#نەرگس

واتم نەرگس گیان هـــــــەڵای زمسانا
وەتەنی ئــــــازیز گرد یەخ بەنـــــــنانا

وەهــــار خۆ نامــــان باڵات ئەرمانان
چەمێت پەرێ کـــێ  ورشە مەشانان؟

واتش یاوەر گـیـــان یـــــاوەری یارم
واڐەشـــــــەن ئازیز  مـــــەیۆ دیڐارم

دڵ کــــە دیڐەنی دیڐەی یــــارش بۆ
گۆش مەیۆ زمسان ڕای هەوارش بۆ


✍ #یاوەر_هەورامی

@joolandeh

هەتا  وارانوو ئەشقی نەوارۆ
زەمینی تەژنە ئاوی نەدارۆ

گوڵ کەی متاوۆ پا کەش و کۆوە؟
عەتر و بۆ وەشی باڵایش شانۆوە

#یاوەر_هەورامی🌺

@joolandeh

وەتەن هەرچن تۆ گەردٚەن بەرزەنی
مبارەکترین خاک و عەرزەنی

جای شەوبۆ و چنوور لالە و مەرزەنی
داخەی گرانەم بێ دڵسۆزەنی 😔

#یاوەر_هەورامی🌺

دەگاو جۆڵاندێ

@joolandeh

دڵم خەمبارا  خەم بیەن یارم
بێ یار مەنەنا چۆڵەن هەوارم

گوزەرگەی ژینم پایزی بینان
وادٚەشەن دیدٚەم مجۆ ئەسرینان😔

#یاوەر_هەورامی🌺

دەگاوجـــــۆڵانــــــدێ

@joolandeh

پەی کێ هۆر مجوو زوخاواو دڵیم؟
بارۆوە نەدڵ وەهاروو گوڵیم

لاو هەر کەسیوە کەری دەردٚە دڵ
باس و وێش کەرۆ دڵت مارۆ کوڵ 

#یاوەر_هەورامی🌺

دەگاوجــــــۆڵانـــــــدێ

@joolandeh

یا خودٚا هەوارت نەوینوو بە چوڵ
با تۆ کۆنەکەیت گێریوە نە کوڵ

باریشەو هەوار هەرد و چەم و دوڵ
با خەم نەتاوۆ دڵیم کەرۆ موڵ

 #یاوەر_هەورامی🌺

دەگاو جـــــۆڵانـــــــدێ

@joolaandeh

🌺 #وه‌ته‌ن

هەر وەختێ مەردا بەردێموە وەتەن
جەرگ و دڵوو من پەی ئاڐی سۆتەن

گەڵا ڕێواوی کەردێ کەفه‌نم
بەرزەڵنگ شاندێ سینە و گەردەنم

هەراڵەبرمێ باردێ پەی کێلام
با یارێ بەیا جار جارێ شێلام

دەوروو قەبرەکێم با گاوگۆراڵ بۆ
سینەیم چەقێندێ بۆژانەی وەشبۆ

چنوروو کاوا وزدێ تۆ کاڵایم
با بوەش کەرۆ سەرتاپاو باڵایم

سورەهەراڵەی سوور کەردێ سەرینم
زوڵفی بەڕەزایچ بە باوەشینم

کەما و لۆ باردێ با بۆ فەرشوو پایم
قەتارە بەسا گۆراڵێ جە لام

هاژەو وەرواوێ سیاچەمانەم
سەڐاو تیو تیوەی بەیۆوە یانەم

با عاڵەم زانۆ کە من دێوانەم
دێوانەی دیڐەی ئا هەورامانەم


✍ #یاوەر_هەورامی

دەگاو جـــــــــۆڵانـــــــــدێ

@joolandeh