بارە ساقی 🍻
بارە ساقی بارە جامێ پەڕ جە مەی
دا وەهاری بارە بۆ پەی سەرچەمەی
چن وەشا دیدٚەو دڵی ئاوا کەری
پەی تەوافی پەی تەماشەو باخە بەی
تەژنەشاری ڕۆچەوانوو ئا دەمی
بێ قەراری وەر جە بانگی تا بە کەی
پێسە جارا پەلکە پەلکەو ئا قژا
با بە شێعرێ پەلکەشا گێرووە دەی
تۆ چنوروو لانسارینی؟ ئەرێ!
بۆ کەسوو من نەووەهارم بارە پەی
تۆ چیایی ئاوەکێ هانەو دەگێ
ڕۆشنایی پەنجەرەو یانەو دەگێ
پێسە لاولاڤوو وەروو ئا پەنجەرەی
وەردە گیرەو زوڵفە خاواو ئا سەرەی
تاڵە زوڵفێ تۆ شەماڵی مەس کەرا
زامە کۆنێ ئی دڵی ون‌بەس کەرا
ڕووسەری سەوزوو وەهاری سەر کەرە
سەدٚ هەزار تاسێ جە دیدٚەی لابەرە
تۆ هەراڵەو سوورە ساوانی کەسم
هەم چنورو بەرزە کاوانی کەسم
بنجە بۆژانەو وەهاری، بارە بۆ
پەنجە پەنجەو ئی خەما ڕێزارە بۆ
ڕۆجیاروو سەرکەلینی نازەنین
پەی شەفاو هانەی ئەچا کۆسارە بۆ
پۆشە گجیێ تازە باوی سوورەتی
با چەمێ ئا ناحەزا تەکیارە بۆ
تۆ فریشتەو ئاسمانوو شێعرەکام
شۆرە دیدٚەو مەینەتا دا وارە بۆ
با بە «حەیران»ی نەواچا بێ‌کەسا
پەی نەژیوای ئی خەما، بۆ ڕارە بۆ
#حەیران
دەگاو جــــــــــۆڵانــــــــدێ
@joolandeh
بارە ساقی بارە جامێ پەڕ جە مەی
دا وەهاری بارە بۆ پەی سەرچەمەی
چن وەشا دیدٚەو دڵی ئاوا کەری
پەی تەوافی پەی تەماشەو باخە بەی
تەژنەشاری ڕۆچەوانوو ئا دەمی
بێ قەراری وەر جە بانگی تا بە کەی
پێسە جارا پەلکە پەلکەو ئا قژا
با بە شێعرێ پەلکەشا گێرووە دەی
تۆ چنوروو لانسارینی؟ ئەرێ!
بۆ کەسوو من نەووەهارم بارە پەی
تۆ چیایی ئاوەکێ هانەو دەگێ
ڕۆشنایی پەنجەرەو یانەو دەگێ
پێسە لاولاڤوو وەروو ئا پەنجەرەی
وەردە گیرەو زوڵفە خاواو ئا سەرەی
تاڵە زوڵفێ تۆ شەماڵی مەس کەرا
زامە کۆنێ ئی دڵی ون‌بەس کەرا
ڕووسەری سەوزوو وەهاری سەر کەرە
سەدٚ هەزار تاسێ جە دیدٚەی لابەرە
تۆ هەراڵەو سوورە ساوانی کەسم
هەم چنورو بەرزە کاوانی کەسم
بنجە بۆژانەو وەهاری، بارە بۆ
پەنجە پەنجەو ئی خەما ڕێزارە بۆ
ڕۆجیاروو سەرکەلینی نازەنین
پەی شەفاو هانەی ئەچا کۆسارە بۆ
پۆشە گجیێ تازە باوی سوورەتی
با چەمێ ئا ناحەزا تەکیارە بۆ
تۆ فریشتەو ئاسمانوو شێعرەکام
شۆرە دیدٚەو مەینەتا دا وارە بۆ
با بە «حەیران»ی نەواچا بێ‌کەسا
پەی نەژیوای ئی خەما، بۆ ڕارە بۆ
#حەیران
دەگاو جــــــــــۆڵانــــــــدێ
@joolandeh
#وەسیەت
با کەروو وەسیەت پەی دماو مەرگیم
پەی ساتوو پۆشاو ئاخرین بەرگیم
ئەگەر کووشتانیش کرۆناو چەمات
مەکەرەم دەلیل واران و خەمات
بڵام پۆشە پەیم گجیێوە سیاو
چوون زەریفەنی و دڵ کەری بە ئاو
چەنوو مەیتەکەیم هاوارێ کەرە
خەمێ نەبیەی من دڵنە بەر کەرە
حەفتێوە جارێ کەرەش بە عاڐەت
رەسم و وەفاکەت کەرە ڕەعایەت
بۆ سەرێوە دە شاروو خامۆشا
وێت زانی دڵم حەر بە تۆ وەشا
بەش بەخشۆم بە تۆ ڕەحیمی ڕەحمان
عەزابم نەڐو تا ئاخر زەمان
✍ #ئازاد_مورادی( #حەیران )
دەگاو جـــــــــۆڵانــــــــــــدێ
@joolandeh
با کەروو وەسیەت پەی دماو مەرگیم
پەی ساتوو پۆشاو ئاخرین بەرگیم
ئەگەر کووشتانیش کرۆناو چەمات
مەکەرەم دەلیل واران و خەمات
بڵام پۆشە پەیم گجیێوە سیاو
چوون زەریفەنی و دڵ کەری بە ئاو
چەنوو مەیتەکەیم هاوارێ کەرە
خەمێ نەبیەی من دڵنە بەر کەرە
حەفتێوە جارێ کەرەش بە عاڐەت
رەسم و وەفاکەت کەرە ڕەعایەت
بۆ سەرێوە دە شاروو خامۆشا
وێت زانی دڵم حەر بە تۆ وەشا
بەش بەخشۆم بە تۆ ڕەحیمی ڕەحمان
عەزابم نەڐو تا ئاخر زەمان
✍ #ئازاد_مورادی( #حەیران )
دەگاو جـــــــــۆڵانــــــــــــدێ
@joolandeh
زوانی ئەدٚایی...
وەسیەتێوەم هەن ڕۆڵەی هەورامی
بە نامێ مۆدی وێت نەوزی دامی
پارێزنە زوان کەرەش بە پێشەت
نەکای بێگانێ تێخ بدٚا ڕیشەت
زۆانت دەنگوو وەشی و شادٚیتا
پەڕچەمەو عەشقی و هەم ئازادٚیتا
ئەر جەن جەن کەرا زوان و سینەم
سیاچەمانە وەندێ یاسینەم
تا بە هەورامی حەشریچم کەرا
من هەورامینا هەر یاگێم بەرا
ڕۆڵە هەورامی وانە و بنویسە
زوانی بێگانە مارا جە کیسە
ئەر هەزار ساڵێ خزمەتش کەری
تاڵی زیاتەر سەمەر مەبەری
مەرگوو من ئانەن زوانیت فاڕی
پێسەن پێشەکام یۆ بە یۆ ماڕی
#حەیران
دەگاو جــــــــۆڵانــــــــدێ
@joolandeh
وەسیەتێوەم هەن ڕۆڵەی هەورامی
بە نامێ مۆدی وێت نەوزی دامی
پارێزنە زوان کەرەش بە پێشەت
نەکای بێگانێ تێخ بدٚا ڕیشەت
زۆانت دەنگوو وەشی و شادٚیتا
پەڕچەمەو عەشقی و هەم ئازادٚیتا
ئەر جەن جەن کەرا زوان و سینەم
سیاچەمانە وەندێ یاسینەم
تا بە هەورامی حەشریچم کەرا
من هەورامینا هەر یاگێم بەرا
ڕۆڵە هەورامی وانە و بنویسە
زوانی بێگانە مارا جە کیسە
ئەر هەزار ساڵێ خزمەتش کەری
تاڵی زیاتەر سەمەر مەبەری
مەرگوو من ئانەن زوانیت فاڕی
پێسەن پێشەکام یۆ بە یۆ ماڕی
#حەیران
دەگاو جــــــــۆڵانــــــــدێ
@joolandeh