بۆرێوە دڵ بێتاقەتا
شێعرە:#جەماڵ_قادرپوور
دەنگ:#ئارام_مستۆفی
ڕێک وستەی:#کەیوان_مۆساعێد

ئەی سەرتەرین دووری نزیک!بۆرێوە ئامای فرسەتا
یاوای نەیاوان مەردەشۆر بۆرێوە دڵ بێ‌تاقەتا

قارت وەسێن قینت وەسێن شانای تەوەرزینت وەسێن
دڵوەش بە پەڕچینت وەسێن بۆرێوە دڵ بێ‌تاقەتا

قەوڵم بە دڵ دابێ پەنەت من هەر نەکێشوو دەس چەنەت
دەک ڕەحمەتێ وارا وەنەت بۆرێوە دڵ بێ‌تاقەتا

یانەی نەوڕیا وێتەنی دەنگی نەزڕیا وێتەنی
تۆبەی نەمەڕیا وێتەنی بۆرێوە دڵ بێ‌تاقەتا

مەردەی نەمەردەت وێمەنا گیانی ویەردەت وێمەنا
شادی نەکەردەت وێمەنا بۆرێوە دڵ بێ‌تاقەتا

چەرمەی سیاوی سوور دڵا یاوای نزیکی دوور دڵا
موختارەکەی مەجبوور دڵا بۆرێوە دڵ بێ‌تاقەتا

ئەی دڵ‌تەوەن! دڵ‌ئاسنین! کەردات بە تەسبێحی وەنین
تا کەی چەمێم مازی ونین؟ بۆرێوە دڵ بێ‌تاقەتا

ڕۆجیاری تاریکوو دڵیم! قاییمی باریکوو دڵیم!
تەوحیدی تەشریکوو دڵیم! بۆرێوە دڵ بێ‌تاقەتا

#جەماڵ_قادرپوور

دەگاو جـــــــۆڵانــــــدێ

@joolandeh

" دووری "

دەنگ:
#کەیوان_مۆساعێد
شێعر:
#جەماڵ_قادرپوور


دەگاو جـــــــــۆڵانــــــــــدێ

@joolandeh