(پیڕۆسەم)
یاران پیڕۆسـەم، یاران پیڕۆسەم
ئارۆ ڕاگەم کەوت، من بە پیڕۆسەم
یانێ هەوارگەی هەورامان مەشهوور
چوون قوببەی قەندیل دیارەن جە دوور
وانام تەعریفات ئەو مەکان بە دەم
دیام بە غەمگین نماناش بە چەم
واتم ئەی گۆڵشەن جەنەت ئەلماوا
وای ناموراد٘ی ڪەی بە تۆ یاوا؟
پەی چێش ڕۆخسارت تۆزینی گەردەن؟
هەناسەت چوون بای زەمهەریر سەردەن!
وات: ئەی ڕاویار بێ خەبەر جە دەرد
نەزانات فەڵەک چێشش بە من کەرد
نازاران پەی کۆچ قەسدشان کەردەن
پایەی بۆڵەندیم پەستشان کەردەن
چەرخ کەجڕەفتار پێچ ئاوردەوە
زامانی ڪۆنەم تازە ڪەردەوە
توانا و تاقەت نەمەندەن جە تەن
باربەند٘یشانەن، مـشان نەوەتەن
من مەندم چەنی هەناسانی سەرد
ڕەنگم چوون خەزان گێڵیان بە زەرد
هەوارنشینان چەندێ جەی وەرتەر
بە زار و زویر پەنەش دان خەبەر
دەم بە شکایەت گەرمای گەرمیان
هەر ساڵه بەی تەور وە لای من میان
شەرارەی شیددەت گەرمیان مەسکەن
توانا و تاقەت بێزار کەرد جە تەن
زیندەگی و حەیات پەرێ نازاران
نەگرتەن قەرار جە سایەی داران
مەگەس چوون عەقرەب زەهرئالووی پەڕ نێش
جە زەنبوور بەد٘تەر ئێش مەد٘ا وە نێش
دڵ بە هەوای سەرد وەش گەوارەوە
ڕوو نیان وە ڕای ئەی هەوارەوە
مێمانداری خاس بکەردام لێشان
ئیجازەی ئامای کۆچ بد٘ام پێشان
بە ئامای یاران شاد٘ی وەسف ئەلحاڵ
ئەمر کەرد فەڕاش یانێ بای شەماڵ
فەرشی عەترئامێز سەتحی هەواران
پەخشان کەرد پەرێ جەلەسەی یاران
مەئمووران ئەمر بادی هەواڕێژ
یانێ ترازوو و ڪۆ و گەلاوێژ
پەرێ بادئەفشان زوڵفان دڵبەر
هەوای وەش نەسیم جە سوبحی سەحەر
بۆی عەتری گۆڵان چنوور و شەوبۆ
دید٘ەی نازاران هێــمای جە خەو بۆ
جوانان یەکسەر گرد مەستی خاوەن
موستەغرەق جە بۆی عەتر و گوڵاوەن
من بەی تەور خزمەت بکردام پێشان
ئەوان چەنی من وێنەی بەد٘کێشان
شەرتەن جە هیجران ئەی نائومێدی
بپۆشوو نە تەن کاڵای سفیدی
شەرتەن جە تەنخوای بێ وەفای یاران
قەتعئەلتەریق کەم جە گوزاران
وێنەی شمرشەڕ یەزید٘ئاسا کەم
ئەی چەشمە و سەراو وە کەربەلا کەم
وێنەی ئەسکەند٘ەر سەدی یەئجووج کەم
سەد گوزەرگای هەوارگە و کۆچ کەم
مەر بە ڕاگوزەر گوزەر نەکەران
جە بای قەهری من گیان بەر مەبەران
(سەعد) هەراسان جە هەراسی وێش
مەشغوڵ بە تەحریر دەنگ و باسی وێش
کۆڵ بە کۆڵ تەناف مەینەت جە مل بێ!
تاریخ جە هەزارسێسەد٘ و چل بێ
#میرزا_سەعدوڵڵا_خەدیری_هەجیجی
۱۳۴۰٫٦٫۵ کۆچی ڕۆجیاری
دەگاو جــــــــۆڵانـــــــــدێ
@joolandeh
یاران پیڕۆسـەم، یاران پیڕۆسەم
ئارۆ ڕاگەم کەوت، من بە پیڕۆسەم
یانێ هەوارگەی هەورامان مەشهوور
چوون قوببەی قەندیل دیارەن جە دوور
وانام تەعریفات ئەو مەکان بە دەم
دیام بە غەمگین نماناش بە چەم
واتم ئەی گۆڵشەن جەنەت ئەلماوا
وای ناموراد٘ی ڪەی بە تۆ یاوا؟
پەی چێش ڕۆخسارت تۆزینی گەردەن؟
هەناسەت چوون بای زەمهەریر سەردەن!
وات: ئەی ڕاویار بێ خەبەر جە دەرد
نەزانات فەڵەک چێشش بە من کەرد
نازاران پەی کۆچ قەسدشان کەردەن
پایەی بۆڵەندیم پەستشان کەردەن
چەرخ کەجڕەفتار پێچ ئاوردەوە
زامانی ڪۆنەم تازە ڪەردەوە
توانا و تاقەت نەمەندەن جە تەن
باربەند٘یشانەن، مـشان نەوەتەن
من مەندم چەنی هەناسانی سەرد
ڕەنگم چوون خەزان گێڵیان بە زەرد
هەوارنشینان چەندێ جەی وەرتەر
بە زار و زویر پەنەش دان خەبەر
دەم بە شکایەت گەرمای گەرمیان
هەر ساڵه بەی تەور وە لای من میان
شەرارەی شیددەت گەرمیان مەسکەن
توانا و تاقەت بێزار کەرد جە تەن
زیندەگی و حەیات پەرێ نازاران
نەگرتەن قەرار جە سایەی داران
مەگەس چوون عەقرەب زەهرئالووی پەڕ نێش
جە زەنبوور بەد٘تەر ئێش مەد٘ا وە نێش
دڵ بە هەوای سەرد وەش گەوارەوە
ڕوو نیان وە ڕای ئەی هەوارەوە
مێمانداری خاس بکەردام لێشان
ئیجازەی ئامای کۆچ بد٘ام پێشان
بە ئامای یاران شاد٘ی وەسف ئەلحاڵ
ئەمر کەرد فەڕاش یانێ بای شەماڵ
فەرشی عەترئامێز سەتحی هەواران
پەخشان کەرد پەرێ جەلەسەی یاران
مەئمووران ئەمر بادی هەواڕێژ
یانێ ترازوو و ڪۆ و گەلاوێژ
پەرێ بادئەفشان زوڵفان دڵبەر
هەوای وەش نەسیم جە سوبحی سەحەر
بۆی عەتری گۆڵان چنوور و شەوبۆ
دید٘ەی نازاران هێــمای جە خەو بۆ
جوانان یەکسەر گرد مەستی خاوەن
موستەغرەق جە بۆی عەتر و گوڵاوەن
من بەی تەور خزمەت بکردام پێشان
ئەوان چەنی من وێنەی بەد٘کێشان
شەرتەن جە هیجران ئەی نائومێدی
بپۆشوو نە تەن کاڵای سفیدی
شەرتەن جە تەنخوای بێ وەفای یاران
قەتعئەلتەریق کەم جە گوزاران
وێنەی شمرشەڕ یەزید٘ئاسا کەم
ئەی چەشمە و سەراو وە کەربەلا کەم
وێنەی ئەسکەند٘ەر سەدی یەئجووج کەم
سەد گوزەرگای هەوارگە و کۆچ کەم
مەر بە ڕاگوزەر گوزەر نەکەران
جە بای قەهری من گیان بەر مەبەران
(سەعد) هەراسان جە هەراسی وێش
مەشغوڵ بە تەحریر دەنگ و باسی وێش
کۆڵ بە کۆڵ تەناف مەینەت جە مل بێ!
تاریخ جە هەزارسێسەد٘ و چل بێ
#میرزا_سەعدوڵڵا_خەدیری_هەجیجی
۱۳۴۰٫٦٫۵ کۆچی ڕۆجیاری
دەگاو جــــــــۆڵانـــــــــدێ
@joolandeh