لۆره لۆرە

لۆره لۆرە بەرخا شیری
تە لار دەکم نەدی گیری

لۆره لۆرە گولا چیان
وە بینی تە تێمە گیان

لۆره لۆرە قەوسە سارە
وە سەر تە دا کەن ببارە

لۆره لۆرە کا ڤا تاڤا
لۆرکێ خوە بکم زاڤا

لۆره لۆرە چاڤ و چرا
خوەدێ گر کە تە سا من را

لۆره لۆرە شیرین فەکێ
رادەجینم هێلانەکێ

لۆره لۆرە نورێ چاڤان
مالان جل کەم وە کولاڤان

لۆره لۆرە لە کێلەگێ
رادەژینم هێلانەکێ

لۆره لۆرە لە دل بەندی
ئالەک شەکەر ئالەک قەندی

لۆره لۆرە زمان قەندێ
بکمە زاوا لە کی هەندێ

لۆره لۆرە زوو گر بوی
تەولە خزانێ پر بوی

لۆره لۆرە برخێ قەرێ
نێلم بوینی دەرد سەرێ

لۆره لۆرە بەرخا قاشی
تو ژە دنیێ، سا من باشی

#هەلبەست: محەمەد قوربانی- ئسفەراین
#دەنگ: مەهسا محمەدی (سێڤین)- بژنۆرد
@kaniyadil

خوەدایێ گر...

خوەدێ یۆ گەر تە دل سینگی مەدا چاند ببێژە بۆی چ تە دل ژە مە بزداند
دلێن چاندی بە دەستێن خوە دکی خوین
دکی کو ئەم ببن ژینا خوە دا دین

چ دل خواشی دبێژی ئەز خوەدێ مە
دلۆڤانتر ل وە ژ باڤ و دێ مە
دبێژی چێکەرم ئەز چێکارا گر
ئەرێ ئەز خوادیا گشتی دونێ مه

بەری کو تو مە چێکی گر نبووی؟
تو زانایێ ل سررێن پر نەبوویی؟
مەزنتی کو ل تە تێ راستە بێ شک؟
بەری مە ما تو هێژاتر نەبوویی؟

ب چێ کرنا مە تو بووی خودان هەش؟
کو مە چێ کی بکی رێ بەر مە دا رەش
مە بسپرێری دەڤێ هۆڤین مرۆڤ کوژ
کو تا رەنگێن بە ژ خوینا مە لالەش؟

#هەلبەست و دەنگ:
ئەلی هەیدەری

@kaniyadil

* مەستان ته سلاڤ دکن...

دەنگ؛ بیژەن کامکار
هەڤخوان:
نەجمه تەجەدود و مەریەم ئبراهیم‌پوور
هەنگساز:
تەهموورس پوورنازری و کیخوسرەو پوورنازری

#هەلبەست: مولانا
@kaniyadil

*کوردستانا غەریو
#دەنگ؛ مێهران_رەحیمی
#هەلبەست؛ ئەلی_ئەلیپوور

ژە دەس پاشان کەزەو کەلین
دەردێ کوردان نێ وە زمین
وە کولامان بەخشی جانۆ
دەردەکئ ژە سەر دل هەلین
کورد هاتن ژە کوردستانێ
غەریومان لە خوراسانێ
ڤا وەلاتا هەڤزمانو
مە وە دەست نێخست ئاسانێ
نکام بێمە ژە ڤی دەردا
سا هەر بۆستەکئ ڤی هەردا
جەور دینە سەردارێ مە
جانێ خوە ژی وان لە سەردا
پاشان سا خوە سپەر کرنی
ژە وەلێت دەر وە دەر کرنی
تە دی ئەمرێ مە تەڤا بوو
تە دی لە غەریویێ مرنی؟
نفر لە پەهلەوی پالان
ئیران گێشتئ کرە تالان
سەردارێ مە لە دار خست و
هێستر کر لە چاڤێ کالان
چیا سا مە را بوونە مال
سا مە را کەس نە بوو حەڤال
ژە دەست زولمێنە زالمان
پە ناوێ مە مەرخ و نەوال
ژە ڤی شەرما خوە خەلاس کەن
وەرەن سەردارێ خوە ناس کەن
وە خزین را بێژن کینی
دلی دوژمەن وە هەراس کەن
@kaniyadil

🔰 #هەلبەست

دومالکێن رێزدار دۆکتۆر «سادق فەرهادی»

🌀بەشا سێیەم

دلێ تە تژی یە, دەنگــــێ خوە بەردە
ڤێخن ئارەک, دلێ من ژی ب سەر دە
ژ ئارێ کـــــو ل سینگا تــــــە دشەوتە
بشەوتین جانــــێ من پەردە ب پەردە

خوداوه‌ند ئسترانی ئــــــــه‌م ب ئاڤه‌ک
ل سه‌ر مه هه‌ر دویان ژی دانی ناڤه‌ک
ب ناڤــــــێ ئاڤـــێ، ب ناڤێ ئه‌ڤینـــێ
کو ئــــــه‌م شه‌وتاندنی ل تینا تاڤــــه‌ک

گه‌رێ رابم هه‌رم ته‌رکا ڤرا کم
هه‌رم ته‌رکا وه‌‌لاتی بێ‌برا کم
ته‌رم، بینگاڤه و رێ تژی چاله
گه‌رێ های‌ ل‌ خوه کم، ل خوه چرا کم

بکەن من را! بکەن لێ سێڤا ئۆغازی!
بکەن! ئارێ غەزەل ل جانێ کاغازێ!
بکەن! کەننێ تە شیرینە, نزانی تو
چقەس رندی و ئەز مەستم چ ئەندازێ

نزانی ئه‌ز چقه‌س گه‌ریام ل به‌ر دل
ده‌رێ من گرت و بوویه ده‌رب￸ده‌ر دل
ته‌‌رم ده‌ستی خوه‌ دکشینم ژ داوێ
ته‌رم بارێ خوه داڤێژم ژ سه‌ر دل

ژیان بێ‌جان و جان بێ‌ئشق، نابه
دبه بێ‌ئاڤ و نان، بێ‌ئشق نابه
نزانم دل چ تینه ڤی سه‌ری من
هه‌ما زانم ژیان بێ‌ئشق نابه￸￷

که‌سه‌ک هندک ژ بێ‌ده‌نگی ده‌لال‌تر
وه‌کی جەئفەرقولی یا گاشه کال‌تر
ل ڤا دۆر و به‌رانا که‌س نه‌دییـــه؟
که‌سه‌ک مینا دوبه‌یتی ئه‌مما تال‌تر

ئۆجاخێ ڤی که‌لا هین ب￸ ئه‌لاون
برۆشێ سه‌ر ب￸ ئار تژی په‌لاون
خه‌وێ ڤی خه‌لکا هه‌رشه‌ڤ تژی خه‌ونن
خیالێ خه‌لکێ هه‌سپێ بێ￸ جه‌لاون

بلیرا لێخنە "لێ‌یارێ" کانێ؟
بەرانتێ مایی ژ "گولنارێ" کانێ؟
قەلشت "سەرهەد" ژ بێ‌ده‌نگی مه خه‌لکۆ!
تفانگا "شاەپەری سەردارێ" کانێ؟

هنەک فەرهادن ئەمما بێ‌مجالن
هنەک شیرینن ئەمما تال تالن
زمانێ تێڤشۆ ژی نارە سەری وان
نزانم کو دلن یا تەختەسالن



تو خوەنگی سا مـن ئەز سا تە برا مە
تو سا مـــن چاڤی ئـەز سا تە چرا مە
ئــەز و تـــە یادگارێن نەسلا مەرخان
بڤر کوشت خوە ، نەگێشتە ئاخرا مە



خوەدێ‌خوەست ئەو دلێ کو سا تە تەنگە
کـــــــو دشکێنــی و ژێ رانــابــــە دەنـگـە
ژ تــــە هـــەر چ ل ســـەر مـــن مایە ناڤە
ژ مـــن هـــەر چ بمینە ، بــێ تـــە نــەنگە

دلـــێ مـــــن تــژیــە هێستر دخــوازم
ئــــەز ئیشەڤ پـڕ خرابم ، پڕ دخوازم
سەوا هالـێ م کێمن گــەوری و چــاڤ
لێ‌ یا کـو هات و قـۆچان بر، دخوازم



دل و دەنگــێ تــە ل ســـەر ئێر دبینم
دو چاڤێن تـــــە ژ دونیـــێ تێـر دبینم
کەزەب - چاڤێن م ژی مینا تـە خوینن
هەما ئـــەز کــورمــێ دێر ژ دێر دبینم


ئـــەلاوێ ئارەکــێ چاڤــێ م شــەوتاند
دل ئـەو نیشانە و ناڤـــێ م شـــەوتاند
م خوەست ئاڤەک ب ڤی ئارا گەرم کم
بشــەوتە مالا ئشق ، باڤێ م شــەوتاند

گـولیل و کانـی سالان ، یا کــو شایجان
چ بـێ‌رەفشن دەمـا- تو - نەفکری وان !
بهــار ، ئـوردیبهێشت ، ئــوردی‌جـهەنەم
چقەس ناتێ هـەڤن سا چاڤێ هەیران !

دگـــەڕیام ئـــەز ل دوو نالێن دوتــارێ
م سـەر ڤــەرخست ژ خێـوێ و بخارێ
تو ژی جـارێ خـوە ل شوونا م دایین!
نـەشەوتاندی ئــەگەر هەنگێ لێ‌یارێ!

منبع:
@palkanwelatame

👈کرمانجی‌زان
🔹© @Kurmancizan

🔰
«ده‌ما ئه‌ز بمرم
ئه‌زێ هین ژی
ده‌نگێ هه‌ژینا کراسێ ته‌
ل به‌ر بێ ببهیزم.»
که‌سێ کو ڤان ڕێزان دخوینه‌، پرسی:
«چاوا دبه‌؟
بهیستنا چ؟
هه‌ژا چ؟
کراسێ چ و
بایێ چ؟»
من ژێ ڕا گۆت، «بێده‌نگ به‌
ل پاش ماسه‌یا من ڕوونه‌
شه‌رابا من ڤه‌خوه‌ و
ڤان ڕێزان بنڤیسه‌:
ده‌ما ئه‌ز بمرم
ئه‌زێ هین ژی
ده‌نگێ هه‌ژینا کراسێ ته‌
ل به‌ر بێ ببهیزم.»

خوان خه‌لمان

#هەلبەست
#Helbest

Dema ez bimrim
Ezê hîn jî
dengê hejîna kirasê te
li ber bê bibihîzim.
Kesê ku van rêzan dixwîne, pirsî:
çawa dibe?
bihîstina çi?
heja çi?
kirasê çi û
bayê çi?
Min jê ra got, bêdeng be
li paş maseya min rûne
şeraba min vexwe û
van rêzan binivîse:
Dema ez bimrim
ezê hîn jî
dengê hejîna kirasê te
li ber bê bibihîzim.

Xuan Xelman

👈 کورمانجی‌زان
🔹© @Kurmancizan