عملية تجميل شد الوجه .. باستخدام تخدير موضعي .🙂🫱🏻‍🫲🏼


https://t.me/kathem_1998

رحلة داخل قلب الإنسان.
مشاهدة ممتعة .


https://t.me/kathem_1998

السرطان هو مجموعة من الأمراض تتميز بنمو غير طبيعي للخلايا نتيجة طفرات جينية، مما يؤدي إلى تكاثرها بشكل غير منضبط. قد تنتشر هذه الخلايا إلى أجزاء أخرى من الجسم عبر الدم أو الجهاز اللمفاوي مسببة أورامًا مختلف.

في هذه السلسلة سنتناول كل ما يخص السرطان بأسلوب علمي مبسط، بدءًا من تعريفه وأسبابه الجينية والبيئية، مرورًا بأنواعه وطرق تشخيصه، وصولًا إلى أساليب العلاج والوقاية، مع توضيح المفاهيم بطريقة واضحة وسهلة الفهم للجميع.

القسم الأول من(مرض السرطان).

..خلينا نفهم شنو هذا المرض واساسا شنو معنى (سرطان)من الناحية الطبية..
وهل فعلا هو خطير لهذه الدرجة!!؟
لو احنا مكبرين الموضوع من يمنا🙄🙄

شوفو خلينا نحجي بلغة سلسة وبسيطة بعيدا عن الكلمات المنمقة والمعقدة!!

شوفو حبايبي الجسم يتكون من مجموعة من الاجهزة وكل جهاز يتكون من مجموعة من الاعضاء وكل عضو يتكون من مجموعة مختلفة من الأنسجة وهاي الانسجة متكونة من خلايا عديدة..
لهنا تمام الامور👍
هسه نروح للخلايا الي هي كما تعرفون المكون الاساسي لجسمنا.
هذه الخلايا طبعا تمر بمرحلة نمو وانقسام(تتكاثر ) يعني خلايا الطفل تمنو وتتطور حتى يصير انسان بالغ.
هذا النمو والانقسام يصير بشكل تدريجي ومنتظم(طبيعي)من خلال أوامر موجودة بالجينات تتحكم بنموها وانقسامها .
لحد هسه تمام👍
زين شنو المشكلة الي راح تصير!؟؟
المشكلة هي بهذه الأوامر الي تنظم نمو الخلايا (التعليمات الجينية الي تنظم نموها وما تخليها تنقسم وتنمو اكثر من المطلوب)..

وعلى هذا الاساس فان بعض الخلايا راح تمنو وتتكاثر بطريقة جنونية وهنا راح يحدث ما نسميه ب(السرطان)او (الورم)
(Cancer)
.

القسم الثاني من(مرض السرطان).

طيب هسه عرفنا شنو يعني سرطان..
نفس ما گلنا عبارة عن خلايا تتعرض لخلل جيني يخليها تمنو وتنقسم بشكل جنوني..
وخل نتفق على مسمى واحد (الخلايا المجنونة)
طيب هنا شنو دور الجسم ؟؟!
الجسم ونفس ما نعرف مبرمج على (الدفاع)
يعني الجهاز المناعي الي يهاجم هذه الخلايا او اي شيء غريب يدخل الجسم..
بس وبمرور الوقت راح تتكاثر وتنمو ويفقد الجسم السيطرة عليها يعني حتى الجسم المناعي يفقد سيطرته عليها وبعد ميفيد..
وبهذه الحاله يحصل أمرين:
1_يتكون الورم السرطاني في عضو واحد او مركب ويسمى (موضعي).

2_يبدأ الورم ينتقل من عضو واحد الى اعضاء اخرى من الجسم (في مرحلة متقدمة)..وهنا تبدي الاوضاع تنلاص علينا😐😐وطبعا هاي الحاله تسمى بالنمو الثانوي او "الانتشار "
(Metastasis).

وهذا "الانتشار"يتم بطريقتين!!
1_اما ينتشر عن طريق الدم او الجهاز اللمفاوي.
2_او الخلايا نفسها (المجنونة )تخترق جدران الخلايا السليمة.
لحد هنا خاف ما دختو 🙂🙂..
تمام نكمل موضوعنا.
ومن هنا ندخل بشيء اسمه "انواع الاورام"
دقيقة دقيقة....قبل كل شيء هو شنو ورم وشنو سرطان. هو اكو فرق بيناتهن لو ثنيناتهن واحد!!!
😒تحجي صدگ طبعا اكو اختلاف.
تعال عيني افهمك.
_الورم(tumar):هو كل نمو غير طبيعي بالجسم...مثلا (اللحمة الزايدة/الشامة) بس "حميد"
_السرطان:ايضا ورم لكن خبيث
اي هسه نكمل موضوعنا او اگلك خلي عالقسم الثالث لان ادري بيك دخت🙂👍👍

القسم الثالث من(الاورام والسرطان).

اي حبايبي وين وصلنا آخر مرة؟؟!
لحد انواع السرطان.
هنا ينقسم الى نوعين:
1_الصلب :يعني ورم صلب متكور وهذا بدوره يضمن نوعين:
_اما يكون حميد (ورم)
_اوينتشر ويكون خبيث (سرطان)

2_سائل :يعني سرطان سائل بالجسم مثل (سرطان الدم) وهذا حتما خبيث لانه منتشر لكل الجسم.

طيب هسه يجي واحد او وحدة 🙂🙂
"عيني ترى دوختينا شنو المشكله يعني واذا مجرد خلايا تنقسم بأعداد هوايه موجدة بالجسم"

اول شيء اعصابك بس اهدئ وهسه افهمك.
سؤالك منطقي بس المشكلة اكبر من ما متوقعها انت/انتي/


اولا).هذه الخلايا حرفيا حرفيا لا تؤدي اي وضيفة اخرى غير الانقسام يعني بس تتكاثر وتنمو (غير مفيدة للجسم).


ثانياً).زين تخيل هاي الخلايا المجنونة الي ما منها فايدة ممكن تعدي خلايا عضو او تركيب اخر فعّال بالجسم وتصير غير مفيدة نفسها مثلا تخيل الكبد شگد يؤدي وضائف مهمه للجسد..
تخيل هذه الخلايا السرطانية تنمو عليه وتعدي خلايا الصاحيه (ايضا يصير العضو كله معطٌل وبس ينقسم)


ثالثاً)هذه الخلايا المجنونة بما انها تتكاثر وتنقسم بتهور فتحتاج الى كميات هائلة من الطاقة..
ولهذا تشوف الاشخاص المصابين بالسرطان متعبين جدا ويلاحظ فقدان في وزن اجسادهم.

رابعاً)ولانه يحتاج الى طاقة فهو يحتاج الى "دم" ايضا. فيصنع لنفسه الكثير من الشرايين والأوردة الي تغذيه.

خامساً)بعض الخلايا السرطانية تأخذ دور احد اعضاء الجسم!!
يعني شلون؟

يعني تخيل خليه سرطانية تعمل عمل البنكرياس او الغدة الدرقية ولأنها مجنونة ومتهورة فراح تفرز هرمون بشكل جنوني بشكل مستمر.

سادساً)عندما يكبر هذا الورم بمرور الوقت راح يأذي اي عضو او تركيب يحتويه او بالقرب منه!!!
يعني اذا بصف عضم راح ينخر العضم وممكن يكسره.

واذا بجانب وعاء دموي ممكن يسبب له نزيف وهكذا..
وطبعا الكثير والكثير من المشاكل التي تجعل مرضى السرطان يتألمون ويعانون منها..
ولهنا انتهى موضوعنا..
هذا لمحه مختصرة وبسيطة جدا عن هذا الوحش الفتاك..
اسأل الله ان يجنبنا واياكم هذا المرض
وشكرا لكم👍👍

⭕️ نمر في حديقة الزوراء في بغداد يحاول افتراس صبي اصيب بجروح خطيرة في ساقة