ببە مەرخ

مەبە مینا کەسێ کو چاڤ ل رێ یە
ببە مەرخێ ل چنگێ چی ب پێ یە
چما مینا کەسێن ترسۆک دمینی؟
مەگەر دەستێ تە ل بن کەڤرێ کێ یە؟

#مهەمەد_قوربانی - ئسفەراین
@kaniyadil

ئه‌م

چما ب سازێ هەڤ نالیزنی ئەم؟
ئەلەکی سا هەڤ‌را ئازیزنی ئەم...

چما ب بەژنی هەڤ شا نابنی ئەم؟
ل کووتی گۆتنێ فەک زاونی ئەم

چما هەر کەس کو کەت دانادنی دێست
ژ سەر رەد دبنی تا هوور کنی هێست

چما هەر کەس کو کەت راناکنی ئەم
چما هێسترێن هەڤ پا ناکنی ئەم
ـــ
دبە هەر دەم قەرێ هەڤ گەز کنی ئەم
گەرێ کینگا ژ هەڤدو هەز کەنی ئەم؟

چما لێڤێن مە هاکا تال دکەنن
چما جاییلێن مە پر کال دکەنن

چما خوەنگ و برایێن ژ دێ‌باڤەک
ب هەڤ را روونانن ل سەر کولاڤەک؟

چما هەر کەس کومەک ژ هەڤ را چێ کە
کو داینە یا هەلینە هەر دو یێکە؟

خوەدێ گوچک دایە گوهـداگرنی
نەدایە کو ژ بن دا ببرنی

مە خوە ژ رندیان بێ پار کرییە
مە ب خوە ب خوە را ژی قار کرییە

وەرن تا کو ژ هەڤ‌دو هەز کنی ئەم
درەنگ بوویە گەرێ پر لەز کنی ئەم...
ـ
#مهەمەد_قوربانی_ئسفەراین
@kaniyadil