ئەی من جە تۆنە وڕیا وەی تۆ جە مننە جاری
ئەی مەسنەوی چەماو تۆ قەسیدەو ئێنتێزاری
شل دارە چەم نێگاو من غەزەڵ ورازوو پێشدا
سۆزم سەراپا سۆچۆ پەی وەختوو بێ قەراری
چەمێت کلوورەو هەنگی با بانە قیبلێ شێعرێم
زارم بە قەندوو دیدٚەیت دوورم وزۆ جە زاری
تا کەی جە دووری تۆنە خەزان خێز بۆ هەناسەم؟
به‌شکه‌م بی هەنگوو شێعرێ پەرێم ئاوارە باری
مۆموو چه‌مات ئه‌گه‌ر بۆم کلووره‌شێعرێ سازوو
ساڵە جە سەدٚ ترازنۆ ملۆنە پەی هەزاری
سا با بدٚانێ باڵێ پەپوولێ ئا چەماتە
گه‌ڵاخه‌زانم گێڵنا پاژه‌ره‌ژوو وەهاری
هانەو چەمی وەهاریا قەڵوەزەش پێکا دەممەو
پەی وشکەساڵی مەیلیت دا بۆ بینە هەساری
شارۆ بە تۆوە گوڵیۆ چووزه مدٚۆ هەناسەش
ئەی من جە تۆنە وڕیا وەی تۆ جە مننە جاری
✍️ #شارۆ
دەگاوجــــۆڵانـــــدێ
@joolandeh
ئەی مەسنەوی چەماو تۆ قەسیدەو ئێنتێزاری
شل دارە چەم نێگاو من غەزەڵ ورازوو پێشدا
سۆزم سەراپا سۆچۆ پەی وەختوو بێ قەراری
چەمێت کلوورەو هەنگی با بانە قیبلێ شێعرێم
زارم بە قەندوو دیدٚەیت دوورم وزۆ جە زاری
تا کەی جە دووری تۆنە خەزان خێز بۆ هەناسەم؟
به‌شکه‌م بی هەنگوو شێعرێ پەرێم ئاوارە باری
مۆموو چه‌مات ئه‌گه‌ر بۆم کلووره‌شێعرێ سازوو
ساڵە جە سەدٚ ترازنۆ ملۆنە پەی هەزاری
سا با بدٚانێ باڵێ پەپوولێ ئا چەماتە
گه‌ڵاخه‌زانم گێڵنا پاژه‌ره‌ژوو وەهاری
هانەو چەمی وەهاریا قەڵوەزەش پێکا دەممەو
پەی وشکەساڵی مەیلیت دا بۆ بینە هەساری
شارۆ بە تۆوە گوڵیۆ چووزه مدٚۆ هەناسەش
ئەی من جە تۆنە وڕیا وەی تۆ جە مننە جاری
✍️ #شارۆ
دەگاوجــــۆڵانـــــدێ
@joolandeh
بازە
وێم دەو دەموو بێ تاقەتیەکاتۆ
سێبەریتەنە لاولاوێ بوو
پێچیەو باڵایتۆ
تا وشک بیەی
بازە
با حەزم
چڵوو زوڵفاتۆ پەی ماچێوەت
ئاوێز بۆ
دەریاو بیەیتەنە شەپۆلێو بوو
بێ ئۆقرە
تا مەحف بیەی
دەمێوەن خەیاڵ
سەرەنە ڕەمان
چرکێو سەدٚ جارێ نیشۆ سیماتۆ
بازە
تۆپەڵە وەروێو بوو
سیروانوو وەشەسیاییت
بەرۆم تا تاویایۆ
گڵویتەنە گورانیێو بوو
گجار وانۆمۆ
مریچڵێ دەمیت
بە بە باخ و
منیچ باخەوان
باڵاتۆ مەزە و زەریفی تەکنوو
من
وەڵتەر جە نیۆتۆنی
وزەو جازێبەیم چەماو تۆنە دی!
بازە
بە تۆوە خەم پەزێرە بۆ
من،
"من"یم تۆنە گمیان
وێتەنە وینەمۆ
عەمرێو ڕازینا بە تەناسۆخی!
✍️ #شارۆ
دەگاوجــــــۆڵانــــدێ
@joolandeh
وێم دەو دەموو بێ تاقەتیەکاتۆ
سێبەریتەنە لاولاوێ بوو
پێچیەو باڵایتۆ
تا وشک بیەی
بازە
با حەزم
چڵوو زوڵفاتۆ پەی ماچێوەت
ئاوێز بۆ
دەریاو بیەیتەنە شەپۆلێو بوو
بێ ئۆقرە
تا مەحف بیەی
دەمێوەن خەیاڵ
سەرەنە ڕەمان
چرکێو سەدٚ جارێ نیشۆ سیماتۆ
بازە
تۆپەڵە وەروێو بوو
سیروانوو وەشەسیاییت
بەرۆم تا تاویایۆ
گڵویتەنە گورانیێو بوو
گجار وانۆمۆ
مریچڵێ دەمیت
بە بە باخ و
منیچ باخەوان
باڵاتۆ مەزە و زەریفی تەکنوو
من
وەڵتەر جە نیۆتۆنی
وزەو جازێبەیم چەماو تۆنە دی!
بازە
بە تۆوە خەم پەزێرە بۆ
من،
"من"یم تۆنە گمیان
وێتەنە وینەمۆ
عەمرێو ڕازینا بە تەناسۆخی!
✍️ #شارۆ
دەگاوجــــــۆڵانــــدێ
@joolandeh
📖 کۆرپەشێعرێ
زمسانم کەردٚەن
بە ئاڵاو ئاشتی
هیشتای چەمەکێش
ئاویر هۆرخێزنا!
................
پاسە چەماش مات کەردٚەنا
مەگەر بە خیاڵ
تەفسیروو نێگایش کێشوو جادەرە!
#شارۆ🌺
دەگاو جـــــۆڵانـــــدێ
@joolandeh
زمسانم کەردٚەن
بە ئاڵاو ئاشتی
هیشتای چەمەکێش
ئاویر هۆرخێزنا!
................
پاسە چەماش مات کەردٚەنا
مەگەر بە خیاڵ
تەفسیروو نێگایش کێشوو جادەرە!
#شارۆ🌺
دەگاو جـــــۆڵانـــــدێ
@joolandeh
🔆 #حەکایەتێوە_پەڕ_جە_خەفەتی
مامۆسایێوە یانەنشین کەناروو خیابانێوەنە ماتڵوو ئۆتووبووسوو خەتی بێ.
جوانێوە بە bmw مودێل تازە وەروو دەموو مامۆساینە داش ترمۆز.
جوان ڕوەش کەردە مامۆسای و واتش:
مامۆسا فەرماوە سوار بە تا یاونووت مەخسەدٚ.
مامۆسای وات: بەخشە جەنابتا؟
جوانی وات: مننا فڵانی، فڵان شاگردوو جەنابیتا بێنا.
مامۆسای وات: ئاهاااا، ئاماوە هۆشم، ویرکاریت فرە لاواز بێ، چەنی تاوانت وێت دەی ئی تیپی؟
جوانی وات: هیچ، جنسێوە مسانوو دە تمەنێ، دە دەرسەدٚێ کێشوو سەرش و ورەشووش چل تمەنێ!
مامۆسای وات: بازەم هەڵە حەسابت کەرد!
دە دەرسەدێ کێشی سەرش کەرۆ یانزە تمەنێ.
جوانی وات: مامۆساگیان، ئەگەر قەرار بۆ پێسە جەنابیتا درووس حەسابش کەروو، ئەلعانە مشیۆ پێسە شمە ماتڵوو ئۆتۆبووسی بیایێنێ!
بێ سەوادٚێ بەردەنشاوە و دنیا بە کامشانە
چننە ئی قسێ ئاشنا و نزیکەنە، بێ هۆ نیا کە گردٚوو مامۆسایاو گلێرگەی جە وەزعێوە سەختەی ئێقتێسادینە ژیوا.
🖊جە فەزای مەجازی
✍ #شارۆ
دەگاو جـــــــۆڵانــــــــدێ
@joolandeh
مامۆسایێوە یانەنشین کەناروو خیابانێوەنە ماتڵوو ئۆتووبووسوو خەتی بێ.
جوانێوە بە bmw مودێل تازە وەروو دەموو مامۆساینە داش ترمۆز.
جوان ڕوەش کەردە مامۆسای و واتش:
مامۆسا فەرماوە سوار بە تا یاونووت مەخسەدٚ.
مامۆسای وات: بەخشە جەنابتا؟
جوانی وات: مننا فڵانی، فڵان شاگردوو جەنابیتا بێنا.
مامۆسای وات: ئاهاااا، ئاماوە هۆشم، ویرکاریت فرە لاواز بێ، چەنی تاوانت وێت دەی ئی تیپی؟
جوانی وات: هیچ، جنسێوە مسانوو دە تمەنێ، دە دەرسەدٚێ کێشوو سەرش و ورەشووش چل تمەنێ!
مامۆسای وات: بازەم هەڵە حەسابت کەرد!
دە دەرسەدێ کێشی سەرش کەرۆ یانزە تمەنێ.
جوانی وات: مامۆساگیان، ئەگەر قەرار بۆ پێسە جەنابیتا درووس حەسابش کەروو، ئەلعانە مشیۆ پێسە شمە ماتڵوو ئۆتۆبووسی بیایێنێ!
بێ سەوادٚێ بەردەنشاوە و دنیا بە کامشانە
چننە ئی قسێ ئاشنا و نزیکەنە، بێ هۆ نیا کە گردٚوو مامۆسایاو گلێرگەی جە وەزعێوە سەختەی ئێقتێسادینە ژیوا.
🖊جە فەزای مەجازی
✍ #شارۆ
دەگاو جـــــــۆڵانــــــــدێ
@joolandeh
وەشەسیایت دڵنە پەیم بێ ئەوپەڕا
گلێنیەو دیدٚەیم دایم پەیت تەڕا
بۆ بە ژوانێو وەهاریم دێونە
شکۆ ژیوای من تۆوە بە فەڕا
#شارۆ
دەگاو جـــــــۆڵانـــــــدێ
@joolandeh
گلێنیەو دیدٚەیم دایم پەیت تەڕا
بۆ بە ژوانێو وەهاریم دێونە
شکۆ ژیوای من تۆوە بە فەڕا
#شارۆ
دەگاو جـــــــۆڵانـــــــدێ
@joolandeh
دڵە! کەم ماڕە تۆ میناو دڵی
وێت کەرە بە گوڵ پەی ئی بوڵبوڵی
نیشۆ سەرتەڵوو خونچەی نەگوڵیایت
دەماوەش تەقۆ چوون تافوو بڵی
#شارۆ
دەگاو جــــــۆڵانـــــــدێ
@joolandeh
وێت کەرە بە گوڵ پەی ئی بوڵبوڵی
نیشۆ سەرتەڵوو خونچەی نەگوڵیایت
دەماوەش تەقۆ چوون تافوو بڵی
#شارۆ
دەگاو جــــــۆڵانـــــــدێ
@joolandeh
شنەی بۆ وەشوو هەورامانی مەی
چوون بۆی وەرکەمەر پەی دامانی مەی
بەرزەڵنگوو کۆی پێچیان باڵاشەو
ساڕێش پەی زامی بێ دەرمانی مەی
پەی جەسەی مانیاو هەورامان ماوای
شنەی فێنکش پەی سامانی مەی
جەرگ و دڵ سۆچۆ وێنەی بەنزین پەیش
ئارامی پەی ڕۆح، لەش و گیانی مەی
کابەم پەی چێشی بۆنە قیبلەگام
تەوەنیش پەرێم تەختوو سانی مەی؟
کاروون و «نیل»شا فلسێو مەئێژۆ
قرمەو تافەکاو پاو سیروانی مەی
بۆوەو نان ساجیش بدٚۆ دەماخم
چوون پڵاو و گۆشتوو یانەو خانی مەی
چەم بڕی هەر کۆ سروشتش هەزار
شیرین جە وێنەو هێندووستانی مەی
پەی چێشیم دەنگوو داوودی نەبی
کە سیاچەمانەو کا عوسمانی مەی؟
کەی جەننەت تاوۆ وێش بدٚۆ نیشان
وەختەی نامێوە جە داریانی مەی؟
بەهەشتم چێگە کەردەن ئەو پاوە
پەی من کە شنەو هەورامانی مەی
✍ #شارۆ
دەگاو جـــــــۆڵانــــــدێ
@joolandeh
شنەی بۆ وەشوو هەورامانی مەی
چوون بۆی وەرکەمەر پەی دامانی مەی
بەرزەڵنگوو کۆی پێچیان باڵاشەو
ساڕێش پەی زامی بێ دەرمانی مەی
پەی جەسەی مانیاو هەورامان ماوای
شنەی فێنکش پەی سامانی مەی
جەرگ و دڵ سۆچۆ وێنەی بەنزین پەیش
ئارامی پەی ڕۆح، لەش و گیانی مەی
کابەم پەی چێشی بۆنە قیبلەگام
تەوەنیش پەرێم تەختوو سانی مەی؟
کاروون و «نیل»شا فلسێو مەئێژۆ
قرمەو تافەکاو پاو سیروانی مەی
بۆوەو نان ساجیش بدٚۆ دەماخم
چوون پڵاو و گۆشتوو یانەو خانی مەی
چەم بڕی هەر کۆ سروشتش هەزار
شیرین جە وێنەو هێندووستانی مەی
پەی چێشیم دەنگوو داوودی نەبی
کە سیاچەمانەو کا عوسمانی مەی؟
کەی جەننەت تاوۆ وێش بدٚۆ نیشان
وەختەی نامێوە جە داریانی مەی؟
بەهەشتم چێگە کەردەن ئەو پاوە
پەی من کە شنەو هەورامانی مەی
✍ #شارۆ
دەگاو جـــــــۆڵانــــــدێ
@joolandeh
چوون کەویری لچ پڕووزیا بێ وەهارنا، دیدٚەکەم
دوور جە کەپر و شەوبۆ زوڵفات، بێ هەوارنا، دیدٚەکەم
خەیلێ وەختەن دڵ مەناڵۆ پەی بیەو تۆ هەو کەسم
پێسە بێمارێوە سەرعی نالەبارنا، دیدٚەکەم
ها خەزانش کەرد بە یەکجار داروو عه‌مریم دوور جه تۆ
تا بزانی پێسە قەیسی زردەوارنا، دیدٚەکەم
دوورەوەختێن پەی دیەو تۆ لاعەلاجا ناوەشیم
بێ تەبیب و دا و دەرمان دەردەدارنا، دیدٚەکەم
تا کە سیمات نەگنۆ تیشکەش ئەو گلێنەو ئی چەما
دوور جە تۆ دایم بزانە ڕوو نسارنا، دیدٚەکەم
ڕۆح کە عەمرێن پەی نگاو تۆ، دڵ بەسا ئەو تان و پۆش
تا کە سەر مەجمۆنە ئەلحەدٚ ئینتیزارنا، دیدٚەکەم
من هەڵۆیێو وێڵەچەمنا عاشقەڕاوەو بەرزەکۆیت
سا شەبەقیە سەردەمانێن بێ تەوارنا، دیدٚەکەم
#شارۆ
دەگاو جــــــۆڵانــــــدێ
@joolandeh
دوور جە کەپر و شەوبۆ زوڵفات، بێ هەوارنا، دیدٚەکەم
خەیلێ وەختەن دڵ مەناڵۆ پەی بیەو تۆ هەو کەسم
پێسە بێمارێوە سەرعی نالەبارنا، دیدٚەکەم
ها خەزانش کەرد بە یەکجار داروو عه‌مریم دوور جه تۆ
تا بزانی پێسە قەیسی زردەوارنا، دیدٚەکەم
دوورەوەختێن پەی دیەو تۆ لاعەلاجا ناوەشیم
بێ تەبیب و دا و دەرمان دەردەدارنا، دیدٚەکەم
تا کە سیمات نەگنۆ تیشکەش ئەو گلێنەو ئی چەما
دوور جە تۆ دایم بزانە ڕوو نسارنا، دیدٚەکەم
ڕۆح کە عەمرێن پەی نگاو تۆ، دڵ بەسا ئەو تان و پۆش
تا کە سەر مەجمۆنە ئەلحەدٚ ئینتیزارنا، دیدٚەکەم
من هەڵۆیێو وێڵەچەمنا عاشقەڕاوەو بەرزەکۆیت
سا شەبەقیە سەردەمانێن بێ تەوارنا، دیدٚەکەم
#شارۆ
دەگاو جــــــۆڵانــــــدێ
@joolandeh
ـ🌺 هەورامان
شنەی بۆ وەشوو هەورامانی مەی
چوون بۆی وەرکەمەر پەی دامانی مەی
بەرزەڵنگوو کۆی پێچیان باڵاشەو
ساڕێش پەی زامی بێ دەرمانی مەی
پەی جەسەی مانیاو هەورامان ماوای
شنەی فێنکش پەی سامانی مەی
جەرگ و دڵ سۆچۆ وێنەی بەنزین پەیش
ئارامی پەی ڕۆح، لەش و گیانی مەی
کابەم پەی چێشی بۆنە قیبلەگام
تەوەنیش پەرێم تەختوو سانی مەی؟
کاروون و «نیل»شا فلسێو مەئێژۆ
قرمەو تافەکاو پاو سیروانی مەی
بۆوەو نان ساجیش بدٚۆ دەماخم
چوون پڵاو و گۆشتوو یانەو خانی مەی
چەم بڕی هەر کۆ سروشتش هەزار
شیرین جە وێنەو هێندووستانی مەی
پەی چێشیم دەنگوو داوودی نەبی
کە سیاچەمانەو کا عوسمانی مەی؟
کەی جەننەت تاوۆ وێش بدٚۆ نیشان
وەختەی نامێوە جە داریانی مەی؟
بەهەشتم چێگە کەردەن ئەو پاوە
پەی من کە شنەو هەورامانی مەی
✍️ #شارۆ
🌺 سەبتی جەهانی هەورامانی پیرۆزا
دەگاو جــــــــۆڵانـــــــدێ
@joolandeh
شنەی بۆ وەشوو هەورامانی مەی
چوون بۆی وەرکەمەر پەی دامانی مەی
بەرزەڵنگوو کۆی پێچیان باڵاشەو
ساڕێش پەی زامی بێ دەرمانی مەی
پەی جەسەی مانیاو هەورامان ماوای
شنەی فێنکش پەی سامانی مەی
جەرگ و دڵ سۆچۆ وێنەی بەنزین پەیش
ئارامی پەی ڕۆح، لەش و گیانی مەی
کابەم پەی چێشی بۆنە قیبلەگام
تەوەنیش پەرێم تەختوو سانی مەی؟
کاروون و «نیل»شا فلسێو مەئێژۆ
قرمەو تافەکاو پاو سیروانی مەی
بۆوەو نان ساجیش بدٚۆ دەماخم
چوون پڵاو و گۆشتوو یانەو خانی مەی
چەم بڕی هەر کۆ سروشتش هەزار
شیرین جە وێنەو هێندووستانی مەی
پەی چێشیم دەنگوو داوودی نەبی
کە سیاچەمانەو کا عوسمانی مەی؟
کەی جەننەت تاوۆ وێش بدٚۆ نیشان
وەختەی نامێوە جە داریانی مەی؟
بەهەشتم چێگە کەردەن ئەو پاوە
پەی من کە شنەو هەورامانی مەی
✍️ #شارۆ
🌺 سەبتی جەهانی هەورامانی پیرۆزا
دەگاو جــــــــۆڵانـــــــدێ
@joolandeh
#پەژارە
ڕوێ پــــــــەژارە ئــــــامــــا دەگـــــامــا
واتمــــــا ڕاویــارا مـــەنـــەو جـە لامـــا
مــوســافـــر بیــەن، ســـەیــاوە مـــەلـۆ
ڕۆ ڕۆ لاما مـــــەن تـا بی هــەشت و نـۆ
ئۆمێدش قووت‌دا پاشــەکەوت نـەمـەن
زەوق و شادٚیش بـەرد بە خەروار و تەن
واتمــا مێمانــەن پا و قــەدٚەم شـــەڕەن
بەش زوو بلۆنە، دەیان ســـــاڵێ مــەن!
ئاقیبت وێش کەرد سەردار و سەرهەنگ
خەڵکوو لادەگای دەسشەو ئامــا تـــەنگ
گــردٚوو ئۆمێدیش دڵنە یـــەک‌جار بـەرد
حـــەسرەتش پەیما بە کــۆ هـەمار کەرد
خـــــەیلێ یادٚشـــانە پێـــــرەکاو دەگای
پــەژارە ئــامـــا هــەر پێســــە وەبــــای
باوشیما کـــەردٚەو پـەیش بـــە نەفـامی
کـــەردما کــەشیکچی دەروازەو فــامی
بیـــەن بــە قێخــــــا ئیســـە پـــــەژارە
هـــاکا جـــە زەبریش دەگـــا بـــەی لارە
✍ #شارۆ
دەگاو جــــــۆڵانـــــــدێ
@joolandeh
ڕوێ پــــــــەژارە ئــــــامــــا دەگـــــامــا
واتمــــــا ڕاویــارا مـــەنـــەو جـە لامـــا
مــوســافـــر بیــەن، ســـەیــاوە مـــەلـۆ
ڕۆ ڕۆ لاما مـــــەن تـا بی هــەشت و نـۆ
ئۆمێدش قووت‌دا پاشــەکەوت نـەمـەن
زەوق و شادٚیش بـەرد بە خەروار و تەن
واتمــا مێمانــەن پا و قــەدٚەم شـــەڕەن
بەش زوو بلۆنە، دەیان ســـــاڵێ مــەن!
ئاقیبت وێش کەرد سەردار و سەرهەنگ
خەڵکوو لادەگای دەسشەو ئامــا تـــەنگ
گــردٚوو ئۆمێدیش دڵنە یـــەک‌جار بـەرد
حـــەسرەتش پەیما بە کــۆ هـەمار کەرد
خـــــەیلێ یادٚشـــانە پێـــــرەکاو دەگای
پــەژارە ئــامـــا هــەر پێســــە وەبــــای
باوشیما کـــەردٚەو پـەیش بـــە نەفـامی
کـــەردما کــەشیکچی دەروازەو فــامی
بیـــەن بــە قێخــــــا ئیســـە پـــــەژارە
هـــاکا جـــە زەبریش دەگـــا بـــەی لارە
✍ #شارۆ
دەگاو جــــــۆڵانـــــــدێ
@joolandeh
ئـــەر زانا وینۆ جــە نـــەزان ئازار
ڕێش نەبۆ دڵش و نەبۆنە خەمبار
توەنی ئـــەر ماڕۆ کاسێوی زەڕین
بێ قیمەتەنە و زەڕ هەنش بازار
سەعدی شیرازی
بەهەورامی:#شارۆ
دەگاو جــــــــۆڵانـــــــــدێ
@joolandeh
ڕێش نەبۆ دڵش و نەبۆنە خەمبار
توەنی ئـــەر ماڕۆ کاسێوی زەڕین
بێ قیمەتەنە و زەڕ هەنش بازار
سەعدی شیرازی
بەهەورامی:#شارۆ
دەگاو جــــــــۆڵانـــــــــدێ
@joolandeh
ئـــەر زانا وینۆ جــە نـــەزان ئازار
ڕێش نەبۆ دڵش و نەبۆنە خەمبار
توەنی ئـــەر ماڕۆ کاسێوی زەڕین
بێ قیمەتەنە و زەڕ هەنش بازار
🌻
سەعدی شیرازی
بەهەورامی:#شارۆ
دەگاو جــــــــۆڵانــــــــدێ
@joolandeh
ڕێش نەبۆ دڵش و نەبۆنە خەمبار
توەنی ئـــەر ماڕۆ کاسێوی زەڕین
بێ قیمەتەنە و زەڕ هەنش بازار
🌻
سەعدی شیرازی
بەهەورامی:#شارۆ
دەگاو جــــــــۆڵانــــــــدێ
@joolandeh
ـ🔹🔹🔹🔹🔹🔹🔹🔹🔹
ـ🔹🔹 #کاناڵ_فەرهەنگی_ژان
ـ🔹
🦅 #هێڵەو_هەڵۆی 🦅
کابرایێوە هێڵەو هەڵۆیێوەش ئێستەو و نیاش دلێو کولانەو کەرگێوە.
هەڵۆ چنی جووجەڵەکا جە هێڵەی بەرئاما و چنیشا گەورە بی.
گردٚوو ژیوایش، ئا هەرمانا کەرێ کە کەرگەکاتەری کەرێنێشا. پەی ئێستەیەو کرما و جڕ و جانەوەری ویکلەی. هەوڵێ دێ و قودقود کەرێ و بڕیە وەختێ دەس و پا دێ وەنە تا کەمیە هەوانە فڕیۆ.
چن ساڵێ ویەرد و هەڵۆ فرە پیر بی. ڕوێشا پەلەوەرێوی فرە گەورە و بە شکۆ و شەوکەتش دی کە سەروو سەرەیشەو و بەرزای ئاسمانی هەوریوە باڵێ شانۆ. ئادٚ بە تۆزقاڵێوە جم وجووڵ، خیلافوو وای، ئاسمانەو باڵێ شانێ.
هەڵۆی پیر، بە سەرسوڕمانەو تەماشاش کەرد و پەرساش: ئینە کێن؟
هامساکەش جواوش داوە: ئینە هەڵۆن. سوڵتانوو پەلەوەرا.
ئادٚ هنوو ئاسمانین و ئێمە هنوو زەمینی.
هەڵۆ پێسە کەرگێوە ژیوا و پێسە کەرگێوە تۆپا. چوون پاسە زانێ کەرگەنە.
ئینە ئێمەنمێ ژیوای وێما وەشکەرمێ، نمازدێ فەزاو دەور و وەری، شمە بە تەمامی فاڕۆ.
وەختێ واران موارۆ، گردٚوو باڵدارا ڕوەو پەناگا فڕیا، بێجگە هەڵۆی کە پەی دوورەو بیەی جە وارانی، سەرتەر جە هەورەکا فڕیۆ.
تەنگ و چەڵەمەو ژیوای پەی گردیما هەن، بەڵام جۆروو وەرانوەری چنی کێشەکان کە مەبۆنە هۆو جیاوازی.
ژیوایەنە پێسە هەڵۆی بەرزەفڕ بە
جە کاناڵەو داستانەکی
✍بە هەورامی:
#بێهرووز_مۆحەممەدپوور
( #شارۆ )
دەگاو جــــــــۆڵانـــــــدێ
@joolandeh
ـ🔹🔹 #کاناڵ_فەرهەنگی_ژان
ـ🔹
🦅 #هێڵەو_هەڵۆی 🦅
کابرایێوە هێڵەو هەڵۆیێوەش ئێستەو و نیاش دلێو کولانەو کەرگێوە.
هەڵۆ چنی جووجەڵەکا جە هێڵەی بەرئاما و چنیشا گەورە بی.
گردٚوو ژیوایش، ئا هەرمانا کەرێ کە کەرگەکاتەری کەرێنێشا. پەی ئێستەیەو کرما و جڕ و جانەوەری ویکلەی. هەوڵێ دێ و قودقود کەرێ و بڕیە وەختێ دەس و پا دێ وەنە تا کەمیە هەوانە فڕیۆ.
چن ساڵێ ویەرد و هەڵۆ فرە پیر بی. ڕوێشا پەلەوەرێوی فرە گەورە و بە شکۆ و شەوکەتش دی کە سەروو سەرەیشەو و بەرزای ئاسمانی هەوریوە باڵێ شانۆ. ئادٚ بە تۆزقاڵێوە جم وجووڵ، خیلافوو وای، ئاسمانەو باڵێ شانێ.
هەڵۆی پیر، بە سەرسوڕمانەو تەماشاش کەرد و پەرساش: ئینە کێن؟
هامساکەش جواوش داوە: ئینە هەڵۆن. سوڵتانوو پەلەوەرا.
ئادٚ هنوو ئاسمانین و ئێمە هنوو زەمینی.
هەڵۆ پێسە کەرگێوە ژیوا و پێسە کەرگێوە تۆپا. چوون پاسە زانێ کەرگەنە.
ئینە ئێمەنمێ ژیوای وێما وەشکەرمێ، نمازدێ فەزاو دەور و وەری، شمە بە تەمامی فاڕۆ.
وەختێ واران موارۆ، گردٚوو باڵدارا ڕوەو پەناگا فڕیا، بێجگە هەڵۆی کە پەی دوورەو بیەی جە وارانی، سەرتەر جە هەورەکا فڕیۆ.
تەنگ و چەڵەمەو ژیوای پەی گردیما هەن، بەڵام جۆروو وەرانوەری چنی کێشەکان کە مەبۆنە هۆو جیاوازی.
ژیوایەنە پێسە هەڵۆی بەرزەفڕ بە
جە کاناڵەو داستانەکی
✍بە هەورامی:
#بێهرووز_مۆحەممەدپوور
( #شارۆ )
دەگاو جــــــــۆڵانـــــــدێ
@joolandeh
نە خاڵین خەیاڵ خاڵی جە خاڵش
وەنەوشە مل کەچ قەمەر جەماڵش
کەمانش کێشۆ کێشوەروو دڵی
مەبۆ سیاسەنگ سەداو بوڵبوڵی
نە تاو دیدەن خورشیدی پڕنوور
زەڕێو پرشنگش کەرۆنەم کۆی توور
ئەر تەواف جەبین پەرێم مەحاڵا
ناچار بە وێنەش دڵم وەشحاڵا
"شارۆ" باخی شەوق کەرۆنە شارۆ
هەتا کۆس خەم جە ڕیشەش نارۆ
✍ #بێهرووز_مۆحەممەدپوور
( #شارۆ )
دەگاو جـــــــۆڵانـــــــدێ
@joolandeh
وەنەوشە مل کەچ قەمەر جەماڵش
کەمانش کێشۆ کێشوەروو دڵی
مەبۆ سیاسەنگ سەداو بوڵبوڵی
نە تاو دیدەن خورشیدی پڕنوور
زەڕێو پرشنگش کەرۆنەم کۆی توور
ئەر تەواف جەبین پەرێم مەحاڵا
ناچار بە وێنەش دڵم وەشحاڵا
"شارۆ" باخی شەوق کەرۆنە شارۆ
هەتا کۆس خەم جە ڕیشەش نارۆ
✍ #بێهرووز_مۆحەممەدپوور
( #شارۆ )
دەگاو جـــــــۆڵانـــــــدێ
@joolandeh
کۆڵانەنە دیم هیزی پیرێو مەس
لچشەو شەراب و گۆشڵێوە نە دەس
واتم شەرم کەرە تۆ چی مەی وەری؟
واتش مەر حوکموو جەلبیمەو بەری؟
واتم نمەزانی خودٚای گردگار
مەسی جەزا مدٚۆ مەکێشۆنەش دار؟
تۆ جە دینداری چن بێ خەبەرنی
جە مەیخواران ئه‌جۆت سەرتەرنی؟
من مەی موەروو شەرمیچم نیەن
بە عەتاو خودٚای دڵم گرم بیەن
چێش گونا کەروو من جە مەیخواری
سەد قاتوو تۆنا هەر بە هۆشیاری
زاهێد تەمەنناش بە بەهەشت یاواین
نەزاناش بەهەشت تەرکوو تەمەناین
کێ ماچۆ بەهەشت عاڵەموو سەرین
وەشت بۆ ئینای بەهەشتی بەرین
دۆزەخ سیاوی بەختوو من و تۆن
دڵ سیاو نەبۆ دۆزەخما جە کۆن؟
✍️ #سائێب_تەورێزی
🖌 بە هەورامی:
#بێهرووز_مۆحەممەدپوور
( #شارۆ )
دەگاو جــــــــۆڵانــــــــدێ
@joolandeh
لچشەو شەراب و گۆشڵێوە نە دەس
واتم شەرم کەرە تۆ چی مەی وەری؟
واتش مەر حوکموو جەلبیمەو بەری؟
واتم نمەزانی خودٚای گردگار
مەسی جەزا مدٚۆ مەکێشۆنەش دار؟
تۆ جە دینداری چن بێ خەبەرنی
جە مەیخواران ئه‌جۆت سەرتەرنی؟
من مەی موەروو شەرمیچم نیەن
بە عەتاو خودٚای دڵم گرم بیەن
چێش گونا کەروو من جە مەیخواری
سەد قاتوو تۆنا هەر بە هۆشیاری
زاهێد تەمەنناش بە بەهەشت یاواین
نەزاناش بەهەشت تەرکوو تەمەناین
کێ ماچۆ بەهەشت عاڵەموو سەرین
وەشت بۆ ئینای بەهەشتی بەرین
دۆزەخ سیاوی بەختوو من و تۆن
دڵ سیاو نەبۆ دۆزەخما جە کۆن؟
✍️ #سائێب_تەورێزی
🖌 بە هەورامی:
#بێهرووز_مۆحەممەدپوور
( #شارۆ )
دەگاو جــــــــۆڵانــــــــدێ
@joolandeh
#هه‌ورامان
وەشەویسوو من، هەورامان تۆنی
ئەر من تانش بوو بێ شک تۆ پۆنی
پەی باوشێ گەرمێت پێسەو مەجۆڵەی
مەڵهەم پەی ساڕێش زامی بە سۆنی
خاکت گەوهەرا هەر یاگێش واچی
تەخت و ژاوەرۆ، ناحیەو لهۆنی
چوار فەسڵەو ساڵێ گوڵ مدٚەی ئەو بەر
وێنەی بەرزەڵنگ دایم وەش بۆنی
ساتێو مەویەرۆ جە عەمریم بێ تۆ
ئەدٚای گەورێمنی، ڕەوانیم دۆنی
ڕوتبەو بەهەشتی ماچا حەوتەنێ
هەشتیچ پێشکەش بۆ، وەڵڵا تۆ نۆنی
جە لامەو وەتەن بە تەنیا ویسنی
بە تاقی تەنیا پەرێم تۆ کۆنی
✍ #بێهرووز_موحەممەدپوور
( #شارۆ )
دەگاو جــــــــۆڵانــــــــدێ
@joolandeh
وەشەویسوو من، هەورامان تۆنی
ئەر من تانش بوو بێ شک تۆ پۆنی
پەی باوشێ گەرمێت پێسەو مەجۆڵەی
مەڵهەم پەی ساڕێش زامی بە سۆنی
خاکت گەوهەرا هەر یاگێش واچی
تەخت و ژاوەرۆ، ناحیەو لهۆنی
چوار فەسڵەو ساڵێ گوڵ مدٚەی ئەو بەر
وێنەی بەرزەڵنگ دایم وەش بۆنی
ساتێو مەویەرۆ جە عەمریم بێ تۆ
ئەدٚای گەورێمنی، ڕەوانیم دۆنی
ڕوتبەو بەهەشتی ماچا حەوتەنێ
هەشتیچ پێشکەش بۆ، وەڵڵا تۆ نۆنی
جە لامەو وەتەن بە تەنیا ویسنی
بە تاقی تەنیا پەرێم تۆ کۆنی
✍ #بێهرووز_موحەممەدپوور
( #شارۆ )
دەگاو جــــــــۆڵانــــــــدێ
@joolandeh
چەپ و ڕاسم وەڵاتێ بێ مەکێنێ
بە دەم دۆسێ بە دڵ پەیم پەڕ چەکێنێ
نیات باوەڕ بە من بۆ وێت بوینـە
چوار دەورم تفەنگێ و بۆرجەکێنێ
جە لاو شێری گەلەو وەرگا بزانا
چەقەڵ، سوولجەر، بز و بزڵە و شەکێنێ
بواچدێ من مشۆ تا ڪەی نەفاما
مەلۆتکێمـا جە بێشکێنە پەکێنێ؟
هەڵۆ و شێرێ وەڵاتیما بە سەرجەم
شەبەک ، سۆران ، لۆڕ و هەورام، لەکێنێ
نیەن تەوفیر بە هەر ویرێو درۆسا
بە ڪۆ گردی بەرابەر چنی یەکینێ
ئـەگەر هاڵین دەس و باڵم بـە بێ شك
وشێ شێعرام سەرانسەر فیشەکێنێ
مەفامی وس زوان "شارۆ" دە یۆرە
وەتەن کرمۆڵ بڕێو ڪرم و کەکینێ!
┄┄┄┄┅━❅❅━┅┄┄┄┄
┄┄┄┄┅━❅❅━┅┄┄┄┄
📝 #شارۆ
١٤٠٠٫٢٫١٠ کۆچی ڕۆجیاریی
دەگاو جـــــــــۆڵانـــــــــدێ
@joolandeh
بە دەم دۆسێ بە دڵ پەیم پەڕ چەکێنێ
نیات باوەڕ بە من بۆ وێت بوینـە
چوار دەورم تفەنگێ و بۆرجەکێنێ
جە لاو شێری گەلەو وەرگا بزانا
چەقەڵ، سوولجەر، بز و بزڵە و شەکێنێ
بواچدێ من مشۆ تا ڪەی نەفاما
مەلۆتکێمـا جە بێشکێنە پەکێنێ؟
هەڵۆ و شێرێ وەڵاتیما بە سەرجەم
شەبەک ، سۆران ، لۆڕ و هەورام، لەکێنێ
نیەن تەوفیر بە هەر ویرێو درۆسا
بە ڪۆ گردی بەرابەر چنی یەکینێ
ئـەگەر هاڵین دەس و باڵم بـە بێ شك
وشێ شێعرام سەرانسەر فیشەکێنێ
مەفامی وس زوان "شارۆ" دە یۆرە
وەتەن کرمۆڵ بڕێو ڪرم و کەکینێ!
┄┄┄┄┅━❅❅━┅┄┄┄┄
┄┄┄┄┅━❅❅━┅┄┄┄┄
📝 #شارۆ
١٤٠٠٫٢٫١٠ کۆچی ڕۆجیاریی
دەگاو جـــــــــۆڵانـــــــــدێ
@joolandeh
جە داهۆڵێوەم پەرسا:
چانەی کە دایم کیارەنە تەنیانی بێزار نەبیەنی؟
جواوش داوە: تەرسنای خەڵکینە لەزەتێو هەن، هەرگیز ویر نمەشۆوە.
پی بۆنەوە بە هەرمانەو وێم دڵوەشنا و هەرگیز نمەبێزیۆم!
کەمێو ویرم کەردٚەو و واتم:
ڕاست وات! منیچ ئی لەزەتمە ئەزموون کەردٚەن.
واتش: تۆ هەڵە مەکەری،
چوون کەسێ نمەتاوۆ لەزەتی چێمنە بەرۆ، مەگەر دەروونش پێسە من پەڕ بۆ سمەری!
👤 #جوبران_خەلیل_جوبران
✍ بە هەورامی:
#بێهرووز_مۆحەممەدپوور
( #شارۆ )
دەگاو جــــــــۆڵانـــــــــدێ
@joolandeh
چانەی کە دایم کیارەنە تەنیانی بێزار نەبیەنی؟
جواوش داوە: تەرسنای خەڵکینە لەزەتێو هەن، هەرگیز ویر نمەشۆوە.
پی بۆنەوە بە هەرمانەو وێم دڵوەشنا و هەرگیز نمەبێزیۆم!
کەمێو ویرم کەردٚەو و واتم:
ڕاست وات! منیچ ئی لەزەتمە ئەزموون کەردٚەن.
واتش: تۆ هەڵە مەکەری،
چوون کەسێ نمەتاوۆ لەزەتی چێمنە بەرۆ، مەگەر دەروونش پێسە من پەڕ بۆ سمەری!
👤 #جوبران_خەلیل_جوبران
✍ بە هەورامی:
#بێهرووز_مۆحەممەدپوور
( #شارۆ )
دەگاو جــــــــۆڵانـــــــــدێ
@joolandeh
ئا وەختە کە
ئاوەز گەوجیی خەڵەتنا
بابان شووش کەرد تارانی و
هەولێر مارە بڕیا پەی ئانکارای
هەڵەبجە دریا بەغدٚای و
عەفرین بی گۆشەپڕچنێ!٭
ئاوەختە بێ
بە شاهێدی دنیایەو
هەڵەبجە مارەییش بی خەردەل
گەرمیان، ئەنفال و
شەنگال، داعێش و
عەفرین، نەوتە و
کەرکووک...
نا، کەرکووک نااااا...
قودسوو ئێمە قەداسەتش هەرزانتەر جە دینارین
کەرکووک،
ئا کناچڵە هێندیێنە
پامانگی ئەدٚایشەنە
وێڵ وایێ بەخشا لالۆ مەنفەعەی!
ورکەما
ورکە
ڕوێ بێ وەرەو
بە شەرتەو چەقوێ
قەندیلنە
هەی ئامەد کریۆ و
مەهابادنە
هەی سنە
✍️ #شارۆ
٭گۆشەپڕچنێ: جۆرێ کەی کەردەینە، یۆ چێوەش پەنەن، بەقیەو کەی کەرا گێراش و سەر و گۆشیش کێشا
دەگاو جــــــۆڵانـــــــدێ
@joolandeh
ئاوەز گەوجیی خەڵەتنا
بابان شووش کەرد تارانی و
هەولێر مارە بڕیا پەی ئانکارای
هەڵەبجە دریا بەغدٚای و
عەفرین بی گۆشەپڕچنێ!٭
ئاوەختە بێ
بە شاهێدی دنیایەو
هەڵەبجە مارەییش بی خەردەل
گەرمیان، ئەنفال و
شەنگال، داعێش و
عەفرین، نەوتە و
کەرکووک...
نا، کەرکووک نااااا...
قودسوو ئێمە قەداسەتش هەرزانتەر جە دینارین
کەرکووک،
ئا کناچڵە هێندیێنە
پامانگی ئەدٚایشەنە
وێڵ وایێ بەخشا لالۆ مەنفەعەی!
ورکەما
ورکە
ڕوێ بێ وەرەو
بە شەرتەو چەقوێ
قەندیلنە
هەی ئامەد کریۆ و
مەهابادنە
هەی سنە
✍️ #شارۆ
٭گۆشەپڕچنێ: جۆرێ کەی کەردەینە، یۆ چێوەش پەنەن، بەقیەو کەی کەرا گێراش و سەر و گۆشیش کێشا
دەگاو جــــــۆڵانـــــــدێ
@joolandeh
نیگات،
ڕۆمانێ نەنویسیەی
لەفزت،
ئامیانوو شێعرێ و
ڕەوتت،
کوڵەداستانێ
ئەدەبیات،
بێ تۆ قسر و
تۆوە،
داری مازیدارا!
✍️ #شارۆ
دەگاو جـــــــــۆڵانـــــــــدێ
@joolandeh
ڕۆمانێ نەنویسیەی
لەفزت،
ئامیانوو شێعرێ و
ڕەوتت،
کوڵەداستانێ
ئەدەبیات،
بێ تۆ قسر و
تۆوە،
داری مازیدارا!
✍️ #شارۆ
دەگاو جـــــــــۆڵانـــــــــدێ
@joolandeh