*#ألبينو《03》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عدت فترة شهرين والجامعة لسة م منها خبر ,زهجتة من قعدتة البيت وعدم الموضوع وقلت احسن اشوف لي شغلانة املا بيها زمني واستفيد منها بدل م اضيع وقتي في الفاضي ف قررتة أقوي لغتي الإنجليزية دخلتة قنوات في اليوتيوب وتلقرام ونزلتة حصص تقوية في speaking(المحادثة) اصلا الانجليزي حقي كويس بس محتاجة اقويه ... في واحد صحبي دخلني في قروب ظابط شديد في تلقرام فيهو ناس عابرين جدا في الانجلش بنزلو حصص وريكوردات فيها شروحات للكلام البرسلوه وفي نهاية كل بارت بنخلصو بناخد تست وبرضو بنزلو كتب pdf بنقراه واليوم البعديه بنناقشو ـ بالجد استفدتة شديد والحاجة الحلوة انو في تشجيع فيما بينا ولو في اي حاجة م واضحة لينا في. Leaders بساعدونا ...خلال اسبوعين فقط حسيت نفسي عبرت شديد وحاجات كتيرة اتعلمتها وحتى ذخيرتي اللغوية فل الحمدلله ـ كنت مبسوطة شديد بالانجاز دة ف بديت أنزل كتب بطلع عليهم ....
يوم الجمعة عقد مهاد بت جيرانا ـ مهاد كانت صحبتي شديد بس للاسف حصل بينا سوء تفاهم ونست كل البينا واللحظات الحلوة القضيناها سوا وعلاقتنا بقت سطحية شديد ـ بس دة كلو م بمنع انو م امشي عقدها ـ لبستة فستان مورد وطرحة بالبني ,عملتة ميك اب خفيف ومشيت مع امي و وجن ـ كنت مبسوطة ليها شديد خاصة انها اتزوجت حب حياتها بعد تعب ومعافرة وختمو حبهم بالحلال♥
باركتة ليها بس اتماسخت معاي شديد وحتى سلامها كان بارد ومستفز ـ عاينت لي من فوق لتحت وقالت لي عقبالك ان شااء الله وم تجيبي ليه عرسان بهربو زي المرة الفاتت ههههههههههه ـ بعد م قالت كلامها دة حسيت بخنقة في حلقي طلعتة سريع من بيتهم وماسكة دموعي بالجلالة ـ أول م وصلتة البيت دخلتة غرفتي وقفلتة الباب علي وبكيت بكاء قلبي كان واجعني شديد ـ مهاد ذكرتني بالماضي الماقادرة انساه ولا حيجي يوم وانساه ـ فتحت لي الجرح ال ليهو سنة كاملةونص بداوي فيه ـ ذنبي شنو اذا العريس اتراجع عن العرس في اخر اللحظات وقال لي م ينفع نكمل وعرسي باقي ليه ايام بسيطة ذنبي شنو اسمع كلام جارح بالصورة دي ـ والله بكيت لمن صدعت ـ بعدها دخلتة استحميت وغيرتة ملابسي اتوضيت وصليت استغفرتة لحدي م حسيت اني ارتحتة شوية ...امي و وجن لما رجعو لقو وشي مورم وعيوني تعبانة ـ خافو شديد وقعدو يسالوني مالك والحصل عليك شنو ومالك رجعتي بدري و و و رفضت اني احكي ليهم الحصل بس امي كانت مصرة شديد واضطريت احكي ليها الحصل ـ ماما و وجن زعلو شديد من كلام مهاد واسلوبها معاي ف قالت لي بكرة بجيك راجل سيد سيدو ي بتي وكتااار العايزنك بس نحن م بنديك لاي زول ـ قلتة ليها ياأمي انا م حكيت ليك عشان تقولي لي كدة, وأصلا موضوع حاجة اسمها عرس دة شايلاه من راسي وخالص م مفكرة فيه كل البهمني اخلص جامعتي وأطور نفسي وخالي قال لي بس اخلص جامعة حيعمل لي كل الاجراءات وأسافر ليه في الامارات وحيشوف لي شغل هناكـ ـــ ياااابت انت جنيتي م عشان واحد خذلك تقومي تحردي العرس ماف كلام زي دة وحكاية انك عايزة تسافري دة تشيليه من راسك واياااك ثم اياااك اسمعك تاني بتقولي م عايزة تعرسي وطلعت خلتني مع وجن ـ قلتة ليها وجن عليك الله احكي مع امي دي وفهميها اني عرس مااااابعرس ـ رسيل عيب تقولي كدة وزي م خالتو قالت لازم تنسي الماضي وتشوفي حياتك ـ قلتة ليها حتى انت ي وجن ماعايزة تفهميني ......

*#ألبينو《04》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
وجن امتحاناتها حقت الشهادة قربت ف كانت خايفة شديد وعلى طول متنشنة وفي حالة بكاء ـ انا كنت بشجعها وانها م تخاف وكنت براجع ليها الإنجليزي والعربي أما كريم براجع ليها الفيزياء والكيمياء ـ إجتهدنا معاها شديد لحدي م جات فترة الامتحانات ـ عيبها انها بتساهر وقدر م حاولنا معاها عشان نمنعها من السهر م قدرنا بالزات يوم امتحان الكيمياء دة خلت البيت كلو يساهر معاها جرسة شديد البت دي هههههه. ـ والحمد لله امتحاناتها عدت على خير ♥
لما أجزت ابوها جانا وسلم علينا وطلب من بتو تجي تقضي معاهم الاجازة وتكون جمب اخوانها ـ في البداية رفضت إنها تمشي بس بعد تعب واقناع من ابوهاوافقت ـ أمي م كانت عايزاها تبعد عننا بس كمان دة ابوها ومن حقو يسوق بتو ويقضي معاها وقت ـ فقالت ليها لو في اي لحظة حسيتي روحك م مرتاحة اتصلي وكلميني وانا بيدي بجي بسوقك تمام ـ وجن قالت ليها حاضر ماما ...
جامعتي فتحت ونزلتة السمستر الاخير ,إتعصرتة فيه شديد والله مع جري البحث والتعديلات والقراية عيني دي طلعت ـ بس الحمد لله خلصت وعدت على خير ـ اتخرجت بمعدل امتياز ♥

رقية :يارسيل بعد بكرة انا وابوك حنسافر رفاعة حبوبتك عيانة شديد وماشة اشوفها واتطمن عليها
رسيل:سلامتها ي رب مالها عندها شنو
رقية :قالو ضغطها ارتفع و وقعت فجأة ودوها اامستشفى ومرقدة من امس..
رسيل :كفارة ليها ـ امي خليني امشي معاكم عليك الله
رقية :ماف طريقة ي بتي اخوانك براهم في البيت ولو مشيتي معاي منو الحيطبخ ليهم عشان كدة اقعدي ..
رسيل :طيب تمام ي امي بس طمنيني على حبوبة بعد تصلو ..

بعد ماما وبابا سافرو البيت بقى مسيخ واليوم كلو بكون براي من الصباح لحدي العصر ـ كريم برجع بدري من شغلو عشان انا براي في البيت ـ وكرم طبعا يومو كلو برة البيت وبرجع مرات لنص الليل ـ كريم على طول بشاكلو انو م يتاخر للزمن دة بس هو راسو يابس وم بسمع الكلام...
يومي كلو مقضياهو قراية روايات وتلفزيون ولمن افتر بنوم ـ كنت بفتش لي عن رواية إسمهاThe great gatsbyورواية تانية اسمها one hundred years of solitudeفَ دخلت في القروب تبع الانجليزي قلتة ي ريت المعاهو الكتب دي يحولها لي ـ بعد حوالي عشرة دقايق واحد دخل لي خاص وقال لي الروايتين ديل عندي ليهم كتب ورقية اشتريتهم العام الماضي فلو حابة ممكن تجي تستلميهم مني تقريهم وبعد تخلصي ترجعيهم ـ انبسطة شديد لاني بفضل قراية الكتب الورقية افضل لي من قراية التلفون ـ الصدفة الحلوة طلعنا ساكنين في نفس المدينة والحي الساكن فيه قريب من حينا ـ قال لي عايزاهم متين ـ قلتة ليه لو فاضي ممكن بكرة اجي استلمهم ـ قال لي طيب تمام بعدها اتفقنا على المكان الحنتلاقى والزمن عشان اجي استلم الكتب ..
بالمساء كريم لمن رجع من شغلو سخنتة ليه الغداء ومشيت اوديهو ليهو في الصالون ـ اثناء م كنت عايزة ادخل سامعاه بحكي بالتلفون وبضحك ـ كان بحكي مع وحدة وبقول ليها :إنتِ عارفة إني اشتقتة ليكِ والله ماقادر اقعد من دونك وبعدها خفض صوتو وبتكلم بصوت واطي شديد م قدرتة اسمع الباقي ـ دقيت الباب ودخلتة عادي ـ لما شافني قال ليها يلا تمام لبعدين برجع ليك وقفل ..

*#ألبينو《05》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قبلتة عليهو ولقيتو رافع لي يدو ـ وقفت لحظة صمت وكنت بعاين بإستغراب لانو الشكل غريب علي ـ فجأة سمعتو بقول ألو ألوو إنت معاي ـ قلتة ليهو أأيوة معاك ومشيت تجاه التربيزة القاعد فيها ـ أول م وصلت وقف ومد لي يدو ـ أنا طبعا كنت بعاين بنظرات إستغراب لمن بعوارة ـ زول ابيض بياض م طبيعي وشعرو ورموشو وعيونو كل حاجة بالابيض ف عرفتة انو ألبينو يعني حوري زي م بنقول عليه ـ أول مرة في حياتي اشوف زول حوري في الواقع ـ كنت بشوفهم في التلفزيون والبرامج الوثائقية بس م حصل شفتة زيو في الواقع ـ مديت يدي بتردد وسلمتة عليه قال لي كيفك كويسة ـ قلتة ليه الحمد لله انت كيفك ـ قال الحمد لله, اتفضلي
قعدتة وقلبي من جوة بضرب كنت خايفة ـ زول غريب وشكلو غريب ف م كنت متطمنة ـ كنا ساكتين في البداية ـ وبعدهاكسر الصمت وقال لي م عرفتيني على اسم حضرتك ـ اسمي رسيل جار النبي ـ قال لي نعم الاسماء ي رسيل ,أنا فادي جعفر ـ قلتة ليه تشرفنا ـ الشرف لي ي رسيل أها تشربي شنو? قلتة ليه لالا م عايزة حاجة ـ قال لي لا لازم تطلبي شي أو حأطلب ليك انا من ذوقي ـ نادى الجرسون وطلب اتنين نسكافيه ومعاه كيك ـ بعدها سألني , بتدرسي? قلتة ليهو لا خلصت جامعة من قبل شهر ـ قال لي م شاء الله وان شاء الله حياة عملية موفقة ـ قال لي درستي شنو ـ قلتة ليه هندسة طبية ....ف الأخو بسأل فيني وانا بجاوب ع قدر السؤال وكنت منكمشة في البداية بس شوية شوية بديت اتجاوب واحكي معاه ف اكتشفتة إنو بحب الكتب والاطلاع شديد و واضح انو مثقف واي كتاب احكي ليه عنو بكتشف انو قاريهو وعارفو فالبجد اعجبت بشخصيتو من اول مرة لاني بحب الناس المثقفة والبتحب الكتب والقراية ...بعد م شربنا النسافيه مد لي الكتب وقال لي اتفضلي ـ قلتة ليه شكرا ليك ـ قال لي اقريهم على راحتك الروايتين ظريفات شديد وفيها تشويق وغموض ـ قلتة ليه شوقتني اقراها هههه ـ بعدها قلتة ليه يلا انا حستأذن ـ قال لي طيب اتفضلي اوصلك في طريقي ـ لالا ماف داعي والله اصلا البيت قريب وغير كدة انا حاغشى السوق بالاول قلتة ليه كدة كطريقة اتهرب منو عشان م يلح علي ـ قال لي طيب ي زولة تمام
ـ ودعني وركب عربيتو اللي من شكلها واضح انو ثري جداا ...
بعدها رجعتة البيت لقيت كرم قاعد بحضر في التلفزيون ـ قلتة ليه غريبة اليوم راجع البيت بدري ـ قال لي والله فتران يخخ ـ قلتة ليه م تفتر كيف وانت يومك كلو حايم برة البيت ـ قال لي كنتي وين ودة شنو الشايلاه في يدك دة ـ قلتة ليهو ديل كتب مشيت استلمتهم, م حكيت ليه التفاصيل لانو كرم معاط وكلامو كتير ـ طوالي دخلتة غيرتة ملابسي ومشيت المطبخ عشان اعمل الغداء ـ كرم قال لي عليك الله اعملي لينا محشي نفسي فيهو ـ قلتة ليه مالك بتتوحم ولا شنو هههههه ـ قال لي اسكتي ي عواليق بتوحم في عينك ـ قلتة ليه خلاص خلاص معليش هههههه وحأعمل ليك محشي وكمان بسبوسة للتحلية لاني عارفاه بموت في البسبوسة ـ جاني جاري وحضني بحبك ي احلا اخت يخخخ وكان مبسوط زي البيبي لما يدوه الحاجة العايزها ههههههه ...

*#ألبينو《06》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الروايتين الشلتهم منو كانو ظابطات شديد لدرجة إني كملتة الرواية الاولى في يومين فقط لانو يومي كلو بقرا فيها ـ أما الرواية التانية فكانت اظبط واطول من الأولى ـ بس م خلصتها سريع لأنو صادف إنو ماما وبابا رجعو من رفاعة والضيوف كانو بجو عشان يسلمو عليها ويكفرو ليها سلامة حبوبة ...
يوم الجمعة من الصباح عمتو ندى أخت بابا جاتنا سلمت علينا وفطرت معانا ـ عمتو دي ظريفة شديد وبحبها جداا ـ اثناء م كنا مندمجين في الونسة قالت لي اها ي رسيل بتي ماف جديد ـ قلتة ليها الجديد يجي من وين ي عمتو والجامعة زاتو خلصتها ياهو بقيت رمتالية و وقتي كلو في البيت هههههه ـ قالت لي المواضيع زااتها بتجي بعد الجامعة وغمزت لي طبعا فهمتها قاصدة شنو بس اتغابيت وقلتة ليها بري والله م عندي اي موضوع لكن بداية الشهر الجاي حأحاول أطلع الافادة عشان ابدا انزل الخدمة ـ قالت لي هو متين خلصتي ي بت ارتاحي شوية كدة ـ قلتة ليها والله ي عمتو قعاد البيت ممل افضل لي انزل خدمة طوالي واستفيد من زمني ـ قربت من اضاني وقالت لي اها ماف حاجة كدة ولا كدة ـ قلتة ليها كييف ـ قرصتني وقالت لي اوعك تتغابي انت فاهماني يعني ما عندك عريس ولا زول مقفلة عليه, عرسك دة منتظرنو بفارق الصبر ي بتي ـ قلتة ليها ياااعمتو ياحبيبتي بتك دي ما عايزة تعرس خااالص وموضوع الزواج دة شايلاه من راسي ـ لما قلتة كدة عاينت لي بإستغراب وقالت لماما ي رقية أسمعي بتك دي بتقول في شنو ـ ماما قالت ليها مالها كمان ـ عمتو قالت لي سمعيها الكلام القلتيهو لي أسي ـ أنا سكتة سااي ـ عمتو قالت ليها نفس الكلام القلتو ـ عليك الله يارقية دة كلام تقولو ـ ماما حدرت لي تماام وعرفتة انو اليوم حتشاكلني ـ كرم حب يلطف الجو قال ليها ياعمتي اختنا دي لسةةة صغيرة على العرس وبعدين عايزين تعرسو ليها وتخلينا براانا ـ عمتو قالت ليه صغيرة شنو لما كنا قدرها كنا بأولادنا ومن اسي حجزتك ل ولدي ـ طوالي نططتة عيوني بخلعة ـ عمتو قالت لي مالك اتخلعتي كدة أصلا من زمان كنت عايزاك لمجد ولدي لكن قلتة احتمال تكوني مرتبطة او عندك زول في حياتك ,لكن طالما ماف زول ف حياتك ف من اليوم انت خطيبتو ـ قلتة ليها ياعمتو عليك الله افهميني انا م عايزة اتزوج ماااعاااايزة ومجد دة زي اخوي وانت عارفة وطوالي جريت غرفتي وقعدتة ابكي ....كريم جاء لاحقني ولقاني ببكي بكل حرقة ـ حضني عليه وبكيت في حضنو لمن حسيت روحي ارتحت وخالص م اتكلم معاي لحدي م اتاكد إني هديت ,بعدها مسح لي دموعي وقال لي رسيل شنو الخلاك تبكي للدرجة دي ـ سكتة شوية واتنفست نفس طويييل ـ كريم كلمهم م يضغطو علي في موضوع العرس دة وخليهم يفهمو نقطة اني م عايزة اتزوج ـ طيب أنا ك أخوك ممكن اسالك سؤال ـ اكيد طبعا ياكريم ـ إنت ليه رافضة حكاية الزواج ـ بلعتة ريقي وتاني جريت نفس وقلتة ليهو الحصل معاي قبل سنة ونص جرحني وشديد وكرهني حاجة اسمها زواج وشككني في روحي وخلاني افقد الثقة في اي راجل في الدنيا دي فعشان كدة بطني طاامة من حاجة اسمها حب وزواج وبعدين انا م شايفة الموضوع مهم للدرجة دي يعني شنو لو م اتزوجت ياهو نسوان كتار عايشين بلا زواج مرتاحات ومبسوطات ....

*#ألبينو《07》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*عند فادي*
أول م الخط قفل خت يدو في قلبو ـ ضربات قلبو كانت متسارعة كأنو أول مرة في حياتو يحكي مع بت ـ كان مستغرب من الشعور الحاسي بيهو ـ معقولة وحدة مابعرفها وشافها مرة واحدة تلخبط مشاعرو للدرجة دي ـ شنو الحاجة المميزة فيها لدرجة انو تفكيرو كلو بقى عنها ـ م ياهو في بنات كتار حلوات ومغريات وأي شي بس ماف واحدة حركت مشاعرو ولا هو اصلا مهتم بالجنس اللطيف ـ ايش معني تجي دي وتحرك مشاعرو الجامدة ليها سنين ....

وجن اتصلت لي وقالت الاسبوع الجاي حترجع البيت لانها اشتاقت لينا وهناك الوضع م عجبها ـ انبسطتة شديد لاني بالجد كنت فاقداها وحاسة بالملل من عدم وجودها جمبي ..
بالمساء بعد م صليت العشاء قعدت اقرا في الرواية واثناء م بقلب في الصفحة لقيت صورة ـ لما شفتها كانت صورة فادي ـ دققتة في الصورة شديد ف بالجد ملامحو كانت حلوة جدا عيونو فيها براءة بس واضح انو حزين من جوة ـ رجعتة الصورة في مكانها وحسيت روحي نعستة ف طفيت النور ونمت ....
يوم السبت ماما قالت لي حنمشي اليوم نسلم على عمتك ياهو طوالي بتجينا لكن نحن طولنا م مشينا ليها ـ انا عن نفسي م عندي النية امشي والله لاني خايفة يشغلو لي الموضوع داك تاني هي وماما بس اتوكلت وقلتة لو بالغلط جابو لي سيرتو انا حعمل صامت وم حرد ....
لبستة لي اسكيرت وتيشيرت باللون الاسود وطرحة بالبيج واسبورت بالبيج ـ عملتة ميكب خفيف وطلعنا ـ أول م وصلنا سلمت علينا بلهفة وكيفك يابتي السمحة وقربت من اضاني وقالت لي ويامرت ولدي وضحكت ـ انا اتجاوزت الموضوع وسلمتة عليها بنفس الشوق ـ لقينا بنات اختها معاها اللي هم بنات عمتي وجدان ـ يلا عمتو وجدان بتكرهنا عديل والسبب شنو الله اعلم لابتجينا ولا بنمشي ليها هي وبناتها عدا بابا ع طول بمشي بسلم عليهم وم عندهم مشكلة معاه م في النهاية اخوها بس بكرهو ماما شديد وحاسدنها على بابا وعلى حبو ليها ....
أول م شافونا سلمو علينا بآخر نفس ـ وعاد نحن بنقصر سلمنا عليهم بنفس الطريقة ـ عمتو عارفة الجو مكهرب فيما بينا ف كانت بتتونس وبتحاول تلطف الجو....
عمتو قالت لي يلا ي رسيل اعملي لينا بسبوسة من يدك الطاعمة دي و وهاد تعمل لينا القهوة اما ولاء تعمل لينا الفنكوش والفشار ..
*وهاد اكبر مني ب سنتين كانت متزوجة قبل سنتين وانفصلت عن راجلها وم عندها اولاد ـ هي جميلة شديد بس مغرورة وشايفة روحها وكأنها ايشواريا راي وبتهتم جدا بالظاهر وبتمووت في البوبار ـ وتقريبا دة كان سبب انفصالها عن زوجها خاصة انها بتاعت مقارنات وم عندها قناعة خالص يعني مهما راجلها دة يعمل ليها ويجيب ليها بتشوفو ولا شي ...
اما ولاء دي في عمري كدة طبق الاصل عن اختها ...
فكيت طرحتي وطلعتة الاسبورت قلتة بما انو البيت م فيهو رجال اقعد براحتي ـ مشيت المطبخ وبديت اعمل في البسبوسة ـ كنت مركبة سماعاتي وبدندن سااي ـ بعد دخلتها الفرن بديت اجهز في العسل ال حأزقيها بيه ـ اثناء م كنت مندمجة في شغلي في زول جاء من ورا وغطى لي عيوني ـ وطبعا الحركة بكرها شديد ـ فبديت ازح اليدين من وشي وبقول منوو انت ـ فلما كنت بتحسس اليدين كانو واضح انو يدين راجل ف عرفتة انو دة مجد قلتة ليهو مجد بطل خلاص عارفاك دة انت

*#ألبينو《08》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عدينا اليوم كان ظريف شديد رغم وجود البتين الم بطيقهم ولا هما كمان بطيقوني بس مجد كان ملطف الجو شديد ومضحكنا كلنا ـ الحاجة اللاحظتها انو ولاء مكرشة(يعني معجبة🤣) شديد على مجد من خلال نظراتها ليها ولما يكون بهظر معاي بحس بيها شوية وتجي تخنقني كنت مستمتعة جدا بالوضع هههههه ـ أما ماما وعمتو ف يغمزن لبعض ومبسوطات واكيد فاكرين اني وافقت على موضوعهم الخاتنو لي بس هما م عارفين انو مجد هو اخو بالنسبة لي ♥....
بالمساء لما كنا راجعين البيت مجد قال حيوصلنا البيت بعربيتو ـ في الطريق ماما تشيل وتشكر فيه ـ بعد م وصلنا البيت ماما نزلت قبلي وأنا قبل م انزل مجد قال لي بعدين م تنسي ترسلي لي الصور الاتصورناها بتلفونك تمام ـ قلتة ليه طيب يلا باي ـ قال لي تاني م تختفي تعالي طلي علينا ـ قلتة ليهو حاضر بس حاتصل ليك اليوم الحنجي فيه عشان لو بنات عمتك معاكم م نجي😏😏ضحك وقال لي يازولة ظاابط ههههههه ...
طبعا امي كانت مبسوطة وشغالة تلمح من فوق وتشكر لي في مجد ـ بس انا خشمي وعندي ....
كنت مرهقة وفترانة شديد دخلت استحميت سرحتة شعري كعكتين ـ وجن اتصلت علي اتونسنا وحكيت ليها تفاصيل اليوم م خليت حاجة وهي برضو بتحكي لي في الدرامات الحصلت ليها مع مرت ابوها هههههه وقلتة ليها ي بت الباقي دة تميهو لي بعد ترجعي عشان م نكمل الونسة من اسي ههههههه ـ قلتة اها انت حتجي متين مش مفروض تجي في اليومين الجاية دي ـ قالت لي اي جاية بعد بكرة ان شاء الله ـ قلتة ليها تصلي بالسلامة حبيبتي يلا تصبحي على خير ♥
بعدها دخلتة الواتس اب ولقيت مجد مرسل لي مسج وينها الصور ي بتت ـ قلتة ليهو م عندك صبر اسي كنت حارسلهم ليك 😒 رسلتة ليه الصور بس م كان م داخل..
بقيت بكشف في الاستوريهات ـ لقيت فادي خاتي استوري ومحتواه :‏مش مُهم تبقى مُبهر خالص على قدر ما مُهم إنّك تكون حقيقي، مَافي أحسن من إنّك تعيش بطبيعتك، تتكلم بطبيعتك، تضحك بطبيعتك، تزعل بطبيعتك، مَافي هأي داعي إنّك تخفي هويّتك وتتصنّع هوية تانية عشان تعجب زول، إنتَ ما موّجود في الدُنيا عشان تعجب ناس مُعينة، أنت موجود هنا لأجلك، فحب نفسك بجد واشتغل ليل ونهار عشان تعيشها زي ما هي تحب 💛💛💛...
بالجد الكلام عجبني شديد وم قدرت اني م اعمل ليه فيهو كومنت ـ قلتة ليهو كلام من ذهب ومعاه قلب ـ في نفس اللحظة رد لي طوالي وقال لي تسلمي ومعاه قلب..
بعدها سلمت عليه وبدينا نحكي قلتة ليهو طبعا خلصتة الرواية الحمد لله وبالجد كانت ممتعة اتمنيت لو م تخلص ـ قال لي م شاء الله والله خلصتيها سريع ـ قلتة ليهو لانها مشوقة ـ المهم حكينا كتير وبقينا نتناقش في مواضيع فلسفية وكدة ههههه ومن خلال ونستو عرفتة انو عندو مكتبة في بيتهم وفيها كم هائل من الكتب المختلفة عربية وانجليزية كتب سياسية ثقافية روايات يعني بالجد عندو كل انواع الكتب وحتى انو صور لي مجموعة من الكتب وقال لي اختاري العجبوك عشان اجيبهم ليك ـ ف اخترتة كتابين ورواية وقال لي بكرة هو فاضي لو حابة ممكن اجي استلمهم ـ قلتة ليهو تمام ـ وحنتلاقى في نفس مكان المرة الفاتت بس الساعة الساعة اربعة ...
بعدها قفلتة الداتا ونمت ....

*عند فادي *

*#ألبينو《09》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فادي أول م شاف رسيل وهي جاية عليهو عيونو بقت قلوب قلوب ـ وم قادر يخبي نظرات اعجابو بيها ـ كان بقول بينو وبين نفسو كنتِ وين من زمااان !!!انت البت البحلم بيها ونفسي اكمل معاها باقي حياتي ـ انت البت الوحيدة الحركتي مشاعري وخليتيني أؤمن بحاجة اسمها حب من أول نظرةــ انت الوحيدة ال بقيتي شاغلة تفكيري كل يووم ـ بس حيجي يوم وحتكوني ملكتي بإذن الله ....

ـ لما وصلت قام وسلم علي بكل احترام وسألني عن احوالي وناس البيت وانا كمان برضو نفس الشي ـ والمرة دي كنا بنحكي وكأنو بنعرف بعض من فترة طويلة ـ ساعة كاملة عدت سريع من دون م نحس بعدها استاذنت عشان ارجع البيت بس هو كان مصر انو يعزمني على مطعم ونتغدى سوا ـ انا حاولتة اتحجج وكدة بس هو م اداني فرصة وفي الاخير وافقت....
ركبت معاه العربية بس كنت مترددة وخايفة ـ لدرجة إنو هو كمان حس بإرتباكي وخوفي ف قال لي اتطمني م حأخطفك ههههه ـ انا ابتسمتة وسكتة ـ بعد م ركبتة قال لي اربطي حزام الامان ـ شغل التكييف وموسيقى هادية وكنا ساكتين ـ بصراحة لسة كان في خوف جواي بس حاولتة اخبيه ـ شوية كدة فادي وقف سواقة وعاين لي قال لي رسيل إنت حاسة اني حأذيك?? ? ـ قلتة ليهو أأأبدا فادي ليه السؤال ـ السؤال عشان انتِ خايفة, مش خايفة وبس خايفة شديد كمان و واضح جدا من ملامح وشك وحتى لما سألتك اذا خايفة او لا جوابك كان بإرتباك ـ ف فادي والله م كدة بس خايفة الزمن يتأخر و لازم اصل البيت قبل المغرب دي كل الحكاية ـ بعدها قال لي اتطمني اصلا م حنتأخر المعطم قريب وم حنقعد اكتر من نص ساعة ف م تخافي عليك الله تمام ـ قلتة ليهو طيب تمام ـ ابتسم معاي ورجع ساق العربية ـ تلقائيا خوفي بدا يتلاشى وهو زاتو بقى بحكي معاي و ونسني لحدي م وصلنا المطعم ـ واثناء م عايزة افك حزام الامان علّق معاي وابى يتفك ـ قرب مني عشان يساعدني انا رجعتي لورا وبقيت لاصقة في الكرسي وقلبي بضرب شديد ـ في اللحظة دي فعليا حسيت بتوتر مبالغة ـ بعد م فك لي الحزام رفع راسو وعاين لي ـ ف اتلاقت عيونا (eye contact) ـ نزلتة عيوني سريع ونزلتة ...
دخلنا المطعم كان هاادي وراقي ـ المنيو كان في التربيزة ف اخترنا طلباتنا العايزنها ـ بعدها فادي نادى الجرسون و وراه طلبنا ـ تلفونو رن ورد عليه طوالي ..
فادي :اهلا ي امي
علوية:وينك ي ولدي اليوم مالك اتاخرت منتظرنك للغدا
فادي :انتو اتغدو ياأمي اليوم انا متغدى برا
علوية :متغدي مع منو
فادي:م عرف يقول شنو ف قال ليها ياأمي بعد ارجع بحكي ليك يلا مع السلامة ...
رسيل كانت سرحانة في اتنين قاعدين في التربيزة الجمبهم و واضح انهم عرسان جدد الحاجة الشدت انتباها انو الراجل بشبه حبيبها القديم (اللي كان حيكون زوجها) فجأة حست انو بطنها طمت وعايزة تقوم ـ حتى انو ملامح وشها اتبدلت وظهر عليها الحزن ـ فادي انتبه وقال ليها رسيل انت كويسة? ـ بس هي كانت لسة سرحانة وم انتبهت انو بحكي معاها ـ خت يدو من فوق ليدها وقال ليها رسيل انا بتكلم معاك ـ اتخلعت وقالت ليهو اسفة بس سرحتة شوية ومن غير م تشعر في دمعة جات نازلة من عيونها وقشتها سريع بأطراف اناملها ـ فادي اتاكد انو جواها في حزن كبير وهي مخبياهو بس سكت وم حب يسألها عشان خايف انو يخرب ليها مودها ...بعد خلصو اكل طوالي طلعو عشان الزمن كان ضيق وكان حيوصلها بيتهم بس هي رفضت

*#ألبينو《10》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بديت أعمل في الخدمة شغالة تلاتة ايام في الاسبوع ـ أحد ,تلاتاء وخميس ف المهم كنت متموضعة م قاعدة ساي ...وجن نتيجتها حق الشهادة قربت وطبعا هي جرسة شديد كل م نجيب سيرة النتيجة البت تنفسن وتخاف فعشان كدة بقينا م بنجيب ليها سيرة خالص بخصوص النتيجة لحدى م نتيجتها طلعت وكانت ظابطة شديد الحمد لله ـ عملت 87 انبسطنا شديد والله وحتى هي كانت مبسوطة عشان رغبتها تقرا تمريض وان شاء الله حتققهها بإذن الله ـ عملتنا ليها كرامة صغيرة بمناسبة نجاحها ـ كريم جاب ليها تلفون جديد ك هدية منو ـ اما ماما هدتها حلق دهب ـ اما انا وكريم جبنا ليها قفة فرح ولبستين ـ بابا كان سافر لكن رسل ليها قروش وقال ليها اشتري بيهو العايزاهو ♥

**حوالي الساعة 2بالليل كان بحكي معاها وبقول ليها:
......:لمتين حنخبي حبنا دة عن الناس ـ انا م حقدر اخبي عنهم اكتر من كدةـ انا عايز اتزوجك يخخخ م قادر اتحمل بعادك عني ...
قالت ليهو:
بس انا م بعيدة عنك انا على طول قريبة منك بس عليك الله عشان خاطري بس نأجل الموضوع دة شوية وبعدها نكلمهم ...
قال ليها :
شكلك م مشتاقة لي ولا حتى متحمسة لعرسنا زيي..
قالت ليهو :
بالعكس ي حبيبي والله متشوقة لليوم الحنكون فيهو لبعض اكتر منك ـ انت بس م حاسي بشوقي ليك وقدر شنو بحبك وعايزة اكون معاك وقريبة منك...
قال ليها :
طيب عايزاني أأجل الموضوع لييت ـ كلما افصحنا عن علاقتنا بدري كلمنا كان بكون افضل لينا..
قالت ليهو :
بس انا خايفة من ردة فعلهم ـ هل حيتقبلو الموضوع عادي كدة..
قال ليها :
تخافي وانا معاك??
وليه م يتقبلو الموضوع ـ هل بنعمل في شي غلط او حبنا لبعض حرام? ??

صحيت بالليل دخلتة الحمام ولما جيت راجعة لسريري لقيت وجن ماف وسريرها فاضي ولو افترضتة انها في الحمام اسي انا طلعتة منو ي ربي حتكون وين ـ تاني قلتة احتمال تكون جاعت ومشت المطبخ تاكل ليها حاجة ورقدتة عشان انوم ـ بس قلبي م كان متطمن ,مشيت المطبخ ولقيتها ماف برضو ـ خفتة شديد وبقيت افكر حتكون مشت وين ي ربي والزمن كان متأخر شديد ـ بقيت حايمة في البيت كلو وبفتش فيها اذا قاعدة ـ عندنا شجرة حقت ليمونة كبيييرة بتفصل بين جهة الصالون والجهة العلينا ـ لما قربتة منها كنت سامعة اصوات ناس بتكلمو بس بصوت واطي ـ خفتة في البداية قلتة احتمال يكونو حرامية ومندسين ورا الشجرة ـ بس الغريبة انو السمعتو صوت ضحكة انثوية ـ تاني فكرتة قلتة احتمال دي وجن جات هنا وبتخلط بالتلفون عشان م عايزاني اسمعها بس قلتة اتاكد اذا دي هي فعلا ـ بقيت بقرب اكتر من الشجرة ومن دون م اعمل صوت بس اتفاجأت اني سمعت صوت راجل والصوت دة م غريب علي ـ قربتة اكتررر واذا بيها القى الصدمة الم اتخيلتها وجن وكريم وهما بحكو مع بعض? ?? وم كلام عادي كلام حب وشوق ـ يعني وجن وكريم بحبو بعض? ??? معقول!! !!!...
وقفتة مسااافة وكنت بستوعب الحاصل وجن وكريم بحبو بعض ومخبيين عننا ـ طيب كيف ومتين والغريب في الموضوع انو م حصل لاحظت شي ولو بالغلط بدل على انو هم معجبين ب بعض او بحبو بعض ...ـ كويس التصبر لي وجن دي طلعت م سااهلة ههههههـ ....

*#ألبينو《11》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
موضوع عرسو ل فريد خلى ناس بيتهم كلهم متنشنين وخاصة انو فريد كان مستعجل وعايز كل حاجة تبقى بسرعة يعني العرس حيكون خلال شهرين على حسب كلامو ـ أمو كانت حزينة شديد لانو هو أول ولد وليها وكانت منتظرة الفرحة دي بفارق الصبر عشان تعمل ليهو عرس م حصل زيو وتختار ليهو العروس بنفسها ـ في الحقيقة هي كانت حاجزة ليهو بت صحبتها دكتورة وجميلة وبت ناس ف كانت عاجباها شديد ـ بس فريد حطمها من اول خطوة عشان هي في الاصل م مقتنعة بزواجو لكن مضطرة تسايرو وتعمل العايزو عشان العرس يعدي على خير ...
فادي كان قاعد في البلكونة وسرحان وقافلة معاهو شديد ـ شال تلفونو وقعد يتصفح ـ فجأة فتح جهات الاتصال ومن دون م يحسب حساب لاي شي اتصل ل رسيل ـ الساعة كانت 10مساء وحتى انو رسيل استعدت عشان تنوم بس لما شافت اتصال من فادي استغربت ليه بتصل عليها في الزمن المتأخر دة ـ ردت عليهو :
رسيل :الو السلام عليكم فادي
فادي :وعليكم السلام رسيل كيفك
رسيل:بخير الحمد لله انت كيفك ..
فادي :(جر نفس طويييل) ما كويس انا يارسيل ماااكويس مرهق وتعبان نفسيا وكاره اي شي في الدنيا دي ..
رسيل :(اتحيرت شديد وحست بالالم من صوتو يعني شكلو كان مغبون لمن م قادر يحكيـ كويس ) قالت ليهو فادي اول حاجة قول وراي بسم الله حتى يهدأ قلبي ..
فادي سكت ـ قالت ليهو تاني فادي قول بسم الله حتى يهدأ قلبي وغمض عيونك وجر نفس طوييل ...
فادي :بسم الله حتى يهدأ قلبي ـ وبعدها جر نفس طويل وغمض عيونو...
رسيل :عارف يافادي انا في الدنيا ماشة بأي قاعدة?
ماشة بقاعدة انو ماف حااجة بتستااهل وإنو الدنيا دي محطاات ـ يوم بتعيشها وانت مبسوط ويوم حزين ويوم مكتب ويوم ضايع ونحن كبشر بنمر بكل اللحظات دي ـ لحظات بنحس انو عايزين الدنيا تقيف في حتة معينة لانو خلاص م قادرين نكمل ـ بتمر بلحظات بتفقد فيها ذاتك وبتفقد الشغف الجواك ـ لحظات بتكره فيها كل الحواليك ...بس زي م بقولو الصبرر هو الحل لانو مهما فتشت من حلول م حتلقى غير حل واحد وهو الصبر أو اليقين يعني تكون متيقن وعارف انو الحالة السيئة البتمر بيها دي ماهي الا لحظاات وحتعدي ♥...
رسيل حكت معاهو كتير وطبعا هي عندها فن الطبطبة ـ يعني مهما تكون مغبون ومتضايق وكاره اي حاجة مجرد م تحكي معاها بتحس انك ارتحت شديد ـ فادي اطمن شديد من كلام رسيل لدرجة انو فتح ليها قلبو وحكى ليها كل الحاصل ...ف طبطبت عليه وخففت ليهو ألمو وضربت ليهو امثلة كتيرة لناس بتعاني وصاابرة ومن دون م تحس حكت ليهو كل الحصل معاها وقدر شنو هي اتكسرت وقلبها اتأذى ـ بس كانت متاكدة انو كلو لخير وياهو مواصلة حياتها عادي رغم انو الحصل معاها م اظن تنساهو في يوم لكن في النهاية دي سنة الحياة ولازم نتجاوز اي حاجة بتعيق اسلوب حياتنا ♥♥♥
فادي كان سااكت وبسمع فيها وهي بتحكي كل دة وعرف قدر شنو هي مجروحة وبكدا تقريبا عرف الالم الجواها وقدر شنو هي قوية ـ فادي كان ماقادر يعبر ويقول ليها شنو ـ كل القدر يقولو ليها :انت عظيمة شديد ي رسيل والزيك يتخت في العين والراس ـ وما عايز افتح ليك جرح الماضي لكن انت عارفة اكبر خسارة خسرها في حياتو انو ضيع واحدة زيك من يدو ـ واحدة بأخلاقك وبطيبة قلبك وبجمالك ـ م عارف ليه هو عمل كدة بس انت حلم ناس كتيرين ـ كتار البتمنو انو يكون عندهم شريكة حياة زيك ـ بعدها سكت وم قدر

*#ألبينو《12》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تاني يوم الصباح صحيت متاخرة الساعة 9عديل وحتى انو الصبح فاتني ربنا يغفر لي ـ قمتة اتسوكتة واتوضيت صليت ومشيت المطبخ عشان اشرب الشاي ـ لما دخلتة لقيت وجن بترتب و بتمر في المطبخ وبتغني ساااي ـ قلتة ليها م شاء الله الايام دي نفسياتك فل الله يديمها ـ ضحكت وقالت لي بسطة من الله سااي ـ قلتة ليها متاكدددة ولا داسة عني حاجةة ـ حسيت بيها اتوترت شوية لما قلتة ليها كدة ف قالت لي ادس عنك شنووو الزول م ينبسط😒 ـ قلتة ليها الله يديمهااا هههههههـ ـ اها اليوم الفطور حتعملي شنو ـ قالت لي حأعمل فطاير بس اصلا انا وانتي برانا ماف زول معانا ....
كبيت الشاي وقعدتة في الكرسي وبدينا نتونس ـ قالت لي رسيل معليش عندي سؤال وانت عارفاني فضولية م بعرف اسكت ـ قلتة ليها قولي قولي وتقريبا عارفة سؤالك شنو هههههههـ ـ قالت لي شنوو ـ قلتة ليها لا حابة اسمع السؤال منك ـ قالت لي امممم دة منو الامس الكنتي بتخلطي معاااه ـ هههههه والله كنت متاكدة حتساليني السؤال دة بس ح اجاوبك ي ستي دة واحد صديقي اتعرفتة عليه من فترة وامس كان متضايق ف اتصل علي , لو بتتذكري مش كان حكيت ليك عن الود الشلتة منو كتب وكدة ـ قالت لي ااي ـ قلتة ليها بس يااهو ...
قالت لي امممم وقعدت تعاين لي بنظراتها البفهمها ديك ـ قلتة ليها اصدقاااء اصدقاااء والفي راسك غلط غلط عشرة مرات غلط ـ ضحكت وقالت لي طيب اقتنعت ...
قلتة ليها اها وانتي جديدك والمكمل رصيدك وغمزتة ليها نظام تشغيلة ـ قالت لي بري يختي انا لسة صغيرة ع الامور دي وعملت روحها مشغولة ـ المهم عديتها ليها وم حبيت احكها معاها طالما هي م عايزة تحكي لي بخصوص علاقتها هي وكريم ف حأسكت واشوفها حتحكي لي متين ولوحدها من دون م اسألها.....

بعد اسبوعين كان في معارض لليوم العالمي للكتاب وكمان في مكتبة جديدة قريبة من السوق حيفتتحوها يوم الاثنين وأول يومين حيكون الدخول مجان وحتى حيكون في تخفيض في اسعار الكتب للناس العايزة تشتري وحيكون في مسابقات ثقافية وبرامج حلوة ف كنت متحمسة جدا وأكيد حأستمتع شديد ـ ف اتذكرت فادي وقلتة ي ربي حيكون عارف بالافتتاح دة ولا اكلمو ـ رسلتة ليهو رسالةة واتساب وكلمتو اذا حابي يجي ـ قال لي طبعا حأجي دي حاجة مستحيل افوتها ـ بعدها كلمتو باليوم والزمن حق الافتتاح ....
حاولتة اخلص اخر لي كتاب شلتو من فادي عشان بعد بكرة ارجعهم ليهو معاي مرة واحدة ...

بالمساء وجن قالت لي امشي معاها البوتيك الجمبنا عشان المرطب حقها خلص وزيت الشعر حقها برضو قرب يخلص ـ قلتة ليها اي ارح انا كمان عايزة اشتري السيروم حق فايتمين سي ومعاهو جل الالوفيرا والصن بلوك حقي برضو قرب يخلص ـ اتخمخمنا بتيابنا ومشينا
طبعا ولا واحدة فينا بتعرف تلبس توب زي الناس ههههه
ـ ونحن داخلين البوتيك مهاد كانت طالعة منو (صحبتي العرسها كان قبل 3شهور) انا وقفتة عشان اسلم عليها ـ بس بتتخيلو انها اتخطتني وعملت فيها م شايفاني بس عادي الموضوع م هماني شديد ف لو العرس بغير الناس كدة لدرجة سلام الله م بسلموه حريقة في العرس والله.

*#ألبينو《13》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فادي خاف عليها شديد لما شافها فقدت وعيها وعرف انو أكيد عندها فوبيا من الرعد ـ بقى بتأمل فيها وهي في حضنو وراسها على صدرو ـ طرحتها نزلت وشعرها اتفك وحالتها كانت حالة ـ يحليلا م واعية لشي ـ فادي ببلع في ريقو وم مصدق انو فعلا رسيل راقدة في حضنو كان حاسي كأنو بيحلم ـ رفع راسها شوية لفوف وبقى تايه في ملامحها من قريب ـ زح خصلات شعرها المغطية جزء من عيونها وحواجبها ـ بقى بمرر اطراف اصابعو في وشها وانفها وخدودها كانو ناعمين شديد وبشرتها نقية جدا كانها بشرة بيبي ـ لحدى م وصل شفايفها وهنا وقف وبقى مركز معاهم شديد وبعضي في شفايفو ومن دون م يحس هو بعمل في شنو ـ مرر اصابعو في شفايفها لحدي م حس برغبة شديدة انو عايز يبوسها لانها بالجد كانت مغرية حد الثمالة ـ قرب شفايفو من شفايفها وكان خلاص على وشك انو يقبلها ويتذوق طعم شفاها ـ بس فجأة وعى علي روحو وقال لنفسو عيب البتعمل فيهو دة ي فادي ـ معقولة عايز تستغلها وهي في لحظة ضعفها وم واعية لشي ـ بعدها شال كريستالة الموية القاعدة في عربيتو وبقى برشها في وشها شوية شوية لحدي م حس بيها بدت توعى ـ رسيل كانت لسة مغمضة وماسكاهو من قميصو بقوة وم عايزة تبعد عنو ـ بقى بطبطب على خدها برااحة وبقول ليها رسيل حبيبتي م تخافي انا جمبك ـ شوية شوية بدت تفتح عيونها ـ بعد م وعت تماما وفتحت ـ عيونها اتلاقت مع عيون فادي و لقت روحها راقدة في حضنو ومكنكشة فيهو معدماهو النفس ـ قعدت زي خمسة ثواني عشان تسوعب الحاصل وحاسة روحها زي الكانت بتحلم رجعت غمضت عيونها وتاني فتحتهم ولقت انو دة فعلا حقيقة م حلم ـ بعدها فكتو سريع وزحت منو وكانت خجلانة منو شديد لدرجة ما عارفت تقول ليهو شنو ـ شعرها كان مفكوك وعبايتها نازلة من اكتافها ومنظرها كان بيش شديد ـ صلحت روحها ولبست طرحتها واستعدلت في قعدتها ـ م كانت قادرة ترفع عيونها وتعاين ليهو ـ فادي حس بيها انها خجلانة منو شديد ف قال ليها رسيل انت كويسة لو تعبانة نمشي المستشفى ـ قالت ليهو لالا كويسة انا وسكتت...
المطر بدأ يخف شوية وفادي شغل عربيتو عشان يتحرك ـ الشارع بقى ملااان موية وفي طرق اتقفلت عديل ـ ف اضطر يمشي بالطريق التاني رغم انو طويل لكن احسن من باقي الطرق ـ قالت ليهو اسفة ومعليش تعبتك معاي ـ قال ليها يخسي عليك دة كلام تقوليهو اسفة وكمان تعبتك معاي عيب عيب يارسيل ...تلفونها رن ودي امها اتصلت عليها وكانت خايفة عليها شديد وبتسألها سؤال ورا سؤال ـ ف قالت ليها ياماما اطمني انا كويسة والله العظيم واسي انا في طريقي للبيت بس اصل وقتها بحكي ليك تمام يلا مع السلامة ....
فادي حب يكسر الصمت ويخلي الوضع طبيعي ويقلل من شعورها بالخجل ف بدا يونسها ويخلق مواضيع من مافي عشان يحسسها بالامان لحدي م قربت تصل البيت قالت ليهو بس اقيف لي هنا ـ قال ليها خليني اوصلك للباب عشان الطين بس هي رفضت وقالت ليهو اصلا داك البيت يعني خلاص وصلتني شكرا ليك كتير ـ قال ليها تاااني شكرا? مش قلنا م بينا شكر ـ ضحكت وقالت ليهو خلاص معليش وقبل م تنزل مدت ليهو الكتب القديمة الكانت استعارتهم منو ومعاه الكنافة الجابتها ليهو وقالت ليهو دي حاجة بسيطة عايزاك تضوقها وان شاء الله تعجبك ونزلت ـ قبل م تقفل الباب قال ليها رسيل ـ قالت ليهو ايوة فادي ـ قال ليها سعدت شديد باليوم دة لانك

*#ألبينو《14》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الايام عدت سريع وعرس اخوه لفادي باقي ليهو اقل من اسبوع وبقو مشغولين مع التجهيزات و التنظيم للعرس
بس علوية الوضع م عاجبها خالص بس مستحملة عشان فرحة ولدها وكانت دايما بتقول ليهم والله البت دي م ارتحتة ليها لكن عاد اعمل شنو فريد راسو اتلحس حليلو ـ وهو طبعا م شغال بكلامها خالص ومبسوط ..
قبل يومين من العرس فادي اتصل لي وقال لي لازم لازم تحضري العرس ـ قلتة ليهو ان شاء الله لو قدرت بجي ـ قال لي ماف حاجة اسمها لو قدرت ي رسيل انت اول المعزومين ولازم تلبي الدعوةـ قلتة ليهو حااضر ي فادي حاجي ـ قال لي طيب تمام حأكون في انتظارك ـ بعدها وراني الصالة الحيتم فيها العرس والزمن ....
طبعا فهمتة ناس البيت انو دة عرس اخو وحدة صحبتي وكدة عشان م يشغلوها لي ـ عدا وجن وريتها الحقيقة لانها حتمشي معاي برضو ...

يوم العرس ـ انا و وجن من الصباح شغالين ماسكات وعروكات واقنعة وشنو م بعرف هههههههه بس الحمد لله وشوشنا بقت ظاابطة ـ ماف ارهب من الماسكات والاقنعة الطبيعية ي بنات ...وتعبنا تعب عشان نختار الملابس الحنمشي بيها نشيل ونجرب ونغير ـ لحدي م في الاخر وبعد سلة روح اي وحدة فينا اقتنعت باللبسة الحتمشي بيها ـ انا اخترت فستان فنايلي بالزيتي مع الجسم حسيت بيهو بقى ضيق فيني نوعا ما بس لبستو ـ وشبط عالي بالفضي والشنطة والاكسسريس برضو بالفضي ـ الحجل الفضي حقي م لقيتو ف لبستة حجلي حق الدهب رفييع وحلوو...
اما وجن ف كانت لابسة طونكة طويلة باللون الجوافي وبنطلون جينز بالاسود واسبورت باللون الجوافي ...
العرس كان نهاري في مزرعة كبيرة منظمة بطريقة رهييبة ـ طبعا هما برجوازيين والرفاهية دي حقتهم 😂❤️ حتى اهلهم التقول م عايشين في سودانا دة الراحة ظااهرة فيهم ـ بإختصار رهاابة رهااابة شديدة ...
انا و وجن بس بقينا بنتفرج في المكان وفي خلق الله السمحة دي نسوانهم لرجالهم لاولادهم وبناتهم كلهم سمحين تبارك الله ♥
أول م وصلتة لقينا الحفلة بدت ـ اتصلتة لفادي م رد ـ ف قلتة اكيد حيكون منشغل ومع الصوت العالي دة م حيكون سمع اتصالي بقينا نرقص مع الناس وهجيج زي الهجيج ـ وجن دي الا ماساكاها من يدها عشان عارفاها جنها وجن الزنق تقوم تفضحني مع الناس هههههه ـ قلتة ليها ترقصي باحتراام فاهمة ....
شوية كدة لمحتة فادي وكان ببشر مع الناس ـ بصراحة اول م شفتو حسيت انو قلبي عمل شححح كان انيق شديد وشعرو بقى كتير و مبروم ـ والله البشوفو يقول م سوداني بشبه الخواجات البجيبوهم في ناشونال جوغرافي ـ قلتة لوجن دااك فادي ـ قالت لي وينو ـ قلتها الود الابيض داك ـ قالت لي الناس ديل كلهم بيض وينو فيهم بالضبط ـ قلتة ليها الود الابيض شدييد وشعرو ابيض دااك ـ قالت لي هوي كضابة اول حاجة دة م سوداني ـ قلتة ليها والله العظيم دة هو ـ قالت لي ومالو عامل كدة وشعرو ابيض ـ قلتة ليها هو البينو مش سمعتي بالحور يلا هو حوري ....قالت لي بلااي لكن الصراحة سمح سماحة جد والله لو م قلتي لي انو صحبك وبتعرفيهو ومتاكدة انو سوداني كان قلتة انو اوروبي عدييل ...كدي تعالي عرفيني عليه ـ قلتة ليها ي بت سيبي الخفة اسي م شايفاه مبسوط مع اهلو لبعدين بعرفك عليهو ...

*#ألبينو《15》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد مكالمة فادي معاي استغربتة ليه عايز يقابلني وشنو الموضوع المهم العايز يقولو لي حسيت بقلق ي ربي الحاصل معاهو شنو وحتى إنو طلب نتلاقى في الحديقة البلدية م في كافيه زي كل مرة ف دي الحاجة الخلتني اتحير شوية ـ ي رب يكون خير ....
تاني يوم بعد العصر جهزتة عشان امشي لبستة عباية سوداء وطرحة سوداء وشبط اسود يعني اسود في أسود وم كنت عاملة ميك اب غير لاينر وقلوس في شفايفي ولبستة زمامي ....
أول م وصلتة اتصلتة عليهو وقلتة ليهو انت وين انا حاليا وصلت ـ قال لي طيب انتظريني في البوابة جاي عليك انا ـ قلتة ليهو طيب ـ شوية كدة وجاني سلم علي ـ وشو كان م طبيعي كان واضح وش زول مرهق وشايل هم كبير ف قلقي زاد لما شفتو بالحالة دي ـ دخلنا جوة وقعدنا في حتة هادية م فيها ناس ــ فادي انت كويس ـ سكت م رد علي وخت يدينو في وشو زي الزول الحاصلة ليهو مصيبة كبيرة وما عارف يبدا من وين ـ قلتة ليهو عليك الله رد علي ولو بكلمة بديت اخاف والله وخلاص دموعي بقت في طرف عيوني ...
فادي :رسيل لا ماتخافي انا كويس والله ..
رسيل :بس شكلك م بيوحي إنك كويس وياهو الهم ظاهر فيهو ـ طيب احكي لي الموضوع المهم القلت عايز توريني ليهو شنو...
فادي :(بقى متوتر زيادة وبفرك في يدينو مع بعض) والله يارسيل ماعارف ابدا ليك كيف واقول ليك شنو بس برضو م قادر اسكت واحكي الجواي ....
رسيل :طَبْ احكي انا سامعاك واكيد اي مشكلة وليها حل بس انت خليك واثق فيني واحكي كل الفي قلبك اعتبرني مرايتك وعايز تفضفض ليها ..(إبتسمت معاهو وختت إيدها في إيدو)
فادي :بس أوعديني إنو بعد الكلام الحأقولو ليك دة حتقيفي جمبي وم حتتخلي عني مهما كانت ردة فعلك ..
رسيل :بوعدك يافادي ـ بس انت احكي انا خلاص م قادرة اصبر م تخوفني اكتر من كدة ارجوك ...
فادي :طيب حأبدا احكي وم تردي على كلامي الا بعد اقول ليك انا خلصت ..
رسيل :طيب تمام
فادي (جر نفس طويل بالاول فادي بدا يفكر كيف يبدا ليها الكلام عشان يمهد ليها الموضوع بس خالص م يقدر يصيغ ليها كلام معدل وكأنو لسانو اتربط كل العملو بقى بعاين ليها في عيونها لمن عيونو دمعت وبعد م خلاص غلبو يقول شنو قرر يعترف ليها من دون مقدمات وقال ليها رسيل انا بحبك ـ بحبك والله العظيم بحبك ـ بحبك بصورة م بتتخيليها ـ حبيتك من اول يوم شفتك فيهو ـ حبيتك لدرجة اني م قادر اشيلك من بالي وفي كل لحظة انت في ذاكرتي ـ حبيتك لدرجة اني كل يوم بدعى في صلاتي انك تكوني من نصيبي ـ حبيتك لدرجة انو اتغيرت فيني حاجات كتيرة بسببك وحياتي بقت احلى بوجودك وحسيت انو فعلا الدنيا بقى ليها طعم ـ رسيل أنا مجرد م اشوفك او أسمع صوتك مشاعري وأحاسيسي كلها بتكون جايطة ـ انا عارف انو الجرح الجواك لسة واجعك وم قادرة تنسيهو لدرجة انك قلتي لي قبل كدة انك م اظن تقدري تثقي في زول وتديهو قلبك مرة تانية بس كل البتمناهو منك انك بس تدي قلبك فرصة اخيرة ـ تفتحي لي قلبك وتديني فرصك اعيش معاك الحب ـ تديني فرصة اسعدك واكون ليك الحبيب والصديق والزوج واي حاجة بتتمنيها و صدقيني مستحيل مستحيل اخذلك وان شاء الله اموت او أتأذى لو فكرت في يوم اجرحك او اكسر قلبك ـ أنا واثق اني حأنسيك كل اللحظات البشعة العشتيها ـ واثق اني حأقدر ارمم الوجع الجواك وإلا م كان اعترفتة ليك بحبي ـ رسيل انا كل مرة بقول اعترف ليك فيها بمشاعري

*#ألبينو《16》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كريم أخوي سفرو بعد اسبوعين ف قرر يعقد على وجن الجمعة الجاية ـ فادي قال لي خلاص يعقدو لينا نحن برضو معاهم مرة واحدة وفي نفس اليوم ... رغم انو عرسنا بعد شهرين ـ قلتة ليهو فادي ماف داعي تكلف نفسك مرتين اصلا م باقي كتير للعرس ف العقد والعرس يكونو سوا ـ بس هو كان مصر انو يعقدو لينا مع كريم و وجن ـ لما سألتو ليه مستعجل كدة ـ قال لي عشان اخد راحتي معاك ـ قلتة ليهو بخوف كيف يعني م فهمتك ـ قال لي روقي روقي م قاصد الفهمتيهو بس لو عايزين نطلع برة البيت سوا مثلا لو عايز اعزمك او نطلع نغير جو سوا أهلنا يكونو متطمنين اكتر لانك مع زوجك ♥ـ انا اتطمنت شوية عقلي طبعا كان مشى شمال شوية هههههههه .... ف أهلي قالو ليهو طالما انت عايز كدة ف ماف مشكلة ....
أنا كنت مبسوطة بس كمان في نفس الوقت كان في شوية قلق جواي بالذات لما اتذكر الماضي ...
طبعا خالاتي وبنات خالاتي كلهم جو وأهل أبوي برضو عشان يحضرو عقدنا انا و وجن يعني البيت كان م شاء الله عاامر ...
أنا رفضت انزل دخان لانو خايفة جسمي يشيل قشرة واصلا العقد الجمعة وباقي ليها تلاتة يوم ـ كنت بعمل عروكات وماسكات وشالو لي جسمي ...أما وجن فهي نزلت دخان من قبل اسبوعين وجسمها ماشاء الله بقى نضيف وحلو وهي اصلا حلبية فزادت نورتها ـ كريم طبعا مانعنو يجي على جهة النسوان وممنوع يشوفها ـ حاليا ليهم أكتر من اسبوعين م شافو بعض رغم انو كانو بحاولو يتلاقو بالدس بس انا خااالص م مدياها فرصة واقفة ليها في العزيزة هههههههه ...
بالليل قبل العقد بيوم وجن قالت لي اها شعورك شنو وخلاص بكرة حتبقي مرت راجل ـ قلتة ليها مبسوطة وفي نفس الوقت خايفة ـ قالت لي انت عبيطة تخافي من شنو دة انت حتعرسي سيد الرجال فاكراهو حيعمل نفس عملة العواليق داك ـ عليك الله ي رسيل الماضي دة انسيهو ـ أثناء م كنا بنحكي مع بعض فادي اتصل لي ـ قالت لي يلا انا حقوم اخليك تخلطي براحتك وانا زااتي ماشة اخلط راجلي ههههه ـ قلتة ليها شافعة قليلة ادب ـ قالت لي هييي شافعة انتي دي يلا ردي قبل م الخط يفصل ـ. ف رديت عليهو :
فادي :لا تسأليني كم أحبــــــــك
فليس لـحـبــــــــــك مقيـــاس
لا تسـألـيـنــــي كـم عـشـقـــتـــك
ولمــاذا إخـتــــرتــــك مــن دون الناس
لا تسـألـــيـنـي إلـى متى سـأظـــل أحبـــــــك
فـــأنــا ســـأحبــــك حتى تودعنـــي الأنفــــــاس.
❣️
رسيل :(ضحكت) أها يا أحمد شوقي ...
فادي :لا أنا فادي شوقي حبيب رسيل وبكرة حأبقى زوجها ♥
رسيل :(خجلت وسكتت)
فادي :ي السمحة مشيتي وين ...
رسيل :كيفك اليوم وكيف امسيت ...
فادي :لييه داايما بتتهربي من الكلام العاطفي والمشاعر المرهفة م رومانسية خالص خالص 😒😒على العموم كويس انا انت كيفك كويسة ...
رسيل :الحمد لله بخير
فادي :بالمناسبة انا رومانسي جدااا جداا وبحب الرومانسية من اسي اعرفي ههههه....
رسيل :وأنا عكسك ما رومانسية ولا بعرف اترومنس ...
فادي :هههههههه ما مشكلة بعلمك انا حبيبتي 😉

*#ألبينو《17》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اليوم التاني برضو أبيت أفتح تلفوني خالص ـ لازم اخليه يتأدب عشان م يكرر حركتو دي تاتي ـ طالما العرس م تم ما حأسمح ليهو يقرب مني ـ أهاااا معناها لما قال انو عايز يعقد علي عشان ياخد راحتو معاي قاصد حركاتو دي وتفكيري كان في محلو ـ لكن الترابة في خشمو لو فاكر انو حيقدر يتصرف معاي زي م عايز وتاني طلوع معاهو م حأطلع العرس زاتو م باقي ليهو شي كلها شهرين خليه يتحمل ...
اليوم كان حزين لانو خالاتي وبناتهم سافرو وخلو لينا البيت مسيخ شديد والله بكينا بكاء ـ خالتي قالت لي بعد شهرين تاني حنجي عرسك يعني م حتشتاقي لينا كتير هههههه قلتة لينا ي ريت لو الشهرين ديل تعدوها معانا بس الظروف زي م قلتي ...
بالليل فتحتة اللابتوب حقي ونزلتة لي فلمين ظابطين حضرناهم انا و وجن ـ بعد م خلصناهم وجن شالت تلفونها وقعدت تخلط وأنا عصرت روحي عشان انوم بس م جاني نوم ـ قلتة خلاص افتح تلفوني اصلا الزمن اتاخر وم اظن يحاول يتصل علي لانو بكون فتر من كترة المحاولة وبلقاه قافل ...أول م فتحتة تلفوني لقيت محاولات كتيرة منو ورسائل بعتذر مني على حركتو الامس وانو م قاصد وتاني م حيعيدها وبترجاني عشان افتح التلفون ـ فتحتة الداتا ودخلتة واتس لقيتو نشط الان في نفس اللحظة رسل لي اخيراا ي رسيل انا طلعتة طوالي من دون م افتح الرسالة ـ طوالي اتصل علي بعد مسافة حتى رديت ـ قال لي معقولة للدرجة دي زعلانة مني ليه انت قاسية كدة من امس بالليل قافلة تلفونك لحدي اللحظة ي داب فتحتيه وكمان م عايزة ترجعي لي ولا حتى بمسج تطمنيني عنك ـ أنا كنت ساكتة وم عايزة أرد ـ قال لي رسيل عليك الله ردي م تسكتي عارفك زعلانة مني طيب شاكليني وفشي زعلك فيني بس ارجوك م تسكتي ـ قلتة ليهو اقول شنو مثلا يافادي انا م اتوقعتك تتصرف معاي كدة ولا خلاص عشان عقدتة علي حابي تعصر علي بتصرفاتك دي وتغصبني عليها ـ بس خت في بالك طالما م تمينا العرس مستحيل اخليك تقرب مني فاهم وم تقول لي مجرد بوسة او غيرو إيدي دي م تلمسها وأصلا تاني من اليوم م حأطلع معاك لحدي م العرس يكتمل ـ كنت بتكلم ومنفعلة شديد ـ بعد م خلصتة قال لي رسيل روقي أنا اسف والله العظيم اسف والحصل امس م كان بيدي كانت لحظة ضعف مني و ليك حقي تزعلي بس يارسيل انت ماحاسة بالعلي انا مشتاق ليك شديد ونفسي شديد في الحاجة دي معاك نفسي احضنك وابوسك وامارس معاك الحب ف خلينا نقرب العرس ونخليهو بعد شهر لانو شهرين كتيرة ـ أنا بقيت ببلع في ريقي وطوالي قلتة ليهو فادي انا نعستة عايزة انوم وانو نقلص زمن العرس دي ماف ليها طريقة لانو في ترتيبات كتيرة م اتعملت و ...قاطعني قال لي الترتيبات دي حتبقى كلها خلال فترة الشهر بس انتي قولي خير وخلينا نتمم عرسنا ...لالا يافادي شهر بسيطة وم تنسى انو اتفقنا على شهرين يعني شهرين ـ قال لي طيب تمام ي رسيل العايزاه ببقى ـ وعلى كدة خلصت المكالمة ....
فادي كان زعلان من جواهو وليه رسيل بتتعامل معاهو بالجفا دة عشان بوسة واحدة في رقبتها قومت الدنيا وقعدتها ـ ياهو كل الناس العاقدين بعملوها وبعملو اكتر من كدة بقت على البوسة والحضن ـ لكن هانت بس اعرسك وقتها ماف حاجة بتحلك مني واشوفك حتتحججي لي بشنو تاني ....

*#ألبينو《18》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
العرس باقي ليهو اسبوع واحد وماما و وجن شغالين فيني شغل الجن دخان وعروكات وماسكات والله انا م باقي لي الا اكورك زهجتة عديل من الشغلانة دي ـ طبعا الدخان لو م ماما وقفت لي قوي والله م كان اتدخنت ـ بس م شاء الله النتيجة كانت حلوة وجسمي بقى نضييف وناير وحتى فتح درجتين ..
فادي لما يتصل لي مرات بلقاني زهجانة بقول لي العروس مفروض تكون رايقة وم تزهج لانو الحالة النفسية اهم شي ويقعد يتفلسف فيني ف بنفصم فيهو بقول ليهو م ازهج كيف واليوم كلو مشوية انا في الدخان دة والله المرة الاخترعت الشي دة م عافية ليها ـ وهو يشيل ويضحك فيني ضحك وبقول لي دة اعظم اخترااع يااخ ـ قلتة ليهو فادي قفل مني م ناقصاك والله ـ قال لي بالمناسبة مش مفروض نمشي سوا اوريك بيتك عشان لو في حاجة ناقصة نتممها لانو البيت جاهز بس لو عايزة تغيري حاجة او تضيفي حاجة نعملها من اسي ـ قلتة ليهو امممم فعلا صح انت حتكون فاضي متين ـ قال لي بعد يومين م عندي شي ف خليك جاهزة بعد الفطور بجي بسوقك ـ قلتة ليهو طيب تمام..

*في مكان تاني خاالص*

يمان :والله ياجاد حيرتني معاك عديل وم قادر افهمك ـ كل مرة طالع لي بقرار جديد ي تستمتر في الشغل دة ي تخليهو وحركات انك تغيب على كيفك دي حتخليك تنطرد والشغل دة انت لقيتو بعد سلة روح فماممكن معاك ـ ولو الوضع هنا م عاجبك ارجع السودان بلاي ـ يخ ليك سنتين وانت ماقادر تستقر في شغل معين وللان م استفدت شي من اغترابك دة ماعارف الحاصل ليك شنو لانو ماممكن معاك والله انا لو ما صحبك وبحبك ماف زول حيتحملك ف عليك الله بطل البتعمل فيهو دة وركز في شغلك دة قبل م تنطرد وتسف التراب ـ لانو المرة دي لو انطردت والله م حأتعب روحي وافتش ليك شغل زي كل مرة ...
جاد :خلاص يا يمان حأحاول انتظم في شغلي مع اني م طايق الشغل ولا طايق ناسوا والله كل يوم بعصر على قلبي ليمونة عشان امشي ..
يمان :انت مالك ومال ناسها ـ انت ركز في شغلك بس وم عندك شغلة بشي ...
جاد :كدي انسانا من موضوع الشغل دة ـ سمعتة خبر انو الاكس عرسها الاسبوع الجاي ...
يمان :أها وشعورك شنو مبسوط ولا زعلان ـ مع انو م عندك الاحقية تزعل خالص وبعدين سؤال انت ليه مهتم بأخبارها للدرجة ...
جاد :امممممم ما عارف بالجد عارف ...
يمان :ماعارف ولا حاسي بالذنب تجاه الشي العملتو فيها
جاد :يمان لو سمحت ممكن نقفل السيرة دي ...
يمان :على م اعتقد دة انت فتحتة السيرة دي ...

بعد يومين كلمتة امي اني حأمشي مع فادي اشوف بيتي وكدة و وجن حتمشي معاي ـ قالت لي طيب ...
وجن قالت لي اسي انا امشي معاكم لييه مفروض انت وراجلك براكم تمشو ـ قلتة ليها انت متخلفة تمشي معاي يعني تمشي معاي ـ قالت لي يازولة ظابط الحالة كنت عايزاك تمشي براك عشان تاخدو راحتكم وكدة بس ع كيفك طالما عايزاني امشي ف حأمشي ...قلتة ليها راحتنا في عينك هو احنا ماشين نعمل شنو اصلا م ياهو ماشين نشوف البيت ـ شافتني وضحكت قالت لي يازولة قداام ههههه ـ طبعا ضحكتها دي ليها الف معنى حافظاها بصم العواليق التافهة ....

*#ألبينو《19》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ود عمو ل فادي وصلنا الشقة ورفع لينا الشنط دخلها لينا جوة ـ الشقة دي حقت ود عمو دة ف سمح لينا الليلة نقضيها هنا قال لينا اخدو راحتكم وكل حاجة جاهزة وحتى التلاجة مليانة ـ فادي شكرو ـ قال ليهو معقولة ي اخوي م بيناتنا شكر يلا بعد كدة انا حأمشي اخليكم تاخدو راحتكم وبعدها طلع ....
بعد م طلع وقفل الباب انا قلبي بقى بضرب بسرعة وبقيت ماسكة طرف التوب بقوة ـ التوتر كان في اعلى درجاتة ـ فادي مسكني من يديني ولفتني عليهو وقال لي اخيراا ـ اخيرا اتقفل علينا باب واحد يارسيل ♥اليوم انا اسعد انسان في الكون عارفة ليه, عشان خلاص البت البحبها وميت في عشقها بقت معاي وحتكون معاي للابد ♥انت عارفة اللحظة دي انا كنت بحلم بيها كل يوم لحدي م ربنا حققها لي ـ انا كنت بدعي في كل صلاة انو ربنا يتمم لينا عرسنا على خير ـ كنت خايف تحصل عوارض تبعدك عني بالجد انا حاسي اني في حلم ♥
فادي كان بحكي لرسيل كل المشاعر الحاسي بيها في اللحظة ديك ـ كان بحكي ودموعو نازلة وبعاين ليها نظرات مليانة حب وحنية واعترف ليها بكل حاجة في قلبو كان داسيها لليوم دة♥
رسيل بقت بتمسح ليهو في دمومو بطرف توبها وهي زاتها كانت بتبكي ـ كلامو خش ليها جوة قلبها وضمد ليها كل الوجع العاشتو ـ كان مستغربة كيف ممكن يكون في انسان بالحنية واللطافة والذوق دة ـ وقالت ليهو فادي انا م بعرف احكي واعبر عن الجواي لكن انت انسان عظيم واثبتة لي فعلا انو البحب مستحيل يجرح حبيبو وبعمل المستحيل عشان يكون جمبو ـ انا كنت كارهة مجتمع الرجال بسبب واحد خزلني وحطمني لكن انت اثبت لي انو ماكل الرجال واحد ف شكرا ليك من كل قلبي قربت منو وباستو في خدو بحبك يافادي♥
فادي ثبتها بإيديهو الاتنين من خصرها وقربها منو وبقى بعاين ليها في عيونها وانا بعشقك يا أسيل وبعشق التراب البتمشي فيه ـ رسيل خجلت وطوالي نزلت عيونها ـ فادي بقى بشم في ريحة شعرها لحدي م وصل رقبتها وانفو بقت لاصقة مع رقبتها ـ شوية شوية فادي بقى بحرك ايدهو في جسمها وطبع قبلة في رقبتها ـ رسيل بقت متشنجة و عايزة تزح منو بس فادي محاوطها بكلو ـ بقى بفتح في السستة حقت الفستان واول م مرر اصابعو في ضهرها رسيل اتنفضت لمن فادي اتخلع ـ رسيل حبيبي كويسة انتي ـ من الخوف العليها قالت ليهو لالا م كويسة انا نعسانة عايزة انوم والمغرب والعشاء لسة م صليتهم و...كانت بتتكلم و واضح انها خايفة شديد لمن اطرافها بترجف ـ فادي مسكها من ايديها و قال ليها طيب ي روحي أول حاجة اهدي وجري نفس طوييييل ـ عارفك خايفة ومتوترة لكن وعد مني م حألمسك الا اذا حسيت انو الخوف الجواك كلو انزاح ـ رغم اني والله م بقدر اتحكم في نفسي لما تكوني قدامي وانت عارفة الحاجة دي بس علشان عيونك الحلوة دي م حيصدر مني اي تصرف من دون موافقتك فخليك مسترخية ومتطمنة ف ماعايز اشوف نظرات الخوف دي تاني في عيونك تمام يلا وريني ابتسامتك الحلوة دي رسيل اتطمنت شديد من كلامو وابتسمت♥

بعدها ساقها من ايدها ودخلو الغرفة قال ليها ادخلي اتحممي ـ قالت ليهو انت ادخل بالاول ـ قال ليها طيب حاضر هههههه شال غيارو ودخل الحمام ـ رسيل بقت بتفتش ليها في اكتر روب ساتر عشان تلبسو لقت ليها واحد مع الركبة وايديهو نص كم وطلعت توبها الهزاز ختتهم في طرف السرير ومنتظرة فادي عشان يطلع ـ حست روحها عطشانة مشت

*#ألبينو《20》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
المنتجع النزلنا فيهو اسمو سانت ريجيس بورا بورا ـ متخيلين معاي انو المكان عبارة عن جنةة على الارض ف المنتجع موجود في وسط البحيرة ـ يعني انا كنت حاسة اني بحلم وانو دة م حقيقة ـ الطبيعة والمياه الصافيه والتنظيم والخدمات يعني رهابة رهااابة ♥
وصلنا الجناح حقنا كان واااسع وطبعا النوافذ زجااجية بتقدر تشوف من برة كل حاجة لكن من برة م حتقدر تشوف شي من جوة ـ عندهم حمام سباحة جوة الجناح ...قلتة لفادي المكان رهيب شديد وحلوو ـ قال لي فعلا الطبيعة حلوة وانا اخترتة المكان دة بالزات لانو بساعد على الاسترخاء وطبيعي 100%ـ بتذكر قبل كدة قلتي لي انك بتحبي الطبيعة والبحر ف لقيت انسب مكان نجي هنا ـ اصلا كنت ناوي نمشي المالديف لكن للاسف الحجوزات لشهر العسل كانت مقفولة خلال الشهر دة ف بحثت عن مكان يكون هادي وجميل وطبيعي ف لفيت هنا افضل خيار ♥...
بعدها دخلنا غيرنا ـ انا لبستة لي بجامة تلات إربع فيها رسمة ميكي ماوس وسرحتة شعري ضفيرة وحدة ـ كنت زي الشافعة هههههه ـ فادي اول م شافني قعد يضحك قال لي واحلاتي ي ناس ـ هو كان لابس شورت قصير وفنيلة داخلية من دون اكمام ـ رقدنا في السرير وكنا بنحكي ونتونس ـ شوية كدة السيرفس جاء وجاب لينا الاكل والعصاير كانت طبيعية ـ عصير جوز هند ومعاه عصير اناناس فرش ...
بعد م خلاص اكلنا وشبعنا قعدنا جمب النافذة الزجاجية وبنتفرج على الطبيعة وعلى الناس برة بسبحو في البحر ـ طبعا النسوان لابسلات حمالات وانكسة رفيعة ومايوهات لانهم معظمهم اجنبيات وعادي بالنسبة ليهم..
فادي طلع فنيلتو ونزل يسبح في المسبح حق الغرفة ـ قال لي تعالي حتحسي بإسترخاء كنت خايفة في البداية لكن عايزة انزل برضو قلتة ليهو طيب جاية وعايزة انزل ببجامتي قال لي طلعيها كدة م حتكوني مرتاحة ـ بقيت مقلعة عيوني...
قلتة ليهو انا اصلا م عايزة ادخل كلي بس عايزة اقعد بالطرف وادخل رجليني لجوة ـ قعدتة طرف المسبح وبقيت بحرك في رجولي وبشيل الموية بيديني برشها في فادي من بعيد ـ والله كنت مستمتعة شديد بالحاجة دي ونفسي انزل لجوة بس م بقدر اطلع هدمومي واقعد قدامو بالحمالة ـ فادي جاء علي وقال لي احسن ليك تنزلي والله الشعور حلو ـ قلتة ليهم بس ....قال لي مابس وجراني دخلني جوة المسبح ـ بقيت ماسكاهو لاني كنت خايفة في البداية والموية باردةـ طبعا انا بعرف اسبح لكن لي فترة طويلة من السباحةـ شوية شوية الوضع بدا يعجبني وبرشني بالموية وانا برشو ـ مسكني فك لي ضفيرتي وعايز يطلع لي قميص البجامة اللابساه ـ قلتة ليهو بتردد ف فادي بتعمل في شنو ـ قال لي رسيل م تخجلي مني عايز اطلع ليك قميص البجامة عشان تكوني مرتاحة وانت بتسبحي وما تخجلي مني ـ قلتة ليهو ب بس ـ قاطعني اشششش جراني عليهو وطلع مني القميص وبقيت قاعدة بالحمالة ـ كنت خجلانة منو خجل بس هو واصل سباحة وانا كنت في مكاني م اتحركتة ومحاوطة صدري بيديني ـ قال لي يارسيل مالك ثابتة في مكانك ـ قلتة ليهو انا عايزة اطلع

*#ألبينو《21》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يمان :إنت جادي يا جاد عايز ترجع السودان?
جاد :ايوة جادي وحتى اني قطعت التذكرة وحسافر الخميس...
يمان :طيب تمام دي حياتك وحر فيها وطالما انت شايف انو الرجوع افضل ليك ف بالتوفيق ...
جاد :يمان انت مالك بتتكلم معاي كدة وكاني غلطان في قراري دة ـ انا البلد دي ما وقعت لي خالص +انا حاسي بعذاب الضمير ولو م مشيت اعتذرت منها وسامحتني ما حأرتاح والله ...
يمان :هههههه ومتوقع تسامحك مثلا?
جاد:ماعارف والله لكن حأحاول ...العملتو فيها صعب يتغفر والله ..
يمان :انت خذلتها وجرحتها وكسرت بخاطرها ..والله انت صحبي واي شي لكن العملتو في بت الناس دي مزعلني منك شديد ـ دي م شغلة بعملوها رجال ...
جاد :انت تخفف عني ولا تزيدها علي ـ عارف روحي غلطان وماعارف مخي كان وين لما عملتة العملة دي بس الشك كان مسيطر علي والرسايل البتصلني خلتني اصدق كل حاجة اتقالت عنها من دون م اصارحها او حتى افكر انو دة فخ عشان يخربو بيناتنا....
يمان :انت اصلا كيف تشك في واحدة حبيتها ـ معقولة البت الليك سنين بتحبها تصدق عنها اي كلام يتقال فيها..لدرجة انك تهرب تخليها وعرسكم باقي ليه10ايام
جاد :في البداية انا كنت مامصدق لكن لما وصلتني صورة كانت قاعدة فيها مع واحد وبضحكو هنا مخي اتلحس والشياطين الجواي كبرو لي القصة وبقيت مصدق الحكاية الاتقالت عندها وانت عارف انو انا من البداية كنت محذرها انها ما تحكي مع اي ولد مهما كان السبب...
يمان:مش ممكن الولد دة يكون ود اهلها او يكون زول بيعرفها وماف حاجة بيناتهم? ??
جاد:ماعارف ماعارف والله .....

الوحم كان متعبني شديد لدرجة اني رجعتة بيت امي وقلتة لفادي حاقضي معاهم كم يوم لحدي م اتحسن شوية ـ هو كان بحاول يحنكني عشان م امشي ولو على الطبخ وشغل البيت حتساعدني الشغالة وكدة بس انا قلتة ليهو لالا ماشة بيت امي بس ـ لما شافني راكبة راس خلاني امشي هههههه ....
رقية :والله يابناتي قلبي دة الليلة ناغسني م عارفة ليه حاسة انو في حاجة حتحصل ـ كدي اتصلو لي على كريم دة لي اسبوع م حكيت معاه ...
وجن :حاضر ماما ـ امس كنت بحكي معاه كويس والله دقيقة اتصل ليه واديك تتكلمي معاهو...(.وجن اتصلت اكتر من 4مرات وكريم مابرد)امكن يكون مشغول ياامي او التلفون صامت ...
رقية :لالالا كدي تاني اتصلي
وجن :بس ياامي مابرد شوية كدة حيرجع لينا ...
رقية :(ختت يدها في قلبها) يارب كريم يكون بخير
كانت خايفة شديد وحاسة انو كريم حاصلة ليهو حاجة ـ بعد ساعة وجن تاني حاولت بس كريم مابرد ـ يلا هي زاتها بدت تخاف لانو كريم م من عوايدو م يرد على مكالماتها وحتى لو مشغول بقول ليها انو مشغول وبرجع ليها ....
بعد حوالي تلاتة ساعات كريم اتصل على وجن برقمو السعودي مكالمة عادية م مكالمة واتس اب قالت لامها ياهو كريم رجع لي كنتي خايفة ساي ـ اول م ردت الصوت كان غريب وم صوت كريم ـ قال ليها معانا انت زوجة كريم جار النبي صح لانو الرقم مسجل بزوجتي ـ قالت ليهم ايوة زوجتو ـ قال ليها والله ياأخت ماعارفين نقول ليك شنو لكن الاعمار بيد الله وربنا يصبركم على فقد زوجك ان شااء الله ـ ع عفوا انت بتتكلم عن منو وقصدك شنو ب ربنا يصبركم ـ هنا طوالي رقية قامت علي حيلها وخطفت التلفون من وجن وقالت ليهو اسمعني ي ولدي انا امو لكريم ولدي مالو هو كويس صح رد علي سريع ـ والله ياخالة نأسف جدا و نقول

*#ألبينو《22》*
*#♡الاخــــــــــــــــــــــــــــــــيرة♡*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*بعد مرور خمسة سنين*

ياكريم تعال أكل واقفل التلفزيون دة سريع ....ياماما دقيقة بس ـ مسلسل غامبول يخلص وبجي ....لالا تعال اكل بالاول ....ياماما عليك الله خليني اشوفو وبجي باكل والله ...طيب خلاص بديك عشرة دقايق بس والقاك قفلتة التلفزيون وجيت تمام عشان م نتاخر على ناس حبوبة ....حاضر ماما ...
بتي الحلوة ي ناس ننوشتي انا حبيبة ماما وقلبها (وبتلعب فيها) ...شالت تلفونها واتصلت ل زوجها:
الو حبيبي ...يلا انا شوية كدة وحامشي لناس امي م تتاخر علينا تمام ...طيب يلا باي ♥
بعد ولدها خلص مسلسلو البشاهدو فطرت وفطرتو ورضعت بتها وحممتهم وجهزو منتظرين ابوهم عشان يوديهم بيت حبوبتهم ـ لما اتاخر رجعت اتصلت ليهو وقال ليها هو في الباب خلاص يطلعو ـ ركبو عربيتهم و وصلهم البيت ...دخل سلم أهل زوجتو ورجع شغلو ....

ياأمي وجن مشت وين مش عارفة احنا جايين ليه طلعت ـ قالت ليها قاعدة دخلت الحمام قبل شوية ...
كيمووو حبيب تيتا تعال هنا دي شنو الضربة الفي جبهتك دي .... والله ياامي كريم دة بقى مشاغب شديد امس كان بلعب وانضرب في الباب ....والله يابتي الشفع اصلا كلهم كدة بالزات في طورو دة حركتو بتكون كتيرة شديد ....وننوشة السمحة دي خبرها شنووو كدي جيبيها ـ قالت ليها امس الليل كلو كانت مساهرة بينا مسننة الايام دي ويومها كلو بكااء واااي ي امي العرس دة م كنت قايلة مسؤوليتو صعبة كدة ـ ههههههههه يلا حسي بتعبو معاكم زمان لما كنتو شفع ولسسسة م شفتي حاجة ههههه ـ واي ي امي اشوف شنو اكتر من كدة انا قلتة الرووووب ....
رسيل:وجن حبيبتي كيييفك مشتااقين
وجن :كتيير ي قلبي ـ كيمووو حبيب خالتو كييف وننوش دي ادوني ليها اشتقتة ليها شووق امووووح السمحة دي العسل دي روح خالتها ي ناااس ..
رسيل :اها اخبارك شنو وكيف الشغل معاك
وجن :والله يارسيل تعب مبالغة وبالزات الايام دي مضغوطين شديد ...
رسيل :يحليلك ربنا يسهلها عليك ....
رسيل:كرم لسة م رجع من رفاعة...
رقية :لسة والله لكن احتمال يجي بعد بكرة قبيل كنت بتكلم معاهو ...
*رسيل بقى عندها ولد وبنوتة حلاة الدنيا عليهم ـ ولدها البكر سمتو على اخوها كريم ربنا يرحمو ـ بعد تلاتة سنين حملت ب بتها نرجس ...
وجن اتخرجت السنة الفاتت من الجامعة وحاليا شغالة في الخدمة ....

****
أنا خلاص زهجتة وقرفتة من العيشة معاك استحملتك كتير انا واستحملتة عدم مسؤوليتك دي وبعد كدة قعادي معاك بقى مستحيل وهسي دة تطلقني ...
اول حاجة وطي صوتك وانت بتتكلمي معاي واضح?
لا مابوطي صوتي و وريني حتعمل شنو...
مسكها وضربها كف لمن وقعت ...
تضربني انا ي عواليق ي تافه والله الليلة م بخليك والله اكلم ليك اخواني يجو يقطعوك قطيع...
لمت ملابسها ومشت بيت اهلهاوحكت ليهم الحاصل وكمان اتمادى وضربها ـ اخوانها الاتنين مشو ليهو في البيت ولقوهو ماف تقريبا خاف وهرب ....
حيهرب لمتين الجبان دة مصيرو يرجع وحتأدبو من اول وجديد ....