراسات صارت بال (( Vivo & vitro ))
صارت شافوا ال Watermelon (( الركي ))
عنده diuretics effect
لهوايه اسباب
اهمها ↙️↙️

- يحتوي على 93% ماء

- يحتوي على cucurbocitrin الي عنده تأثير
على ال capillary ويسوي dilation

يحتوي على ال L- citrulline الي مهم
بال formation of nitric oxide
الي يسوي Vasodilation ومهم ايضا بال vascular tone

⚫ وبالاخير اكو دراسه صارت بال vivo يقارنون بيها
ال Watermelon (( الركي )) مع ال furosemide
شافوا الركي ينطي تأثير مثل تأثير ال diuretics
بالمقارنه مع الfurosemide

بالنهايه كالوا نكدر نعتبر ال Watermelon (( الركي ))
عنده diuretic effect ..

لهذا مننصح تاكلون الركي بالسحور حتى اثناء الكوول متلاص الوضعيه 😆 ولو هي الشغله شكلها نفسيه والكل هسه تكول كضينا عمرنا ناكل ومنعطش 😂

#Mohammed_Khader

- When Blood Suger in the circulation drop down ,
Glycogenolysis Process will Activate ..

- Glycogenolysis
is the breakdown of the molecule glycogen into glucose, a simple sugar that the body uses to produce energy ..

#Mohammed_Khader

السلام عليكم ، عذرا على الانقطاع
إن شاء الله حرجع اكمل شرح Antibiotics واحاول اكمله بصوره اسرع حتى بأذن الله نغطي كله وتستفادون منه ، واكيد وياها البوستات الطبية ..

اذا عندك بيشنت صاير عنده Hypokalemia
من تحسبله الـ Potassium وتضيفه للمغذي
ضيفه بالنورمل سلاين او الرنكر ( N/S or R/L )
اذا ماعنده اي contraindications الهن

لا تخلي بالكلوكوز وتر او كلوكوز سلاين ( G/W or G/S )
ولا تفكر بي اصلا لان مراح تستفاد منه بصوره كبيره ناهيك عن مراح يبقى منه شي
بالـ Circulation مقارنه بذولاك ..


- Glucose will stimulate insulin secretion, which lead to potassium shifting fromthe circulation to inside the cell ..

وبالتالي حيضيع نص الدوز عليك ، وحيؤدي الى تأخر ارتفاع البوتاسيوم للحصول على نتائج افضل
ناهيك عن صرف كميات اكبر من عنده ..

🔴 ملاحظه جانبية
المنيتول منعتبره مغذي عاادي مثل البقية فميصير نضيف بي الكترولايت او drugs
عدا بحاله وحده وهي Hypokalemia periodic paralysis ..


#Mohammed_Khader

Like to share it with u ..

الهيبارين وحساسية السمك

مريض مشيتله هيبارين انفيوشن وره فتره اجوك الريلتف يركضون ياابه هذا صار ينزف من كل مكان !!! شنو السالفه

⚫️فأنت رأسا دزيت investigation
وحضرت الـ antidote مال هيبارين الي هو Protamine Sulfate

وانت دتمشيله الـ Protamine Sulfate
متحس غير فجأه البيشنت صار Shortness of Breath
وساين وسبتم مالـ Anaphylaxis

(( الله يكون بعونك بذاك الوقت شتكول للاهل هم خليته ينزف وهم راح تكتله هههههههه ))

⚫️ المهم انت بديت تسوي Management
للـ anaphylactic reaction الي صارت
وبنفس الوقت بديت تربط كل هذا وكان رأسا تسأل الاهل وتكلهم ياابه مريضكم ياكل سمك عادي ؟ لو يتحسس منه ؟!
كان هنا الاجابه الصادمه تكون ويكلولك يي عنده تحسس من السمك مره اكله وراد يموت وجبنا للطوارىء رأسا !!

الحمدلله انت لحكت على المريض ورجع Stable ..

🔴 نجي على الـ Case Discussion
ليش هيج صار ؟!

- نعرف انو الـ Protamine Sulfate هو بروتين
بس الفكره هذا ال Protein يجي من Fish Sperm فيرتبط بالهيبارين ويكون Stable Salt ..

- فالاشخاص الي عدهم تحسس من السمك غالبا راح يكون عدهم تحسس من الـ Protamine Sulfate وبالتالي ممكن يصير عدهم Anaphylactic reaction والي تكون Fatal
( اكو Case report ) عن هل شي ..

- الفكره انو مو معناها مننطي الـ Protamine Sulfate
وانما يفضل قبل لا ننطي Protamine Sulfate تتاكد اذا عنده البيشنت تحسس السمك او لا
حتى من تمشيله الـ Protamine Sulfate تحضر كلشي يمك و تراقبه وتخلي بالك يمه اذا صار شي ، بالتالي حتكون مرتب وضعك ومتحضر لاي شي يصير ومراح تطفر الكيس منك ..

🟣 إن شاء الله البوست القادم تشرح
شلون ننطي الـ Protamine Sulfate للمريض سواء كان ماخذ Heparin or Clexane ..


#Mohammed_Khader

Maybe it will help u in some situations ..

نايت تور وحدك ومريض ديمشيله هيبارين انفيوشن او كليكسان وفجأه صار Sever Bleeding
سألت علـ Protamine Sulfate كلولك متوفر
طيب شلون راح تنطي ؟!


⚫️ بالاول الرفرنس والكايدلاين شويه راح تختلف بالاوقت بالاخص ويه الهيبارين
بس بالاخير الرزلت وحده ، فراح نختار الي يولم وضعنا ..

🟤 بالاول نسولف علـ Heparin infusion
اول شي نسوي نوقف الهيبارين
الدوز راح تنحسب كالاتي↙️↙️

- 1mg Protamine Sulfate = 100 unit of heparin
Max dose (50 mg)

🔴 Be highly careful if The patient has allergy to Fish or Fish products. May cause Anaphylaxis ! ..

- هنا اكو trick بسيطه
وهي انو من اريد احسب المريض كم unit المريض ماخذ من الهيبارين ماحسبه على طول اليوم وانما على ( اخر ساعتين ونص ) الي مشى بيها الهيبارين
يعني ↙️↙️

- For example
Pt on Heparin infusion 1000 unit \ 1h

فمن اريد احسب شكد اخذ هيبارين
اجي على اخر ساعتين ونص احسب شكد مشاله
وانطي على ضوئها الـ Protamine Sulfate

- فيعني اذا نرجع على المثال الفوك
يعني مريضنا خلال ساعتين ونص ماخذ 2500 unit
وبالتالي يعني الدوز مالـ Protamine Sulfate راح تكون 25mg
( لا تنسى max dose 50mg )
هاي تحسبها من الفياله وتخليها اما G/W or N/S
انفيوشن خلال ثلث الى نص ساعه ..


🟤 شتسوي وراها شلون تراقب ؟!
ادز على aPTT وره ربع ساعه
اذا تعدلت فتمام واذا لا فراح تنطي مره لخ Protamine Sulfate
بس الدوز حتكون كالاتي ↙️↙️

0.5mg Protamine Sulfate = 100 unit of heparin
( Max dose 50mg )
وهم تجيك aPTT وره ربع ساعه ..


🟣 هسه نجي على Enoxaparin ( Clexane )
تعرفون هو ينطي S.C فأهنا الوقت حيهمنا كلش ..

الدوز كالتي ↙️↙️

🟣 Dose given <8 hours prior:
1 mg protamine per 1 mg LMWH (max dose = 50 mg)


🟣 Dose given 8-12 hours prior:
0.5 mg protamine per 1 mg LMWH (max dose = 50 mg )

🟣 Dose given >12 hours prior
Unlikely useful to administer protamine Sulfate ..

- مفروض حتى نراقب ندز anti-Xa وره ربع الى نص ساعه بس للأسف ماعدنا
فأكو كايدلاين تكلك يابه اذا ممتوفر يمك anti- Xa
و بقى الـ Bleeding وره ( 2 - 4 ساعه ) من اعطاء
الـ Protamine Sulfate
انطي دوز اخرى وتكون كلاتي ↙️↙️

0.5 mg protamine Sulfate = 100 unit Enoxaparin ( Clexane ) .


إن شاء الله وصلت الفكره ..

#Mohammed_Khader

بيشنت وتريد تبلش وياه Warfarin
تعرف انو الـ INR مراح يستقر الا وره كم يوم وبالعاده 5 ايام ..

الفكره وين ؟!
الفكره حتى توصل لليوم الخامس وانت تعرف ال inr شكد راح يصير ويستقر ومرتب امورك ادسجر المريض ويبقى نايم بالمشفى هوايه
فأكو جدول يحاول يوصلك لليوم الخامس بشكل مرتب ومحسوب ..

هذا الجدول إن شاء الله يساعدكم ⬇️⬇️

#Mohammed_Khader

Don't forget G6PD is a X- Linked ..

السلام عليكم
نكمل اليوم شرح الـ Antibiotics
وصلنا للـ Fith generation cephalospor
او ما يدعى
ANTI-MRSA CEPHALOSPORINS

والي هو ceftaroline
هذا يعتبر كلش توب للـ Gram +ve
ورهيب علـ MRSA وماكو بالعراق ( بعد احسن )
حتى نكون دقيقين هذا يغطيلي

- Good: MSSA, MRSA, streptococci, enteric GNRs

- Moderate: E faecalis (only in combination)

- Poor: P aeruginosa, E faecium, Acinetobacter, anaerobes ..

بمعنى نكدر نستخدمه
It has been used for other invasive MRSA infections, including bloodstream infections, endocarditis, meningitis, osteomyelitis, and hospital-acquired pneumonia ..


لهنا خلصنا الـ CEPHALOSPORINS
إن شاء الله اكمل اما ال combination او نختار عائله اخرى ونسولف عليها ..

#Antibiotics
#Mohammed_Khader