یاخوا نەژیوو ڕۆڵاو وەڵاتی
ئاوارە کریای بێ دەسەڵاتی
بەناچار مەلدێ پەی دووروڵاتا
بڵام چاگەیچە خەمتا خەڵاتا
بێ کەسوو بێ دەر غەریوو شارا
مەشیوم چا یاگێ وێشان بشارا
ئەر گۆشەو چەماو ئەڐایتا دیاربۆ
داخم ڕۆزگارش چەنی سەر کەرۆ
داخی داخانم ڕۆڵە جوانەکام
ڕۆڵە مەزڵوومە سەرگەردانەکام
تا ڕوەکەی مەحشەر با هەر بناڵوو
مەرچاگە شکاتوو هەژاری کەروو
✍ #فەریبا_زەندی (گەڵا) ژانی
دەگاو جـــــــۆڵانـــــــدێ
@joolandeh
ئاوارە کریای بێ دەسەڵاتی
بەناچار مەلدێ پەی دووروڵاتا
بڵام چاگەیچە خەمتا خەڵاتا
بێ کەسوو بێ دەر غەریوو شارا
مەشیوم چا یاگێ وێشان بشارا
ئەر گۆشەو چەماو ئەڐایتا دیاربۆ
داخم ڕۆزگارش چەنی سەر کەرۆ
داخی داخانم ڕۆڵە جوانەکام
ڕۆڵە مەزڵوومە سەرگەردانەکام
تا ڕوەکەی مەحشەر با هەر بناڵوو
مەرچاگە شکاتوو هەژاری کەروو
✍ #فەریبا_زەندی (گەڵا) ژانی
دەگاو جـــــــۆڵانـــــــدێ
@joolandeh
کیانام هاوارم لای خاوەن تەدبیر
واتم ئەی زاناو دانای بێ نەزیر
حیکمەتت چێشەن جە سەرای دنیا
یاڕەبی ئاممان نەنویسیم تەقسیر
چینێ جە ئۆممەت غەرقوو نیعمەتین
چینێ مسکین و ئاوارەو فەقیر
چینێ چۆن شاهان ڕۆزگار مەویارا
چینێ چێر دەسەو چەوساوەی وەزیر
چینێ وە ڕووی فەرش هەورێشم دیار
چینێ جە حەسرەت یەک دانە حەسیر
چی مەبۆ ڕسمو دنیای پاسە بۆ
یاڕەبی ئاممان لێم نەوی دڵگیر
ئەلفو بێ ژیانی وێت نویسەن دەفتەر
ڕۆشنش فەرماوە پەی بەندەی حەقیر
تڵفە مەعسومێ پەی گۆزەرانی ژین
دەرسوو ئاکامش نەمەنەن جەویر
ئەوتەر جە گۆشەی کۆڵانی شاران
مەکێشۆ جەلای پاڵانی ئەمیر
بێ گیانو لاواز مەزڵوم و هەژار
کەسێ نمەپەرسۆ جە دەردی فەقیر
پێخامێ ئاما جە خەونی بەیان
فەرماواش بوانە مەسحەفی کەبیر
چاگە ڕوون کریان جوابی پێخامت
مسکینێ هەرگیز نەلوەێنێ جەویر
کەیل کریۆ چەولای نازوو عێنوانش
بە نازوو نێعمەت سەراپا عەبیر
شەوکەتی دنیا چەن سەباحێوەن
سەرای قەیامەت مەنزڵگای مۆنیر
واتم خالقم بەخشە پرسیارم
ڕەزاق هەر تۆنی پاشای بێ وەزیر
✍ #فەریبا_زەندی (گەڵا) ژانی
دەگاو جـــــۆڵانـــــــدێ
@joolandeh
واتم ئەی زاناو دانای بێ نەزیر
حیکمەتت چێشەن جە سەرای دنیا
یاڕەبی ئاممان نەنویسیم تەقسیر
چینێ جە ئۆممەت غەرقوو نیعمەتین
چینێ مسکین و ئاوارەو فەقیر
چینێ چۆن شاهان ڕۆزگار مەویارا
چینێ چێر دەسەو چەوساوەی وەزیر
چینێ وە ڕووی فەرش هەورێشم دیار
چینێ جە حەسرەت یەک دانە حەسیر
چی مەبۆ ڕسمو دنیای پاسە بۆ
یاڕەبی ئاممان لێم نەوی دڵگیر
ئەلفو بێ ژیانی وێت نویسەن دەفتەر
ڕۆشنش فەرماوە پەی بەندەی حەقیر
تڵفە مەعسومێ پەی گۆزەرانی ژین
دەرسوو ئاکامش نەمەنەن جەویر
ئەوتەر جە گۆشەی کۆڵانی شاران
مەکێشۆ جەلای پاڵانی ئەمیر
بێ گیانو لاواز مەزڵوم و هەژار
کەسێ نمەپەرسۆ جە دەردی فەقیر
پێخامێ ئاما جە خەونی بەیان
فەرماواش بوانە مەسحەفی کەبیر
چاگە ڕوون کریان جوابی پێخامت
مسکینێ هەرگیز نەلوەێنێ جەویر
کەیل کریۆ چەولای نازوو عێنوانش
بە نازوو نێعمەت سەراپا عەبیر
شەوکەتی دنیا چەن سەباحێوەن
سەرای قەیامەت مەنزڵگای مۆنیر
واتم خالقم بەخشە پرسیارم
ڕەزاق هەر تۆنی پاشای بێ وەزیر
✍ #فەریبا_زەندی (گەڵا) ژانی
دەگاو جـــــۆڵانـــــــدێ
@joolandeh
ڪەی دەوڵەمەننین فزوونی ماڵیت
نەبیەن سەرمایە ڪاڵی جەماڵیت
دەوڵەمەننی تۆ ئینا چێوێنه
تاوێ ئارامش وزۆنه حاڵیت
✍ #حەمـەزەمان_مورادی
✨✨✨✨✨✨✨✨✨
کەی دەوڵەمەننی وەشحاڵی مارۆ
باخی بێ سەمەر کەی کەرا شارۆ
تەمەن چوون گۆڵەن چن ساتی باقین
سروەتوو دونیای تەنیا لەش ساقین
✍ #لوتفوڵڵا_فەتحی
(هەورام)
✨✨✨✨✨✨✨✨✨
کەی دەوڵەمەننی سەربەرزی ژیانین
ماڵوو ئی دنیای پێسەو وێش فانین
ئەگەر تۆ تاوی خەیراتیە کەری
شایەد جە ماڵیت سەمەریە بەری
✍ #فەریبا_زەندی
(گەڵاژانی)
دەگاو جـــــــۆڵانــــــــدێ
@joolandeh
نەبیەن سەرمایە ڪاڵی جەماڵیت
دەوڵەمەننی تۆ ئینا چێوێنه
تاوێ ئارامش وزۆنه حاڵیت
✍ #حەمـەزەمان_مورادی
✨✨✨✨✨✨✨✨✨
کەی دەوڵەمەننی وەشحاڵی مارۆ
باخی بێ سەمەر کەی کەرا شارۆ
تەمەن چوون گۆڵەن چن ساتی باقین
سروەتوو دونیای تەنیا لەش ساقین
✍ #لوتفوڵڵا_فەتحی
(هەورام)
✨✨✨✨✨✨✨✨✨
کەی دەوڵەمەننی سەربەرزی ژیانین
ماڵوو ئی دنیای پێسەو وێش فانین
ئەگەر تۆ تاوی خەیراتیە کەری
شایەد جە ماڵیت سەمەریە بەری
✍ #فەریبا_زەندی
(گەڵاژانی)
دەگاو جـــــــۆڵانــــــــدێ
@joolandeh
ئەوسا شەوچلە جە یانە گەوران
گردی پێوەرە قەومانوو خێشان
شەوچەرەی قەدیم مەژگەو گەنمی جوان
ئەر بیایا ساوی‌و دانەی هەناران
چایی ئاقێقی‌و چاشتاو خاتوونان
ڕازەو باپیرا و گورانی و پەخشان
بە گەورەو وردی و پیران و لاوان
دڵی بێ کینەو دوور جە زووخاوان
گر کەس یەک دڵوو یەک ڕەنگوو یەکسان
جە دەوروو کورسی و قووتی بێ‌گومان
بە حەمدوو سەناو سپاسی یەزدان
بەرێنمێش ڕاوە شەوچلەی زمسان
ئیسە نیعمەتێ فەتوو فەراوان
سفرە ڕەنگاوڕەنگ چوون سفرەی شاهان
بەڵام نەمەنەن دڵوەشی جاران
گر کەس ئەسیرەن بە ڕەنجی دەوران
شادٚی و دڵوەشی ئەوسای هۆرگیریان
دڵ پەڕەن حەسرەت خاتر پەرێشان
نمەزاچی دنیا پاسەش سەر ئامان
چی بییێنە یاگەی لافاوی زامان
تەمەننا کەرمێ جە خودٚای مێهرەبان
بەوماوە پەنە دڵوەشی جاران
✍#فەریبا_زەندی
(#گەڵاژانی)
دەگاو جــــــۆڵانــــــــدێ
@joolandeh
گردی پێوەرە قەومانوو خێشان
شەوچەرەی قەدیم مەژگەو گەنمی جوان
ئەر بیایا ساوی‌و دانەی هەناران
چایی ئاقێقی‌و چاشتاو خاتوونان
ڕازەو باپیرا و گورانی و پەخشان
بە گەورەو وردی و پیران و لاوان
دڵی بێ کینەو دوور جە زووخاوان
گر کەس یەک دڵوو یەک ڕەنگوو یەکسان
جە دەوروو کورسی و قووتی بێ‌گومان
بە حەمدوو سەناو سپاسی یەزدان
بەرێنمێش ڕاوە شەوچلەی زمسان
ئیسە نیعمەتێ فەتوو فەراوان
سفرە ڕەنگاوڕەنگ چوون سفرەی شاهان
بەڵام نەمەنەن دڵوەشی جاران
گر کەس ئەسیرەن بە ڕەنجی دەوران
شادٚی و دڵوەشی ئەوسای هۆرگیریان
دڵ پەڕەن حەسرەت خاتر پەرێشان
نمەزاچی دنیا پاسەش سەر ئامان
چی بییێنە یاگەی لافاوی زامان
تەمەننا کەرمێ جە خودٚای مێهرەبان
بەوماوە پەنە دڵوەشی جاران
✍#فەریبا_زەندی
(#گەڵاژانی)
دەگاو جــــــۆڵانــــــــدێ
@joolandeh
شلێر🖤
مەرحەبا خاتوون حووری کوردەوار
هەر بە وێت گنۆ حورمەت و ویقار
بێ شک مەقامت سایەی بەرینەن
مەبارەکت بۆ سایەی ئێفتیخار
نامێت سەبتەنە جە ڕێزوو خاسا
شەهید نامەنی بە واتەی سەردار
زەمزەمەو پاکیت شایێستەی حوورەن
سەرەت خەم نەکەرد جە دامی نەیار
#فەریبا_زەندی🌸
گەڵا ژانی🌷
دەگاو جــــــــۆڵانــــــــدێ
@joolandeh
مەرحەبا خاتوون حووری کوردەوار
هەر بە وێت گنۆ حورمەت و ویقار
بێ شک مەقامت سایەی بەرینەن
مەبارەکت بۆ سایەی ئێفتیخار
نامێت سەبتەنە جە ڕێزوو خاسا
شەهید نامەنی بە واتەی سەردار
زەمزەمەو پاکیت شایێستەی حوورەن
سەرەت خەم نەکەرد جە دامی نەیار
#فەریبا_زەندی🌸
گەڵا ژانی🌷
دەگاو جــــــــۆڵانــــــــدێ
@joolandeh
من هەورامیەنا و زوانم هەورامەن
زوانم ناسنامەن، هەستەن، مەرامەن
عەهدەن نەفاڕووش بە فەخرش زانوو
فەرزوو شانەیمەن فۆتنایش حەرامەن
✍ #فەریبا_زەندی
گەڵا ژانی
✨✨✨✨✨✨
زوانم هەورامی کەلامم شیرین
شەرت بۆ پارێزنووش تا بڕیەو زەمین
زوانوو ئەدٚایمەن پارێزنایش فەرزەن
وشە بە وشـەش ڕازێنێ و دەرزەن
✍ #شەریفی
بێساران
✨✨✨✨✨✨
زوانم هــەورامین جـە پایگەلانم
قەڵەم گێروو دەس بە دڵ و گیانم
منویسوو شێعر و پەخشانم جە نۆ
پارێزنوو زوانـــم منیچ پێسەو تۆ
✍ #مەهین_حەمزە
پایگەلان
✨✨✨✨✨✨
قەسەمم واردەن بە ئاو و خاکم
من هەورامیەنا هیچ نیا باکم
شەرتەم بەستێنە چەنی هەسارا
تێر کەروو سەیروو وەتەنیم یارا
✍ #شەهین_حسەینی
دەمەیو
دەگاو جـــــــۆڵانــــــــدێ
@joolandeh
زوانم ناسنامەن، هەستەن، مەرامەن
عەهدەن نەفاڕووش بە فەخرش زانوو
فەرزوو شانەیمەن فۆتنایش حەرامەن
✍ #فەریبا_زەندی
گەڵا ژانی
✨✨✨✨✨✨
زوانم هەورامی کەلامم شیرین
شەرت بۆ پارێزنووش تا بڕیەو زەمین
زوانوو ئەدٚایمەن پارێزنایش فەرزەن
وشە بە وشـەش ڕازێنێ و دەرزەن
✍ #شەریفی
بێساران
✨✨✨✨✨✨
زوانم هــەورامین جـە پایگەلانم
قەڵەم گێروو دەس بە دڵ و گیانم
منویسوو شێعر و پەخشانم جە نۆ
پارێزنوو زوانـــم منیچ پێسەو تۆ
✍ #مەهین_حەمزە
پایگەلان
✨✨✨✨✨✨
قەسەمم واردەن بە ئاو و خاکم
من هەورامیەنا هیچ نیا باکم
شەرتەم بەستێنە چەنی هەسارا
تێر کەروو سەیروو وەتەنیم یارا
✍ #شەهین_حسەینی
دەمەیو
دەگاو جـــــــۆڵانــــــــدێ
@joolandeh