447_
عليه حسين دمعاته ....... هملها
من اشوفه ايچمل بروحي ..هم الها
التعوف اخوتها مطشره .. هم الها

عين اتنام لو راحت سبيه
…
448_
رعب بسيوف كام اطير هامات
وره الطف بالبر النسوان هامات
حجر يسأل حجر لحسين هامات

الحجر دم يبجي ضل بالغاضريه.
…
449_
صحت للحادي تاني وصاح .. متنه
والف موته اعله راس حسين .. متنه
وحك الحط جربته فوك .... متنه

العطش حته بخيالي بان بيه.
… .
450_
الشمر عالسوك اخذنه ... مار بينه
لان يدري بخرايب ..... ماربينه
الوجع بحسين مره ... مره بينه

ويلاكوني ابطبلهم ال اميه.
… .
علي سعد

451_
ريجي امن الدهر يحسين شرّاي
واخاف ايعم عله المخلوگ شرّاي
أنه ادريبك لماي الوجه شرّاي

اجيتك ماي وجهي ابين اديه
…
452_

ليل الفرح بالافراح قبله
انولد مّن صار للأحرار قبله
ابثغره يامحمد بعد قبله

عِوض عن عطش يوم الغاضريه
..
للمرحوم علي التلال

453_

حليف العز شبل فارس بدرها
الـكرامة ولـدته و راضع بدرها
انولد هالليلة من هاشم بدرها

وشـعاعه ايـلوح بالذروة العَلِيّه
… .
جابر الكاظمي

454_
الخدر والعفه والتقوه تره سماي
وتنور بنور ابوفاظل تره سماي
ياهو مثل اخو زينب تره سماي

كوه اعله الزلم بالغاضريه
…
فلاح طالب الماجدي

455_
الصبر يم عون بعد العسر  يسره
ويجي الگلبج خبر فد يوم يسره
يرد ثار المشوا للشام  يسره

المهدي وينتقم من آل امية
… .
زين العابدين المرياني

  

456_
عله هونك يحادي النوگ تنواي
أ شوف إضعون أهلنه وين تنواي
عليله إو فوگ علتي إبنار تنواي

روحي من لهيب الغاضريه
… .
457_
ولها الـروح والعلّه وهلها
إو عيني نشف جاريها وهلها
عليله إبدارهـا ظلت وهلها

مشو عنها بميادين المنيه
… .
المرحوم كاظم المنظور الكربلائي

458_
ابعباتي ضل عله ابن امي ... كسرته
مشيت وخاطره كلش ........ كسرته
الخيل اتكسره وانه اسمع .... كسرته

الوجع بحسين كله اندار بيه.
… .
علي سعيد

459_

العمـــر ايام يـوم الجاي كلفات
وساعات القيامه هـواي كلفات
الفات بدرب ابو السجاد كلفات

بجنان الله وحظه برفقة نبيه
…
فراس المحمداوي

انا لله وانا اليه راجعون

450_

علي شگد بيك بكتابه وصه الله
وعليك وعالنبــــــي سلم وصله
عجيبه شلون ابن ملجم  وصله

وطبر راسك يسيف الله ونبيه
…
علي محسن الزيادي

451_
بچیت ودمعتی امن العین صلت
وصیحك رد عليه الخیل صالت
ابغيابك گعده تالی الیل صلت

امس وتّحیر السجاد بیه
… .
كريم ابو عباس المطوري

452_
يجعفر ياصبي العين ياعون
يبعد امكم مته لغافين يوعون
مضه وكت المعاون بعد ياعون
… .
أنه بصفهم ومر بيهم سبيه
…
عدنان الغزي

453_
بحصيره حسين جسمه شلون لمه
وخيول اعداه فوگه أصبحت. لمه
مــا كفــت سحــگ يــا حيـــف لما

تهشم صدره بخيول اعوجيه
… .
موسى البديري

نعي

الحادي العجول يريد الجائرة , و العلويات يستمهلنه بالمسير لثلاث حاجات

أما الأولى :
طلبن منه أن يقمن العزاء على أخيهن الحسين و يأخذن حاصلهن من البكاء , فقلن :

بالله يهالگاطع بلبطاح
سوگ الظعن بالرّاح بالرّاح
مرنه عله ابن امي الهِوه او طاح
فوگ الثره او راسه اعله لرماح
ننصب عزه و انجيم لنياح
ــــــــــــ
النداء الثاني :
قلن إن كان و لا بد من الرحيل , فمر بنا على كفيلنا نسأذن منه قبل السفر , لعله ينهض معنا !

ريِّض ابممشانه يحدّاي
او سوگ الظعن بهداي بهداي
او عرّج عله النايم عله الماي
أستنهضه و أباصره الرّاي
بلكت يفز و ايگوم ويّاي
____
الثالثة :
بعدما رفض الطلب الاول و الثاني , قلن له , سنذهب معا لكن نرجوا أن لا تسرع بالسير و تجد به خوفاً على اطفالنا الراكبين , فالنوق عارية بلا غطاء و لاوطاء , وإن عثرت النوق فمن يركب الاطفال من بعد حماتهن !؟

صاحن يمن بالظعن تحدون
سوگوا الظعن بالهون بالهون
بهاي الظعينه أطفال تدرون
و اِزمام ما بيهن هاِلِظعون
لا تعثر النوگ او يطيحون

__
ميرزا عادل اشكناني

454_

خليه اصبحت خواني يدرهم
وگلبي شما أزل همه يدرهم
شما گابلت روس اهلي يدرهم

الحادي وروسهم تلتفت ليه.
… ..
445
الشمر ساعه يسبنه ساعه ابينه
الوجع ساعات اكتمه ساعه ابينه
النذل بسوك يفتر ساعه بينه
ولالي اخوان ويفزعون اليه
… .
علي سعيد

نعـي
..
يا من بگيتوا فوگ الرمال
نزلن اعلينا امصايب اثكال
ونريد نخبركم بمرسال
سمعوا الحچي والحچي چتال
نسوانكم ما بين الرجال
سمعوهن وشافوهن أنذال
ويردن غيارى إتهد الجبال
ضلن ترى بعازت الكفّال
عگب الگمر اظهورنا اهلال
فزعوا بصوارمكم يـَ أبطال
يهل الحمية عدكم عيال
دخلوهن السوگ اعلى الجمال
ودرب السبي عذّب الدلال
كشّر اوجوه وموّت أطفال
يا آل هاشم نكسر الحال
نتمايل ومشونا أميال
مو احنه ليگيدونه بحبال
احنه بنات الزهراء والآل
… ..
علي العابدي النجفي

والشعراء يتّبعهم الغاوون
هم فقهاء الضلالة

١-عن أبي جعفر (عليه السلام) ، في قول الله عز وجل:
‎وَالشُّعَراءُ يَتَّبِعُهُمُ الْغاوُونَ‏ ، قال: «هل رأيت شاعرا يتبعه أحد؟! إنما هم قوم تفقهوا لغير الدين، فضلوا ، وأضلوا.

٢-يرفعه إلى أبي عبد الله (عليه السلام) ، في قول الله عز وجل: وَالشُّعَراءُ يَتَّبِعُهُمُ الْغاوُونَ‏ ، فقال: «من رأيتم من الشعراء يتبع؟ إنما عنى هؤلاء الفقهاء الذين يشعرون قلوب الناس
بالباطل، فهم الشعراء الذين يتبعون.

٣-عن أبي عبد الله (عليه السلام) قال: «هم قوم تعلموا وتفقهوا بغير علم، فضلوا، وأضلوا».

٤-علي بن إبراهيم، قال: نزلت في الذين غيروا دين الله [بآرائهم‏]، وخالفوا أمر الله، هل رأيت شاعرا قط يتبعه أحد، إنما عنى بذلك الذين وضعوا دينا بآرائهم، فتبعهم على ذلك الناس، ويؤكد ذلك قوله: أَ لَمْ تَرَ أَنَّهُمْ فِي كُلِّ وادٍ يَهِيمُونَ‏ يعني يناظرون بالأباطيل، ويجادلون بالحجج المضلة، وفي كل مذهب يذهبون، وَأَنَّهُمْ يَقُولُونَ ما لا يَفْعَلُونَ‏، قال: يعظون الناس ولا يتعظون، وينهون عن المنكر ولا ينتهون، ويأمرون بالمعروف ولا يعملون، وهم الذين قال الله: أَ لَمْ تَرَ أَنَّهُمْ فِي كُلِّ وادٍ يَهِيمُونَ‏، أي في كل مذهب يذهبون، وَأَنَّهُمْ يَقُولُونَ ما لا يَفْعَلُونَ‏، وهم الذين غصبوا آل محمد (عليهم السلام) حقهم.
ثم ذكر آل محمد (عليه وعليهم السلام)، وشيعتهم المهتدين، فقال: إِلَّا الَّذِينَ آمَنُوا وَعَمِلُوا الصَّالِحاتِ وَذَكَرُوا اللَّهَ كَثِيراً وَانْتَصَرُوا مِنْ بَعْدِ ما ظُلِمُوا، ثم ذكر أعداءهم ومن ظلمهم، فقال: «وسيعلم الذين ظلموا آل محمد حقهم أي منقلب ينقلبون» هكذا والله نزلت.

٥-عن علي بن موسى الرضا، عن أبيه، عن آبائه (عليهم السلام)، قال: «قال رسول الله (صلى الله عليه وآله): «من أحب أن يتمسك بديني، ويركب سفينة النجاة بعدي، فليقتد بعلي بن أبي طالب، وليعاد عدوه، وليوال وليه، فإنه وصيي، وخليفتي على امتي في حياتي، وبعد وفاتي، وهو أمير كل مسلم، وأمير كل مؤمن بعدي، قوله قولي، وأمره أمري، ونهيه نهيي، وتابعه تابعي، وناصره ناصري، وخاذله خاذلي.
‎ثم قال (عليه السلام): من فارق عليا بعدي، لم يرني ولم أره يوم القيامة، ومن خالف عليا، حرم الله عليه الجنة، وجعل مأواه النار، ومن خذل عليا، خذله الله يوم يعرض عليه، ومن نصر عليا، نصره الله يوم يلقاه، ولقنه حجته عند المساءلة.
‎ثم قال (عليه السلام): الحسن والحسين إماما امتي بعد أبيهما، وسيدا شباب أهل الجنة، وأمهما سيدة نساء العالمين، وأبوهما سيد الوصيين، ومن ولد الحسين تسعة أئمة، تاسعهم القائم من ولدي، طاعتهم طاعتي، ومعصيتهم معصيتي، إلى الله أشكو المنكرين لفضلهم، والمضيعين لحقهم‏ بعدي، وكفى بالله وليا، وكفى بالله نصيرا لعترتي، وأئمة امتي، ومنتقما من الجاحدين لحقهم‏ وَسَيَعْلَمُ الَّذِينَ ظَلَمُوا أَيَّ مُنْقَلَبٍ ينقلبون ».‏
-📖البرهان ف للسيد هاشم البحراني