شعر: #فرات
شاعر: #استاد_کریمی_مراغه_ای
.............................................................
@karimi_maraghei
نهر علقمی گورسم دیرم قان اولاسان سو
یانسین اورگون آتش سوزان اولاسان سو
بیر دفعه سنه باب الحوائج یولی دوشدی
سقّا ال اوزاتدی سنه وُردون قولی دوشدی
صاق صول یارالاندی صاقی دوشدی صولی دوشدی
عباس تک عمرونده پشیمان اولاسان سو
بس کیم وئره جاق اصغرین عقباده جوابین
سخت ایله خدا حرمله نین درد و عذابین
بیر شوربه سویا گوزیاشی قان اولدی ربابین
گوز یاشی کیمی قانیله الوان اولاسان سو
دریا کیمی آخدون چوله جوشان و خروشان
قالدی علی اولادی حسین قزلاری عطشان
اصغر دوداقین امدی رقیه ائدوب افغان
زینب کیمی احوالی پریشان اولاسان سو
بیر مشک سو دریا کیمی نهر علقمه نیلر
سقّا باخا اصغرده دوداقین امه نیلر
یوزمین قوشون ال تاپسا او جا پرچمه نیلر
دائم یوزی قاره گوزی گریان اولاسان سو
@karimi_maraghei
بیر تیر سه شعبه دگه آلتی آیلیق اوشاقدان
بیر اوخ که ابوالفضلی یخوب سالدی ایاقدان
خنجر کیمی بیچدی بو قولاقدان او قولاقدان
دائم هدف طعنهٔ عمّان اولاسان سو
بیر اوخ که گلوب دگدی ابوالفضل گوزوندن
بیر دگمه ده نومید ائدوب عباسی اوزوندن
ال اولمادی سیلسین او آخان قانی یوزوندن
باخدی دئدی مشگیم کیمی گریان اولاسان سو
سقّا سوسوز ئولدی ایکی نهرین آراسیندا
گئتدوخجا سو قالدی گوزی مشگین پاراسیندا
قان لخته لنوب سوز عطشدن یاراسیندا
حیران آخیسان چوللره حیران اولاسان سو
عباسی نه دن اهل شقاوت یولا وئرمز
بیر مشگ سو ایستور آلا بیر جوت قولا وئرمز
ساخلار علمی قویسالا صاقدان صولا وئرمز
رحم ائتمدون عطشانلارا عطشان اولاسان سو
@karimi_maraghei
ایستکلی رقیه م ائدیر افغان سوسوزوندان
گهواره دن اصغر وئروری جان سوسوزوندان
اطفالین اولوب حالی پریشان سوسوزوندان
شایسته دی جوشان و خروشان اولاسان سو
قول دوشدی علم یاتدی تلاشیم هدر اولدی
بیر اوخ دا دگوب مشگه گوزومدن بتر اولدی
نوفل بیر عمودیله منه حمله ور اولدی
دنیا بویی شرمندهٔ دوران اولاسان سو
یول سالسا کریمی گینه صحرای بلایه
نهر علقمی گورسه ائدر آغاز گلایه
بیر مشک سویا سالدون ابوالفضلی بلایه
یانسین اورگون آتش سوزان اولاسان سو
@karimi_maraghei
شاعر: #استاد_کریمی_مراغه_ای
.............................................................
@karimi_maraghei
نهر علقمی گورسم دیرم قان اولاسان سو
یانسین اورگون آتش سوزان اولاسان سو
بیر دفعه سنه باب الحوائج یولی دوشدی
سقّا ال اوزاتدی سنه وُردون قولی دوشدی
صاق صول یارالاندی صاقی دوشدی صولی دوشدی
عباس تک عمرونده پشیمان اولاسان سو
بس کیم وئره جاق اصغرین عقباده جوابین
سخت ایله خدا حرمله نین درد و عذابین
بیر شوربه سویا گوزیاشی قان اولدی ربابین
گوز یاشی کیمی قانیله الوان اولاسان سو
دریا کیمی آخدون چوله جوشان و خروشان
قالدی علی اولادی حسین قزلاری عطشان
اصغر دوداقین امدی رقیه ائدوب افغان
زینب کیمی احوالی پریشان اولاسان سو
بیر مشک سو دریا کیمی نهر علقمه نیلر
سقّا باخا اصغرده دوداقین امه نیلر
یوزمین قوشون ال تاپسا او جا پرچمه نیلر
دائم یوزی قاره گوزی گریان اولاسان سو
@karimi_maraghei
بیر تیر سه شعبه دگه آلتی آیلیق اوشاقدان
بیر اوخ که ابوالفضلی یخوب سالدی ایاقدان
خنجر کیمی بیچدی بو قولاقدان او قولاقدان
دائم هدف طعنهٔ عمّان اولاسان سو
بیر اوخ که گلوب دگدی ابوالفضل گوزوندن
بیر دگمه ده نومید ائدوب عباسی اوزوندن
ال اولمادی سیلسین او آخان قانی یوزوندن
باخدی دئدی مشگیم کیمی گریان اولاسان سو
سقّا سوسوز ئولدی ایکی نهرین آراسیندا
گئتدوخجا سو قالدی گوزی مشگین پاراسیندا
قان لخته لنوب سوز عطشدن یاراسیندا
حیران آخیسان چوللره حیران اولاسان سو
عباسی نه دن اهل شقاوت یولا وئرمز
بیر مشگ سو ایستور آلا بیر جوت قولا وئرمز
ساخلار علمی قویسالا صاقدان صولا وئرمز
رحم ائتمدون عطشانلارا عطشان اولاسان سو
@karimi_maraghei
ایستکلی رقیه م ائدیر افغان سوسوزوندان
گهواره دن اصغر وئروری جان سوسوزوندان
اطفالین اولوب حالی پریشان سوسوزوندان
شایسته دی جوشان و خروشان اولاسان سو
قول دوشدی علم یاتدی تلاشیم هدر اولدی
بیر اوخ دا دگوب مشگه گوزومدن بتر اولدی
نوفل بیر عمودیله منه حمله ور اولدی
دنیا بویی شرمندهٔ دوران اولاسان سو
یول سالسا کریمی گینه صحرای بلایه
نهر علقمی گورسه ائدر آغاز گلایه
بیر مشک سویا سالدون ابوالفضلی بلایه
یانسین اورگون آتش سوزان اولاسان سو
@karimi_maraghei