✔️عوسمان هەورامی ،جەمیل هەورامی



ناڕەحەت نەبی خەفەت نوەری
حەرگیز هۆر نمەگنۆ ئۆسمانیە تەری

سیاو چەمانەت دەرمانوو زامی
گرد عال مزانا کوردوو هەورامی

تەماموو دنیای ئەر کەری شارۆ
هیچ کەس نمەتاوۆ نموونەش بارۆ

پەرسی حەرکەسی مزانۆ ئارۆ
پەی دڵ خەمینا مێژۆ سەڐ دارۆ

✍#خوڐابەخش پاڵنانی


دەگاوجـــــــۆڵانـــــــــدێ

@joolandeh

ئێشق بە وەتەن ئێشق بە زوانی
ئارۆ ڵازمەن پەی پیر و جوانی

فەراڐ ئاسایی بێ فەرق و تۆفیر
دەس دەیمێ یۆوە تا نەشۆما ویر

جوانێ بە قەڵەم پیـرێچ ژیرانە
نازا فەوتیـــــۆ وەرش گێــــرانە

حەر یـۆ ئەننازە و تەوانایی وێـــــش
هەرمانە کەرۆ نواچۆ بە من چێش

حەر کەسیە لادۆ فەرهەنوو زوانیش
متــاوی بە دانیــە نوقــــــڵ بسانیـش

وەختیە پاســەنە بەیــدێ با یــۆوە
ئاوروو ئۆجاخا نازمێ کوشــــیۆوە

حەر یۆ یانەو وێش وەزیفەش زانۆ
زوان و فەرهەنما تا بەشــــــکوو مانۆ


✍ #خوڐابەخش_پاڵنانی

دەگاو جــــۆڵانــــدێ

@joolandeh

‍ بەڵێ واچـــە هــــەی فــــەرهادی دڵتەنگ
وەختێ کێشای شکڵ، شیرین نەڕووی سەنگ

چەنیــــــت دڵ ئاما، بەبێ ئەنــدیشـــــە
سوورەت شیــــــرین تاشــــای بــەتیشە؟

دەک ڕێزان دەس بای وەرجە گیان سەندەن
کێ ئەڵماس نەڕووی دیڎەی وێش شەندەن؟

بە ئەروات قەســـەم یــە جـەتۆ فــــەرهاد
هیچ قـەبووڵ نــەکەرد خــانای خان قوباد


✍ #خانای_قوبادی

🌷🌷🌷🌷🌷🌷🌷🌷


خانای خان قوباد پێکانیت بە تیر
هەر پێسە یوسف کەرڐانیت ئەسیر

شەرتەن سەنگ تاشیم ئەر کەرڐ بە پیشە
نەقشش نە ڕووی دڵ کێشوو بە تیشە

تا قەبووڵش بۆ خانای خان قوباد
ڕێزان دەس نەبوو من پێسە فەرهاد

بە ئەروات قەسەم خانای قوبادی
دڵ سۆتەی عەشقەن ئازاد مورادی


✍ #ئازاد_مورادی

🌷🌷🌷🌷🌷🌷🌷🌷


ئەرمن بیایام سەردەمی خەسرەو
سەختەر ئەچینەی کەرێنا گرەو

چێشت فەرماوان ئاغەی مورادی
کۆ بێستوونی کەرێنا ئاردی

ئاو جە هەر تەرەف کەرێنا جاری
نێیناش ولی چوار دەوروو شاری

قەسری زڵێخا چاوەش کریایا
سەڐ فەراڐ کوشێ گزیشا دایا

ئەربیا نەقاش چوون فەراڐ ڕۆیە
بێ شیرین نازوو دڵمەنە تۆیە

نەڐینا نەخشش بەتێش جەکۆ
کەرێناش فەرشش دڵەکەیم تۆ تۆ

نەک منیچ بوونە پێسە فرهادی
دەس بە دۆعا بۆ خانای قوبادی


✍ #خوڐابەخش_پاڵنانی

دەگاو جــــــۆڵانــــدێ

@joolandeh