نـە سـام، نە سـتوون، نیم نیگام مەندەن
نە دام، نە قـووەت، نە دەستگام مەندەن

نـه دەست، نە نیـشان، نە ماردم مەندەن
پیری گشت وجوود، نە دەسـتم سەندەن

خانای قوبادی 👆👆👆


#مارد جۆریە چەکی ئینگلیسی بیەن چا سەردەمەنە

🌾🌾🌾🌾🌾🌾🌾🌾🌾🌾🌾

✍#خوڐابەخش پاڵنـــــــانی 👇👇👇


خانا، هەی خانا، خانای خان، قباد
دەوران و جوانیـم گردم شیوەباد

چەخاس فەرماوان خۆ مزانی توچ
بیا بازرگان مــەیەهـــــیچ و پووچ

نەپا بردش هـــەن نە زوان جەدەم
شیویان قامەتم خۆ نمەوینۆ چەم

شیویان یۆرە تەمام تەختـوو تاج
بێ قەدروو قیمەت بازار بێ ڕواج

نەبڕنەو مەنەن نەمارد جەشانەم
وەشی و شاڐیۆ زەوق بار کەردەن یانەم

بێینا قــمــاموو هەواروو داڵی
گڵمــوو گژمانە چەنی شەماڵی

هاکا شیمەوە منیچ چوون یاران
سـەرتاوە باڵام سفیــڐی واران


✍#خوڐابەخش پاڵنــــــــانی

دەگاو جـــــــۆڵانــــــــدێ

@joolandeh

1400 / 3 / 19

کۆچی ڕۆجیاری