Sentyabrın 16-sı Özbəkistan Cüdo Federasiyasının prezidenti Azizjon Komilov cüdo üzrə milli komandalar üçün təlim-məşq mərkəzində olub.

Azərbaycan Cüdo Federasiyasının vitse-prezidenti Elnur Məmmədli və icraçı vitse-prezident Rəşad Rəsullu qonağa təlim-məşq mərkəzində idmançılar üçün yaradılmış müasir şərait haqqında, həmçinin Federasiyanın ölkəmizdə cüdo idman növünün inkişafı üçün həyata keçirdiyi işlər və layihələr haqqında məlumat veriblər.

Görüş zamanı qarşılıqlı təcrübə mübadiləsi, birgə təlim-məşq toplanışlarının təşkili və hər iki ölkədə cüdonun inkişafını gücləndirmək üçün əməkdaşlıq imkanları müzakirə edilib. Həmçinin, müasir məşqçilik metodları üzrə təcrübə mübadiləsi və idmançıların inkişaf proqramları əsas əməkdaşlıq sahələri kimi vurğulanıb.

Qeyd edək ki, Azərbaycan Cüdo Federasiyası və Özbəkistan Cüdo Federasiyası arasında 2022-ci ilin oktyabr ayında imzalanmış əməkdaşlıq memorandumuna əsasən indiyə qədər 5 qarşılıqlı birgə təlim-məşq toplanışı təşkil edilmiş, hər iki ölkədə keçirilən beynəlxalq yarışlarda idmançıların iştirakı təmin edilmişdir. Bundan başqa, Federasiyalar arasında aktiv qarşılıqlı təcrübə mübadiləsi həyata keçirilməkdədir.

🇦🇿🥋 Azərbaycan Cüdo Federasiyasının (ACF) təşkilatçılığı ilə sentyabr və oktyabr aylarında U-15 və U-18 yeniyetmələr arasında region birincilikləri keçiriləcək.

📆 Təqvimi təqdim edirik⬆️