شیرینا من

پۆرقەجەری بازن‌زەری بەرنخوری یارا من
تو دلبەری سنۆبەری کودا تەری یارا من
رندا مالێ های دەلالێ چاڤ خەزالێ گولێ کا
مەگەر ل من بێ باوری ڤە ناگەری یارا من

بێ بها مە مەگەر ل‌با تە ئەز کەوا خجاو خوەش
بهەسە ب هالێ من بەر ب من رهام تو بمەش
نە من هەدار و نە قەرارە تو مە ئێشینە من
ئەز چ بکم تو من بباخشینی دەلالا چاڤ رەش

خەریبم و دل ب برین دور ژ تە ئەز بوومە شڤ
نکوم بکم ژ بیر تە ئەز گولێ ل من بهێنگڤ
د دوو خوە دا من ژ پێ ماڤێژە دەلالا دلنشت
چمان ل من نادی چ جاری تو گولا من بەرسڤ

دکم ل چاڤێن تە شیرینا من جانێ خوە ئەز پار
گولێ کو ئەشقا تە دلێ من کریە بریندار
دکم ناکم نابی تو های ل من چمان چاڤ خەزال
دکم لاوا دلی من دا دە ڤێ مەخینە هەر ئار.

هەلبەست و دەنگ؛
#ئەلی_هێیدەری

@kaniyadil

هەڤال

ئەز ب قوربانا تە و دلپاکیا تە بم هەڤال
کو ب هەستا خوە دکی ئەز ژی ژ نوو شابم هەڤال
ژانە ژین تەڤ ئێشە نالین نینە قەت هالێ مە خوەش
سەد سپاس کو تو دکی ئەز قوسە ڤەندا بم هاڤال!

دوست

من فدای تو و دلپاکی تو بشوم دوست
کە سعی می‌کنی با احساست دوبارە شادم بکنی
درد است زندگی همراە با نالە هیچ حال من خوش نیست
سپاس بی‌کران از این کە تلاش می‌کنی بگریزانی غمهای مرا!

هەلبەست و دەنگ؛

#ئەلی_هێیدەری

@kaniyadil

هن هەلبەستڤان

هن هەلبەستڤان بیر شرینن
ل ئستێرکان ئەو دمینن
ب هەلبەستێن خوە یێن بها
هەستا ڤینێ سا مە تینن

هن هەلبەستڤان ژ خوە تاڤن
ب ئەڤینێ را هەڤ ناڤن
براستی ژی ژینا مە دا
رۆناهی نە سا مە چاڤن

وەلات ل هێڤیا ستــــــــرانان
کــــو پـــــێ بـکـەوینـە ژانان
هەلبەستێن مە وەک شالوولان
بــوون هێسیرا هـن نـەزانان

هەلبەست و دەنگ؛

#ئەلی_هێیدەری
@kaniyadil

کەچکا مەتێ

کەچکا مەتێ کەچکا مەتێ
بەر ب من هەر بێهنا تە تێ
بیرا تە تم ب من را یە
تو جانی سا زیارەتێ

بیر شیرینا هەری کراس
نە ل من هووشە نە هەواس
دل ب کولم بسای تە ئەز
من ژ خەمان بکە خەلاس

تو های ل من بە زار شیرین
نابە ل من شەڤ بێ تە روین
کەزەب کولم دوور ژ تە ئەز
دلێ من سا تە دبە خوین

کەچکا مەتێ کەچکا مەتێ
بەر ب من هەر بهێنا تە تێ
بیرا تە تم ب من را یە
تو جانێ سا زیارەتی

دەنگ و هەلبەست؛

#ئەلی_هێیدەری
@Kaniyadil

مدا

دکم ئەز مدا تە هەر دەم
ب دلێ ل بەندا تاڤێ
بکە کو ببینن ئەم هەڤ
د شەڤێن خەمین دا گاڤی

بینە بیر من دل برینا
کو خەریبم و برین کوور
نابە بێ تە خوەش ل من ژین
ناچە شەڤ ل من ژ تە دوور

تو دەرەنگ نەمینە چاڤ شین
نابە بێ تە شەڤ ل من روین
ناتنا تە تام شیرینێ
کر من ژار و دین و دل خوین

تو ژ بۆی خوەدێ خویا بە
بەسە خەو دە زوو کە رابه
ژ تە را مە ئەز کەز ب کول
وەرە با دلێ من شابە...

هەلبەست و دەنگ؛
#ئەلی_هێیدەری

@Kaniyadil

تو یی

هیڤ تویی شیڤ تویی
ئەشقا من خورنیڤ توویی
رۆناهی و تاڤ تویی
کۆڤیا خوش‌چاڤ تویی

ژین بخوەیی ژان تویی
سا دونێ دەرمان تویی
بەزا من و هەز تویی
چاڤکانی و رەز تویی

رندا من مزگین تویی
تاشت و فراڤین تویی
هەر ژ من را هەز تویی
ناتیا بێ لەز تویی

یێ بێ تە مەجنوون ئەزم
وەستیا بێ شوون ئەزم
یێ بێ هەش و دین ئەزم
نڕژ و نالین ئەزم

ژار و جەگەر خوین ئەزم
بێ دل و خەمگین ئەزم
یێ ژ تە بێ خێر ئەزم
شەوتیا ناڤ ئێر ئەزم

یێ ژ خوە بێزار ئەزم
گیر و گرفتار ئەز
یێ ب دلێ کول ئەزم
هەوشا بێ بلبل ئەزم،

هەلبەست‌‌ و دەنگ؛
#ئەلی_هێیدەری

@Kaniyadil

ل من

دەردمەندم دوور ژ تە، ژین تاری و تالە ل من
سۆند کو دەرباس نابە دەم یارام، شەڤ سالە ل من
بێ تە ئەز دل ب‌شەوات و ژار و خەمگینم گولێ
گاشە پێ بهەسی سۆرگول بێ تە چ هالە ل من!

هەلبەست‌‌ و دەنگ؛
#ئەلی_هێیدەری

@Kaniyadil

ساقی

ساقی پیالەیا من
ڤالا مەهێلە ئیشەڤ
سۆند کو دلێ من دا کول
بوویە برێنا بێ رەڤ
ساقی تەنێ تو هالێ
من بێ دلا دکی فام
کا بێلە داینن ئەم سەر
ئیشەڤ ل سەر ملێ هەڤ

هەلبەست و دەنگ:

#ئەلی_هێیدەری
@Kaniyadil