پەی کۆچوو دمایی #مامۆسا_وەلی_فەتاحی
چێش واچوو لالۆ ، یانەی وێرانم
خەم وەروو هۆزیم ، یانەباوانم
دڵسۆزوو زوانیم ، ئامیانوو نەسریم
تاجوو سەر سەرەیم، شانازی و فەخریم
ئاخ خۆ نەورۆزگوڵ سەرناوردەن بەر
هێمای نەشکوفتەن تەنگز نە کەمەر
کەی وەخت و وادٚەی کۆچووبارت بێ
چەم پەی دیدٚارێ ، منەتبارت بێ
پەی ساتێو لاتەو خودٚا خودٚام بێ
پەی دیدٚارێوی ، ئارۆ و سەوام بێ
تۆ بێ مەیل بێنی یا من کەم تەرخەم؟
تۆ لوای و من کۆڵێوە ماتەم !!
گران خەمێوی وەنەم پێویان
خامەم سەرکزاو شەوقم شێویان
مۆموو دڵواتەیم بێ شەوقا بێ تۆ
هــەستم لاوازا و بێ زەوقا بێ تۆ
تای تاقەت کەم و باری خەم بێ شۆن
جە هەورامانم واوەی شین و ڕۆن
نامدٚارەڪەی بێ یاگەدٚارم
ئازیەت بارئاسا دەروون خەمبارم
تۆ "وەلی"و تاسەیم، من وەلیو شەمیت
بازە با سۆچنۆم شەرارەو خەمیت !!
#سۆهراب_مورادنیا(سیاوکام)
٩٩٫١٢٫٥ کۆچی ڕۆجیاری
◼️◾️▪️◼️◾️▪️◼️◾️▪️
دەگاو جــــــۆڵانـــــدێ
@joolandeh
چێش واچوو لالۆ ، یانەی وێرانم
خەم وەروو هۆزیم ، یانەباوانم
دڵسۆزوو زوانیم ، ئامیانوو نەسریم
تاجوو سەر سەرەیم، شانازی و فەخریم
ئاخ خۆ نەورۆزگوڵ سەرناوردەن بەر
هێمای نەشکوفتەن تەنگز نە کەمەر
کەی وەخت و وادٚەی کۆچووبارت بێ
چەم پەی دیدٚارێ ، منەتبارت بێ
پەی ساتێو لاتەو خودٚا خودٚام بێ
پەی دیدٚارێوی ، ئارۆ و سەوام بێ
تۆ بێ مەیل بێنی یا من کەم تەرخەم؟
تۆ لوای و من کۆڵێوە ماتەم !!
گران خەمێوی وەنەم پێویان
خامەم سەرکزاو شەوقم شێویان
مۆموو دڵواتەیم بێ شەوقا بێ تۆ
هــەستم لاوازا و بێ زەوقا بێ تۆ
تای تاقەت کەم و باری خەم بێ شۆن
جە هەورامانم واوەی شین و ڕۆن
نامدٚارەڪەی بێ یاگەدٚارم
ئازیەت بارئاسا دەروون خەمبارم
تۆ "وەلی"و تاسەیم، من وەلیو شەمیت
بازە با سۆچنۆم شەرارەو خەمیت !!
#سۆهراب_مورادنیا(سیاوکام)
٩٩٫١٢٫٥ کۆچی ڕۆجیاری
◼️◾️▪️◼️◾️▪️◼️◾️▪️
دەگاو جــــــۆڵانـــــدێ
@joolandeh
بە یادٚوو #مامۆسا_وەلی_فەتاحی🌹
"فەتە و واکسەنەو کرۆنای"
-تاتە، ئەژنیەنت قەرارا گردوو موعەلێما واکسەنەو کرۆنای پشانا؟
- ئەرێ ڕۆڵە گیان، فرەخاسا با ئێساڵ مەدرەسێ بنیارەوە، هەرچی زاڕۆڵێنێ بێ‌سەوادٚ ئامەی سەر.
- تاتە ماچا، هەرکەس واکسەنە پشانۆ، هەر دوێ ساڵێ مەنۆ ئێتر مرۆ. بەشکم ڕاس بۆ و موعەلێمێ تۆمشا بڕیۆ و مەدرەسێچ پیچیاوە...
- چی گوا ئیسە ئینە دەرس وەناین "شادەنە" مواندێش؟!
کاسێو تۆم کوولەکە، منیەیدێ وەروو دەمیتا و ڕوەو کتێبەکاتاوە ئێمتێحانێ جواو مدٚەیدێوە...
- خرابیش چێشا تاتە؟! ئێساڵ گردوو نمرام ویسێ بێنێ. وەڵڵا مەر ئاوەختە کلاسوو یەری بیەنا و دەرسوو "هدیەهای ئاسمانینە" کارنامەکەم ویسش دیەبۆ وێشەوە...
- هۆرزە فەتە ئا گڵۆپا کوشنەوە با بووسمێ، سەبای زوو هۆرزمێ، ملای ملوو واکسەنە پشانوو، تۆیچ بۆ چەنیم.
- نا نا تاتە گیان! تۆخودٚا تۆ نەلی، تەرسوو خرابە بۆ.
- کۆرە ڕۆڵە گیان ئی قسێ شایێعێنێ باوەرشا مەکەرە. بەداخەوە خەڵک متمانەش نەمەنەن بە هیچی و حەقیچشانا.
ئەی ئەخبارەنە نەژنیت ڕۆحانی وات: نگەرانێ مەبیدێ، وێچم واکسەنەم شاینە؟!
- وەڵڵا تاتە هەرچی ئادٚ ماچۆ مەتەرسدێ هیچ نیا، هۆشوو ئەدٚایم گنوەوە، وەختێو خەتایێوە کەروو، بە شڵێنگ گنۆ شۆنیم و ماچۆ: "بۆ مدرە بەرمەشە کارم نیا سەرتەوە".
چەنی مەتمانەت هەن پنەش، دەیخۆ ئادٚ هەر چا ئەوەڵەوە واچێ شەممەوە کرۆنا تەمامیۆ... ئی شەممەشە هەر ناما، پێسە چەنی ئانێ چاخێنێ؛ ماچا: "شەممەوە قەوڵ مدٚەو ئێتر ڕژیم گێروو"
هەر موەفەقێچ نمەبا دەس کەرا پنە.
وەڵڵا تاتە ئیجارەوە ئێنتخابات بی، من بە کرۆنای ڕەئیە مدٚەو، وەسێ نیا تاوانش، ترافیک و پیسی هەوای و بازار لوای ژەنا و مێمانیێ بێ‌خەیرێ؛ کەمێ کەرۆوە و خەڵکی، جیای ماچ ماچانێ فێروو دەس شتەی و پاک و پۆختەیی کەرۆ.
بۆنەو قەرەنتینەیچشەوە تەماشاو فیلمە فاخێرا و کتێبەوە وەنای فێرێ بیەیمێ، وەشتەر جە گردچێوی خەرج و باجوو زەماونا نەمەن و جوانێ فەقیرێ ڕەحەت تاواشا بلا سەروو یانەو وێشا.
ئەی پێشکەشی ئی کابرا کڕێڵ سازیه چێش بی پەیما؛ بێجگەم گرانی و نگبەتی و بێ‌ئاوی؟!
- کەم قسێ وەرێ دە فەتە، با کەس نەژنەوۆ، گێرایچما زیادٚوو گێردٚچێوی.
- کۆرە تاتە با جگەی واکسەنەو کرۆنای، بلمێ لاو دۆعا نویسێوی با دۆعایێوەما پەی بنویسۆ و لکنمێش سەروو شانەیماوە و هیچ خەتەرێویچش نیا. پۆژنمێشەرە چێروو گجیەکەیمانە کەس نەوینۆش.
- ئەی ڕۆڵە گیان، هۆشوو حکەیتێوێ وەشە و قەدٚیمیێ کەوتاوە، با گێڵنووشەوە پەیت:
زەمانەو قاجاری نەوەشێوی پیس پیچیابێنە خەڵکی؛ واچێنێش پنە چەم قووڵە (وەبا).
کێخا و دەم راسێ کەوتێ ڕاوچارە.
واتشا پەی پارێزیای چی بەڵڵایێ پەنا بەرمێ بە دوعا و تەمەننای و سفرە و خوان و خەیرات وزمێ ڕا.
ڕوێو جە ڕوا مەڵازادٚێوی ساحیب نامشا سواروو هەرێوی کەردٚ و کووجیێ و کۆڵانێنە خۆلناشاوە تا خەڵک دەس و پایش ماچ کەرا؛ بەشکم ئی نەوەشیە نەیاوۆ لاشا.
بەڵام بە پێچەوانەوە کوڕە مەڵازادٚەکە وێچش وەباش گێرت و جگە ئانەیە وەش نەبیەوە، بەڵکوو فۆتیایچ. بەداخەوە خەڵک نەچڵەکیایرە و ئێننە باوەرشا بێ بە دۆعاکێشا، وستشا پا بارەرە مەڵڵا نەوەشیەکەش بڕیەن باڵاو رۆڵەکەو وێشەوە تا ئێمە ڕزگارێ بیمێ...
ئیسەیچ کەسەکەم، پەنا بەرمێ بە عێلموو واکسەنێ و متمانەما بۆ پنەش خاسا.
- وەڵڵا ڕاس ماچی تاتە گیان، سەبای بلمێ واکسەنە پشانە.
ئیجاریچەوە ئەگەر موعەلێمەکەما مەوزوعوو ئێنشایش دا عێلم خاستەرا یا زەڕ و سروەت؟
من منویسوو:
" کرۆنای سەلەمنا پنەما، عێلم و زانایی خاستەرا..."
✍ #ڕەنگین_کەریمی
دەگاو جـــۆڵانـــــدێ
@joolandeh
"فەتە و واکسەنەو کرۆنای"
-تاتە، ئەژنیەنت قەرارا گردوو موعەلێما واکسەنەو کرۆنای پشانا؟
- ئەرێ ڕۆڵە گیان، فرەخاسا با ئێساڵ مەدرەسێ بنیارەوە، هەرچی زاڕۆڵێنێ بێ‌سەوادٚ ئامەی سەر.
- تاتە ماچا، هەرکەس واکسەنە پشانۆ، هەر دوێ ساڵێ مەنۆ ئێتر مرۆ. بەشکم ڕاس بۆ و موعەلێمێ تۆمشا بڕیۆ و مەدرەسێچ پیچیاوە...
- چی گوا ئیسە ئینە دەرس وەناین "شادەنە" مواندێش؟!
کاسێو تۆم کوولەکە، منیەیدێ وەروو دەمیتا و ڕوەو کتێبەکاتاوە ئێمتێحانێ جواو مدٚەیدێوە...
- خرابیش چێشا تاتە؟! ئێساڵ گردوو نمرام ویسێ بێنێ. وەڵڵا مەر ئاوەختە کلاسوو یەری بیەنا و دەرسوو "هدیەهای ئاسمانینە" کارنامەکەم ویسش دیەبۆ وێشەوە...
- هۆرزە فەتە ئا گڵۆپا کوشنەوە با بووسمێ، سەبای زوو هۆرزمێ، ملای ملوو واکسەنە پشانوو، تۆیچ بۆ چەنیم.
- نا نا تاتە گیان! تۆخودٚا تۆ نەلی، تەرسوو خرابە بۆ.
- کۆرە ڕۆڵە گیان ئی قسێ شایێعێنێ باوەرشا مەکەرە. بەداخەوە خەڵک متمانەش نەمەنەن بە هیچی و حەقیچشانا.
ئەی ئەخبارەنە نەژنیت ڕۆحانی وات: نگەرانێ مەبیدێ، وێچم واکسەنەم شاینە؟!
- وەڵڵا تاتە هەرچی ئادٚ ماچۆ مەتەرسدێ هیچ نیا، هۆشوو ئەدٚایم گنوەوە، وەختێو خەتایێوە کەروو، بە شڵێنگ گنۆ شۆنیم و ماچۆ: "بۆ مدرە بەرمەشە کارم نیا سەرتەوە".
چەنی مەتمانەت هەن پنەش، دەیخۆ ئادٚ هەر چا ئەوەڵەوە واچێ شەممەوە کرۆنا تەمامیۆ... ئی شەممەشە هەر ناما، پێسە چەنی ئانێ چاخێنێ؛ ماچا: "شەممەوە قەوڵ مدٚەو ئێتر ڕژیم گێروو"
هەر موەفەقێچ نمەبا دەس کەرا پنە.
وەڵڵا تاتە ئیجارەوە ئێنتخابات بی، من بە کرۆنای ڕەئیە مدٚەو، وەسێ نیا تاوانش، ترافیک و پیسی هەوای و بازار لوای ژەنا و مێمانیێ بێ‌خەیرێ؛ کەمێ کەرۆوە و خەڵکی، جیای ماچ ماچانێ فێروو دەس شتەی و پاک و پۆختەیی کەرۆ.
بۆنەو قەرەنتینەیچشەوە تەماشاو فیلمە فاخێرا و کتێبەوە وەنای فێرێ بیەیمێ، وەشتەر جە گردچێوی خەرج و باجوو زەماونا نەمەن و جوانێ فەقیرێ ڕەحەت تاواشا بلا سەروو یانەو وێشا.
ئەی پێشکەشی ئی کابرا کڕێڵ سازیه چێش بی پەیما؛ بێجگەم گرانی و نگبەتی و بێ‌ئاوی؟!
- کەم قسێ وەرێ دە فەتە، با کەس نەژنەوۆ، گێرایچما زیادٚوو گێردٚچێوی.
- کۆرە تاتە با جگەی واکسەنەو کرۆنای، بلمێ لاو دۆعا نویسێوی با دۆعایێوەما پەی بنویسۆ و لکنمێش سەروو شانەیماوە و هیچ خەتەرێویچش نیا. پۆژنمێشەرە چێروو گجیەکەیمانە کەس نەوینۆش.
- ئەی ڕۆڵە گیان، هۆشوو حکەیتێوێ وەشە و قەدٚیمیێ کەوتاوە، با گێڵنووشەوە پەیت:
زەمانەو قاجاری نەوەشێوی پیس پیچیابێنە خەڵکی؛ واچێنێش پنە چەم قووڵە (وەبا).
کێخا و دەم راسێ کەوتێ ڕاوچارە.
واتشا پەی پارێزیای چی بەڵڵایێ پەنا بەرمێ بە دوعا و تەمەننای و سفرە و خوان و خەیرات وزمێ ڕا.
ڕوێو جە ڕوا مەڵازادٚێوی ساحیب نامشا سواروو هەرێوی کەردٚ و کووجیێ و کۆڵانێنە خۆلناشاوە تا خەڵک دەس و پایش ماچ کەرا؛ بەشکم ئی نەوەشیە نەیاوۆ لاشا.
بەڵام بە پێچەوانەوە کوڕە مەڵازادٚەکە وێچش وەباش گێرت و جگە ئانەیە وەش نەبیەوە، بەڵکوو فۆتیایچ. بەداخەوە خەڵک نەچڵەکیایرە و ئێننە باوەرشا بێ بە دۆعاکێشا، وستشا پا بارەرە مەڵڵا نەوەشیەکەش بڕیەن باڵاو رۆڵەکەو وێشەوە تا ئێمە ڕزگارێ بیمێ...
ئیسەیچ کەسەکەم، پەنا بەرمێ بە عێلموو واکسەنێ و متمانەما بۆ پنەش خاسا.
- وەڵڵا ڕاس ماچی تاتە گیان، سەبای بلمێ واکسەنە پشانە.
ئیجاریچەوە ئەگەر موعەلێمەکەما مەوزوعوو ئێنشایش دا عێلم خاستەرا یا زەڕ و سروەت؟
من منویسوو:
" کرۆنای سەلەمنا پنەما، عێلم و زانایی خاستەرا..."
✍ #ڕەنگین_کەریمی
دەگاو جـــۆڵانـــــدێ
@joolandeh