وأنا والله يا قِبلة عيوني .. ما معاي إلّاك
‏ثلاث سنين وأنت أكثر مشاويري وموضوعي

أخشّ أسمك عن أطراف الحديث وتفضحه دعواي
‏و تهتف له عروق القلب و تجدّد له البيعة

مانيب خايف من أيام السَّهر والسّهاد
خايف من سنين عمرٍ ما تمرّينها

فدا وجهك
صواريخ النساء و مسيَّرات إيران
و فداك اللي
يحسب إن الحروب أخطر من فتونك

جيتي وأنا أحبّك ورحتي وأنا أقول
ما للسنين اللي تبعدك قيمة

لو فرّقتنا بالغلط سود الأيام
للموت تبقى ياحبيبي .. حبيبي

‏يا حبيبي بعيد من القصايد وأهلها
‏فيه كلمه في بالي ودّي تمر بالك

‏غيرك الناس ما أحسب وش عواقب زعلها
‏يزعل اللي بيزعل بس ترضى لحالك

‏أنت بين الضلوع تسوقها وتعقلها
‏والله اللي ما أحد بـ مخاشرك في حلالك

‏دام غترتك ينسفها الهوا وتعدلها
‏عندي الأرض وأهل الأرض فدوة عقالك

يا بخيل الوصل
ترى حنا في شهر كريم

أنا نسايِ لكن
‏ قدر الله أني أتذكرك بكل وضوح

من شرب من سم لذات الغرايم
ماينفعه وصفة طبيب وصوت قاري

سبب المغادرة
‏ما عاد يحس إن المحل محلّه

جيتك على درب الرجاء فاتر الحيل
بسمتك قدامي و موتي خلافي

ياليتها تستحق العذر وأعذرها
‏وياليتها غلطه الأولى واعدّيها

‏وياليتها تنّسي من شان ما اذكرها
‏وياليتها رسمه بمرسامي وامحيها

‏وياليتها حلم واصحى ثم اعبّرها
‏وأن طول الحلم معها عاد وش فيها ؟

‏وياليتها تعترف بالحق واشكرها
‏أو ليتها شرّبتني الموت بإيديها

كل عام وانتم بخير❤️

الأرض في عين غير المهتوي ماتزين
‏لو انها جنةٍ خضرا .. تصير شهبا

‏ياللي معك قلبي مايبغي مدارى
‏وأنا معك ماني بخاف المقابيل

‏ترى الجمايل في قلوب العذارى
‏مثل الجمايل في بطون الرياجيل

أنتي و لو مريتي بعمر آدمي حظه شحوح
ما عاد يبغى من عطايا الحظ حاجه تقنعه

انت رمشك مثل ما يذبح، يظللّ
‏فيه ميلاف الحنون و فيه ثاير!