( عەرز_و_دادٚ )
یاحەی دادٚم هەن، یاحەی دادٚم هەن
یا حەی، هـەزاران عەرز و دادٚم هەن
هـەزارسـکاڵای،جە چەرخ چەپگەرد
هەزار ئێنـتێقـادٚ، پەڕ ئەسنادٚم هەن
ئەوەڵ ئێنـتێقادٚ با عـەرزت کـەروو
پەیچێ موعزەڵات مادەرزادٚم هەن
یاحەی چونکە من مەخلوقوو تـۆنا
جە وێم جەی کەردەت ئێنتێقادٚم هەن
خـاس بوو یا خـراو خـالـەقـم تۆنی
ناحەق ئێنتێقـاد چێدٚ و چادٚم هەن
بـە بـڕیـە چێـوێ تەزئینت کـەردا
ئەمواڵ و هامسەر هەم ئەوڵادٚم هەن
وێت واتەن ماڵ و ئەوڵادٚ زینەتەن
قـورئانم وانان وێـم سەوادٚم هەن
تەزئین کێ کەرۆ موبەڕا جە عەیب؟
هەزاران نەقـسێ جـە بنیـادٚم هەن
ئەر خـەتـاو من بـۆ عـەرزەو تـەقـازا
من چا پەروەندەی حەر عابادٚم هەن
پەیچێت نەکەردا مەلەک جە ئەفلاک
پەیچێ خسڵەتێ چون فەرادٚم هەن؟
دەی چەنی نەبوو غەریق عوسیان؟
دەورەو زەمانەی پەڕ فەسادٚم هەن
یاحەی چوون قازی و ماجەرای تۆنـی
منیـچ پا بـۆنـەو دڵـیـە شـادٚم هەن
✍ #میرزا_مەجید_سبحانی
(بچووک)
دەگاو جــــــۆڵانـــــــدێ
@joolandeh
یاحەی دادٚم هەن، یاحەی دادٚم هەن
یا حەی، هـەزاران عەرز و دادٚم هەن
هـەزارسـکاڵای،جە چەرخ چەپگەرد
هەزار ئێنـتێقـادٚ، پەڕ ئەسنادٚم هەن
ئەوەڵ ئێنـتێقادٚ با عـەرزت کـەروو
پەیچێ موعزەڵات مادەرزادٚم هەن
یاحەی چونکە من مەخلوقوو تـۆنا
جە وێم جەی کەردەت ئێنتێقادٚم هەن
خـاس بوو یا خـراو خـالـەقـم تۆنی
ناحەق ئێنتێقـاد چێدٚ و چادٚم هەن
بـە بـڕیـە چێـوێ تەزئینت کـەردا
ئەمواڵ و هامسەر هەم ئەوڵادٚم هەن
وێت واتەن ماڵ و ئەوڵادٚ زینەتەن
قـورئانم وانان وێـم سەوادٚم هەن
تەزئین کێ کەرۆ موبەڕا جە عەیب؟
هەزاران نەقـسێ جـە بنیـادٚم هەن
ئەر خـەتـاو من بـۆ عـەرزەو تـەقـازا
من چا پەروەندەی حەر عابادٚم هەن
پەیچێت نەکەردا مەلەک جە ئەفلاک
پەیچێ خسڵەتێ چون فەرادٚم هەن؟
دەی چەنی نەبوو غەریق عوسیان؟
دەورەو زەمانەی پەڕ فەسادٚم هەن
یاحەی چوون قازی و ماجەرای تۆنـی
منیـچ پا بـۆنـەو دڵـیـە شـادٚم هەن
✍ #میرزا_مەجید_سبحانی
(بچووک)
دەگاو جــــــۆڵانـــــــدێ
@joolandeh