دو هەلبەستڤان

ئەز و تو ژ دونیێ بێ پار
دکن قێرین دکن ھاوار
کو ئەم نە جارەکێ سەد جار
تمێشە ھەڤخەمن، ھەم یار

دو ھەلبەستڤان دو ئەڤیندار
ب پەیڤان گول کرن گولزار
ب دلەک ژار و ھەم گڤار
ژ ھەڤدو تم نابن ئەم سار

دو خەورەڤیێ پر ھشیار
کو ژ خەمان برن قەرار
دو ھەلبەستڤانێ بێ ئێنگار
کو دەردان ئەو دکن بێزار

#مەجید_رەھوەرد
@kaniyadil

Dixwînim

Li ser bejna te qedqamet dixwînim
Nimêja bo te bê minet dixwînim
Ji êvarê heta roj bê hilatin
Hezaran sicde bê zehmet dixwînim
Ji çavên te ku min tekbîra xwe got
Bi çavên girtî fosêlet dixwînim
Xwedêko va ci bejn e û çi bala
Tu vehî ke li min nozêlet dixwînim
Şerab û agir û lêvên te yên al
Bike rehm ez li wê rehmet dixwînim
Ku keon û la mekan ser sîngê te man
Sihet xweş ke ez bi sihet dixwînim
Elê saqî tu neşkên vî nimêja
Ziman pet bûm û bê loknet dixwînim
Ji lêvên te şerab barî sipêdê
Min vexwar û dîsan ez qet dixwînim
#Mecîd_Rehwerd
***
دخوینم

ل سەر بەژنا تە قەدقامەت دخوینم
نمێژا بۆ تە بێ منەت دخوینم
ژ ئێڤارێ ھەتا رۆژ بێ ھلاتن
ھەزاران سجدە بێ زەھمەت دخوینم
ژ چاڤێن تە کو من تەکبیرا خوە گۆت
ب چاڤێن گرتی فۆسێلەت دخوینم
خوەدێکۆ ڤا چ بەژنە و چ بالا
تو ڤەھی کە ل من نۆزێلەت دخوینم
شەراب و ئاگر و لێڤێن تە یێن ئال
بکە رەھم ئەز ل وێ رەھمەت دخوینم
کو کەۆن و لامەکان سەر سینگێ تە مان
سھەت خوەش کە، ئەز ب سھەت دخوینم
ئەلێ ساقی تو نەشکێن ڤی نمێژا
زمان پەت بووم و بێ لۆکنەت دخوینم
ژ لێڤێن تە شەراب باری سپێدێ
من ڤەخوار و دیسان ئەز قەت دخوینم

#مەجید_رەھوەرد
@kaniyadil

گزارشی کوتاه از فستیوال شعر
تا زرێبار و دێڕێک


دو روز خوش مھمان شعر و اندیشەھای شاعرانەی تا زرێبار و دێڕێک؛
دومین فستیوال سالانەی شعر کوردی (لڕی، لەکی، کەڵھۆری، ھەورامی، گەڕووسی، کورمانجی و سۆرانی)، در میان مردم عاشق شعر و ادب و مھمان نواز مریوان با شوق و ھیجان و منظم برگزار گردید. حضور شاعرانی با گویش ھای متفاوت کوردی از نقاط مختلف استان ھای کورد نشین و خراسان رنگ و بوی زیبایی بە این مراسم دادە بود.
پس از فراخوان برای ارسال اشعار کوردی بە این فستیوال، نزدیک بە ٢٠٠ اثر توسط شاعران کورد بە کمیتەی داوری ارسال شد و پس از بررسی، تعداد ٤٠ شعر برگزیدە شد.
این فستیوال در روزھای ٨ و ٩ شھریور در محل سالن اجتماعات استاد قانع ادارەی فرھنگ و ارشاد مریوان برگزار گردید. برنامە ریزی درست و اجرای بە موقع پنل ھا از نقاط قوت جشنوارە بود کە نشان از پختگی و ھمفکری ھای اعضای انجمن فرھنگی ادبی مریوان بود.
شاعران برگزیدە شدەی خراسان نیز در این فستیوال با حضور و ارائەی اشعار زیبایشان رنگ و بویی ازجنس زیبای اشعار کوردان خراسان بە این فستیوال دادند.
لازم بە ذکر است کە این فستیوال مسابقە شعر نبود و فقط ٤٠ نفر شاعر برگزیدە اشعارشان را ارائە دادند.
#مجید_رھورد

***
کوورته‎راپۆره‌ک ژ؛
تا زرێبار و دێڕێکێ

دوو ڕۆژی خۆش میوانی شیعری و بیری ئەدەبی تا زرێبار و دێڕێک؛
دووهەمین فێستیڤاڵی ساڵانەی شیعری کوردی (لۆری، لەکی، کەلھووری، هەورامی، گەڕووسی، کومانجی و سۆرانی) لە نێو ئەو کەسانەی کە هۆگری شیعر و ئەدەبن بە جۆش و خرۆش و ڕێکوپێکی لە مەریوان بەڕێوەچوو. ئامادەبوونی شاعیرانی بە شێوەزاری جیاوازی کوردی لە ناوچە جیاجیاکانی کوردستان و پارێزگاکانی خوراسان ڕەنگێکی جوانی بەم ڕێوڕەسمە بەخشی.
دوای بانگەوازی ناردنی شیعری کوردی بۆ ئەم فێستیڤاڵە، نزیکەی ٢٠٠ بەرهەم لە لایەن شاعیرانی کوردەوە ڕەوانەی لیژنەی دادوەری کران و دوای پێداچوونەوە، ٤٠ شیعر هەڵبژێردران.
ئەم فێستیڤاڵە لە ڕۆژانی ٨ و ٩ی خەرمانان لە هۆڵی کۆبوونەوەکانی مامۆستا قانعی ئیدارەی فەرهەنگ و ئیرشادی مەریوان بەڕێوەچوو. پلاندانانی دروست و لە کاتی خۆیدا، جێبەجێکردنی پانێڵەکان بە رێکۆپێکی یەکێک لە خاڵە بەهێزەکانی ئەو فێستیڤاڵە بوو کە پێگەیشتن و هاودەنگی ئەندامانی کۆمەڵەی فەرهەنگی ئەدەبی مەریوانی نیشان دا.
هەروەها شاعیرانی هەڵبژێردراوی خوراسان بە ئامادەبوون و پێشکەشکردنی شیعرە جوانەکانیان تامێکی شیعرە جوانەکانی خوراسانیان بەم فێستیڤاڵە بەخشی.
پێویستە بگوترێ ئەم فێستیڤاڵە پێشبڕکێی شیعر نەبووە و تەنیا ٤٠ شاعیری هەڵبژێردراو شیعرەکانیان پێشکەش کرد.

#مەجید_رەھوەرد
@kaniyadil

Yekem car

Yekem car e
Ji te hez nakim ez îro
Yekem car e
Sipêdê ji xewê pa bûm
Bi bîra çavên te ez nakevim îro
Yekem car e
Du rondik ser nivîna min
Nebû gava ku çavên min
Ve bûn bê bîra çavên te
Ezê bê te evîndar im
Dimînim jî ji vir şûn ve...

#Mecîd_Rehwerd
***
یەکەم جار

یەکەم جارە
ژ تە ھەز ناکم ئەز ئیرۆ
یەکەم جارە
سپێدێ ژ خەوێ پا بووم
ب بیرا چاڤێن تە ئەز ناکەڤم ئیرۆ
یەکەم جارە
دو رۆندک سەر نڤینا من
نەبوو گاڤا کو چاڤێن من
ڤەبوون بێ بیرا چاڤێن تە
ئەزێ بێ تە ئەڤیندارم
دمینم ژی ژ ڤر شوونڤە...

#مەجید_رەھوەرد
@kaniyadil

Bîra gula baxî

Gerê çawa te vedozim
Şiyan nema
Gula baxî
Gerê çawa te nexwazim
Gula hewşê
Li ber hevza tijî masî
Tu ku genim gulî
Gava ku gulbûte ji gul mabû
Tu nimêja niyaza nermebaranê
Li bihara nema nîşan
Û min nimnim du'a dixwend
Nehatî, na
Ez heyrana hewayek tijî hilmê te
Tijî hesret, heray û halekî xemgîn
Xuya ye xem li min mêvan e
Û xanî, xeyalawî û xapûr e
Dilek bê dil çi dilgîr e
Dinale ev demên dunya derewîn e.
Were carê li min binêhr
Bila carê bibînim bejn û bala yê
Bila dîsan bikenim
Ez bixwînim
Hem binêhrim ba yê ku ket nav guliyên te
Ji min dizî hiş û
Ez mame û
Bîra gula baxî


#Mecîd_Rehwerd
بیرا گولا باخی

گەرێ چاوا تە ڤەدۆزم
شیان نەما
گولا باخی
گەرێ چاوا تە نەخوازم
گولا ھەوشێ
ل بەر ھەڤزا تژی ماسی
تو کو گەنم گولی
گاڤا کو گولبووتە ژ گول مابوو
تو نمێژا نیازا نەرمەبارانێ
ل بھارا نەما نیشان
و من نمنم دوعا دخوەند
نەھاتی، نا
ئەز ھەیرانا ھەوایەک تژی ھلمێ تە
تژی ھەسرەت، ھەرای و ھالەکی خەمگین
خویایە خەم ل من مێڤانە
و خانی، خەیالاوی و خاپوورە
دلەک بێ دل چ دلگیرە
دنالە ئەڤ دەمێن دونیا دەرەوینە.
وەرە جارێ ل من بنێھر
بلا جارێ ببینم بەژن و بالایێ
بلا دیسان بکەنم
ئەز بخوینم
ھەم بنێھرم بایێ کو کەت ناڤ گولیێن تە
ژ من دزی ھش و
ئەز مامە و
بیرا گولا باخی


#مەجید_رەھوەرد
@kaniyadil

٨ێ سەرماوەزی ١٤٠٢ی ھەتاوی
ئەنجۆمەنی شێعری کرماشان
#کاروان
#مەجید_رەھوەرد
#ھەلبەست

Bihara hêsîr

Zivistan çû, bi bîra te, tu çavşîn
Bihar nat û zivistan bûye dilxwîn
Bihar çawa gerê bê, bê te Kalê
Di çavên te hêsîr maye, li rê hîn

#Mecîd_Rehwerd
بھارا ھێسیر

زڤستان چوو، ب بیرا تە، تو چاڤ شین
بھار نات و زڤستان بوویە دلخوین
بھار چاوا گەرێ بێ، بێ تە کالێ
د چاڤێن تە ھێسیر مایە، ل رێ ھین

#مەجید_رەھوەرد
@kaniyadil

نە، اجازە نمی‌دهند

دختران ناز نسیم
با گوشواره‌ی گیلاس بازی می کنند
پسران بی باک باد
لای برگ ها
دنبال لیمو می گردند
نه
فروشنده های تانک
اجازه نمی دهند  این شعر را
با عشق  ادامه دهم
دلالان بمب به توافق رسیدند
و من مطمئن نیستم
دستی که شب نوازش می کند
صبح
سالم از زیر سر یار
بیرون بیاید
***
Na, nahêlin


Keçên delal ên Nermebayê
Bi guharên ji qeresiyê dilîzin
Xortên bê tirs ên şemalê
di nav pelan de
Li leymûnan digerin
Na
Firoşkarên tankan
Destûr nadin vê helbestê
Bi hezkirinê berdewam bikin
Bazirganên bombeyan li hev kirin
Û ez ne dilniya me
Destê ku şevê evîndariyê dikin
Sibê
Ewle ji bin serê Yarê
derkevin.

Wergêr;
#Mecîd_Rehwerd
***
کەچێن دەلال ئێن نەرمەبایێ
ب گوھارێن ژ قەرەسیێ دلیزن
خۆرتێن بێ ترس ئێن شەمالێ
د ناڤ پەلان دا
ل لەیموونان دگەرن
نا
فرۆشکارێن تانکان
دەستوور نادن ڤێ ھەلبەستێ
ب ھەزکرنێ بەردەوام بکم
بازرگانێن بۆمبەیان ل ھەڤ کرن
و ئەز نە دلنیا مە
دەستێ کو شەڤێ ئەڤینداریێ دکن
سبێ
ئەولە ژ بن سەرێ یارێ
دەرکەڤن.

وەرگێر؛
#مەجید_رەھوەرد
@kaniyadil

Jinek bi navê helbestê...

Jinek, navê wê sitran bû
Çiqas aram dimeşîya
Nema rêya têda diçû
Jinek baran bû, çavên wê
Jinek baran bû, li malê
Ji avis hewra sersalê...

Jinek tekbîretol'êhram
ji bo ku, ez nimêj kim ser gulîyên wê
Û qedqamet li ser lêvan
Jinek can bû
Mîna jînê
Mîna beybûngulên mêrgan
Wekî teyr û wekî bazan
Lê, dûr ji kerb û ji kîn ê
hat û derdê mi wenda kir
Gilî-gazî hilanî bir
Gulek maye şûnê, li vir

Gerê dîsa xwe peyda kim
Bi vê gulê xwe dilşa kim
Evîndar im, evîndar bim
evîndarî, xwedêxwest e;
Jinek; navê wê helbest e...

#Mecîd_Rehwerd
*

ژنەک ب ناڤێ ھەلبەستێ


ژنەک، ناڤێ وێ ستران بوو
چقاس ئارام دمەشیا
نەما رێیا تێدا دچوو
ژنەک باران بوو، چاڤێن وێ
ژنەک باران بوو، ل مالێ
ژ ئاڤس ھەورا سەرسالێ...

ژنەک تکبیرەالاحرام
ژ بۆ کو، ئەز نمێژ کم سەر گولیێن وێ
و قدقامت ل سەر لێڤان
ژنەک جان بوو
مینا ژینێ
مینا بەیبوونگولێن مێرگان
وەکی تەیر و وەکی بازان
لێ، دوور ژ کەرب و ژ کینێ
ھات و دەردێ من وەندا کر
گلی-گازی ھلانی بر
گولەک مایە شوونێ، ل ڤر

گەرێ دیسا خوە پەیدا کم
ب ڤێ گولێ خوە دلشا کم
ئەڤیندارم، ئەڤیندار بم
ئەڤینداری، خوەدێ خوەستە
ژنەک؛ ناڤێ وێ ھەلبەستە

#مەجید_رەھوەرد
@kaniyadil

Tenê qijikên reş...

Min; dilxweşî
Ji tu kes nedît
Bi tenê
Qijikên reş
Yên ser darên hişk
Bi min re gotin
Niha Êvar e...

#Mecîd_Rehwerd


تەنێ قژکێن رەش...

من؛ دلخوەشی
ژ تو کەس نەدیت
ب تەنێ
قژکێن رەش
یێن سەر دارێن ھشک
ب من رە گۆتن
نھا ئێڤارە...

#مەجید_رەھوەرد

@Kaniyadil

Ez, tu me

Ez bi salan li te digerim;
Di pelên darê de
Çemê gurr
Li ser strana çivîka li quncikê banî
Li ser lêgerîna kewek di nîvika geliyê de
Li ser hîrehîra hespê
Nikila teyr û bazan
Û li ser xwe, çi ku bûm.
Ez vejîna xwe me
Tenasoxa xwe
Di hembêza te de
Û bi qasî 'min' ek
Li ser mezinahîya çavên te.
Riha min
Di te de mir
Min tu anî dinyayê
Û ser te kenîyam û gîrîyam
Ez tu me
bi qasî te
Li ser perçeyek ji xwe

#Mecîd_Rehwerd

ئەز، تو مە

ئەز ب سالان ل تە دگەرم؛
د پەلێن دارێ دە
چەمێ گوڕ
ل سەر سترانا چڤیکا ل قونجکێ بانی
ل سەر لێگەرینا کەوەک د نیڤکا گەلیێ دە
ل سەر ھیرەھیرا ھەسپێ
نکلا تەیر و بازان
و ل سەر خوە، چ کو بووم.
ئەز ڤەژینا خوە مە
تەناسۆخا خوە
د ھەمبێزا تە دە
و ب قاسی 'من' ئەک
ل سەر مەزناھیا چاڤێن تە.
رھا من
د تە دە مر
من تو ئانی دنیایێ
و سەر تە کەنیام و گیریام
ئەز تو مە
ب قاسی تە
ل سەر پەرچەیەک ژ خوە...

#مەجید_رەھوەرد

@Kaniyadil