گۆرانیێ بە دەنگوو:

🎤 #هه‌راڵه_هه‌ورامی

🎶مەزانی دووریت چن بێ مەراما❤️

مەزانی دووریت چن بێ مەراما
کارێوش کەردەن دیەیت حەراما

لا وێتەو کــەمێو ڕا بـــازە پەیما
باشێو دڵ وەشی بۆ سازە پەیما

ساتێ چەنی تۆ ئەر مێمانی بۆ
بازە با خەزان حەر وارانی بۆ

بۆ با مانا بۆ ئامای کەسێوی
تەفسیروو دەسی پیچیای دەسێوی

بۆ خەجاڵەتوو خەزانی وەسێن
جە حاڵوو ئێمە نەزانی وەسێن

بیەیت وەهـــاری کـــەرۆ نامێما
چـــەنی خەزانی تا کەی زامێما

دەسێ دەساتەو ژیـــوای چڕاوە
چـــن لازمـــەنی بـــۆرێوە یاوە

ئێ شەوی بێ تۆ حەر مەیاوا ڕۆ
ڕۆشنایی شـــەوا بێ تـاقەتی بۆ !

خــــەزان یا وەهـــــار بینیان تــۆوە
بەشکەم تەماشەت دڵ وەشی دۆوە

بەهەشت هەر بەشێو جە بیەو وێتا
ئانەنە دڵم پەی دیەیت شێتا

بــــۆرەی با خەزان گەڵا بەر دۆوە
وەهـــــار گێڵۆوە بە وەشێ تۆوە

چێگە هەر تا تۆ چــن فاسێڵێنێ
وەلێ ئـــۆمێڐێ حـــەر ماتڵێنێ


#خەمیار_هه‌ورامی

دەگاو جــــــــــۆڵانــــــــــدێ

@joolandeh