« ئای مەرگ چکۆنی ژیوای کوشتانی »
هێشتا هامن بێ سەردای بەردانێ
تێکەڵوو گەڵای زەردیش کەردانێ
کەوتانێ نەدام چەرخوو زەمانەی
گەردوونی چەپگەرد تەمام هەڕدانێ
بانێوە و دوێ هەوای کوشتانێ
ئای مەرگ چکۆنی ژیوای کوشتانێ
هەر چوار وەرزەو ساڵێ دڵم سەرد
پایێز بێ گەڵاو جوانیم ڕەنگ زەرد
هەزار ئارەزوو و تاسەم نەدڵ بێ
ڕەشەوای گەردوون بەگۆڕش سپەرد
لچ وشکیو کورپەی ساوای کوشتانێ
ئای مەرگ چکۆنی ژیوای کوشتانێ
واتشا دیوارەین بەدەس هۆرچنیا
ئی دنیای چەنەش بێشکێوە جمیا
هێشتا پام نەگرت بگێڵوو نەلێش
دوورە ڕاو ژیوای دەس نیشان کریا
تەسلیم بە تەقدیر دنیای کوشتانێ
ئای مەرگ چکۆنی ژیوای کوشتانێ
ئی پەردە کیشیا وەروو ڕۆشنایی
تەنەش پەرچینوو هێجر و جیایی
ئەمن جەوێم و تۆش جەئەم دوور کەرد
تیرەی بێ دریا ئەو وەشەسیایی
ئەشقی بێ‌دەنگ و سدٚای کوشتانێ
ئای مەرگ چکۆنی ژیوای کوشتانێ
ژیوای شەوەی بێ بەخەم دریا سەر
ئی شەوێ دانێ دەسۆ شەوەی تەر
وەرەتاو پەرێم هەر زەردەوەر بێ
وێرەگاو عومری زوو زوو گنێ بەر
چەمەڕاو ئاماو سەوای کوشتانێ
ئای مەرگ چکۆنی ژیوای کوشتانێ
نانە بە نەرخەو دەورانی کوشتان
پەرێ نان سوجدەو نەزانی کوشتان
هەر شەکەتی بێ و بێ‌ئەوەسیای
نانەی گرانتەر جە گیانی کوشتان
شیوەن بە سفرەو گەدٚای کوشتانێ
ئای مەرگ چکۆنی ژیوای کوشتانێ
✍ #ڕەحمەت_سەففاری( #شەفەق )
١٤٠٢٫٩٫٢۴ کۆچی ڕۆجیاری
دەگاو جــــــــۆڵانــــــــــدێ
@joolandeh
هێشتا هامن بێ سەردای بەردانێ
تێکەڵوو گەڵای زەردیش کەردانێ
کەوتانێ نەدام چەرخوو زەمانەی
گەردوونی چەپگەرد تەمام هەڕدانێ
بانێوە و دوێ هەوای کوشتانێ
ئای مەرگ چکۆنی ژیوای کوشتانێ
هەر چوار وەرزەو ساڵێ دڵم سەرد
پایێز بێ گەڵاو جوانیم ڕەنگ زەرد
هەزار ئارەزوو و تاسەم نەدڵ بێ
ڕەشەوای گەردوون بەگۆڕش سپەرد
لچ وشکیو کورپەی ساوای کوشتانێ
ئای مەرگ چکۆنی ژیوای کوشتانێ
واتشا دیوارەین بەدەس هۆرچنیا
ئی دنیای چەنەش بێشکێوە جمیا
هێشتا پام نەگرت بگێڵوو نەلێش
دوورە ڕاو ژیوای دەس نیشان کریا
تەسلیم بە تەقدیر دنیای کوشتانێ
ئای مەرگ چکۆنی ژیوای کوشتانێ
ئی پەردە کیشیا وەروو ڕۆشنایی
تەنەش پەرچینوو هێجر و جیایی
ئەمن جەوێم و تۆش جەئەم دوور کەرد
تیرەی بێ دریا ئەو وەشەسیایی
ئەشقی بێ‌دەنگ و سدٚای کوشتانێ
ئای مەرگ چکۆنی ژیوای کوشتانێ
ژیوای شەوەی بێ بەخەم دریا سەر
ئی شەوێ دانێ دەسۆ شەوەی تەر
وەرەتاو پەرێم هەر زەردەوەر بێ
وێرەگاو عومری زوو زوو گنێ بەر
چەمەڕاو ئاماو سەوای کوشتانێ
ئای مەرگ چکۆنی ژیوای کوشتانێ
نانە بە نەرخەو دەورانی کوشتان
پەرێ نان سوجدەو نەزانی کوشتان
هەر شەکەتی بێ و بێ‌ئەوەسیای
نانەی گرانتەر جە گیانی کوشتان
شیوەن بە سفرەو گەدٚای کوشتانێ
ئای مەرگ چکۆنی ژیوای کوشتانێ
✍ #ڕەحمەت_سەففاری( #شەفەق )
١٤٠٢٫٩٫٢۴ کۆچی ڕۆجیاری
دەگاو جــــــــۆڵانــــــــــدێ
@joolandeh
#وەتەن
ئەی وەتەن! ساڕێژوو زامانوو من و دەرمانوو تۆ
داروو ژیوای وشک و تەژنەو نم‌نموو وارانوو تۆ
سارد و گەرمی ڕۆزگاری چن گوڵێش ژاکنای، وەتەن
شێوناش وەرزوو وەهاریم، هامن و زمسانوو تۆ
ئەی وەتەن تا کەی گیان پەی تیکەنانەی بۆ هەڕاج
تۆشەخاڵی بۆ هەژار، حەسرەت بە دەخڵ و دانوو تۆ
ئەر تەپووکۆمەن جە تاریکی شەوەو ژیواینە ئەم
هەر ئومێدٚ تیشکوو وەرین نیشۆنە سەرکۆڵانوو تۆ
کەی مەتاوو چوون مەلەی ئازادٚ بگێڵوو بێ‌خەفەت
تا نەزانوو سافەن و بێ گێجەوان ئاسمانوو تۆ
ڕۆڵەکێت جیاتی گەمە و وانەی کەران هەرمان و کار
ئاسمایچ وەشت و وار بۆ وشک مەوۆ بوێسانوو تۆ
ئەی وەتەن خاکت بەهەشتوو سەرزەمینین پەیم، ئەگەر
بەیمێ یەکسان پەڕ کەرم کیسێوە بن‌خەرمانوو تۆ
ئەی وەتەن شەرتەن ئەگەر شنیەی بە ئاواتوو دڵیم
بوونە پێشمەرگت بەدڵ سینەم کەروو قەڵخانوو تۆ
✍ #ڕەحمەت_سەففاری
📸دەلۆر
دەگاو جـــــــــۆڵانـــــــــدێ
@joolandeh
ئەی وەتەن! ساڕێژوو زامانوو من و دەرمانوو تۆ
داروو ژیوای وشک و تەژنەو نم‌نموو وارانوو تۆ
سارد و گەرمی ڕۆزگاری چن گوڵێش ژاکنای، وەتەن
شێوناش وەرزوو وەهاریم، هامن و زمسانوو تۆ
ئەی وەتەن تا کەی گیان پەی تیکەنانەی بۆ هەڕاج
تۆشەخاڵی بۆ هەژار، حەسرەت بە دەخڵ و دانوو تۆ
ئەر تەپووکۆمەن جە تاریکی شەوەو ژیواینە ئەم
هەر ئومێدٚ تیشکوو وەرین نیشۆنە سەرکۆڵانوو تۆ
کەی مەتاوو چوون مەلەی ئازادٚ بگێڵوو بێ‌خەفەت
تا نەزانوو سافەن و بێ گێجەوان ئاسمانوو تۆ
ڕۆڵەکێت جیاتی گەمە و وانەی کەران هەرمان و کار
ئاسمایچ وەشت و وار بۆ وشک مەوۆ بوێسانوو تۆ
ئەی وەتەن خاکت بەهەشتوو سەرزەمینین پەیم، ئەگەر
بەیمێ یەکسان پەڕ کەرم کیسێوە بن‌خەرمانوو تۆ
ئەی وەتەن شەرتەن ئەگەر شنیەی بە ئاواتوو دڵیم
بوونە پێشمەرگت بەدڵ سینەم کەروو قەڵخانوو تۆ
✍ #ڕەحمەت_سەففاری
📸دەلۆر
دەگاو جـــــــــۆڵانـــــــــدێ
@joolandeh