#سووره_هەراڵه...

سووره هەراڵه، سووره هەراڵه
 سووره هەراڵه، وەش كەيفی حاڵه

پەی چێش ڕەنگی تۆ هەر سوور ديارەن؟
ڕەنگت چوون ياران وەك شای وەهارەن

وەختێ ئێد شنەفت سووره هەراڵه
واتش ڕەنگی من وەش كەيفی حاڵه

«دايمُ الاَوْقات» جه وەتەن‏و وێم
نيشتەناو خەريك شەوق‏و زەوقی وێم

نەپای «وەرواوان» وەختێو من مەو بەر
ڕەنگەم سەوزەنه نەڕووی «وەركەمەر»

ئينجا جه ناگا سەير كەروو جه دوور
ديارەن باڵاو يارەكەيم چوون نوور

وەختێو ئا ياره نزيكم مەبۆ
لاو سەرەيمەنه تێر سەيرم كەرۆ

بوێو وەشه مەگنۆ نه سەرەم
ڕەنگەم سووره بۆ زوو به خاتر جەم

پی ڕەنگه ڕەنگم به سوور ديارەن
سووری ڕەنگی من جه سايەی يارەن

كەچی جه ناگاه چەرخی پوڕ ستەم
من‏و ئازيزش جيا كەرد جه هەم

هۆرێزا لوا پەرێ يانەی وێش
منش كەرد بێ ناز، خاتريش پەرێش

رەنگەم هۆر گێڵا جه ڕەنگی وەڵين
دڵم ماتەم بی، بێزارو خەمگين

گرەوام فره جه داخی گەردوون
هەرسۆ چەماو من جه حيساب بێروون

پاسه زانێنێ ياری وەفا دار
ئەر دووريش گنۆ مەگێروو قەرار

كه ئاده لوا بەبێ بەهانه
هەرسۆ چەماو من ئاما چوون هانه

«صەيدی» خۆ جه داخ بێ وەفايی يار
چی سەرزەمينه نيەنش قەرار

 
 ✍ #سەیدی_هەورامی
@joolandeh

#چراغی_سەروەخت...


چراغی سەروەخت پايزەن خەزان
 خەزانی زەردەن نه سەر تووڵ «وەزان»

خەزان پەی فەسڵ پايز نەويدەن
جاسووسی پيری، «موويی سفيدەن»

نموونەی وەهار، دەوری جوانی‏يەن
نيشاتەن، عەيشەن، كامەرانی‏يەن

جوانی خۆ لوا، يادش به خێر بۆ
به پير شاد نەبۆ، هەركەسێ ژير بۆ

نيشانەی پايز، وەختی پيری‏يەن
مەلوول، بێ دەماخ، دڵ زويری‏يەن

دڵەی پير مەلوول، پايز پەرێشان
چەوان هەردوو خۆ، بێزار بوو چێشان؟


✍ #سەیدی_هەورامی
@joolandeh

#دڵه_تەمای_عەشق...

دڵه تەمای عەشق، دڵه تەمای عەشق
 پەی ڕووی ڕەزای حەق، مەبڕه تەمای عەشق

ئەر ژيرنی شێته، بگنه نەڕای عەشق
با بەيۆ ناڵەو دەنگ‏و سەدای عەشق

من تەماشای عەيش نەغمەی سازم كەرد
گۆش به ئاوازی سەدای عەشقم وەرد

خۆ جه سەدای عەشق هيچ نەبێ وەشتەر
سا با بدۆ عەشق نه جەرگم نەشتەر

گۆشم هەر جه دەنگ وەشی ئی سازەن
وەشەن سازی عەشق، سەد كه مەجازەن

مەجاز ئەر سازيش پەی ڕای حەقێقەن
هەر مەگنۆ نه ڕا، بەندی تەوفێقەن

تەوفێق جەلای حەق هەر مەيۆ پەرێش
كەس مەجاز تا سەر نمەمانۆ پێش

دامانی مەجاز تۆ باوەر وه دەست
چوون هۆشيارانی به حەقيقی مەست

سەدای سازی عەشق، وەشەن «سەيدی» وەش
وەش نيەن تۆ بی جه وەشی بێ بەش


✍ #سەیدی_هەورامی
دەگاوجۆڵاندێ
@joolandeh

دەگاوجۆڵاندێ

#دڵه_تەمای_عەشق...

دڵه تەمای عەشق، دڵه تەمای عەشق
 پەی ڕووی ڕەزای حەق، مەبڕه تەمای عەشق

ئەر ژيرنی شێته، بگنه نەڕای عەشق
با بەيۆ ناڵەو دەنگ‏و سەدای عەشق

من تەماشای عەيش نەغمەی سازم كەرد
گۆش به ئاوازی سەدای عەشقم وەرد

خۆ جه سەدای عەشق هيچ نەبێ وەشتەر
سا با بدۆ عەشق نه جەرگم نەشتەر

گۆشم هەر جه دەنگ وەشی ئی سازەن
وەشەن سازی عەشق، سەد كه مەجازەن

مەجاز ئەر سازيش پەی ڕای حەقێقەن
هەر مەگنۆ نه ڕا، بەندی تەوفێقەن

تەوفێق جەلای حەق هەر مەيۆ پەرێش
كەس مەجاز تا سەر نمەمانۆ پێش

دامانی مەجاز تۆ باوەر وه دەست
چوون هۆشيارانی به حەقيقی مەست

سەدای سازی عەشق، وەشەن «صەيدی» وەش
وەش نيەن تۆ بی جه وەشی بێ بەش


✍ #سەیدی_هەورامی
@joolandeh

دگاوجۆڵاندێ

#دڵه_ياد_كەره...

دڵه ياد كەره، دڵه ياد كەره
 فەسڵی جوانيت، ئيسه ياد كەره

جه دەستی پيريت، ئەمجار داد كەره
هەم بكێشه ئاخ، هەم فەرياد كەره

مەنزڵ وێرانەن، خاس كەوتەن وازت
بگرەوه پەی حاڵ، جەستەی بێ نازت

ئيسه بۆ وه هۆش، مەگەر بێ هۆشی
جوانيت ويەرد، بديه وه گۆشی

ئەر ديدەت وينان، بديه نه جامان
جەستەی وێت وينه، جه سەر تا دامان

باڵات چوون تير بێ، فەرقت وێنەی قير
تيرت بی كەمان، فەرقت بی وه شير

كۆن سافی ڕوخسار سەفحەی جەبينت؟!
كۆن ديدەی پۆڕ نوور موژەی جەمينت؟!

چەم چەمەی هووناو ئەسرينش خێزان
سەر نێش قولاپ، موژانش ڕێزان

عەقدی دوندانت يەك جه يەك، جيان
ڕەنگی مرواريت چوون شەوی سيان

بديه وه كەمان، چەميدەی چەفتت
كۆن تێژی هەڵمەت؟، كۆن ڕەختی ڕەفتت؟!

قامەت چەفت‏و لار، دوندان كەفت‏و كەل
گێره پای لەنگ، تۆ به دەستی شەل

هەڕ ده وه سەردا چوون ئازيز مەرده
پەی وەشی وەرين، عومری ويەرده

درێغ هەر نەبيا «صەيدی» جه زەلدا
نەك بديا وه حاڵ جەستەی خەلەلدا


✍ #سەیدی_هەورامی
@joolandeh

دگاوجۆڵاندێ

#كۆساڵان_وەشەن...

كۆساڵان وەشەن، كۆساڵان وەشەن
 ميرزام سەيری هەرد كۆساڵان وەشەن

تەماشای جەرگەی «گۆڵاڵان» وەشەن
سەيری سەربەرزان «عەوداڵان» وەشەن

پەی لانساران خاڵ خاڵش وەشەن
وەرواوی شيرين لاپاڵش وەشەن

شنۆی شاخەی ساز شەتاوش وەشەن
ڕۆ بيداريش وەش، شەو خاوش وەشەن

تەماشای نەورۆز خاڵماويش وەشەن
كافووريش، نيليش، سياويش وەشەن

چۆپی كۆساڵان سەيرانش وەشەن
سەدای «قاقبۆ»ی كەبكانش وەشەن

چه خاس جای گەشتەن، عوبوورش وەشەن
بۆی عەترو عەبير «چنوور»ش وەشەن

«شەوبۆ»ی نازەنين، ئەشەد بۆش وەشەن
ساراو دەرو دەشت، كەش‏و كۆش وەشەن

وەشەن بۆی «سۆسەن» سەر كڵاوانش
وەشەن سەوزی فەرش پای گڵاوانش

وەشەن خرپەی پای پۆلی ڕەندانش
وەشەن شيرين خاو سای سەهندانش

وەشەن چەنی دۆس ڕۆ گێڵيش پيدا
وەشەن بيش هامڕاز شەوان جه جيدا

وەشەن چوون بەهەشت ڕووی سەر بيساتش
وەشەن، شيرينەن، عەيش‏و نيشاتش

وەشەن، خاس وەشەن سەيری وەهارش
فەسڵی «نيسان»ش، مانگی «ئەيار»ش

پەی كەسێ خاسەن ميرزام كۆساڵان
چەنی يار كەرۆ سەيری گوڵاڵان!

هەركەس چوون «صەيدی» جه هيجران خەستەن
سەيری كۆساڵان كەی ئاوات واستەن؟


✍ #سەیدی_هەورامی
@joolandeh

#چوون_كۆی_عەوداڵان...

چوون كۆی «عەوداڵان»، چوون كۆی «عەوداڵان»
 كۆن؟ كۆيێ دڵگير، چوون كۆی عەوداڵان؟!!

«كابه»ی مەقسوودەن، پەرێ نەوهاڵان
پەی وايەی موراد وەنەش مەلاڵان

كۆی بەرزی بوڵەند، چمان كۆی «قاف»ەن
به بەرزی بەرزەن، به سافی سافەن

سەر كێشان نه ئەوج چەرخی چەهبەری
بۆش نيان نەبۆی «زوهره»و «موشتەری»

جای شەو بيداران، سەحەر لاڵانەن
تەكيەگای خاسان، «هەفت ئەوداڵانەن»

هەر هەفت عەوداڵان، قوتبی ڕووی زەمين
چوون «اَصحابُ الكَهف» دايم «غار» نشين

مەسكەنشا گرتەن بەو بوڵەند كۆوه
«يا مَن هُو» شانەن هەر ڕۆ جه نۆوه

تا دونيا وه پشت ماهيش قەرار بۆ
ڕوتبەشان بوڵەند، هيممەتشان يار بۆ

هانه پای ئەو كۆ ڕەندان، چوون پەری
گشت ئامادەی حوسن شۆخی‏و دوڵبەری

نەك جه خەم نيشۆ نه دڵشان خارێ
كەردەنشان دەستوور، هەر هەفتێو جارێ

وەختی شاخەی «سوبح»، ئەو گرۆی ڕەندانu
كۆی كڵاف نه دۆش موشكين كەمەندان

مەخێزان به عەزم بارگەی «عەوداڵان»
مەدان جه نەووه، تەرتيبی خاڵان

چوون «ئاهوی خوتەن»، ڕەوێڵەی تەتار
پۆل پۆل نازداران مەبينان قەتار

به ڕەفت‏و هەموار، به ڕێزه ڕێزان
مەشان بەو كۆوه، به موراد وازان

وەختێو پا مەنيان وه باڵای كەمەر
نه خاكی پاشان گوڵان مەنيان سەر

ئەشەدبۆی «طفيل» سەر نه ڕاشانەن
«چنوور» ئامێتەی خاك پاشانەن

«ياللّە» قاپی خەير تۆ كەری گوشاد
ياوان به «مەقسوود»، بدەيشان موراد

يا «هەفت عەوداڵان»، كۆی بەرزو بوڵەند
ديدەی بەد، پێشان نەياونۆ گەزەند

عەوداڵانی بەرز، بەرز بۆ پايەشان
هيممەت يار كەره، حەق دۆ وايەشان

دايم بەی دەستوور خاتر شاد كەران
بەڵكم وەختی سەير، ئێمەيچ ياد كەران

«صەيدی» تاسەی سەخت، دووری يارشەن
نه ئارام، نه سەبر، نه قەرارشەن

يا عەوداڵ «صەيدی» هاوار وه تۆشەن
ديدەش به ديدار يار، كەری ڕەوشەن


✍ #سەیدی_هەورامی
@joolandeh

#گوڵ_نەرگس...

گوڵ نەرگس به وێش، گوڵ نەرگس به وێش
 شۆخی ديده مەس مەنازۆ به وێش

كەسێوه دانا بواچۆ پەرێش
تۆ جه هامشانی ديدەی يارت چێش!؟

ديدەی مەستی يار مايەش هەر نوورەن
نەرگس تۆ ديدەت نابينا و كۆرەن

سا كه نەداری مايەی نووری چەم
چەنی ديدەی دۆس پەی چێش مدەی دەم؟

شۆخی هەر لايق ديدەی ديدەمەن
چەم هەر ئی چەمەن، دەم هەر ئی دەمەن

رشتەی قۆرەتەن، جه ئەزەل سيان
نەك واچی به مێڵ سورمەش تێ نيان

نابينای بێ نوور، وێت چی مەزانی!؟
ئيتر چی كەری داوای هامشانی!؟

«سەيدی» خۆ جه داخ ئی ديدەی مەستش
وەشی ئی دونيا بەرشی جه دەستش


✍ #سەیدی_هەورامی

دەگاوجـــــۆڵانــــــدێ

@joolandeh

هيجری نەزانان...

هيجری نەزانان، هيجری نەزانان
 تۆ به حاڵی دەرد ئێمەت نەزانان

من «سەيدی» سەردار سوپای دێوانان
كوشتەی دەردی عەشق زەدەی هيجرانان

تا وانم كيتاب، دەرسی عەشقم وەند
مۆری دڵ به سەجع نامی عەشقم كەند

جه مەكتەبخانان تا كه مەشقم كەرد
عالەم مەزانان مەشقی عەشقم كەرد

تا كه جوان بێم نه سەودای يار بێم
هەوای عەشقم بێ پەوچی سادار بێم

به ساداری عەشق ياوام به پيری
ئەسڵا ڕام نەكەوت من وەلای ژيری

نەووەهاری عومر جوانيم ويەرد
گا چەنی هيجران، گا به داخ‏و دەرد

هەر شێت‏و سادار، بيابان گێڵ بێم
چمان من جادار مەجنوونی وێڵ بێم

«سەيدی» تا زيندەن چەنۆ دەردەوه
چوون «مەجنوون» وێڵەن، به ڕووی هەردەوه


✍ #سەیدی_هەورامی

دەگاو جـــــــۆڵانـــــــدێ

@joolandeh

سوورەهەراڵە ، سوورەهەراڵە
سوورەهەراڵە وەش کەیفی حاڵە

پەی چێش ڕەنگی تۆ هەر سوور دیارەن؟
ڕەنگت چوون یاران وەک شای وەهارەن

وەختێ ئێدٚ شنەفت سوورەهەراڵە
واتش ڕەنگی من وەش کەیفی حاڵە

دایم ئەلەوقات جە وەتەن وێم
نێشتەنا و خەریک زەوق و شەوقی وێم

نە پای وەرواوان وەختێو من مەو بەر
ڕەنگەم سوورەنە نە ڕووی وەرکەمەر

ئینجا جە ناکاو سەیر کەروو جە دوور
دیارەن باڵاو یارەکەیم چوون نوور

وەختێو ئا یارە نزیکم مەبۆ
لاو سەریمەنە تێر سەیرم کەرۆ

بۆیێوە وەشە مەگنۆ نە سەرەم
ڕەنگم سوورە بۆ زوو بەخاترجەم

پی ڕەنگە ڕەنگم بە سووری دیارەن
سووری ڕەنگی من جە سایەی یارەن
کەچی جە ناگاھ چەرخی پۆڕ ستەم
من و ئازیزش جیا کەرد جە هەم

هۆرێز لوا پەرێ یانەی وێش
منش کەرد بێ ناز خاتر ڕێش پەرێش

ڕەنگم هۆر گێڵا جە ڕەنگی وەڵین
دڵم ماتەم بی ، بێزار و خەمگین

گرەوام فرە جە داخی گەردوون
هەرسوو چەماو من جە حێساب بێروون

پاسە زانێنێ یاری وەفادٚار
ئەر دووریش گنۆ مەگێروو قەرار

کە ئادٚە لوا بە بێ بەهانە
هەرسوو چەماو من ئاما چوون هانە

"سەیدی" خۆ جە داخ بێ وەفایی یار
چی سەرزەمینە نیەنش قەرار

#سەیدی_هەورامی

دەگاو جـــــــــۆڵانـــــــــدێ

@joolandeh

دڵە تەمای عەشق، دڵە تەمای عەشق
پەی ڕووی ڕەزای حەق، مەبڕە تەمای عەشق

ئەر ژیرنی شێتە، بگنە نەڕای عەشق
با بەیۆ ناڵە و دەنگ و سەدٚای عەشق

من تەماشای عەیش نەغمەی سازم کەرد
گۆش بە ئاوازی سەدٚای عەشقم وەرد

خۆ جە سەدٚای عەشق هیچ نەبێ وەشتەر
سا با بدۆ عەشق نە جەرگم نەشتەر

گۆشم هەر جە دەنگ وەشی ئی سازەن
وەشەن سازی عەشق، سەدٚ کە مەجازەن

مەجاز ئەر سازیش پەی ڕای حەقێقەن
هەر مەگنۆ نە ڕا، بەندی تەوفێقەن

تەوفێق جەلای حەق هەر مەیۆ پەرێش
کەس مەجاز تا سەر نمەمانۆ پێش

دامانی مەجاز تۆ باوەر وە دەست
چوون هۆشیارانی بە حەقیقی مەست

سەدٚای سازی عەشق، وەشەن سەیدی وەش
وەش نیەن تۆ بی جە وەشی بێ بەش

#سەیدی_هەورامی

دەگاو جـــــــۆڵانــــــــدێ

@joolandeh

شیرین پەیوەندەن، شیرین پەیوەندەن
دوو ئەبرۆی سیات بە هەم پەیوەندەن

دوو شیرازەی قەوس ئۆسای غەیب ژەندەن
هەریەک سەدٚ پەیکان وە جەرگم شەندەن

جەو دەستەی زوڵفان حەیران مەندەنان
دامەن یا شا مار، یاخۆ کەمەندەن!

خاڵی جەمینت زوڵفی چین چینت
چوون دانەو دامەن سەیادٚان تەندەن

هەر تارێش سەدٚ تا، پێچ دان وە هەمدا
هەر تارێش سەدٚ دڵ پەنەش پا بەندەن

ئەر من شەیداش بیم، نەکەران مەنام
بێ حەدٚ زەریفەن، بێ سامان ڕەندەن

باڵات وێنەی سەوڵ سای سەهەندی باخ
شۆخەن، وەش تەرحەن، بەرزەن بوڵەندەن

دوو دیدٚەی سیات فیتنە ئەنگێزەن
سەرمایەی ئەفسوون، هەم جادوو بەندەن

خەمزە و لارو لەنج، دیای بە نازت
بنچینەی یانەی سەبووریم کەندەن

گوفتوگۆی شیرین، کەلامت، ڕازت
شەهدەن، شەکەرەن، نەباتەن، قەندەن

بەهای دانەی خاڵ سەفحەی جەمینت
موڵکی هیندوستان شاری خەجەندەن

عومرم شی وەبادٚ تاقێق نەزانام
بێ مەیلیت تاکەین؟ جەفات تا چەندەن؟

خواجەی ساحێب شەرت چی ڕەنجیانی
مەیلت، مۆبەتت، هیچکام نەمەندەن

کەی جە بەندەگیت سەرکێشان
 «سەیدی»
هەر غوڵامی تۆن هەرتاکە زیندەن

حەڵقەی غوڵامیت مەکەرۆ نە گۆش
بەندەن، پێش واچە، یە کەمتەر بەندەن

#سەیدی_هەورامی

دەگاو جـــــــــۆڵانـــــــــدێ

@joolandeh

شیرین دیدە مەست، شیرین دیدە مەست
نازدار، نازەنین، شۆخی دیدە مەست

سا کە جە دۆسی ئێمەت کێشا دەست
چەنی یارێوتەر بەینی تازەت بەست

شەرت کەردەکەی وێت نەدٚارات بە چەم
ئێمەت شی جە یادٚ، یاری بەینەت کەم

ئەوەڵ بە «ئیخلاس» سەوگەندان وەردت
ئاخر شەرت و بەین بەسەر نەبەردت

بە عەشقی «باوەیس»، ماڵ جە بێشە کۆ
«واحِێدولقەّهار» هیچکەست نازۆ

ئومیدەن فەڵەک شێونۆ نازت
نیشۆ وەپای عەرش سەدٚاو ئاوازت

زار زار بگێڵی بەسەر چەمەردا
هەرساتێ جە نەو بدٚەی بەسەردا

هەرکەس بویەرۆ چەنی بەین بەستەش
گیر دۆ چەنی زام «سیامار» گەستەش

«سەیدی» سی جزمەی کەلامش وستەن
بەینش ئەو بەینەن چەنی تۆش بەستەن

#سەیدی_هەورامی

دەگاو جــــــۆڵانــــــــدێ

@joolandeh

یا حەیی بێ چوون، یا حەیی بێ چوون
یا «حَیّ» بێ میسل، بێ هەمتای بێ چوون

یا فەرمان فەرمای ئەمری «کاف»و «نوون»
کەریمی کار ساز بە «كُنْ فَيَكُن»

چوون تۆ نادر سونع کەسێوتەر چکۆن
«قادر» هەر تۆنی نادر سونعی تۆن

هەفت ئاسمانان چەنی ستاران
بەرزی بێ ستوون وەپات و ناران

«مُعَلَّق» وەبان ئەوان «کورسی»و «عەرش»
زەمینت بە دەست قودرەت کەردەن فەرش

کێ دارۆ قودرەت سازۆ غەیر جەتۆ
ڕۆشنی زوڵمات شەوان چەنی رٌۆ؟!

یا کێ قودرەتش جە «لەیل»ی «دەیجوور»
سوب کەرۆ سفید، بە ڕۆ بدٚۆ نوور؟!

یا خۆ کێ تاوان هەر شام و سەحەر
شەوق بدٚۆ بە مانگ، یا نوور دۆ بە خۆر؟!

یا کێ بەرمارۆ حەیی بێ زەواڵ...
جە سەنگی خارا سەرچەشمەی زوڵاڵ؟!

کێ جە نافی خار بەر ماوەرۆ گوڵ
کێ مەوزۆ عەشقش نە کەلـلەی بوڵبوڵ

یە گشت کەردەی تۆن فەردی بێ شەریک
ئەگەر بۆ یۆتەر، مەمانۆ خەریک

مەزانۆ هەرکەس تۆش بە حەق ناسان
کاران گشت بە دەست تۆ مەیان ئاسان

ئۆستای سنعەت خاس هەرکەس تۆش یادٚەن
حەق ناسی دڵ پاک، «مُؤْمِن» هەر ئادٚەن

یادی تۆن ڕفێق شەو زیندە داران
تۆنی یارشان شەو بە ڕۆ ماران

کانی «سەخا»و «جود»، کەرەمدار تۆنی
ڕەززاق پەی مەخلوق هەر ڕۆ هەر تۆنی

تۆ جە خوانی «جود» ڕۆزیت دان قەرار
«ئینس»و «جین»و «تەیر»، «مەل»و «مۆر»و «مار»

هەرچەندە زی ڕۆح رۆش نە حەیاتەن
یەکسەر تەسبیحی گۆیای سەناتەن

«بوڵبوڵ» بە نەغمەی هەزار داستانش
زکری نامی تۆن ویردی زوبانش

«کەبک»ی کۆکوان جە کۆسارەوە
کۆکۆی «قومرییان» وە جۆبارەوە

حەمدەن، تەسبیحەن، سەنای زاتی تۆن
نامی تۆشان ویرد شەوان تا وە ڕۆن

زاتی تۆ بەیتەور زاتێو نادرەن
بێ شک پەی ئیجاد گردچێو قادرەن

ئیللا هەر پەی ئەو قودرەت نەدارۆ
یۆێوتەر چوون وێش بە ئیجاد بارۆ

زاتت عەزیمەن، بێ حەد فراوان
عەقڵی کەس بە «کونە» ماناش نەیاوان

ئەر عالم، ئەر شێخ، وەر پوڕ کەماڵەن
زوانش جە وەسف سەنای تۆ لاڵەن

فەردی بێ شەرێک تەنیای تاکەنی
باک جە کێ داری تۆ بێ باکەنی

جەلای تۆ کارخاس «حَیّ»ی بێ نەزیر
«شا» چێشەن، یا «خان» یا «میر» یا «وەزیر»

دونیا و مافیها ئەر بۆ وێرانە
نەدارۆ میقدار، باڵە تۆفانە

یەک «طُرْفَةُ العَين» ئەر تۆ کەری قین
کۆ چوون قەترەی ئاو مەشۆ وە زەمین

خەشمت عەزیمەن، کەرەم بێ سامان
کەس تەوانای قەهر تۆش نیەن، ئامان

ئێمە گرد بەندێ خەتاکارینمێ
جە خەتاباری گران بارێنمێ

ئومیدمان بە عەفوو بێ سامانی تۆن
وەرنە کەردەی نیک جەلای ئێمە کۆن؟!

غەرقی گێجی بەحر دەریای مەعاسی
نە ئەفعالی نیک، نە کەردەی خاسی

بەدٚواچ و بەدٚگۆ، بەدٚکردارێنمێ
لایق بە عەزاب دەرگەی نارێنمێ

جە هەزاراندا یەکێ خاس نیەن
چەنی خاسانمان هامسایی نیەن

ئەر بە بەدٚکاری بگێری پێمان
قەت بەرنمەشۆ دەیاری لێمان

بەڵێ تۆ کەریم کەرەم دارەنی
«سَتّارُ العُيوب»، هەم «غَفّار»ەنی

ئەو ڕۆ عەفووت کەرد پێمان بە خەڵات
«قُلْ يا عِبادي لا تَقْنَطُو»ت وات

تۆ خەتا ئامورز، گوناھ بەخشەنی
بەخشەندەی بێ باک، دڵ نە لەخشەنی

هەرچەند گوناهکار گوناش فێشتەرەن
تێغی عەفووی تۆ بەڕڕاو تێژ تەرەن

پەرێ بەدیمان عەفووت تەلافین
لوتفی عامی تۆ پەی گشتین کافین

خسووس پەرێ من گوناهکار تەرم
جە مایەی عوسیان سەنگینبار تەرم

نامەی ئەعماڵم جە «عصيان» سیان
داغمەی بەدبەختیم بە دڵ دانیان

«يا غافر الذَّنب» سڕ پۆشی «سَتّار»
بویەر جە جورمی «سەیدی» خەتاکار

#سەیدی_هەورامی

دەگاو جــــــــۆڵانـــــــــدێ

@joolandeh

سوورە هەراڵە، سوورە هەراڵە
سوورە هەراڵە، وەش کەیفی حاڵە

پەی چێش ڕەنگی تۆ هەر سوور دیارەن؟
ڕەنگت چوون یاران وەک شای وەهارەن

وەختێ ئێدٚ شنەفت سوورە هەراڵە
واتش ڕەنگی من وەش کەیفی حاڵە

«دایمُ الاَوْقات» جە وەتەنوو وێم
نیشتەناو خەریک شەوق و زەوقی وێم

نەپای «وەرواوان» وەختێو من مەو بەر
ڕەنگەم سەوزەنە نە ڕووی «وەرکەمەر»

ئینجا جە ناگا سەیر کەروو جە دوور
دیارەن باڵاو یارەکەیم چوون نوور

وەختێو ئا یارە نزیکم مەبۆ
لاو سەرەیمەنە تێر سەیرم کەرۆ

بۆیێوە وەشە مەگنۆ نە سەرەم
ڕەنگەم سوورە بۆ زوو بە خاتر جەم

پی ڕەنگە ڕەنگم بە سوور دیارەن
سووری ڕەنگی من جە سایەی یارەن

کەچی جە ناگاه چەرخی پوڕ ستەم
من و ئازیزش جیا کەرد جە هەم

هۆرێزا، لوا، پەرێ یانەی وێش
منش کەرد بێ ناز، خاتریش پەرێش

ڕەنگەم هۆر گێڵا جە ڕەنگی وەڵین
دڵم ماتەم بی، بێزار و خەمگین

گرەوام فرە جە داخی گەردوون
هەرسۆ چەماو من جە حیساب بێروون

پاسە زانێنێ یاری وەفادٚار
ئەر دووریش گنۆ مەگێروو قەرار

کە ئادٚە لوا بە بێ بەهانە
هەرسۆ چەماو من ئاما چوون هانە

«سەیدی» خۆ جە داخ بێ وەفایی یار
چی سەرزەمینە نیەنش قەرار

#سەیدی_هەورامی

دەگاو جــــــۆڵانــــــدێ
@joolandeh

‍ ‍ « سەڵوی بادبەردە »

سەڵوی باد بەردە، سەڵوی باد بەردە
مێحنەت زەڐەی دەرد، سەڵوی باد بەردە

بە ناڵە و گریان، چوون ئازیزمەردە
پەی چێش ڕێزانی، دەروون پی دەردە؟

وات جە دیڎەی بەڎ من پێم نەیاوان
خەتای کەس نیەن جە وێمەن تاوان

ڕۆیێ من مەشغوڵ بە قیامم بێ
سەرمەستی باڵای وەش ئەندامم بێ

من جە وەشی و زەوق، شەماڵ وە پای هەرد
پەی پەی جە قیام، بەرگی خەمم بەرد

پێسە مەزانام جە ڕووی دونیاوە
نەمەردان چوون من، هیچ کەس بە پاوە

قەمەر ڕوومەتێ، دیڎەی سیایێ
موژگان نەشتەرساو، حەیران دیایێ

بە سافی جەمین وێنەی جامی جەم
باڵا چوون سەرڤ، گوڵباغچەی ئێرەم

بە سەڎ ناز چوون حوور، مەخێزۆ بە قەست
تابازاری حوسن من بڎۆ شکەست

خێزا شۆعلەی نوور، وەختێ هۆرێزا
بە خێزیاییش « ڕەستاخێز » خێزا

دیم پێچیان نە دەور بەژن و باڵای وێش
دارایی و قوماش ئاڵ و واڵای وێش

باڵا چوون ئاڵای سەرئەفەرازی وێش
شێوە و لەنجە و لار، خەمزە و نازی وێش

حەیرانی ئەو بیم من وێم شیم جە ویر
پی تەور بیم خەمناک، پەژارە و دڵگیر

ئەو خەزان سەڵوی، من پابەندی گڵ
من کۆگای خەمان، ئەو دەرمانی دڵ

خەیلێ تەماشای باڵای ئەوکەردم
داخی زەریفیش نە دەروون بەردم

ئەوسا چەو دما، گرەوام ناڵام
تا باد بڎۆ باد، شکستی باڵام

نەبا ئەو باڵا نەمامی نەوخێز
یاران بوێنان، من وزان وەبێز

#سەیدی_هەورامی

دەگاو جـــــــۆڵانــــــــدێ

@joolandeh

ـ🍁🍁🍁🍁🍁🍁🍁🍁🍁
ـ🍁🍁🍁
ـ🍁🍁
ـ🍁

هیجری نەزانان، هیجری نەزانان
تۆ بە حاڵ دەرد ئیمەت نەزانان

من سەیدی سەردار سوپای دێوانان
کوشتەی دەرد عەشق زەدەی هیجرانان

تا وانام کتاو دەرس عەشقم وەند
مۆر دڵ وە سەجع نام عەشقم کەند

جە مەکتەب ‌خانان، تاکە مەشقم ‌کەرد
عاڵەم مەزانان مەشق عەشقم کەرد

تاکە جوان بیم نە سەودای یاربیم
هەوای عەشقم بێ، پەوچی سادٚاربیم

بە سادٚاری عەشق ‌یاوام بە پیری
ئەسڵەن ڕام نەکەوت من وەلای ژیری

نەو وەهار عومرم‌ جوانیم ویەرد
گاچەنی هیجران، گاە بە داخ و دەرد

« سەیدی » تا زیندەن جە نۆ دەردەوە
چوون مەجنوون وێڵەن بە رووی هەردەوە

#سەیدی_هەورامی

🍁
🍁🍁
🍁🍁🍁
🍁🍁🍁🍁🍁🍁🍁🍁🍁

دەگاو جــــــــــۆڵانــــــــــدێ

@joolandeh