شعر آقای #جلیلی( یکی از اعضای کانال ) به #استاد_کریمی_مراغه_ای

شیخ کریمی سوزووا قوربانام
شاعر بی ریب و ریای وطن
شعر وشعور وشرفه ممتحن
کاش گلیدیم گوروشه بیرجه من
قدرت شعروندا یامان حیرانام
شیخ کریمی سوزووا قوربانام
طنز و ادبده یارادیبسان هنر
شعر وغزلدی سنیلن مشتهر
کیمدی بو ماواده اولا بی خبر
گر یالان اولسا بو سوزوم شیطانام
شیخ کریمی سوزووا قوربانام
طبعی ویریبدی حق سبحان سنه
سوز قوشوسان زعفرانا آهنه
گاهی چخورسان دمنه گلشنه
یعنی بیلون شعره بوگون میزانام
شیخ کریمی سوزووا قوربانام
رحمت رحمان سنه پیوسته دی
شهر مراغه سنه دلبسته دی
قیمت اشعارون عجب اوسته دی
یاخشی دگل من بو کمالی دانام
شیخ کریمی سوزووا قوربانام
منحصر اولدی عزیزیم یازما قون
گولملی اولدی او قبیر قازماقون
اولمادی شعر ایچره یقین آزماقون
دوز دیمسم منتظر زندانام
شیخ کریمی سوزووا قوربانام
خاطره قالدی گوتی بوش سیفعلی
کیم دییر اشعاری بله گولملی
گولملی اما هامیسی بیلملی
گرچه فراست ده اوزوم نادانام
شیخ کریمی سوزووا قوربانام
مدحت مولا دییسن آفرین
حکمتی گویا دییسن آفرین
شوربانی هر جا ییسن آفرین
من نه جسارت ایلدیم پشمانام
شیخ کریمی سوزووا قوربانام
گه ممقانه سوروسن مرکبی
گه سرعین ده گوروسن کوکبی
کاش چاتا انسان او مهم درک بی
سویلیه من ملتزم ایمانام
شیخ کریمی سوزووا قوربانام
ایندی تانور ملت ایران سنی
ایستیور اوز جانی کیمین جان سنی
ایلیه بیللم گورم آسان سنی؟
من اوزاقام محتسب گیلانام
شیخ کریمی سوزووا قوربانام
تیغی دو پهنا یازیسان مرحبا
زشتیله زیبا یازیسان مرحبا
پیس سوزی حاشا یازیسان مرحبا
نقطه چینی شعریده باید قانام
شیخ کریمی سوزووا قوربانام
گه گتیریردون باکی دان سوغتی
مملکت اولدی نیه قربان اتی
یوخدی الان بیر نفرین جرأتی
من بو مصیبت ده گرکدور یانام
شیخ کریمی سوزووا قوربانام
آری گلین قیننه نی داننادی
گاه گوروسن آغزین آچیب باننادی
قیینه ده اوغلونا شیطاننادی
مکتب شعروندا الان مهمانام
شیخ کریمی سوزووا قوربانام
قصد ارادت ایلدیم استادا
منتظرم نقدلره ایرادا
فورنه دقت ایلرم هر زادا
ایستمرم سوز دجگین قیرجانام
شیخ کریمی سوزووا قوربانام

https://t.me/joinchat/AAAAAEONDlU2JZ_vT1DUsg