#شای جوانی
زەریفیت جە دوور قێبلەم دیارا
ماچی مانگ درۆشیۆ چەنی هەسارا
زۆڵفێت پەرێشان جە دەوروو مێلی
نەقشی ڕۆخسارت هەر ماچی وێلی
برژانگت وەک تیر چەمێت سیاوێ
سەر گۆنات ماچی لاسوورە ساوێ
بۆی مێخەک یا خەیر بۆی زەرۮە بەیا
بۆنی بەی جە باغ سینەو تۆ مەیا
ڕەنگ لێوێت ماچی سووری هەنارا
دەم نۆقڵوو نەجیب غۆنچەی وەهارا
دەم کەریەو دۮان سدەفیت دیاری
جە زرۮە خەنەت شەکەر مەی واری
لاروو لەنجەی جوان باڵات عەر عەرا
زەریفیت جە نەقش مانی سەرتەر
ئانە دەردە دار هەنش نەوەشی
چەمش بە تۆ گنۆ شەفا بۆ بەشی
ئانە بێ ئیمان یا دڵ پەرێشا
ئیمان مارۆ خۆۮەی نەقشوو تۆش کێشا
ئانە باخەوان دەی گرۮی چڕانێ
حەر چی گۆڵشا هەن ڕەدیف کەرانێ
حەر چی گۆڵێ هەنێ دەی گرۮی بارا
تۆ زەریفەنیو گۆڵەکێ كەم مارا
جەگۆڵا فرەتەر تۆ زەریفەنی
ئەگەرتەی گۆڵ بۆ ئانە وێتەنی
ئانە مەڵا هەن ئەر پەرسی چنەشا
تاریف حۆریا مۮاو باڵاشا وەشا
جە بارەی حۆری ئەر مەڵای دۆنی
تۆ وینۆ ماچۆ دەی حۆری تۆنی
کێوێڵکانێ بۆ گرۮوو جێهانی
دلێ زەریفانە تۆ بی شای جوانی
ئەگەر نۆحیش بوو جە بەحروو چەمات
بە دینم قێبلەم نیام ڕێگای نەجات
شێخیچ بوو واچا فرە با ئیمانا
ئاخرم هەر ئاخری شێخی سەنعانا
#خاکی
دەگاو جــــــــۆڵانـــــــــدێ
@joolandeh
زەریفیت جە دوور قێبلەم دیارا
ماچی مانگ درۆشیۆ چەنی هەسارا
زۆڵفێت پەرێشان جە دەوروو مێلی
نەقشی ڕۆخسارت هەر ماچی وێلی
برژانگت وەک تیر چەمێت سیاوێ
سەر گۆنات ماچی لاسوورە ساوێ
بۆی مێخەک یا خەیر بۆی زەرۮە بەیا
بۆنی بەی جە باغ سینەو تۆ مەیا
ڕەنگ لێوێت ماچی سووری هەنارا
دەم نۆقڵوو نەجیب غۆنچەی وەهارا
دەم کەریەو دۮان سدەفیت دیاری
جە زرۮە خەنەت شەکەر مەی واری
لاروو لەنجەی جوان باڵات عەر عەرا
زەریفیت جە نەقش مانی سەرتەر
ئانە دەردە دار هەنش نەوەشی
چەمش بە تۆ گنۆ شەفا بۆ بەشی
ئانە بێ ئیمان یا دڵ پەرێشا
ئیمان مارۆ خۆۮەی نەقشوو تۆش کێشا
ئانە باخەوان دەی گرۮی چڕانێ
حەر چی گۆڵشا هەن ڕەدیف کەرانێ
حەر چی گۆڵێ هەنێ دەی گرۮی بارا
تۆ زەریفەنیو گۆڵەکێ كەم مارا
جەگۆڵا فرەتەر تۆ زەریفەنی
ئەگەرتەی گۆڵ بۆ ئانە وێتەنی
ئانە مەڵا هەن ئەر پەرسی چنەشا
تاریف حۆریا مۮاو باڵاشا وەشا
جە بارەی حۆری ئەر مەڵای دۆنی
تۆ وینۆ ماچۆ دەی حۆری تۆنی
کێوێڵکانێ بۆ گرۮوو جێهانی
دلێ زەریفانە تۆ بی شای جوانی
ئەگەر نۆحیش بوو جە بەحروو چەمات
بە دینم قێبلەم نیام ڕێگای نەجات
شێخیچ بوو واچا فرە با ئیمانا
ئاخرم هەر ئاخری شێخی سەنعانا
#خاکی
دەگاو جــــــــۆڵانـــــــــدێ
@joolandeh