18-avgust kuni Kamoliddin Behzod nomidagi Sharq miniatyura san'ati muzeyida  eronlik miniatyurachi rassom, illyuminator va xattot, Eron kitobat san’ati instituti rahbari (Tehron) Hasan Mohammadiyning shaxsiy ko‘rgazmasi o'tkazildi. Ko'rgazmada ijodkorning "Bahori Mavlono" muraqqa-albomi uchun yaratilgan 22 ta illyuminatsiya (bezak) hamda shogirdlari bilan birga yaratgan 7 ta mustaqil asar va bir necha albom- muraqqalar namoish etilmoqda.  Ko'rgazmaning ochilish marosimi davomida Kamoliddin Behzod nomidagi Sharq miniatyura san'ati muzeyi  va Eron kitobot san'ati instituti o'rtasida hamkorlik memorandumi imzolandi.

19-avgust kuni Kamoliddin Behzod nomidagi Sharq miniatyura san'ati muzeyida eron kitobat san'ati instituti rahbari Hasan Muhammadiy bilan birgalikda ilmiy seminar hamda ijodiy uchrashuv bo'lib o'tdi. Uchrashuv ishtirokchilar orasida katta qiziqish va ijobiy taassurotlar qoldirdi.

24-avgust Kamoliddin Behzod nomidagi Sharq miniatyura san'ati muzeyiga "An'anaviy hunarmandchilikni himoya qilish va qo'llab quvvatlash jamiyati (GESKODER) rahbari Ayşegül Çebi xonim hamda ularning shogirdlari tashrif buyurdi. Ularga muzey xodimlari tomonidan qo'lda qog'oz tayyorlash hamda muzey ekspozitsiya bo'ylab ekskursiya o'tib berildi.